布萊恩·L食堂 (已結業)

見到facebook朋友食原條鰻魚飯，好吸引😍心動不如行動，自己想食就去食，吾使左約右約😜小店，鋪頭細細，就係呢間喇😅晚餐都有鰻魚飯，仲好抵食添👍但我一心係食原條鰻魚飯，緊係要食心頭好啦～個名好特別 ~'男子漢鍋'仲可以加芝士，嘩~~~我一個人食咋，驚加左食吾晒😅原條鰻魚，真係好長，好抵呀～緊係相機食先啦，嗱嗱聲post上Instagram 同Facebook 先🤗鰻魚又長又厚，醬汁甜蜜味美，醬油香，層次分明，不會過於油膩。吃後沒有口渴感。米香足，爽口夠彈性，帶淡淡甜香，鍋底仲有飯焦添呀～食味甚佳。叫個鹽巴枝豆，清清腸胃，咸中帶香😋見到Asahi生啤，一個男人的浪漫，自己邊食邊飲，一樂也😅

天氣冷，放工已經又餓又累，所以快快在公司附近搵食便算了！這家日式食店，名字特別，見門外介紹有招牌特大鰻魚飯，看相已很吸引，便二話不說進店既然是鰻魚飯而來，當然要點這個！等了一會，特大鰻魚飯到真係大得好誇張呀淨係鰻魚加鰻魚汁，白飯都可以食到數碗！更何況個飯有粟米等配料，加上在石頭鍋裡，所有飯餸都熱騰騰！在這個天氣食簡直一流食完成個人暖粒粒平時其他食店食鰻魚飯，都要$80up，但只有數塊鰻魚件！這裡原條鰻魚上都只是$116，絕對抵食另外我再點了椒鹽雞翼雞翼大大隻，煎完超香又好味最重要價錢唔貴，食得開心！

西式料理一直都係我「飛化」，但我份人貪心，中意一餐入面有唔同種類既食物，所以睇中左呢間日、韓、港、美式都有供應既小店😅。其實附近都有唔少吸引既餐廳，餃子、海南雞、居酒屋、美式漢堡等，每間都好吸引，但最終都係因為店名叫”布萊恩”而揀左佢😆。晚市時間，人流唔多，所以我同朋友成為全店第一枱客😎。餐牌選擇好多，除左石鍋飯、拌飯外，仲有鐵板燒同漢堡；小食方面，有炸物之餘，更有韓式卷蛋，睇照片賣相唔錯，不過擔心食唔哂，所以無叫到。我地兩個人各點左一個星期一至四既套餐，外加一個小食。(真係好慶幸無眼闊肚窄點多個小食)跟餐餐飲 – 熱奶茶&凍檸茶(+$3)呢兩杯野，係我人生中飲過最差、最不知所謂既餐飲!! 呢杯叫熱奶茶既野只不過係熱既啡色奶水，茶同奶似係以1比50既水稀釋左，飲落淡某某。凍檸茶更差，茶底無茶味之餘仲要有怪味，我飲左一啖即刻放埋一邊。主菜 – 滑蛋汁燒鰻魚丼 ($88)小店其中一道人氣食物係燒鰻魚石鍋飯，但見到特價晚餐亦有鰻魚，所以點左個丼試下先，反正都係用同一款鰻魚。鰻魚望落有d乾，但可以接受；肉質唔鬆化，而且魚雖肥但入口仍然係一舊魚脂肪，無魚油香可言😑。最差係有好多好多明顯既細骨，入

暖笠笠石鍋飯+芝士+手打漢堡扒（七成熟）...... 咁就比呢個「邪惡勢力」吸引過去。不過完全無後悔。今日天氣好凍豬豬，我又好懶豬豬唔想煮飯（雖然是從來都唔想煮），唔通傻豬豬又去打邊爐？喂，冬天日日hotpot 好悶豬豬啫，所以我就搵咗呢間「保暖之選」。我當然要叫個招牌之一的，手打漢堡扒鍋飯。原因要保暖？你信就太天真了，真正原因是我要show 我的「廚藝」！靚靚教大家煮石鍋飯：步驟一：等- 等齊材料。有坐係阿拉丁燈壺的蛋黃哥、好多嘅芝士，同紫菜。步驟二：繼續等- 等個石鍋飯。塊扒好厚身，七成熟望見到juicy 的。個石鍋真心好熱，熱到啲飯「吱吱」慘叫。步驟三：淋- 淋芝士蛋漿。呢個神燈是施展魔法的時後了！石鍋飯變成蛋蛋石鍋飯，好神奇呀！步驟四：灑- 最後就灑上紫菜。紫菜的作用，是為石鍋飯暖男先生加上頭髮...嘩靚幾多！步驟五：食啦喂！我mix 所有材料一齊食，見到有芝士拉絲！正呀！咁好食的飯、成功芝士拉絲說明什麼？說明我的「廚藝了得」，娶得過囉芝士唔可以停，繼續叫芝士：廢話唔講，見到芝士半溶狀態，望都知好食啦。想知幾錢？計埋我的手工費起碼過百萬啦。不過，你自己去食就平好多，$60幾蚊有

🍱30cm！招牌特大鰻魚石鍋丼+芝士$132🍱*另有加一服務費一上枱真的wow一聲😳視覺效果驚人！好興奮呀🤩真係有30cm！長過把尺😳而且有一定的厚度！不得了！❤️石頭鍋飯熱辣辣，仲有飯焦呀🤤(飯焦愛好者揮個手👋🏻)幫佢影左好多靚寫真，吸引到切都唔想切，想成條dap🤣咬下去的感覺好幸福，肥美又濃味，啖啖肉😆個飯本身無芝士嘅，但有得加就點都加啦😈芝士喺石頭鍋入面滾下滾下，等耐啲撈埋飯焦一齊dap😳哇！雖然芝士味唔濃，但做到拉絲效果！勝在口感豐富左同埋唔會搶走鰻魚味👍🏻呢個真係好推薦！建議兩個人share！.🥘100%純牛漢堡扒配太陽蛋石鍋丼$58🥘呢個都唔錯！漢堡扒都重肉味，但同鰻魚飯無得比🙈🤣不過佢多配菜又有泡菜，撈埋落飯到變到幾香口🥰飯底嚟講，佢會惹味過鰻魚飯嗰個😆.另外仲叫左個🍗椒鹽雞軟骨$38🍗正正常常，唔會好油膩又唔會太乾身，幾好~.以上係三人份量，兩飯一小食都夠飽~仲要三個都唔係小鳥胃🙊所以...一個人食又想揀鰻魚飯嘅要諗諗先呀😂.食物質素: 🌕🌕🌕🌕🌗食物顏值: 🌕🌕🌕🌕🌖性價比: 🌕🌕🌕🌕🌘回頭率: 🌕🌕🌕🌕🌗

鰻魚飯一向係香港人既最愛，我最怕食到啲鰻魚雖然大條，但啲肉好實，又多骨，無鰻魚香味。呢日同朋友去咗深水埗「布萊恩L食堂」 食超長鰻魚芝士石碢飯，長長的鰻魚配上拉絲芝士，第一次咁樣配搭食，原來都幾夾，好好味，鰻魚份量又多，每一啖飯都配埋鰻魚都得呀！另外仲叫左蒜香雞翼，蒜香味濃，香脆可口！不過店員嘅服務態度有待改善，對客人唔太慇懃~俾人感覺唔太禮貌P.s 溫馨提示：呢間鋪唔太近地鐵站，要行大槪10至15分鐘先到~

天氣突然變涼，好想食番啲熱辣辣嘅嘢，今次就嚟試吓長沙灣入面一間石鍋飯～入到嚟，店員好有禮貌地招呼我兩個坐底～ 我地就開結睇餐牌，原來除左出名石鍋飯之外，手打漢堡都好出名仲有好多小食都好吸引，樣樣都想食。。。點算好。。。。最後都係決定食日式肥牛石鍋飯，仲可以揀黑松露蛋汁淋落去，好似好正咁，勁期待出餐囉日式肥牛石鍋飯 $66半生熟嘅肥牛係飯面，另外蛋汁、紫菜絲、芝士分開上，自己撈埋佢～淋啲蛋汁落飯果度嘅時候，再慢慢撈，開始聞到陣陣蛋香，仲有淡淡嘅黑松露香，再撈埋芝士同紫菜真係勁好味呀～～香脆薯條配黑松露沙律醬 $59薯條勁大碟，炸到好脆，沙律醬好味，而且都係好大碟，啱哂醬怪嘅我～芝士玉子燒 $22好大串，仲要係兩串，燒完嘅玉子暖暖地、熱熱地，香香甜甜，又另有一番風味喎～蒜香牛油雞翼 $28足料嘅蒜香雞翼，香濃牛油味，脆皮又多汁，正～總括嚟講，呢度地方唔算大，但座位都幾寬敞，坐得幾舒服～

話說之前飲完茶亂咁行，見到呢間餐廳，就想一個想試既衝動，咁岩今個星期出開去黃金買野，夜晚就黎左呢間小店試下韓式泡菜芝士蛋卷-----本身係超喜歡食任何蛋卷類， 今次呢個亦都好岩我口味，泡菜同蛋味好分明，唔會話純得蛋味或者鈍泡菜味，而且蛋唔係全熟勁乾個d, 所以食落會覺得好滑，個人十分推薦試蛋卷日本醬油炒野菜-------- 呢個都係我出街出飯比較想點既一個菜，特別想講下佢比較特別係用埋秋葵去炒，所以感覺上幾健康，鍾意食秋葵既朋友可以一試，整碟菜都炒得好同爽，不錯👍火燒原條鰻魚石鍋飯-----------其實本身好想試佢地既漢堡餐，爭扎左幾分鍾都係決定食呢個飯（某程度係比條鰻魚吸引左），結果黎到嘩左一聲，因為真係好大條，鰻魚燒得好香，唔會腥，骨好林完全唔會杉口，而家石鍋飯有飯焦，爽阿👍

踏入十一月尾，天氣亦都開始轉涼啦，喺呢啲時候食啲熱辣辣暖笠笠嘅嘢，非常之幸福嘅 今日我就去咗深水埗呢一間專食石鍋飯嘅專門店，感受下呢一種幸福 但係估唔到石鍋飯嘅專門店竟然有好多好吸引嘅小食，而我就叫咗一個牛利，同埋一個蒜香牛肉粒，但由於太多肉嘅關係所以另外再叫多個炒雜菜 鋪頭門口已經大大隻字寫住特大鰻魚丼，進擊巨龍骨石鍋丼，非常之吸引，但係喺凍冰冰嘅天氣下有另一種更加比我吸引嘅嘢吸引到，喺度賣個關子先 首先呢到係鐵板蒜蓉牛柳粒，牛柳粒嘅大細適中厚薄均勻而且唔會太熟，咬落去仲有一絲一絲嫩口，嘅感覺而且牛味亦都非常之重，配上炸蒜，非常之香口，而且用鐵板盛載，熱力均勻地，保存喺啲牛柳粒上面，唔會因為擺得太耐而凍咗，非常之好食 另外牛舌嘅香滑程度簡直難以形容配上去嘅燒烤汁，同埋牛舌獨特嘅質感非常之好味 揭曉我食啲咩呀，我就係食呢個石鍋辛辣麵韓式辛辣麵上面，有泡菜，芝士，煙肉，蟹柳仲有特厚嘅午餐肉 石鍋丼，個石鍋當然係熱辣辣啦，睇上面好似好乾真真咁，其實店員係將石鍋放低然後畀你影相拍片，張一啲辛辣味嘅湯倒落去由於石鍋嘅熱力令到成個湯不停係咁滾上嚟，張半熟嘅麵底同埋餸最後加熱真係畀一般嘅辛辣麵好食

長沙灣唔洗怕穩唔到好野食，走圍都有大大少少既餐廳鋪頭既特式小食今日係荔枝角見完客一個人放工就沿途睇下有乜好野食，行到去荔枝角頭元洲街尾就見到衣間布萊恩飯上OpenRice 見到有個整條鰻魚既石鍋飯立刻衝入去大叫一位時間尚早，暫時無乜人日式醬油炒野菜$49唔只野菜禁簡單，重有秋葵同粟米粒好豐富既野菜，擺盤又靚又夠健康！燒原條鰻魚石鍋飯$119一上枱內心係尖叫嫁，起碼有30cm濶5cm厚當我不停到影相既時候，侍應好有耐性地係旁邊等，原來係提我如果唔鐘意食飯焦，要盡快撈鰻魚汁好多。足夠撈飯食條鰻魚勁長勁厚肉，咬落超級肥美，勁多油脂衣個價錢簡直超值檸檬梳打成口魚油，唔叫野飲點得

好耐都冇黎深水埗呢區行，好彩有朋友帶路先唔會唔知行去邊。首先去左長沙灣呢邊食個靚lunch再慢慢行翻去西九行街飲黑糖珍珠鮮奶🤤一入到去呢間餐廳，見到係我最中意既石鍋系列同burger同鐵板扒，其實真係好難簡🤦🏻‍♀️最後都係決定叫佢最signature既石鍋飯。叫左原條鰻魚石鍋加芝士。芝士份量超多，真係一pat pat甘😂實拉到絲。條鰻魚勁長，有半隻手甘長，就甘睇已經睇得出好厚身。之後切開4份先撈飯同芝士，會易撈d😂因為芝士超多，所以d飯會一舊舊，食落偏膩，如果有d紫菜撈就好👍🏻條鰻魚偏厚身，唔係淋身個款，但都幾好食。當然要叫翻個小食，就要左秋葵，感覺比沙律更清更解膩😂整體黎講，食物質素中上，價錢抵食，但如果要叫鰻魚芝士石鍋最好有朋友一起share，可以試多幾款又唔會膩。仲有平價下午茶同有得自己撈既石鍋飯

一間特別嘅料理店，滿足到我喜歡嘅鰻魚，又滿足到喜歡泡菜嘅朋友，即係日式和韓式嘅結合，呢間隱世小店在長沙灣地鐵一出，就可以搵到，抵到你唔信，巨型原條厚生鰻魚，係我必點嘅美食，出面嘅原條可能真係得細細條，都過百，呢條肥美多汁嘅鰻魚，超大條，厚生都呢，睇到都好想快d plan定下次約朋友過黎食，真係抵120都唔洗，放上石鍋飯上面，熱住食，店主真係好細心，冬天就應該熱住食，可以keep鰻魚熱量，嫩滑，肉好有嚼頭，經過碳燒，表皮脆，嫩滑程度可妣美日本地道餐廳，真係用心烹飪，落足配料，用料上乘🤗燒牛舌又係特色小食之一，厚度適中，燒到脆皮，但係又可以保留好多肉汁，好有嚼頭，加芝麻一齊食，超正🤗

今日終於有機會黎食呢間！呢間係之前係youtube見過人介紹已經好想試🤤必試既一定係呢度既石鍋系列！餐廳環境唔算大，但坐都唔會太迫，幾好。menu好多選擇，花多眼亂😂❤️左口魚群邊石鍋呢個係要自己打蛋，落芝士，自己撈，有得食有得玩😂😂蛋要左黑松露蛋+$8，所以打既時候要打散d唔係落鍋就會唔均勻。之後再落芝士撈完最後加紫菜再撈芝士份量足夠，但如果想拉絲效果更出就可以加多份食落黑松露味超重，加上紫菜香味同芝士，成個飯係好好食好幸福😂加上飯本身有d sauce，唔會出現乾身情況。左口魚群邊輕輕燒過，超香魚油味，勁好食！另外亦加左個秋葵，幾新鮮，食落爽脆🤤飲品要左香蕉牛奶，即打，好足料又夠香，正！見隔離食既burger好正甘，價錢又唔太貴，值得encore

今日一支弓長沙灣做完野超級肚餓，醒起之前朋友介紹一間長沙灣既石鍋飯，見唔遠就諗住過去試下。門面好有日式風格，本來都驚多日，好在今日早，一支弓都唔怕尷尬望望MENU ，都幾多選擇，又石鍋飯，又壽司，連鐡板都有。可能肚餓真係望見個MENU 都流曬口水，本來想試下佢個招牌特大曼魚石鍋飯﹗但今日又極度想食牛，就點佐個純牛肉漢堡扒配太陽蛋石鍋丼﹗再點佐個非常吸晴既左口魚裙邊﹗先黎既係左口魚裙邊<燒卡爾帕喬左口魚裙邊> ...個名堅長但又點會諗到真係咁大碟，條條都好肥好厚﹗口水爭小小就噴曬出黎一放入口，好鮮味，魚油BEEP 曬出黎，一個字，正﹗仲要勁香口﹗食佐兩啖我個牛肉漢堡太陽蛋石鍋飯就出現啦﹗<100%純牛肉漢堡太陽蛋石鍋飯>份量真係一D都唔細，配料好足﹗望落好似唔太多醬料﹗但一攪混，原來真係岩岩好，恰到好處﹗我將半塊漢堡壓碎撈埋一齊食，口感一流﹗佢仲要配大量泡菜﹗正﹗漢堡扒仲要有得俾你揀幾多成熟﹗睇相都知有幾新鮮幾嫩﹗成個飯個配塔真係超正﹗食唔停口，如果想多小小飯焦，可以一開始攪個時唔好攪到咁底 (好似我咁) ，最後底層淨返既飯焦就會好香脆野飲我點佐杯冰菠蘿梳

見到個裝修幾靚就入嚟試吓啦店舖雖然唔大但係食物種類繁多而家秋天嚟到喇終於都可以食返啲石鍋飯上網見到好多人都叫石鍋飯所以我同朋友都叫個try try 估唔到原來小店都有生啤飲叫左杯asahi啤啤去當然要叫幾個小食送下啦依度有好多菜式都用芝士，依個玉子蛋味道都濃既，加埋類似麥當勞整漢堡包嘅芝士，鹹鹹地都幾好味見到個是日精選係炸墨魚，奇怪地份量都幾多，本身諗住係好細碟，細細粒幾香口，配埋啤酒重㗎同樣地薯條上面都係有芝士既，分量同樣地唔少，飲住啤酒傾吓計，食吓薯條墨魚，幾好重頭戲石鍋飯，我哋跟隊都係嗌左個鰻魚石鍋飯，個石鍋飯份量都幾大，有飯焦同埋有好多粟米，加埋條超級長嘅鰻魚，係好食既秋天最好食石鍋飯㗎啦，我估佢其他石鍋飯都幾好食嘅，有機會再食啦