巧得鍋 (已結業)

今日同男朋友去觀塘打邊爐，去左一間幾有特色既火鍋店，有得打邊爐又可以燒肉，岩哂鐘意試新野既我地呀觀塘工廈入面有間港式火鍋店。一邊打邊爐一邊燒肉，好有心思醬料自選。刺身拼盤。男朋友鐘意食刺身，咁岩餐廳又有刺身供應，滿足一下男朋友的胃口。三文魚最為合我口味，入口魚味濃郁突出。我打邊爐好鐘意食水餃雲吞，皮薄最重要，豬肉餡豐富，每一口都是餡，味蕾好滿足。響鈴、肥牛、燒牛舌，全部都唔少得。牛肉可以打邊爐，又可以烤，各有各特色。牛肉爽嫩唔會鞋口，牛味都算是濃香。要飽肚最後叫左個辛辣麵。

好耐無打邊爐吖，心思思想食，所以今晚就去十下十下近近地收工後即去觀塘搵餐廳，上openrice 睇到呢間好似好正，決定食呢間座位好舒服，因為夠闊！今晚我地2個人好肚餓，所以叫2人set，感覺抵d！多野食首先來左2個小食，木耳有少少麻辣，都幾開胃。而蓮藕就唔辣，口感好爽脆我地叫左雞煲，選左bb辣。份量半隻雞有好多舊，絕對唔係每人得3~4舊雞，而且超級野味，勁勁勁好食！雞唔肥。洋蔥，芫荽都係勁多！食到停唔到口牛肉拼盤份量都唔少，牛肉大大塊，而且食落去唔韌亦都唔會好肥，好食！呢個拼盤有好多野食，帶子大大隻，新鮮！而蠔就大到好似桶蠔咁！，正！羊肉餃羊肉好重，牛肉餃好香手打蝦丸同墨丸好彈牙牛脷我係第1次用來打邊爐，估唔到可以咁好食！套餐包2特飲，好抵吖，散叫都要30幾蚊1杯。而且甜甜地，唔錯食到最尾，有2個甜品送。我地叫左千層cake,我想講真係好好食，真係食到一層層，開頭仲以為係好一般嘅cake, 真係好想再食多一塊今晚真係好飽，而加真係唔貴。

今日約咗好友開餐，由於各有各忙，又有人要加班，等齊人都已經好肚餓了。幸好這家餐廳有個優惠，4位有刺身拼盤贈送，唔洗等，即時醫一醫肚先，雖然係送贈的，但都款款好大件，有三文魚，吞拿魚，油甘魚，仲要好鮮甜添！我們先選擇了個二人份量的套餐前菜＂麻辣雲耳＂爽爽地辣辣地好惹味；＂涼拌蓮藕＂清清地爽爽地。＂滋補花膠燉竹絲雞煲＂全晚的焦點所在，真材實料，這個火鍋湯底根本就係個滋補湯，又濃又香又美味，眼見都有兩個件花膠，半隻竹絲雞，鮑魚，螺頭…　有些我也攪不懂是什麼，未開始打邊爐我們已經飲咗一半湯了。＂巧得牛肉拼盤＂肥牛、牛𦟌、牛舌…　選擇很多。＂巧德大拼盤＂蠔同帶子都超大粒，鮮蝦丸同墨魚丸好鮮好甜又彈口，羊肉餃又特色，仲有蜂巢豆腐吸晒D湯汁好甜。＂巧得蔬菜拼盤＂有菇有菜… 超豐富又新鮮。＂檸檬青蘋果＂味道甜甜的，打邊爐不可缺少的有氣凍飲。＂芒果奶凍千層蛋糕＂飯後甜品，千層蛋糕中間有一層芒果凍，又真係幾香芒果味喎！另外散叫咗其他，這幾款我很欣賞：＂牛肩胛＂好新鮮，雖然係薄片，但好濃牛肉汁味。＂百花油炸鬼＂這款小食好特別，外皮油炸鬼好香脆，內層蝦膠又彈又甜。＂萵荀拼蓮藕片＂萵荀又大片又甜，如果食麻辣湯底

今年家姐生日飯媽咪揾了一間樓上舖該間舖頭是食烤魚雞煲,我地選了烤魚套餐當中還包括了前菜、刺身、大拼盆及飲品；刺身都是靚的食材有：赤背、大大隻帶子、海膽等等真的鮮味無窮;拼盆都唔失禮大大隻廣島蠔、安格斯牛肉餃、牛肝菌羊肉餃、扇貝、蜆、蝦丸黑丸等等，火鍋當然不能沒有肥牛當晚的牛脊胛油花明顯，只要軽軽涮涮把它送入口，軟滑無渣重牛味，真的津津有味！之後加單加潻了醉雞，及墨魚釀冬菇；醉雞可能醃製時間足夠，就算涮久了也能食到雞當中的酒香味，不得不提墨丸相當彈牙！真的很不錯！！

友人係呢頭收工想烚下烚下, 我提議去呢間呢度特式湯底及火鍋配料多選擇, 亦有刺身供應兩個人唔想多諗, 可以叫呢度嘅SET (每位$268, 兩位起), 由前菜, 鍋物, 主菜, 配料, 甜品都有! 巧得招牌鷄鍋 (半隻), 可選辣度, 配上大量洋蔥, 甜椒, 芫茜等香味嘢, 滾番起就食得!係等食期間, 有麻辣雲耳及涼伴蓮藕作為餐前小食, 味道唔錯!要了BB辣 (呢個BB果然係辣妹(仔)), 半隻鷄份量都唔少, 2人食足夠有餘, 鷄肉被濃香惹味醬汁包圍住, 倍感滋味; 而煮腍左嘅洋蔥及甜椒變得甜味, 咪錯過呀!食完鷄鍋, 可轉為清湯進行火鍋時間, 仲有鐵板可作燒烤之作, 一爐兩食!主食可選刺身/牛肉拼盤, 火鍋又點可以無牛?!  當然選巧得牛肉拼盤, 拼盤包括牛展, 肥牛, 牛柳粒, 牛脷等, 一次過可以試多款!  牛展, 牛柳粒及牛脷可以燒烤, 鐵板上舖了紙就唔怕燒焦,仲可以索油!  牛脷厚切, 燒完外香內軟, 帶頗重牛舌味; 牛柳粒帶點嚼勁!另外個清湯鍋就用黎烚海鮮, 呢個大拼盤包括大扇貝, 鑽石蜆, 日本廣島蠔, 蟹柳, 蜂巢豆腐, 手打蝦丸, 手打墨丸, 韮菜牛肉餃及粟米羊肉餃!

喺openrice見到呢間評價唔錯，於是就諗住試吓。自問要求唔算高，呢間餐廳只能夠用差字去形容。我哋一行兩個人去食，點咗個巧得set試，每位都成$269。前菜係雲耳同蓮藕，平心而論呢個個味道不過不失，可以接受。之後上個刺身拼盆，所有刺身完全唔新鮮，尤其係海膽，好腥。之後上嘅係佢嘅雞煲，雞煲味道還好。再上嘅邊爐料先精彩，先唔講份量得丁屎咁大份，無得refill。名義上有兩隻帶子，實際上係一隻，因為另一個隻縮水縮到營養不良似的，差啲要用放大鏡先睇到。兩款餃子，分別係韮菜同牛肉餃子。牛肉餃賣相已經唔討好，食落口質感同隔夜牛肉球無異，救命。其他食材情況大同小異，完全唔會用好食去形容。總結而言，永不錄用，如果你抱住打大佬，食明將嘅心態嘅話，都可以一戰嘅。

試ㄧ次都嫌多。2月3号晚上九大小去食。到達時安排ㄧ張長枱2個爐。( 由2張細枱拚合)問店員距離那麼遠， 豈不是要落2個湯底?他答說你地咁多人都预左啦! 我問訂枱時為何不明言冇大枱?由於有大有細， 而且有D從港島區過來，7點鐘飯市臨時間， 好難再揾第二間。無奈坐下，2張枱又ㄧ高ㄧ底， 高果邊要企起身先整到野食。牛肉款式只有牛頸脊或和牛( 貴同少)，其他食物都系很少量的( 落單要有心理準備) 結果我們要再叫四份公仔面先夠飽。但埋單都$1,860。雖説他們沒有收醬油費, 但服務態度令我們也沒有比貼士。另只收現金。否則要多比付加費如果多過6個人? 真的要考慮是否適合。

今日和同事出去做野後，翻回觀塘已經超過兩點，立刻係公司附近揾地方吃個 lunch. 巧得鍋晚上食火鍋好爆場，同事話呢度都有 lunch set 選擇好多，不如就去巧得鍋。兩點後人已散曬，好多空間，真難得可以食個快又清靜既 lunch 呢！睇下lunch set ，真係好多選擇！主要係日式，還有中式既口水雞或西式既天使麵。。。。。唔知點解，黎中菜館理應食中式，不過我和同事唔知點解，不約而同地都想食壽司同刺身飯。喺巧得鍋食刺身、壽司飯？ 哈哈，why not? 先來前菜沙律同芝麻藕片。份量好大夠兩人同享。芝麻藕片好脆口，好開胃！飲品我叫左"初戀"。。。。由蘋果同奇異果打既果汁。。。。蘋果代表甜蜜,奇異果代表初戀的酸痛滋味？哈哈，飲住初戀，心裏想既係大量維他命 C 能美白就真！我既精選十件的壽司盛到了！88元十件，第一眼就見到海膽同牡丹蝦，嘩，唔錯！蝦頭好好食，有蝦肉有蝦膏。三文魚腩、吞拿魚、劍魚、帶子同鱆紅魚各兩件。味道不過不失。在火鍋店能吃到唔錯既壽司，也很滿意了。極品魚生丼 88元同事的極品魚生丼都看上去很豐富,而且都整得靚靚嘅，魚子新鮮，同事都話唔錯！估唔到仲未食到巧得鍋既火鍋，先食

心血來潮💪🏻打邊邊 第一次來👍🏻 walkin 6點到 成為最早一檯😂點左個2人餐 ～揀左烤魚鍋 揀牛拼盤另外加左3隻牡丹蝦 同一份雙拼 蚌😅牛拼盤可以板燒....不過未食已被ko ,好飽😛Overall 好滿意，尤其海鮮好新鮮，蠔la,蜆la蚌la,蝦la, 帶子la,烤魚la....呢度值得推介比朋友可以encore

同同事去happy Friday lunch, 揀間坐得闊落開心嘅「巧得鍋」，唔好以為佢得火鍋，其實佢lunch都唔少嘢食！今日食咗會麻辣雞飯, 雞ok, 食得出有脾有背，飯口感ok, 成件事企理開心。2:00後入座有甜品/特飲送。餐前仲有碟蓮藕送吓。$58 有咁嘅質素ok呀係杯綿花糖朱古力甜咗d, 但成件事ok嘅！

呢種天氣就係不停打邊爐啦😍第一次係工廈打邊爐 聽朋友既評語都唔錯決定去試下😎我地三個人先黎一個巧得招牌雞煲 ($138)🐔叫左半隻雞要少辣既🌶雞件嫩滑好入味而且份量都足夠我地食😚調味好夠 辣得黎幾過癮😂食完個雞煲就叫其他火鍋材料😋😋其中覺得個極上黑豚肉🐷 ($108) 同羊肉🐑 ($78) 係值得推介既🤗黑豚肉好新鮮 食落唔會韌而且肉味香濃🤤羊肉就夠騷😝整體黎講 呢到打邊爐都係唔錯既😎地方雖不大 但都坐得舒服 價錢都合理😙八點半前埋單仲有九折😁

今日氣溫跌到得返8度，在天寒地凍的日子，放咗工就最好去打邊爐，食返啲熱野暖返下。見到係觀塘工業區呢邊有間樓上的巧得鍋，方便就腳，人都比較多，就黎試下。餐廳鋪面唔算好大，一早就坐满人， 想黎食既人都係早啲訂定位比較好。餐牌選擇十分多，可以先揀定湯底，雞煲，或魚，再選配料我地見到個巧得Set 都好抵，每位$268,但包晒湯底，牛肉拼盤，飲品等，就揀咗。功得招牌雞煲，半隻，Bb辣，雞件新鮮嫩滑，炒得好入味材料豐富，洋蔥，芹菜，辣椒等老闆見我地食完個雞煲仲非常好人幫我地換咗個清雞湯底比我地煮其他的牛肉同菜功得大拼盤，主打海鮮，日本廣島蠔厚肉大隻，扇貝超大粒，咬落啖啖肉，手打蝦丸手打墨魚丸彈牙爽口，羊肉餃同牛肉餃皮薄餡靚，鑽石蜆新鮮大粒安格斯牛肉拼盤，牛頸脊,牛肩胛，牛柳粒，牛脷，牛𦟌，全部切得薄身，易熟，咬落有口感，牛肉味重，新鮮蔬菜拼盤，種類多，新鮮鮮甜兩杯飲品，藍草莓同檸檬青蘋果特飲，口感鮮甜好飲最後仲巾兩甜品，芒果千層蛋糕同朱古力千層蛋糕，好creamy, 芒果味同朱古力味香。

天冷，下班找了個地方打邊爐。選了很多媒體推薦的巧得鍋，感覺還不錯，的確有獨到的地方。主要特色在於它同時提供燒烤火煱兩種食法。我們直接點了套餐，自選了鮮少能在火煱店得見的三文魚腩煲作湯底。奶白的香濃魚湯味道鮮美濃郁，可見用料童叟無欺。三文魚腩的成色亮麗，魚肉香嫩。套餐中跟了海鮮拼盤，按人頭安排分量，廣島蠔和鑽蜆的塊頭十分大，放魚湯份外鮮美。另選了牛肉拼盤，賣相很吸引。混了四種不同牛肉，其中肥牛片全放了湯煮，肉味香濃，肥瘦適中，物有所值。開了鐵板燒烤牛柳粒和牛舌，店家還提供了獨家烤醬，另有一番風味。套餐亦跟有蔬菜拼盤和甜品，三種口味的千層蛋糕味道不錯。火煱美味到底取決於湯底，三文魚本身自帶獨特鮮味，比一般魚湯更香，用作鍋底確是十分滋味。

肥牛肉片，賣相和味道相稱，有冰保持其溫度贈送的壽司，不是欺場，有帶子，有甜蝦，有厚切吞拿魚，有三文魚剛炸好而脆口，可以一試醉雞件半隻，份量好足，新鮮和味道也是較好的質素整體來說，食物新鮮，牛肉和雞件也可以。牛肉的脂肪和肉的比例是適合火鍋用，不會太肥，做成鍋中的油過剩。雞件煮熟後，還有淡淡的酒香。雙拼不是好選擇，因為雙拼後的份量較少。適合品嚐箇中味道一下，非飽腹之用。壽司是4人以上而贈送，也是厚切，不錯的質素。服務上屬一般以下，晚上830前結賬有9折，可是，服務員840分問我們可不可以9時前還枱。感覺上，沒有9折而好像趕客。生日也沒有什麼優惠活動，只是一個相聚的好地方。

寒冷嘅天氣最啱打邊爐，今次揀了官塘工廈內嘅巧得鍋，見openrice 都多人讚，就來試下。首先，地方算易找，地鐵行過來應該唔駛10分鐘，但喺工廈條走廊總是聞到陣陣怪味，但入到去餐廳又無左。我地四人今次坐旁邊卡坐，都幾舒服闊落，一坐低就又好多醬俾你加，隨即就放低魚生拼盆，說是四人或以上訂坐就有，但我地未齊人，得3人到左，跟住就叫佢攞返入去雪住先，人齊先再攞出來。原來有部份set 係專門俾你燒，今次我地主力食雞煲加火鍋，就留返下次先試燒啦！雞煲d 雞同個醬汁都幾好味，不過同出面嘅醬汁有d 唔同咁，加左d 咖哩味咁，但都幾好食。手切牛一定要淥得快即刻食，唔係會好鞋！墨丸無咩特別，其餘都幾企理，價錢都唔算貴，我地四個人食左$1200, 會再返轉頭食嘅好地方！