平昌 Premium (已結業)

朋友仔約食韓燒，地點佢揀。遲到的我去到已經見佢坐低左，好好彩兩個人都有四人卡位。一坐低已經見到五小碟，可以開開胃。仲有我最愛的爐邊蛋已經準備好。朋友好好，比我點食。食放題當然唔同佢客氣啦，每個column都點左三兩樣。有點surprise的是，呢間韓燒放題竟然連海鮮都係任食。先上兩碟肉，不意外的牛肉最好食，肉味十足，但切得稍為細舊左少少，燒起上來比較困難。豬肉當中豬頸肉比較有驚喜，厚厚切的豬頸肉，平時韓燒唔多機會食。全放上爐上，一邊燒一邊滲出香味。豬頸肉的油滲出，皮燒香，好吸引。食豬肉最好就係點上辣醬，包上生菜。侍應哥哥好貼心，一開始就拎左一大盤生菜比我地。第二輪點了另外一款牛肋骨，連骨比起淨肉更加好燒，火候可以控制得更好。而且醃製過後的牛肋骨肉甜甜地更惹味。壓軸當然是海鮮啦，我地點齊五款海鮮。當中魷魚最高質，彈牙入味。鰻魚最特別，親手燒到燒辣辣的鰻魚平時好少食到，新鮮感十足。臨尾叫個石頭飯，有少少米氣落肚啊！放題就係呢度好，鍾意食的都可以點，唔駛就住就住麻！

近排真係KEEP住朋友自遠方來   早前因為工作關係識左個韓國朋友咁岩佢留港數日  咁我當然要帶佢周圍玩同周圍食喇膽燥燥帶佢去食佢D家鄉野 - 韓燒   就睇下佢覺得水準拍唔拍得住佢家鄉一坐低眼前已經有我最愛既雞蛋  (韓燒基本吧!)由於我係海鮮控  所以一坐低唔係睇牛肉豬肉  而係去左睇海鮮海鮮選擇數量適中  緊有一款令你停唔倒手大家都睇倒鮑魚  同埋 帶子 就係一個好好例子當然佢唔係就咁原隻鮑魚 帶子 咁簡單喇  細心D睇 有好多芝士嫁韓國朋友都話正  佢話就算佢係韓國當地都唔太多機會可以咁樣食法  好有心思記住燒完之後撈混D芝士食  包你心心眼嫁!而海蝦大家都見倒   唔係蝦毛黎嫁   真係大大隻嫁  燒完之後睇下個色澤幾靚!好喇  海鮮時段暫告一段落先  跟住落黎我地要化身做食肉獸喇!當中韓國朋友同我都覺得食到要ENCORE既 有 烤牛肉(陽光調味) 基本上燒完之後  都唔需要再點其他調味料  已經非常夠味另外唔單止牛肉做得出色   豬頸肉既質素都不俗油花非常平均  非常爽口彈牙!另外一個重點推介係烤LG牛排骨同樣   唔需要自己再作多餘調味   燒完直接放落口   包你即刻拎

放題有好多 今日揾到間食韓國嘅 人唔算太多 平日嘛 餐廳位置都幾多 就算假日 應該都唔會等好耐一入到去就有基本小菜食 韓國餐廳咁🙈 而且都有得添加不過一場黎到 梗要食燒肉鰻魚有少少日式feel 已經有鰻魚汁 燒完之後有軟軟既感覺 不錯牛肋條肉只有晚餐時間供應既牛肋條肉 有牛味 有韌度 可惜無鹽點 如果唔係仲正😭我地2個人叫 份量唔會太多 不過啱啱好 如果想食多啲 可以再叫 上盤速度都算快不過不得不讚既係 換燒盤既速度真係好快 基本上好似長期燒緊新盤咁😂五花楠肉叫一盤有2片 基本上都好好食 唔會有怪豬味 加上肥瘦均勻 咬落去啖啖肉 正冷麵細細碗 真係一人分量 可惜少梨絲 如果唔係會更加清爽

行行吓街見好耐冇食韓燒，就見到依間7080,又話係正宗韓廚打理，咁就上去去試吓睇下係邊科野,上到去見到好多人，可能因為聽日係假期關係..講下d野食先，一望到張點菜單，已經係眼前一亮，有好多野食簡，包保你食唔悶我極度推薦食LA排骨，D味醃得啱啱好，好入味，肉質唔un,真係同出面散叫果d韓燒餐廳有得揮..另外就係蝦，雖然佢係冰鮮，但係食落去都好有蝦味，所以一定要讚，不得不提係佢個海帶湯，好濃的海帶味，叫個白飯黎送真係完美配搭，其實其他野都算有水準，唔詳細介紹了，費時變千字文....另外e加用openrice book位仲斷人頭，就送鮑魚，總括黎講，閑日$198再加一，真係物超所值，正呀！！真係值得去食下！

今日同一個好耐無見既好朋友行街街，唸住隨便穩間餐廳食dinner🍴，經過莊士倫敦廣場既時候，樓下派傳單既姐姐塞左一大堆傳單俾我地！傳單裏邊發現有一件好似新開既韓燒既唔錯下，傳單都有好多種類既食物，而且價錢都幾抵。我地食9.30係188加一咋，前一個時段都要218加一，所以我同朋友唸都無唸就上左去食喇上到去之後即刻有經理黎招待我地入座，個座位係雙人既位。最岩我同朋友兩個人傾密計又唔洗俾人打擾喇店員仲好有心機咁同我地介紹台號同埋提醒我地要自己出去拎野飲，唔錯唔錯😊台前面有前菜，種類都幾多，最重要有我最愛既🇰🇷泡菜❤️其他前菜都幾開胃噶！店員仲同我地講可以前菜無限任添食物仲未上果陣緊係先剪d泡菜落蛋漿度喇，仲可以放芝士落另外一邊既蛋漿度，咁就可以有兩種唔同既享受啦芝士都係➕$3咋，我覺得價錢幾合理。開燒喇！！！見到食物既擺設都胃口大開我最愛既鰻魚好大條，好抵食丫！鰻魚上面仲配有姜絲令到鰻魚燒完之後口味更佳，薄切五花腩燒得有點金黃色會令到有種脆脆既口感！韓國🇰🇷正宗既豆腐辣湯❤️上台既時候仲係好滾，冒曬煙噶😆😆辣味唔會太重，好岩我地飲。見到成台都係野食，野食燒緊果陣當然要自拍一張啦海鮮黎喇大大隻生

韓燒逐件肉計錢其實都幾貴，兩個人燒閒閒地一千幾百，都咪話唔肉赤。友人告知平昌Premium有韓燒放題價錢198，睇過餐牌有豬牛雞海鮮熟食覺得都食得過，孖老公兩人搵日燒一燒。韓餐少不了的前菜有五款之多，秀珍菇白菜比較少見，多款蔬菜可是平衡一下韓燒肉食。前菜另有一款已調味沙律菜，沙律菜新鮮爽脆，味道不錯。韓燒肉食少不了，LA牛肋骨厚薄適中帶骨容易燒，牛味不錯，都叫咗兩轉。雞翼比較難燒，外皮容易燒燶，只好放棄雞皮，幸好雞肉依然嫩滑美味。梅頭肉一件過比五花腩瘦得多，雖然油脂不多，不過同五花腩一樣咁易燒，係怕肥的好選擇。梅頭肉同五花腩冇骨，燒熟剪成一舊舊，包生菜食唔肥膩好清新。海鮮方面，居然有貴價的燒鰻魚，鰻魚已加甜汁煮熟，放入爐只不過係煮番熱而已。燒青魚十分驚喜，燒熟後皮脆肉滑又有魚油，食味同日式燒青魚差不多，只差冇蘿蔔蓉點汁。魷魚圈好快熟，煙煙韌韌口感不錯。燒元貝同蠔要有耐心，但唔好燒過火，否則又縮水又韌。熟食款式都唔少，辣泡菜湯滾熱辣帶酸，材料豐富，有泡菜豆腐豬肉，細細的可以一人一鍋。韓式什錦飯雖然迷你，配菜一樣豐富，喜見係生雞蛋，伴上韓式辣醬味道正宗。見到有冷麵亦叫上一客，冷麵冰爽酸瓜絲

平昌燒烤呢排真係大熱，好多朋友都談論過，咁多朋友都推介，我有點可以唔去食下呢，前幾日就搵咗個friend一齊去試吓呢個裏面侍應大部份都係oppa嘅韓式餐廳食任點任食嘅燒烤。入座嗰陣，枱面已經有各式各樣嘅韓式小菜，而且爐邊蛋亦都ready ,簡直就係一開爐就即刻可以食架，除咗韓式小菜之外，仲有三款唔同嘅醬汁等之後燒肉嘅時候，用嚟調味嘅。跟餐嘅沙律韓式燒烤店第一時間會送上一碗沙律，份量都唔少，主要係可以開下位同埋清下味蕾，呢度嘅沙律啲菜都好新鮮，醬汁又夠。呢度肉類海鮮嘅選擇有好多，第一輪我哋叫咗烤L A牛排骨，烤牛脷，烤調味豬肉，烤生蠔。最鍾意就係食牛排骨，牛排骨啲肉唔知點解比其他嗰啲都特別嫩得多，商業嘅時候都係兒童為主，食落就會甜甜地，好開胃，加碗飯就特別正啦。之後再試吓燒牛肉，侍應一嚟就幫我地成疊放咗上個爐，原來係要咁樣炒嘅，等可以食嘅時候就唔係得壹塊薄薄嘅，成隊一齊食真係好滿足。牛脷切得較薄，好快就會熟啦，而且咬口煙銀，牛味十足，係我燒烤會必叫既，可惜唔係間間燒烤都會有咬你呢個選擇，好彩呢度有，仲要係任叫任食，真係好抵。生蠔每一隻上面都加左一片檸檬，幫生蠔劈咗啲腥味，好親切嘅服務。侍

那天和朋友在附近買完遊戲機，看見BBQ7080立刻心心眼，再看清楚，原來叫做平昌premium(by BBQ7080)就更加興奮！我一向都是BBQ7080的fans，很期待premium會是怎樣！店鋪位置在佐敦站附近莊士倫敦廣場5/F，因為鋪內空間很大，每枱卡座都十分寬敞。店員帶我們到窗口旁座下，枱面已擺放數款韓式前菜，醬油和生菜等。前菜有泡菜、白菜仔、大豆芽等.....醬油有甜豉油、面䜴醬和魚露，配合生菜和肉類來吃簡直一流！在我研究前菜的時候，飢餓的朋友已經把大部份的肉類都點了。烤五花腩、烤雞肉、燒雞翼、燒LA牛排骨、烤牛肉、牛肉腌漬叉肉、烤牛脷。肉類的選擇頗多的。而且份量也很大！海鮮方面，我們點了燒生蠔、烤魷魚、烤帆立貝、烤蝦和烤鰻魚。生蠔的size不小、烤魷魚和帆立貝好香，新鮮又彈牙、鰻魚好滑，和燒汁的味道很配合，上枱時已時熟的，只要輕輕燒熱便可以食。最後，朋友竟然還吃不夠牛，點多了一碟特級牛肉拼盤！特級果然是特級，肉的光澤十分吸睛！脂肪比例分佈平均。飲品方面全都是韓國的，另外還有汽水（可樂、芬達、忌廉等.....）整體來說，這裡的選擇多，座位舒適，不會太嘈吵，適合三五知己聚會，

本身同女朋友想係高層打邊爐嘅，但係冇book枱又多人到飛起，等嘅位置又細，等得好唔舒服。所以就搵下有冇其他唔駛等咁耐嘅。出電梯見到呢間，冇咁多人等位。可能係因為比其他任食打邊爐貴少少，見其他人啲嘢食都幾靚仔，就同女朋友坐低啦。首先上咗五小碟，唔錯。呢度比較似正宗韓式燒烤，生菜，蒜片，爐邊蛋都有齊！生料方面幾驚喜，生蠔，五花腩都有!完全同散叫場一樣冇分別！好抵食呀！肉類亦都醃得非常好，好入味！以後都唔會再去其他散叫嘅韓國燒烤餐廳囉P.s.呢度都幾多侍應係韓國人，有小部份連英文都唔係講得太好，不過指手畫腳佢哋都會明白。

120分鐘放題，價錢成人收費$198/位+10%服務費，放題任食黎講都幾抵食，仲有海鮮食。環境唔會太油，幾企理，座位好闊落，坐得幾舒服。「前菜」有泡菜、芽菜、野菌菇、白菜、粉葛條、蔥等。必點：海鮮：「烤生蠔、烤帆立貝、烤蝦」烤蝦都好新鮮大隻，烤帆立貝雖然要等10分鐘左右慢慢烤，但係好多汁，仲好新鮮，有機燒既感覺！點左烤鰻魚，超長又肥厚，已經配好晒汁，只要烤熱就可食。必點肉類：烤牛肉(光陽調味)，烤五花腩，烤牛脷，烤調味豬肉。注意：有d調左味既肉係spicy的，食唔到太spicy既要小心d啊!烤五花腩食一片都已經好滿足...牛脷豬頸肉「飲品」任飲自取，以韓式飲品為主。

係香港韓式放題真係做爛市, 一街都係, 而且質素仲好參差, 價錢又有貴有平, 但好多時貴又未必好今次我食既呢一間韓式放題, 價錢算係中間既一入到去理所當然係勁播韓國歌, 而接代我地既OPPA一睇就知係韓國人勁靚仔哈哈 好NICE咁用英文介紹左我地剔單同拎野飲老實說MENU上既選擇唔算多, 不過大路既都有, 除左有牛呀羊呀仲有海鮮, 仲有D要加錢既食材, 不過就算唔加錢都夠食的今次我地點左無數咁多野, 不過重點推介一啲比大家首先一定要推介既係隻爐邊蛋, 真係一萬個心心比佢, 因為佢係我去過咁多咁韓燒入面, 燒得最快熟既, 差不多幾分鐘就可以熟透, 係咁不斷要個店員REFILL哈哈烤豬肉, 我寫左一份量, 都OK大塊, 有D似雞扒咁既SIZE, 成塊落去燒都好快熟到, 而且唔洗點D咩醬就已經有佢本身醃左既醬油味, 非常之入味烤薄切五花肉, 呢個真係切到平時肥牛個D咁薄!! 好處就係燒幾燒就已經熟哂, 而且我發現咁薄另一個好處係好似炸緊舊肉咁, 食落脆口又好味燒雞翼韓燒雞翼我都係第一次食, 因為隻雞翼咁大又係不規則咁, 好難燒得到, 但係呢個燒真係別有一番體驗!! 因為佢個爐個火超旺, 燒幾

本來復活節plan左去韓國玩，點知男友有突發事，所以無得去！唯有係香港搵韓食，一解之愁啦！又俾佢搵到呢間韓燒係佢公司附近，book左琴晚去食！呢間野都好大，仲要全部都係喔爸喔Ni serve 你，真係感覺自己身處韓國！有啲喔爸仲識講廣東話，真係唔錯！每檯已經擺左好多款前菜小食，每一款都好好味！仲有爐邊蛋，我地加左芝士，自製芝士拉絲爐邊蛋，超級正！我地係食肉獸，所以叫左全部都係肉！一場黎食，梗係豪啲啦！所以加左錢食海鮮！知道啲肉未咁快有得食，所以叫左煎海鮮蔥餅、韓式拉麵！煎餅細細塊，唔使沾醬就咁食都已經好好味。拉麵就係平時食既韓國公仔麵，辣辣地，仲有隻半熟流心蛋，好正！好想叫多碗，但我地要留肚食肉！叫左五花腩、薄切五花肉、雞肉、LA牛排骨、牛肋骨肉、生蠔、帆立貝。雞肉有用韓國燒肉汁調味過，甜甜的。五花腩睇落雖然肥，但燒到小小焦，再沾佢地既三隻醬汁，就變得好好味，一啲都唔油！我地仲用生菜包住啲燒肉食，好爽脆，令到我地反而食多左好多肉添！生蠔好大隻，但燒完就變到好細，不過一樣味道鮮甜！我地再點左大蝦同芝士元貝，各4隻！蝦中間夾左塊牛油，燒緊既時候，牛油滲透到蝦肉，香味變得更高層次，而且蝦肉爽

最近的味蕾好像對韓食依依不捨般，這晚我又相約老公來到位於佐敦的平昌BBQ7080放縱一番，地點十分方便，從地鐵一出過對面馬路即達，下班後約六時多即到達餐廳，幸好人流不算多，侍應很快安排了四人沙發位置給我倆，就這樣再次開展我的韓食晚餐。 這裡的地方很大，環境整潔，沒想過招待我們的侍應竟然是操韓語的韓國人，再好奇的看看出菜的窗口，正有幾位又是操韓語的廚師交談著，這真的令我有點意外，由真正的韓國人來打理這家餐廳，我相信在食物質素方面會更正宗，更富有一份親切感，加分。 這晚選了放題，起碼能盡地一舖任我吃，放縱是時候，按著餐紙上點菜，這時前菜送上。 吃韓食先吃前菜、沙律是常識吧! 說到底是任飲任食，旁邊已設有凍櫃可自取韓式罐裝飲品。 點了紫菜湯，熱辣辣的先中和一下我的腸胃，味道很好喝，紫菜很香，而且大大塊份量多，絕不唏場。 我還加了HK$98點了這份珍寶大蝦，嘩，蝦真的很大喔! 啖啖肉汁非常新鮮，清甜爽口。 還有蠔，烤海鮮放在最前線，不怕後續吃肉吃至過膩，生蠔與元貝都很新鮮，沒有過老及變質，而且份量都很大，這裡的韓烤任飲任食能有海鮮類真是值點票價。 深深被海鮮吸引

放大假除了逛街，食就是其中之一知道有新店，又是我至愛的韓式烤肉，仼飲仼食，每位HD198店內十分寬敞，位置多的是由於我們一早來，可以霸曬半層!一坐低店員就捧出5款韓式前菜，食完仲可以仼添檯面還預備醬汁，生菜等，檯又夠大，點多多都夠位擺點餐紙選擇頗多，當中吸引住我非這SHKD98就可有4隻肥大鮑魚，怎可錯過好大隻，食落口都好鮮，質感有嚼勁夠煙韌，加上夾著芝士，半溶芝士令其更香濃烤肉烤肉怎可沒有牛肉類點了烤LA牛排骨，份量好多，其實我都係淺嚐另外亦點了晚市才供應的烤牛肋骨肉，肥瘦適中食過超正鮑魚，最終又忍受不了平食的高質海鮮premium dish，又點多個烤芝士元貝，好正，元貝勁大料，簡直超值又新鮮同樣加上芝士，還有蒜蓉味道更香口感更豐富不過我倆比較懶，最終我還是把不同東東放到烤爐上烤烤的時候已聞到好香我倆點了好多款食物生蠔肥美鮮烤蝦(晚市供應)，肉質彈牙 而且都幾大隻魷魚已切成一圈圈，因此熟得好快，味道亦不錯食物質素屬高質，味道亦討好不求其，上菜時唔會馬虎，有整理過，想不到仼食都咁有質素

見啲評價咁好，就同啲同事去試下啦。。。點知，完全係中伏。。。。。。。。。一去到，煙霧瀰漫，已經覺得抽氣不足。但因為朋友都到齊，又星期五晚，費事轉來轉去，所以就留低喇。個地滑到好似溜冰咁，好似去咗啲舊式酒樓咁。menu 選擇又不太多，個爐係用一支支嘅gas 嗰隻。。。。一路燒，個爐底就不停出煙，個抽油煙管如同虛設。我朋友就一路食一路抹眼淚。。。食完，成身都係油煙味，仲勁味過去燒烤場燒嘢食。。$218+10% 呢個價錢，完全可以唔揀呢間。。。。