店小二

营业中

休息中

紅燒翅、蒸條班、半隻炸子雞、加碗白飯tim呀，一一條友食到咁豪，你估真係拍戲咩？又唔一定要有翅既，環保呀麻，又唔一定下下蒸條班既，炸過魷魚酥咁先有大排檔風味呀麻！👇🏻📌招 牌 推 介 -▪️ 混 醬 雞 煲 -▫️ 先黎個人氣「混醬雞煲」，一上枱新鮮滾熱辣，feel到係好夠鑊氣，而且大廚用上秘製混醬醬汁，加埋莞茜、洋蔥，蒜頭，份外入味；雞肉完全唔乾身，肉質嫩滑，好食。▪️ 鹽 酥 雞 拼 菇 -▫️ 之後試左個「鹽酥雞拼菇」，即叫即炸，食落外層夠哂酥脆，裡面保持到juicy，而鹽酥菇都係第一次食，口感比較乾爽，完全唔油膩，整體鹹香十足。▪️ 黑 椒 牛 仔 骨 煲 -▫️ 再黎就係呢個「黑椒牛仔骨煲」，滿滿既醬汁包圍住成個牛仔骨，肉質食落軟腍彈滑。黑椒味道香濃突出，加埋大量枝竹吸收哂醬汁精華，送飯真係一流！▪️ 胡 椒 蝦 煲 -▫️ 跟住呢個「胡椒蝦煲」staff用爐高溫慶住個蝦煲，一打開蓋胡椒香味係瞬間爆發，蝦肉完全吸收左胡椒既香味，食落帶少少辣勁，蝦肉夠哂爽彈，底部仲有大量洋蔥同埋韭菜，幾有驚喜。▪️ 小 二 獅 子 頭  -▫️ 獅子頭食得多，但佢地既「小二獅子頭」裡面竟然係釀左粒鮑魚仔，外層鬆軟

這晚係灣仔開完會真氣難下。開足半日同老闆頂足半日。感覺好委屈自己。心裡決定要食返些好野去平衡自己的心態。決定係北角找找好食餐廳。係北角區內竟然不覺意下見到間上樓地道好有趣既餐廳（店小二）我同朋友貿然衝了入去去試試。荷葉籠仔蒸乳鴿（白飯底）。乳鴿肉質鮮嫩，經過荷葉包裹蒸製，散發出淡淡的香氣，讓人垂涎欲滴。白飯底吸收了乳鴿的精華，口感滑順，與鴿肉相得益彰。整體味道清新，不油膩，荷葉的清香更提升了整道菜的層次感。雖然份量不算多，但每一口都充滿了滿足感，炸大腸配鮮菠蘿。炸大腸外脆內嫩，口感豐富，搭配鮮菠蘿的酸甜，形成絕妙的對比。菠蘿的清新能有效中和油膩感，讓整道菜更加開胃。藤椒爆妙牛仔骨。一道令人驚艷的菜品，牛仔骨肉質鮮嫩，經過精心調味，藤椒的麻香味與牛肉的鮮美相互交融，帶來獨特的風味。炒至微焦的外皮增添了口感層次，讓人一口接一口。整體味道香辣適中，十分開胃，絕對值得一試！

最近去咗一試店小二，真係唔錯呀！嗰度環境好靚，整潔得嚟仲有一種80年代大排檔嘅感覺，好有情調！✨我嗰次試咗幾道菜，第一道荷葉清酒蒸澳洲青口係。青口超級新鮮，每隻都蒸得啱啱好，鮮甜得嚟仲有淡淡嘅荷葉香同埋清酒嘅幽香，真係冇得頂！嗰種味道真係令人一試難忘！😋之後上嘅係避風塘爆茄子，哇，呢道菜真係驚喜！茄子外面炸得金黃酥脆，內裡卻係嫩滑多汁，配埋香脆嘅蒜蓉同辣椒，嗰種濃郁嘅風味，真係好正！🔥再嚟係蒜蓉素翅蒸扇貝，呢道菜真係清新爽口。扇貝好鮮美，蒜蓉味道濃郁但唔會搶味，素翅嘅彈牙口感同扇貝絕配，真係令人一試再試！👌最後嘅十三香炸子雞真係無得彈！外皮酥脆，肉質嫩滑，每一口都充滿香料嘅味道，十三香滲透得好均勻，令每一口雞肉都係咁美味！我一口接一口，完全停唔到口呀！🍗🤤總括嚟講，呢次喺北角嘅用餐體驗真係好滿意，環境好，食物又美味，值得推薦俾你呀！你快啲去試下，包你唔會失望！🎉

朋友帶我去咗北角嘅店小二食鑊氣小炒，叫咗以下菜式。避風塘爆茄子：好多炸蒜，超級惹味。茄子外脆內軟，入邊仲好Juicy添。蒜蓉素翅蒸扇貝：用素翅代替粉絲，更加有咬口。扇貝啱啱熟，所以質感好軟熟，一啲都唔韌。萬字醬油雞：豉油味好香，味道有層次感。雞皮算薄皮。雞肉嫩滑多汁。最底層仲有啲鉛筆菇，咬落爽口，同醬油味都好夾。黃金蝦兩食：黃金蝦有五大隻，蛋黃香濃惹味。佢仲有幾舊牛角包，比你配埋中間嘅咖喱一齊食。呢個菜式上枱嘅時候都幾靚。自己好鍾意食咖喱，就自創將啲咖喱配埋黃金蝦一齊食，其實都幾夾咖。梅菜蒸菜心豆腐：梅菜唔會過鹹，放喺菜心同豆腐面蒸，增加味道層次。豆腐好滑。菜心都好幼嫩。

朋友知道我鍾意食大排檔，但係而家天氣又咁熱，所以佢今次帶咗去一間有冷氣，而且舒服乾淨既大排檔。餐廳位置好方便喺北角地鐵站B4出口一出，唔使1分鐘就到達。柚子醋玲瓏茄，蕃茄好新鮮，而且蕃茄本身竟然帶有少少甜味，而配搭埋柚子醋之後，酸酸甜甜，好開胃，而且大大碟同有好多粒。酥炸豬肉卷，呢個炸得好香脆，豬肉卷豬肉味好重，外脆內嫩，點埋醬汁更加配合。幹鍋肉鬆椰菜花煲，呢個好有鑊氣，店員拎出嚟嘅時候都仲係出晒煙，食落好香辣，不過我唔算好食得辣嘅人都覺得食到，同好食，同埋豬肉碎撈飯，簡直一流。小二獅子頭，獅子頭好入味，而且入邊好有驚喜，入邊竟然有鮑魚。花雕雞油蒸馬友，呢個蒸得啱啱好好嫩滑，魚有鮮味，花雕個酒香唔會話太重，同埋加埋雞油一齊呢個配搭好夾。總括我覺得呢間大排檔，啲食物質素都幾高，而且份量都大碟，好適合三五知己聚會。

聽朋友講佢岩岩升職係一件可喜可賀嘅事，佢嘅努力終於得到賞識，真心替佢開心，於是就去大排檔賀一賀佢。🍾🍾🍾聽佢講，北角站出口過對面街唔使一分鐘就有間顛覆平時所見嘅麻甩大排檔風，呢度有冷氣、紙巾🧻同濕紙巾提供之外，朋友仲發現枱底大有乾坤，就係有好多個桶🧺🧺🧺🧺🧺比客人放袋呀、戰利品，買到一袋二袋都夠地方放🛍️🛍️🛍️🛍️🛍️🛍️，係暖男無聲嘅細心同貼心，但係我地就收到曬，心裡面覺得好窩心同貼心，完全有企係客人嘅角度出發，提供一個新潮bar feel 嘅大排檔風。枱同枱之空間足，女士唔怕同後面怕生人pat pat 撞pat pat，背貼背甘尷尬。食物有鑊氣得泥又冇油煙味，唔會成身同頭髮吸曬油煙味。而且唔會有油膩感，味道適中，一啖嘢食一啖啤酒一邊同朋友吹水就係最極致嘅享受。📌小二小炒王大排檔必有嘅招牌菜小炒王，最佳嘅佐酒菜，份量大，多人食都夠📌台式鹽酥雞拼鹽酥菇亦係好好嘅佐酒菜，香口得泥又唔會油同熱氣📌泰國人生菜包比起係平時泰國餐廳食嘅份量大一至兩倍，用手拎住一大塊好新鮮爽脆嘅生菜再畢起大大羹嘅餡料，再大大啖咁質滿個口，太滿足😂📌拍蒜炒通菜無需多講，亦都係大排檔必叫嘅最愛炒菜item📌戰爭碗cheers

講到本地特色，又點少得大排檔呢！大排檔嘅人情味、火候鑊氣、親民嘅價錢，絕對係香港人嘅平民飯堂！講到北角嘅大排檔，自然就會諗起以前嘅東寶，而店小二就由一班前東寶嘅伙記打理，除咗供應多款東寶招牌菜之外，更還原昔日嘅熱鬧。麻辣鵪鶉皮蛋麻辣汁嘅辣度適中，將炸過嘅鷹嘴豆同炸蒜撈埋一齊食，醒胃之餘仲有份刺激感，加上香濃嘅鵪鶉皮蛋一齊嚟食，真係回味無窮！黃金魚皮嚟到大排檔，又點少得食黃金魚皮呢！即叫即炸即食嘅黃金魚皮，香味撲鼻，口感香脆，鹹蛋味香濃，絕對係最正嘅佐酒小食。鮮菠蘿咕嚕肉咕嚕肉同甜酸醬汁分開上？但絕對係呢個餸嘅重點，食之前先將咕嚕肉沾一沾醬汁，令咕嚕肉唔會太濕，可以保留咕嚕肉嘅卜卜脆口感，肉質軟腍，外脆內軟，非常惹味，味道層次豐富。荷葉清酒煮澳洲青口嚟自澳洲嘅青口，用上港式嘅煮法。大廚就用上荷葉同清酒呢個組合，令青口帶有荷葉同清酒嘅清香，極具層次。另外，每一粒青口都肉厚鮮甜，食落仲有啖啖嘅海水味。

北角區好食嘅大排檔已經買少見少，前排行過見到新開呢間鋪，成日都爆滿，行過都聞到嗰陣小菜嘅香味，終於一試🤭⭐️黃金蝦兩食⭐️一放上枱已經好香嘅鹹蛋黃味，大蝦有五隻，沾上滿滿嘅鹹蛋醬，鹹蛋味香濃無比，亦不減鮮蝦自己彈牙嘅鮮味。中間放咗椰香味重嘅什菜咖喱，用嚟點牛角包🥐既飽肚又好味😋⭐️生啫九肚魚⭐️啫啫雞煲就試得多，生啫九肚魚都係第一次食，出奇香口滑溜，生啫味夠哂入味，值得一試🤤🤤🤤⭐️藤椒牛仔骨⭐️份量十足，藤椒味夠濃，肉質鬆軟，肉汁豐富，加上新鮮嘅粟米條，好食😋😋⭐️荷葉古法蒸雞⭐️雞件夠滑，肉裏滲透住香濃嘅荷葉、蟲草花、香菇嘅味道，雞件嘅底部，鋪滿滑豆腐，吸盡菜式嘅精華，配飯一流👍👍

最愛小炒💕返香港第一件事都係要食返地道嘢新開冇耐 主打賣相靚靚又用足料嘅食材 每味餸都用心烹調 製作需時間㗎！✔️小二小炒王 小炒王都算係我去每一間中式食店會點嘅食物 呢度果然冇令我失望 炒得夠晒鑊氣 碟底都冇留底一攤油 材料有蒜心、腰果，鮮魷、蝦乾、豬肉 蒜心飽滿清甜冇渣 蝦乾超級粗壯 而且有勁多隻 非常揼本 先有都好爽口彈牙 食得出好新鮮唔係雪藏貨✔️荷葉清酒蒸澳洲青口 幾乎檯檯都有點 上檯嘅時候就聞到好香嘅清酒味 一籠咁上好有看頭之餘 都睇得出師傅好有功架 澳洲青口粒粒飽滿 每一粒都剛剛熟 火喉拿捏得好好 食落好鮮味得來，又食到淡淡嘅荷葉味 ✔️鮮菠蘿咕嚕肉 呢味咕嚕肉顛覆咗我對傳統咕嚕肉嘅想像 個甜酸醬好似錦鹵雲吞咁分開上 鍾意點幾多悉隨尊便 甜酸醬裏面仲有新鮮嘅菠蘿 而且個炸豬肉啲炸粉好薄 食成餐飯食到尾都好脆口 呢味對於我唔鍾意太多汁同太厚粉嚟講 真係覺得餐廳太體貼了✔️吉列新鮮帶子 帶子超級飽滿 初初仲以為係兩粒一齊炸 原來真係原粒珍寶巨型帶子 咬落口個質感勁新鮮 夠鮮味有彈牙 吉列脆漿唔會好厚 有少少似喺大阪食串揚嘅感覺 個頂仲

店小二😘😘😘有獲氣小炒x高質海鮮今日路過北角七姊妹道、見到間門外以木系框透明玻璃、並掛上金漆招牌「店小二」、很有霸氣、推開門、高樓底、擺放深木系列長枱+方櫈、勁有大排檔風味！荷葉清酒蒸澳洲青口⋯中式餐館、都能做到、餐前菜、青口擺🈵荷葉上、用籠清蒸、灑上清酒、去除腥味、又保存青口鮮味、陣陣荷葉清香撲鼻、蘸點泰式酸辣醬汁、提神醒胃！黃金蝦球（創意配搭黃咖喱+酥角）⋯厚肉鮮蝦🍤⋯ 沾蛋漿脆炸至金黃、再用鹹蛋黃蓉、快炒不停兜、每隻蝦🦐球沾🈵️甘香的蛋黃蓉、蝦鲜味夠清甜、入口回甘香鹹蛋黃、yummy creamy 、巧手功夫菜! 酥角新鮮熱辣辣、蘸雜菌咖喱汁（用椰子殼盛載）創意配搭、味道一流、吃不停口、舔舔脷👅吉列新鮮帶子⋯份量一級厚肉帶子、大大粒、鮮甜爽口、吉列式炸至金黃酥脆、不油膩、擺放魚子粒點綴、提升味蕾口感😘蒜蓉素翅蒸北寄貝⋯超驚喜、手掌大✋、金光閃閃、賣相吸睛、北寄貝大大隻、鋪🈵素魚翅、脆炸蒜粒、大火清蒸、淋上豉油、鮮甜、惹味又滋味！😊😊小二小炒王用心炮製、魷魚彈牙有嚼口、蝦乾大大隻、手指長、大大粒脆脆腰果、特色菜脯條、選取鮮甜爽脆、蒜心為重點、一起炒、味道豐富、🈶層次、有大排擋風味、真

店小二系北角一間好人氣嘅大排檔，每晚番屋企都聽到入面播住懷舊音樂🎼人聲鼎沸，氣氛十分熱鬧，今次終於同另一半黎咗試試，小炒同樣符合想像中質素。麻辣鵪鶉雞蛋🥚味道令我諗起譚x米線一道前菜，都幾耐冇食鵪鶉蛋，冇諗到麻辣可以同鵪鶉蛋又可以crossover😆辣味好明顯🔥鵪鶉蛋好似系迷你版皮蛋，作為大排檔前菜頗適合。蒜香蒸貴妃蚌，系時令海鮮，蒜蓉粉絲蒜香味道濃郁🧄粉絲又整得吾油膩，貴妃蚌好大隻又飽滿，系成餐裡面系最滿意呢道菜。薑蔥芹菜蒸魚嘴🐟餐牌聲稱絕無泥味，果然又真系做到😳薑蔥芹菜爆香後香氣十足，中菜黎講搭配好多食材亦適合，魚嘴其實口感又幾似花膠，同樣爽口。椒鹽醉爆蝦，呢個真系好驚喜，因為系去埋殼🦐食戈陣就吾洗剥殼咁狼狽👍🏼椒鹽使得蝦肉好入味，鑊氣十足🔥

你是否曾經在北角的一家俗稱『棑檔』的餐廳裡享受過一頓滿足味蕾的午餐呢?這間餐廳給人的第一印象就像是一家普通的茶餐廳,但一旦走進店裡,你就會發現它別具特色。首先映入眼簾的是店舖整潔乾淨的環境,佈置簡約而不失風格。偌大的店面寬敞明亮,映著陽光透進的窗戶,令人感到格外舒適。餐桌和座椅擺放有序,讓用餐時不會感到擁擠。雖然裝潢並不華麗,但卻散發出一種質樸的氛圍,讓人有種恍如隔世的感覺。再來談談菜式。我們點了幾道經典的廣東菜式,第一道是『黃金魚皮』。魚皮煎得酥脆鬆軟,沾上了店家自製的醬料,口感香濃鮮美,令人忍不住一口接一口。緊接著上桌的是『雞煲』,濃郁的湯頭搭配上嫩滑的雞肉,散發出陣陣誘人的香氣,溫暖了整個胃。另外我們還點了『牛肉炒粟米』,牛肉切成薄片,炒得恰到好處,與粟米的甜味形成完美的搭配。最後品嚐的是『牛角包黃金生蠔』,酥脆的麵包包裹著滑嫩的生蠔,在口中爆發出豐富的滋味。每一道菜式都令人難忘,展現出了這家餐廳無可挑剔的烹飪水準。總的來說,這家北角餐廳給人的感覺就好像是一個隱藏在市區喧囂之中的小天地,提供著質樸而美味的粵式佳餚。不管是熟客還是新客,都能在這裡找到家的溫暖和滿足。它絕對值得一試,

星期五晚同朋友去咗北角店小二，好有大排檔氣氛，座無虛席非常熱鬧🔥椒鹽九肚魚外脆內嫩，椒鹽味道夠濃，魚肉都算新鮮，份量都好大碟兩個人完全食唔晒！🐟荷葉清酒煮蜆蜆肉好鮮甜，配上清酒味，食落去好清新，仲有陣陣荷葉香味！🍃🍶咕嚕肉菠蘿甜酸汁調得啱啱好，肉質嫩滑唔柴，食得好滿足，配飯一流！🍖🍚黃金蝦配咖喱牛角酥蝦炸得好香脆，每隻蝦都好新鮮，外層既黃金脆皮真係令人停唔到口咖喱味好香濃，牛角酥口感鬆脆，外脆內軟，配埋咖喱汁，真係perfect！🥐🍛呢度既氣氛都好正，唯獨是星期五晚好快滿咗，想去嘅朋友記得提早訂位！👍#香港大排檔 #椒鹽九肚魚 #荷葉清酒煮蜆 #咕嚕肉 #黃金蝦 #咖喱牛角酥 #美食分享

朋友🧒帶咗我嚟呢間北角餐廳食晚飯，朋友🧒話呢度嘅小炒好香口好美味🤣$128「避風塘爆茄子」：茄子🍆有薄薄嘅脆漿包住外邊炸到脆脆哋，裏邊茄子肉就軟熟，避風塘做法食落好香口😋$198「小二小炒王」：材料包括蝦乾、魷魚鬚、豬頸肉🐷、蒜心、腰果、蒜頭🧄、紅蘿蔔🥕等，真係幾豐富🤩；蝦乾🍤都幾大隻😋，蒜心好爽脆😋，腰果脆脆哋😋，魷魚鬚爽滑😋，整體炒得好惹味😋；仲份量好多好大碟添🤩$208「藤椒爆牛仔骨（厚切）（小小辣）」：牛仔骨厚切肉質軟熟少少麻少少辣，又係好香口😋；仲有大量切成條狀嘅粟米🌽亦都好好食😋$238「黃金蠔🦪兩吃」：美國桶蠔用脆漿包住炸過所以外邊脆脆哋然後再沾上鹹蛋黃，用生菜🥬包住嚟食😋；另外有一小兜咖喱亦都可以沾炸蠔食，又配有牛角包🥐我哋直程將牛角包🥐浸落咖喱度等🥐吸收咖喱汁🤣飽得我哋呢🤣

先講嘢食，呢間餐廳除了一般粵菜中菜小炒，還有很多自家特色菜式，非常推薦，每一次去都有新菜單，新驚喜！（有啲似中式廚師發辦），仲有香港特色戰鬥碗適合一大班人嚟聚會食飯飲酒！今次食咗：黃金蝦球配黃咖喱超大月亮貝配泰式青醬手打獅子球裏面仲有鮑魚超驚喜蒜蓉粉絲蒸蟶子羊腩煲黃金鴨舌糟滷醉乳鴿小二醉雞煲元貝扒豆苗豉椒炒蟶子王除了食物高質有鑊氣，氣氛更加系另一個重點，晚上大概八點，餐廳便會拉上門口的窗簾，開始播放各首中英流行曲經典曲，帶動了全場氣氛一齊載歌載舞，真係好難忘。目前好似唔係好多人推薦，但餐廳卻是晚晚爆場，應該睇大家鍾意邊種style吧，如果你算係比較文靜嘅顧客，當全場大部份人站起來唱歌跳舞時，你就可以安靜的坐在一旁欣賞他們的瘋狂，同時享受每一道美食哈哈