度小月 (海運大廈) (已結業)

今晚同朋友仔嚟到呢間位於尖沙咀海運大廈三樓嘅《度小月》食晚飯。門口裝修十分優雅，好有台式風味。適逢餐廳2週年有大抽獎，堂食滿$380即有一次抽獎機會，我們今晚幾位朋友仔，又點止幫襯$380，所以我們今晚一定有得抽獎，一於就碰碰運氣。香檳巨峰乳酸配椰果 $38味道不太甜，又酸酸地，幾好飲，再加上清爽的椰果，口感一流。鳳梨乳酸配椰果 $38味道清新，入口清甜。香根皮蛋 $48皮蛋好新鮮，沾滿自家制的醬汁，配搭一流。古早味滷豆腐 $20好香滷水味，豆腐又夠滑。鳳梨蝦球 $118皮脆，蝦球十分新鮮，沾了少少的醬汁脆得嚟又易入口，唔會太熱氣。鳳梨值得一讚，十分新鮮，肉質清甜。三杯雞煲 $98一上枱已經聞到香噴噴又熱辣辣嘅味道，配料又相當豐富，包括有青椒、紅椒、九層塔、洋蔥等等。未食之前先用匙羹攪勻一下，等醬汁和配料粘滿雞件，雞肉味道濃郁，食落十分香口，非常惹味。肉燥時菜 $78重口味的肉燥配上新鮮嘅蔬菜，味道一流。今晚食到飽飽地，再食埋呢一碗《擔仔米粉》就差唔多。擔仔米粉 $28米粉好幼細，口感唔錯。米粉底部鋪滿新鮮嘅芽菜，所以湯底有好香嘅芽菜味，再加上香口的燥肉，味道更佳。