布萊恩·L食堂 (已結業)

去長沙灣探朋友，正苦惱緊是日晚餐時，經過一間叫布萊恩·L食堂，這個趣怪的名稱吸引了我們入內一試。***內裡面積不大，但骨緻。***進擊巨龍背石鍋丼給我最大驚喜，大大塊不在話下，估計超過30cm，一般碗碟都放不下，感覺超值。***豬仔背烤得很香，原塊上的關係，雖要花點功夫切細，也是值得的。因為...真的很惹味。***石鍋飯的賣點是其焦香，加上混入了粟米，加強了進食時的口感，一定要試呀!***可能石鍋丼是此餐廳的招牌菜，所以石鍋口款式特別多。用石鍋做車仔麵，麵底仲要有拉麵俾我揀，好特別!***聽到隔離枱的食客邊食邊讚，索性也叫番碟鹽燒牛舌。果真是有點彈牙，又有點爽口。再者，應該是用了海鹽提味，就算不用額外沾醬汁也一樣美味!

今日喺長沙灣收工，因為經常睇韓國綜藝節目，搞到成日都想食韓國嘢，啱啱行過呢間話自己專係買石頭鍋飯嘅鋪頭，咁就梗係要入去試吓啦。叫咗一個信又漢堡扒配太陽蛋石鍋飯，一碟炒肥牛，同埋一個蒜香雞翼。先來一個炒肥牛，肥牛係厚厚嘅一片，用嚟送酒真係一流，份量亦都唔少，抵食夾大件! 再嚟一碟蒜香雞翼，大大隻雞翼再加上一粒一粒嘅蒜頭，作為餐前小食真係無得輸!主菜當然係漢堡扒太陽蛋石鍋飯，侍應一放低嘅時候仲係有吱吱嘅聲響，睇住隻蛋郁下郁下真係令人胃口大開，石鍋飯嘅好處在於能夠喺冬天嘅日子，都可以長時間咁食都食到熱辣辣嘅飯，而且佢塊漢堡扒好厚身好有牛肉味，再加埋醬汁，成個配搭簡直天衣無縫。

難得去到長沙灣附近，當然就要去搵嘢食啦，今次見到有一間叫布萊恩嘅餐廳，食漢堡包同日式午餐都幾特別，所以就入咗去試一試，我和同事都覺得價錢唔貴，今次因為我唔太肚餓嘅原因，就想叫小小嘢食就叫左一個野菜牛肉飯。嚟到嘅時候冇諗到會好似一座山，份量咁多，而且價錢只係$48，抵食。但食落去味道係真係好淡，唔似有落過任何調味料，就有啲失望。但係因為餸太多嘅關係，只係食到一半已經好飽，所以有一半嘅餸就拎走做外賣，飲品方面味道都係正常冇乜特別，不過座位就比較迫左啲，坐得比較辛苦，而同事食嘅鰻魚飯份量都可以接受，味道都唔錯，但係就醬汁比較少咗啲，但整體來講這裏都幾抵食嘅。

今日經過長沙灣見到呢間小店，餐牌上面咩國家既菜式都有，岩晒貪心既我。店入面只有幾張枱，仲有少少玩具比大家玩。我地叫左個香煎五花腩溫泉蛋石鍋丼。石鍋飯份糧十足，五花腩有五至六片煎得好香口，咬落油香四溢，非常邪惡芝士玉子燒甜度剛剛好，配上芝士再燒啲蛋都唔會話太老辣辣壽司拼盤係落單前可以同講定要幾多件有加washabi，同朋友一齊食既時候可以玩遊戲輸左做懲訓，加左料個幾舊真係好辣，食到我地流晒眼水鼻涕。值得推薦大家同三五知己黎一邊食一邊玩

今天說的是小店奮戰時代艱辛的故事.吃的時間是下午一時多, 午飯時間到尾聲的時候, 細小的店鋪依然有十多人, 接近Full House, 但店裡只有兩個同事, 一個在廚房煮食, 另一個則是所有樓面工作一腳踢, 包括清潔, 人力十分不足但依然有條不紊, 廚房大量午餐要處理, 但我點的雙重芝士漢堡扒飯, 依然能在十五分鐘完成, 香港人的Flexibility真的無出其右.這裡主打的是漢堡扒和燒鳗魚. 在如此有限, 尤如Time Attack的情況下, 漢堡扒真的可以做到如Menu般Medium的熟度, 內裡Juicy之餘再加上融化掉的芝士, 很有罪惡感! 外面微焦的芝士和肉面, 脆而不乾. 雙重的不只是芝士, 還有味覺的感受.常說”支持小店”, 首先它要有實力去吸引人支持, 而這家有心有實力的小店, 沒有不支持的理由吧!

我女朋友最鍾意就係食鰻魚㗎啦，知道呢間店舖有得食原條鰻魚，當然係比我嘅至愛食佢嘅至愛啦，haha果然鰻魚真係成條上 ，而且 用石鍋來裝住，夠曬熱辣辣，啱曬係一個寒冷的冬天食佢仲可以加錢要芝士。不過今次就冇叫到啦 ，石頭 飯嚟到嘅時候記得趁熱攪拌！如果唔係就會好多飯焦㗎啦 至於鰻魚都算入味，好食！份量都充足！！盛惠113元，加芝士就140蚊左右。鰻魚屬於貴價食材， 所以價錢都可以接受嘅 ！手打牛肉漢堡本身都已經配有紫菜，芝士同原味雞蛋！我哋就加咗8蚊要過黑松露蛋！上到來先知.....其實只係多一小羹黑松露...🙄🙄所以係完全唔值而且仲一啲黑松露味道 都冇，有啲後悔都可以叫雙倍芝士，不過我哋就冇咁做到啦 ！呢個飯比起鰻魚石鍋飯係入味啲 ，可能因為有芝士嘅關係啦，不過手打牛肉就略然有啲乾，只 屬於中等水準 總括而言 ，呢間鋪頭嘅定價其實係有啲貴 ，地點唔就腳，唔方便之餘。仲冇套餐可以選擇，試一次都可以嘅， 不過再嘗試嘅意欲就唔大喇

Burger 🍔 是日午餐，叫左2個漢堡包餐🤪🎈招牌大隻佬漢堡 $72/set, 裏面有塊手打牛，芝士，餐肉，蕃茄，煙肉，生菜，蛋，但唔見咗本來應該有嘅紅菜頭😂 where are you?!值得一讚嘅係個麵包，煎得好香脆👍🏻 但係裏面塊牛肉，好濕而且無牛嘅香味😕 not good! 🎈經典芝士牛肉漢堡 $49/set餐肉嘅作用都不大，無好食到，而且好淋好濕😖薯條都係好普通嘅有身薯條🍟 不過Del Monte嘅茄汁好靚😂.👅：3/10🎏：布萊恩·L食堂 (長沙灣)長沙灣元州街498號青華閣地下I號舖.#burger #fries #ketchup #漢堡 #delmonte

今日經過開長沙灣！肚仔餓就梗係要佢要食啲正嘢啦⋯⋯咁岩得咁橋就比我經過一間小店🥳🥳🥳而且中午時段價錢都唔太貴～最緊要係咩啊好食又特別！首先我叫咗一個車打芝士流心蛋手打牛肉石頭鍋拌飯：上面嗰塊牛肉真係不得了，肉質非常滑，而且不會打的太碎，保留一粒一粒的牛肉口感！牛味香濃😘上枱嘅時候最緊要將飯撈勻～令到芝士同流心蛋充分同米飯融合！簡直是最佳的美食盛宴⋯⋯最後石頭鍋底部會形成一層脆脆的飯焦！令到成個飯更加有層次🥳黑松露大啡菇手打牛肉漢堡：一上枱嘅時候直情山咁高，我相信無論個口生得幾大都冇可能一啖食到全層😂😂一切開漢堡層層分明，黑松露加香菇完全是絕配，大啡菇啖啖肉而且非常厚，配上手打牛肉漢堡，反而中和左漢堡的油膩感，口感更加柔和😘好食！仲令人更加開胃添，旁邊嗰啲薯條亦非常香脆，而且可以自選調味🤩人妻就梗係揀最鍾意嘅和風紫菜啦⋯⋯最後兩個人唔係太夠喉就決定叫多個雞翼，蜜糖燒雞翼，雞翼裏面非常多汁，外層金黃鬆脆，再塗上甜蜜蜜的蜜糖😘😘😘就算已經飽飽都不捨得放低！總括依然呢間平民小店係成功嘅！每一樣都有驚喜！每一樣都對得住他的價錢！最緊要仲要唔貴喎⋯⋯邊度有得輸

來這兒點了個香煎大啡菇田園漢堡，45元一個也著實是抵吃，坐得舒適又有良好的服務。麵包塗上牛油後經過烘烤烤，帶點香脆，很好吃。烤菇十分厚身又多汁，一讚的是加入的蕃茄片，沙律菜和芝士份量都得宜，不會多得連吃也吃不下的情況。唯一就是賣相有點太隨便，味道是完全沒問題的，只是上菜是會覺得如果弄得整齊一點就更加會加分。

被ig大大條鰻魚飯既相吸引，黎到位於長沙灣的小店。店舖裝修普通，但食物卻令人驚喜一坐低叫左野食，店員就送左兩個熱熱地既菠蘿包仔，好窩心黑松露大啡菇手打牛肉漢堡 HKD$62外相可以，點知食落好juicy! 一邊食一邊滴汁牛肉好味，好大塊菇好抵好足料！燒原條鰻魚石鍋丼 HKD$119果然無令人失望真係30cm原條肥美鰻魚！呢個價錢，足料仲要好食希望大家都會支持呢間小店，用心製作，抵食足料有驚喜！有機會會再試埋其他野！

原先諗住去朋友間交換店唱下錢去玩誰不知路過既時候,望到門口既餐牌做緊下午茶, #布萊恩L食堂 都幾平下,就膽粗粗入去試下叫左依個雞扒石頭鍋飯飯入面有D泡菜,食到尾仲有D飯焦忝之後再叫多個小食,薯條雞翼仲有埋野飲,依個係下午茶黎講價錢都幾抵食🤪

呢排成日要去長沙灣做野 成日都要搵Lunch食 呢個小店個名好得意感覺只係有幾樣招牌菜式 咁仲好 夠哂特色叫左兩個lunch set幾有誠意 仲有餐湯tim 個湯幾有誠意 冇味精 清清地咁 先黎左個滑蛋鰻魚飯 都係小店招牌睇落已經好想食 滑蛋仲好靚一食落去 滑蛋超滑 同鰻魚好夾🤭鰻魚都燒得好好 好香好Juicy G叫左個火炙三文魚石鍋 真係好有誠意 因為個石鍋熱辣辣 加上三文魚輕輕燒過 半生熟咁 好有新意加埋蟹子同芝士又好唔錯啵😀😀小店細細間 睇落係做街坊生意 得閒會再黎幫襯😀

約左附近返工嘅朋友仔聚聚，唔知係咪聖誕假期後，好多打工仔都唔帶飯出街搵食，好多食店門口都滿晒人，見布萊恩有吉位，二話不說攞個位先！揀左個set lunch，雙重芝士手打芝心牛肉漢堡扒拌飯，配餐湯同熱飲☕️！芝心牛肉漢堡扒味道都唔錯，7成熟，裡面包住流心芝士，感覺juicy，再配泡菜、粟米、青瓜絲同昆布伴飯，食晒成碗飯都唔覺得悶同寡！如果再加多啲配菜，會再加分！不過比起佢開張初期已經貴左好多，以前呢個價錢會用石頭鍋上，加辣醬係唔使加錢架！朋友仔就叫左個手打牛肉漢堡，裡面有煎蛋、生菜同芝士，配薯條！朋友仔話味道都ok，個包有烘過，都係用心之作，但我見佢隻煎蛋都比較生，拔開支竹韱蛋黄就穿左，食到都幾狼狽！同佢記憶中以前係配粗薯條，口感豐富啲！等餐嘅時間都有啲長，強調即叫即做，要俾多少少耐性先得喔！

喺深水埗探完朋友，正正晚飯時候落街搵嘢食，行下行下見到有間舖頭 ，有原條鰻魚飯。正。。。正是我的喜好，入去試下先😊店舖唔算大，唔夠三十個位，但係差不多坐滿曬人。 好彩我哋喺個角落中搵到兩個位。見到隔離枱差不多每個人都係嗌緊原條鰻魚飯，我仲見到有個鋪滿曬芝士上面頭添😍我同朋友講一於叫呢個👍但係佢話怕肥唔肯加芝士😞唯有下次我自己嚟食嘅時候先加啦😬長個個大鍋，爭啲跌到落枱面咁濟😅將啲鰻魚整開細舊啲， 放返上飯面，鰻魚多到完全見唔到啲飯😅表面帶焦香，皮脂肥美嫩滑，魚皮帶膠質，吃罷滿口魚油香，偶有小骨，但完全影響吾到口感。飯粒爽口夠彈性，粒粒帶甜香，鰻魚汁沁入飯香，美味無比😋😋😋鍋底還有飯焦， 記得小時候媽媽煮嘅煲仔飯，都係有飯焦😍我哋幾兄妹爭住就係食佢啦😅今日再食返，好有兒時嘅味道👍兩個女人仔，叫一個大鍋飯，夠晒飽，加個鹽燒牛脷就夠喇🤗牛脷熱騰騰，咸咸香香，好味😍再加個秋葵，醮wasabi豉油，既好味又有益😆咁好味，兩個人都係食左$220，難怪咁多人嚟食啦～原來晚餐仲抵添😍原來仲有漢堡都好出名噃，要嚟多兩次先試得晒喇😅

布萊恩L食堂, 啱晒我呢個牛魔王。昨天同瓊姐係公司附近搵食，我哋就搵到“Bryan L” 呢隻牛，主打手打牛肉專門店。我哋叫分別叫了“ 手打牛肉芝士漢堡+魚柳包拼芝士薯條”，以及“ 雙重芝士手打芝心牛肉漢堡扒操拌飯”。 手打牛肉都算鬆軟結實，份量足夠，可惜差一點點牛肉味。手打牛肉夾上漢堡包，味都夠香，瓊姐話再烘燶一點，應該會更香口。至於魚柳包真係眼前一亮，魚柳炸得剛剛好，夠熱不油膩，配上千島醬汁味道很好不錯。另外， 雙重芝士手打芝心牛肉漢堡扒拌飯，有一種韓式風味夾雜西方之牛肉漢堡於集一身。味道都算夾，芝心牛肉漢堡裡面嘅芝士真係好流心架，份量仲好大，價錢都係$56連熱飲，性價比都合格。