平昌 Premium (已結業)

又係懶人出動的時候，事隔2年又心思思寫番食評。喺佐敦上韓文堂突然想食韓燒，search到呢間平昌。友人更立即save openrice 的送premium 食物優惠。食物（1）2隻芝士鮑魚就係openrice 優惠送的（2）任食有生蠔、蝦、帶子嚟燒，已經回本（3）我地分別有叫唔同的牛、豬⋯⋯⋯其實就唔係好識分種類，不過大至上都好味（4）任食有鰻魚比你燒真係第一次見，係好食嘅，不過難控制火喉（5）熟食叫了炒粉絲，居然仲好食過出面就咁散叫果d, 起碼唔會成pat咁，所以我呢個encore咗（6）汔水任飲（7）雪條只可每人一支2小時，食得飽飽；食店乾淨企理；職員有禮貌；上食物上得快。可以再同朋友嚟食。