店小二

营业中

休息中

今晚 一行十人去了新店小二食晚餐！ 原來之前在北角渣華道街市舊舖現在是新舖～ 入到去 環境寬敞雖然坐圓櫈，但係後有擠迫的感覺！首先我們叫咗啤酒及一個蒜茸茄子凍食， 啤酒一來原來用懷舊碗盛載，十分傳統及有特色 ！第一味上檯嘅係台式鹽酥雞/草茹，好好味！ 店舖職員仲好有心每樣餸都介紹佢背後嘅煮法味道豐富及有特色不得不提既係店舖的洗手間 ， 雖然得一個 但我食過咁多食店之中佢真係最有heart嘅一個洗手間, 唔係佢裝修的豪華而係佢地洗手間提供的廁紙是我在家使用的厚身柔軟印花廁紙！感覺良好及乾淨！ 店主更提示大家使用洗手間後記得取回手機，勿遺漏！ 期待下次再同朋友 食店小二1) 雞蛋油炸鬼焗魚腸（ 沒有腥味及苦味）2) 薑蔥生蠔煲3) 七味豆腐（ 熱辣辣外皮十分香脆惹味）4) 黃金鮮魷（ 好有香噴噴蛋黃味）5) 混醬芥蘭煲6) 炸大腸配菠蘿7) 奄仔蟹荷葉飯8) 陳皮狗仔鴨9）薑蔥爆魚卜 （份量多爽脆）10）魚湯粉絲浸菜心

around💲400 pp (total 14 dishes for 10ppl)為咗奄仔蟹荷葉飯而嚟🦀😛飯都炒得幾香但係冇咩荷葉香同蟹香 以為會用啲蟹膏炒飯🤣鴨汁荷葉飯反而好食啲 超足料亦都好入味👍🏻海鮮都幾新鮮不過真係冇咩調味🙈黃金雞軟骨同燒牛仔骨都幾好食 呢度嘅咕嚕肉啲肉同醬係分開 自己點有啲搞笑🤣咁食嘅話會香口啲脆啲嘅 四季豆炒魷魚超多魷魚好好食🦑🤤牛肉粉絲煲到好好食勁入味😋覺得呢度反而普通嘅菜式好似好食啲🤣-原來呢間係街市開過嚟地舖㗎 有朋友一認就認到呢度嘅店員🤣覺得呢度嘅店主都幾nice見我哋拎咗兩個蛋糕嚟同朋友慶祝生日🎂仲送咗一籠壽包俾我哋🙈🥳仲會幫我哋切埋蛋糕 好好服務 雖然切得好搞笑 用匙羹分😹反而覺得啲店員工作效率可以快少少😹呢度嘅分工超明確 落單嘅落單執枱嘅執枱 絕對唔可以叫落單嘅幫手執枱 有啲搞笑🙂同埋呢度多過六個人要分開枱 我哋有10個人分咗枱搞到氣氛有少少奇怪😶同埋記得要一早睇定Menu想食啲咩留定海鮮🙏🏼〰️〰️〰️〰️〰️〰️〰️〰️〰️店小二 (北角)📍北角七姊妹道14號地下A號舖🔗#7eating北角#7eating港式#7eating海產

Local HK dishes. Crispy fried pig intestine that is no longer easily found in HK restaurants, there’s fresh pineapples to cut the fattiness although this one is dry enough without a single drop of oil, great technique!The tofu pot with chicken and salted fish is another traditional dish, this version has less saltiness from the fish. Even foreigners go there for their local-ness.

被厚切兩字引咗入去，點知虛有其表當然賣相都可以，不過咖哩咁深黑色都覺得出事一食落口, 唔多辣, 香又唔夠香好似想扮日式, 又唔覺有甜, 略咸就有豬扒, 金黃色都ok，不過名不符實厚切? 睇過，咁都叫厚? 薄到呢，普通港式茶記豬扒唔難咬，又唔特別鬆軟，普通到唔恨賣65蚊，當然呢家時勢午餐，旺區, 5,60蚊閒事，但係唔該都對得住自己仲好意思大大隻字標榜期間限定??雖然都知呢類舗，明主力主打晚市，做小炒，午市只係幫補下舗租但都對得住自己招牌，對得住想食餐好少少，抖返1個鐘既打工仔

店名叫店小二 易記易搵主打食小菜小炒菜式如下 脆皮豬大腸 蒸鮮大蜆 酥炸排骨 酸甜肉排 爆炒時蔬3-4人份量,食5款菜,剛好一人一碗飯脆皮大腸 係手工菜黎,真係好少見了 將大腸整乾淨再炸到脆如乳豬皮一樣既口感外層皮脆口 但內層係煙韌彈性既腸身 味濃而不腥 配以鳳梨肉伴食夠清新蒸大活蜆 全部都係即日鮮貨,鮮味十足之餘蜆肉大隻乾淨無沙入口又甜又多汁酥炸排骨 上粉漿粉至脆身 排骨肉厚味濃啖啖肉 秒殺啤酒小菜酸甜肉排 用大件既肉排加上洋蔥紅綠椒同鳳梨肉爆炒,啖啖肉排上酸甜汁非常開胃 食落完全唔油膩仲好脆口最後係炒時菜 用鍋上 用辣椒同蒜 肉碎等配料爆香炒 獲氣十足又香口 食菜都係享受北角七姊妹道14號地下A號舖消費$500評分8/10

上次來過，吃得好高興，決定再來！吃的菜和上次不一樣，有美食，當然也有美酒。為了送酒，點了椒鹽田雞腿，醉乳鴿。喜歡濃味的朋友，點了黑椒牛仔骨煲，裏面有腐皮，非常惹味。最精彩可能係酥炸黃金蠔，所謂黃金，就是鹹蛋黃，蠔的鮮味，和鹹蛋黃的香味，加上酥炸，非常邪惡，但也很快樂⋯⋯正氣一點，來了一個煲仔麻油雞，湯很香，雞很滑，吃了覺得很補身。最後來了一個荷葉飯，非常足料，吃得很開心。可惜沒有靚蟹，吃不了籠仔蒸蟹飯，下次吧

黎過好多次 初初係朋友帶我來食被呢間食店的氣氛所吸引個老闆好好經常過來問我地食物好唔好食 見佢好忙，又教食客點樣用筷子開啤酒瓶😆😆😆😆覺得好有趣！ 依家食物質素我俾10/10 因為真係進步左好多 次次黎到叫既食物都幾岩我心意。❤️❤️❤️魚卜係我每次黎到必叫的，薑蔥炒真係好惹味，估唔到同魚卜咁夾，咬落去似花膠口感，唔會韌的。我覺得呢間嘅辣係偏辣少少 如果本身唔係好食得辣記得叫之前同老闆講聲呢個豉椒炒蜆加咗少少辣感覺似譚仔嘅三小辣🤣因本人最盡都係食譚仔二小辣所以仲接受到 豉椒汁用黎送飯，我試過食兩碗飯😂🤣脆皮炸豬大腸差不多每次的前菜都有叫呢個皮脆肉嫩，菠蘿仲好新鮮奄仔蟹炒飯不過好似要preorder 睇住爆出嚟好似鹹蛋黃嘅蟹膏已經覺得好吸引蟹肉細嫩鮮甜同佢秘製嘅炒飯一齊食好夾 一路寫一路回味無窮😋😋😋呢間非常值得推介👍🏼👍🏼👍🏼👏🏼👏🏼👏🏼

北角的小店，朋友極力推介，果然充滿驚喜！點了很多菜，喝了不少酒，開心的晚上！最令人回味的是蜆蟹煲。先食蜆，後食蟹，海鮮的精華全留在魚湯裡，而湯內的蘿蔔，芹菜，粟米，蕃茄吸收了最鮮的味道⋯⋯係令我有再想去這餐廳的理由！炸雞很好吃，下酒👍麻辣牛仔骨，很辣，很過癮！玫瑰露酒槽醉乳鴿，味道比較含蓄，香味十足。麻辣鵪鶉皮蛋，創新美味，配紅酒很不錯！另一個驚喜是impossible 肉碎生菜包，一點也不似食素！好吃的小店，會再去！

相信提起大牌檔，北角東寶應該榜上有名，而呢間新店小二可以話係東寶嘅姊妹店。晚市都係主打小菜，不過今日就試佢個午餐。午餐都多選擇，可以揀金邊河粉或午市套餐，套餐仲會每星期轉午餐menu，為附近嘅打工一族保持新鮮感。秘製麻辣海斑塊飯 $58 加$3轉無糖牛蒡茶充滿辣油香噴噴，斑塊好厚肉，肉質結實又有魚味。仲有蓮藕、雲耳、海帶結等等，如果可以再辣啲就好，同埋魚塊得四件唔夠喉。砵仔古法蒸雞飯 $58 奉送是日餐湯大大砵仔上，視覺上吸引次餘又夠哂熱！即刻聞到個酒香，而且雞有雞味，肉質仲好滑。記得要淋埋個自家製蔥油，好惹味。是日餐湯小店自己煲，無味精兼夠哂滋潤。無糖牛蒡茶、錫蘭檸檬茶午餐加$3就有，罐裝飲品就正正常常，不過有無糖選擇都真係唔錯。

唔會再去店小二，態度超級惡劣！午市時間十二點半入座，一行三人，牛河都要等半個鐘，我叫左個炒飯等左45分鐘都未到，中途都好聲好氣催左幾次，我地d打工仔得一個鐘食飯喳，最後同個男侍應講叫佢打包我個炒飯拎走，隔左一陣佢拎左個堂食炒飯黎，我就話你幫我打包啦無時間食，等左45分鐘啦，之後個男侍應態度勁差甘話甘唔好要囉，要一個客等你45分鐘先出到個炒飯，點解態度仲可以甘差，一句唔好意思都無我最後都無要到個炒飯，食左都背脊骨落啦，去店小二食個晏都成肚氣，真係受氣都飽啦！打工仔食晏既時間好寶貴架，一個鐘又要等位又要食，45分鐘入面都好聲好氣催下單，到夠鐘真係要趕返公司，店小二仲要甘串

一早就聽過店小二，搬左舖之後經過好多次，今日因為揸左車，店小二係地舖可以一邊食一邊睇住架車。本身聽個餐廳名，仲以為只有中餐食，原來晏就有越南河粉食。見到佢手爆牛丸要成$8一粒，就決定試下佢咩料可以獨立叫咁特別。哇，果然一食，超級好食，牛肉味勁重，又彈牙，中間有啲牛根，真心我本身麻麻地牛丸覺得可以再encore，即刻問店員有冇得外賣齋丸返屋企煮麵食。另外講返佢個粉，份量十足，個湯底都好濃，店員態度都幾好。

之前佢初初開舖嘅時候，午市係賣越南河粉，啲湯我覺得似買貨加熱貨式，但係佢粒牛丸就好好味，一咬落去有好香嘅牛肉味同埋有肉汁。仲有，之前根本唔知佢幾時會開鋪，次次經過佢都係冇開或者準備當中。跟住佢夜晚開返我哋就叫佢啲小菜，啲小菜其實好有心思，我特別鍾意食佢嘅牛柳粒，同埋基本上大部份Menu上嘅都會煮得好食夠味，但係份量真係好細。又不如咁講，如果佢有得比人叫全份同半份嘅選擇，（有兩種價錢選擇）如果人少少嘅可以全部叫半份可以試多幾味小菜，多人嘅叫全份，我覺得會合理啲，好彩我哋人唔多，都叫做夠食，如果你人多叫外賣，返到屋企一打開個盒就會喊咗出嚟，打交都有份！

係北角工作一年，食肆選擇唔少，價錢亦相對中西區便宜，但係大部分衛生情況真係好一般好多都唔想再幫襯。店小二係難得一星期起碼會去一次嘅店，由初初淨係得越南粉到宜家有每月限定同是日湯飯，真心覺得有驚喜先講下環境，你以為係走大排檔麻甩風？點知佢有全套抗疫用品擺晒係枱面，唔止搓手液，仲有放口罩嘅信封同時間你會聽到啲節拍強勁嘅音樂但係又聞到拜神燒香嘅味，請放心，嗰度超高樓底，入去一陣就會慣食物方面，當然以午市嘅價錢我唔會期望有新鮮雞食，但係食材分量調味擺盤(係！真係有擺盤)絕對對得住食客！我每次食完都諗，佢有冇錢賺㗎？再加上疫情依段時間，午市有九折，另外有例湯送，如果惠顧越南粉仲可以河粉任加！OMG 你話我點可以私藏我真係好驚佢會執，咁我之後就冇好嘢食喇。。。好期待解封之後，夜晚可以嚟試吓

叫左個外賣鮮菠蘿咕嚕肉，有成6"大"粒肉咁多，我真係驚食唔晒🤦‍♂️唔怪得要括住（必食）啦喂大佬出名大晒咩，又唔係特別好味，我咁大個仔真係未見過有咕嚕肉份量可以少到咁

昨晚打算 Hae 食晚餐，見到店名有趣，但不知是吃什麼，只見門口有幅燕湯餃麵$65有飲品，都不錯，走入了店🥺怎料，入內才發現原來是吃小菜的店。好吧！吃小菜也不錯吧！翻翻餐牌，價錢頗貴，想食牛仔骨，不過有點貴又不是好不好吃，所以不敢點。最後點了魚香茄子煲和椒絲腐乳通菜試下。菜上枱，大碟喎！好香喎！好好味喎！兩碟餸好夠味，但唔喊喎！！！我無食白飯，單食餸都得👍🏻👍🏻👍🏻真心推介！下次約多幾個朋友一齊去食可以試多啲唔同餸！仲可以叫埋牛仔骨✌🏻