巧得鍋 (已結業)

慶祝朋友生日三人行到呢間巧得鍋，地點都幾就腳，非常近觀塘地鐵站，大約係B出口行5分鐘，佢係一間工業大廈入邊，有少少難搵，因為棟工廠大廈都幾多出入口，嚟嘅時候記得睇清楚有冇見到佢哋個招牌，有招牌先係岩嘅入口。我哋今日就叫咗胡椒鹹肉豬肚湯，湯底入邊嘅料唔算好多，得少少，我哋另外叫咗牛肉、響鈴、豬頸肉、蝦滑、娃娃菜等等。份量唔算好多。呢度位置都幾大幾舒服，亦冇時間限制，所以可以同朋友慢慢坐慢慢傾，我哋最後仲喺度食埋蛋糕，佢都冇另外收我哋切餅費。P.s. 仲有啊呢到有好多醬料 同埋蕎麥茶好味

好少有機會 星期六嚟到工廠區試下啲新嘢食聽人哋講 呢間巧得鍋 夜晚係有 刺身同火鍋不過今日晏晝嚟到 就試住佢啲套餐先佢哋午市套餐原來有好多選擇叫咗個安格斯 牛肉 金菇 炆烏冬個烏冬 炆得好入味 牛肉都煮得好好食 跟住叫咗個 極品 魚生井D魚生 三文魚 真係好新鮮 好似去咗日本度食飯裏面充滿咗魚子粒粒我就 好鍾意加埋 D豉油 一齊食呢度 另一個特色 係佢哋啲特飲鮮果特飲 味道 好鬼正 即刻想叫多杯芒果榴槤 有好香既 芒果味 啱曬 夏天飲 加上地點方便 一出觀塘地鐵站 轉個彎就到

今次用openrice 網上訂位, 觀塘區火鍋店並唔多, 比較多好評既應該得呢間，雖然係工業大廈嘅火鍋店, 但係服務和食物質素出乎意料地非常好。服務方面，餐廳同事非常細心,留意到客人覺得冷氣太大主動調整冷氣,成餐飯店內所有的員工都十分有禮貌，非常難得。食物方面，性價比非常高，套餐有濃湯海鮮鍋湯底，牛肉拼盤，海鮮拼盤(大蝦扇貝桶蠔蜆），手打蝦丸墨魚丸餃子等等。食得出餐廳好有誠意提供新鮮食材（睇下相你就明白），彌補餐廳位置上既不足。如果係想食好嘢，又唔介意行多兩步去工業區，呢間絕對食得過。

假期前夕相約啲好同事一齊嚟個happy dinner 瑜伽同事話觀塘有間雞煲打邊爐九點後入座，有八五折，仲話好多好評，所以就book 位去試吓啦，我哋坐咗個位呢，係有兩個爐架，一邊就放雞煲，一邊就放打邊爐。通常都係食完個雞煲之後，倒啲湯落去打邊爐，但呢間就分開，我都係第一次咁樣食其實食完雞煲咁濃味，隔離有個清淡啲嘅湯打邊爐，感覺冇咁邪惡🤣🤣🤣佢地仲送刺身，唔好以為送普通料，其實係又新鮮又大件👍🏻打邊爐有八款配料俾你撈，最抵讚係個XO醬，好鬼好味，不過就略嫌辣左小許🤭講番個雞煲，個味道都係惹味，配料嘅洋蔥同芫荽都夠多，不過D雞就晤多有肉，肥膏多D，但我都覺得好食嘅另外一定要介紹，四人異口同聲都話個炸魚皮好食到爆，佢真係即炸，我未食過打邊爐有熱嘅炸魚皮，又夠脆👍🏻👍🏻👍🏻👍🏻其他食物都係不錯，食到我地飽到嘔，每人都只係$250😱😱😱仲有順帶一提，like佢哋嘅Facebook有一罐汽水送，一個account 一個like一罐汽水，可惜我唔知嘅時候，就叫咗個熱情果沙冰，但係都非常好飲唔太甜

觀塘工廈真係好多好野食….今次係去間比較難搵既火鍋店呢間火鍋店有好多雜誌報導同名人介紹所以今次就要黎試下得兩個人又想好幾款野食,所以我地就揀左二人餐鍋底都有好多選擇, 有D湯底好特色, 好似玉竹薏米乳鴿鯊魚骨湯、花膠燉竹絲雞鍋、濃湯極品海鮮鍋等等我地最後揀左花膠燉竹絲雞鍋, 滋補下湯底好足料!有半隻竹絲雞、花膠、鮑魚、螺頭同埋藥材…識食一定先飲碗湯先!跟餐有兩款小食, 麻辣雲耳 同 涼拌蓮藕兩款小食都唔係好辣, 開胃不錯火鍋醬料好齊全, 我最鍾意XO醬!之後係巧得牛肉拼盤, 有好多款唔同既牛肉,店員仲幫我地開埋烤板燒肉,牛展好爽好好食!巧得大拼盤有海鮮、手打丸、特色餡料餃子扇貝同廣島蠔好大隻, 手打蝦丸同墨魚丸好彈牙, 兩款餃子餡料創新!甜品揀左兩款千層蛋糕….幾好食!3百蚊位包以上野食同埋特飲、甜品, 不錯!

正所謂大隱隱於市，美食藏於工廈。呢幾日天氣突然又翻涼，食癮起就約左個老友收工後打下邊爐，吹下水。呢間係老友食過推介，一定冇失禮 就一探究竟。呢間餐廳離地鐵站都幾近，大概5分鐘路程，地離分置已取一分。眼見Menu好多選擇，火鍋、刺身、特式小菜 一應俱全。我地今次目標好明確，見到有個鍋物二人set，諗都冇諗就叫左。先黎兩款前菜，麻辣雲耳、涼拌蓮藕，好傳統既四川小食，點點辣再帶上麻 好香口，蓮藕則更勝一籌 咬落爽脆，以前菜黎講十分高質。係十幾款鍋物中，我地點左招牌雞鍋小辣。未幾 雞煲已經送到，同以往認知既重廈雞煲唔同，巧得鍋呢款係另外仲有落紅椒、黃椒，顯得雞煲七彩繽紛。而且小辣亦都出奇地辣同惹味，小辣已經咁上下級數，相信愛辣之人可以挑戰下佢既大辣。主食：巧得牛肉拼盤，包括安格斯牛頸脊、牛肩胛、金錢牛展、安格斯牛肉粒、牛脷，各有千秋，可謂牛魔王最愛。其中大推牛頸脊同牛脷，牛頸脊因為係牛經常活動既部位，所以脂肪比例較少，但係牛味就十分濃郁。牛脷就滾佢兩滾，肉質就會好淋身，食落啖啖肉。巧得大拼盤，包括大扇貝、蜆、廣島蠔、牛/羊肉餃等，大部分以海鮮為主。扇貝大大粒，初睇仲以為可以當刺身即食，滾兩下

9:00後入座85折，尋日同男友突然想打邊爐，上open rice見到巧得鍋勁多好評，就一心黎試下。入到鋪面，環境好好👍🏻👍🏻、好舒服，但星期六都唔爆場，好多吉位，所以安排左張4人台，店員服務態度好好👍🏻👍🏻入正題，我地叫左個胡椒鹹菜豬肚湯底，好咸好辣..本人覺得唔太適合打邊爐。一份小的牛肩脊$198，是閹牛，所以偏硬.....好硬😂咬唔開...。最令我失望的是珊瑚蚌貴妃蚌，唔太新鮮，唔爽。墨魚滑蝦滑都不夠彈牙，這個價錢咁既質素我覺得唔抵食。☹️

天氣乍暖還寒，打邊爐同燒肉都係非常好既選擇，但有時兩者都好難揀，打邊爐就無咁熱氣，但燒肉就好味香口。今次去食依間餐廳就滿足左兩個要求，又可以邊爐又可以燒野食。 我地叫左個海鮮SET，有前菜、拼盤、特飲同埋甜品，個SET都好抵食。 雲耳同蓮藕 我地叫左芫茜鍋，無咁熱氣 主菜就牛肉拼盤， D牛肉都唔錯。 因為可以玩埋燒肉，我地就用牛肉粒黎燒，因為燒左會香D好味D 之後仲有D 丸、海鮮同配菜 其實依個SET都夠食，不過口痕後我地加左安格斯牛同埋D 芝士腸同蟹柳，安格斯牛份量ok 但後加既丸份量唔係好多，所以下次都係叫SET抵食D。

官塘墟好久沒去，朋友建議找來了一間樓上舖是食烤魚和雞煲,我們選了烤魚套餐侍應先端上前菜木耳併蓮藕和魚生，跟著先安排食烤魚雖然魚不算大條但重質不重量而且十分多配料；食完便可以加湯食火鍋，需要二選一刺身盆或牛肉拼盆，我們楝了刺身盆，刺身相當新鮮：赤背、帶子、海膽、三文魚及吞拿魚等等，每款新鮮真的鮮味無窮;另有大拼盆及飲品；拼盆有好大隻廣島蠔、扇貝、蜆、蝦丸、墨丸、安格斯牛肉餃、牛肝菌羊肉餃等等，每樣都啱食而且重點是新鮮，飲品就揀了藍草莓和奇異菓特飲，唔太甜好飲；侍應還介紹牛脊胛肥牛、醉雞、魚卜拼豬頸肉和墨魚釀冬菇畀我地，肥牛軟滑的香濃油脂牛肉味，使口腔很久仍是津津牛肉味！醉雞濃濃酒味、豬頸肉爽滑、墨魚釀冬菇彈肉，每樣都好好食，朋友真是無介紹錯，好食！

觀塘真係今時不同往日, 好多年沒有去觀塘, 在朋友的帶領下去位於觀塘工廈內的食肆打邊爐, 估唔到無論是食材抑或食肆內的設施, 都令人刮目相看, 座得舒服, 食得滿意.這間位於工廈內的打邊爐專門店”巧得鍋”原來都有唔少客仔, 我們入到店舖裡面見到幾乎滿座, 一座低, 侍應便捧上出共16款的火鍋調味料讓我們調較自己喜愛的醬料. 跟住, 我們叫了個好特別的番茄三文魚頭腩鍋湯底, 落晒order之後, 我們再看個枱的設計, 枱中間凹落去, 裡面有個打邊爐用的電爐, 旁邊仲有個煎pan, 侍應在煎pan上鋪了一限牛油紙再掃上薄薄一層油, 然後告訴我們, 打邊爐的食材, 如果喜歡都可以在這邊煎來食, 仲有, 每張枱的兩邊仲有USB充電插座, 可以給手機充電, 哇, 淨係個枱的設計, 都已是非同凡嚮, 與眾不同, 可以俾個讚!好快, 食材陸續上來, 有刺身拼盤(每枱送一碟), 有安格斯牛肉拼盤, 仲有自家吉品鮑魚餃拼手打芝心蝦丸,鮮蝦水餃拼牛肝菌羊肉餃, 仲有脆骨腩拼豬頸肉及辛辣面. 個湯底有番茄的天然酸味, 好香, 仲有好多舊炸咗的三文魚頭腩, 仲有薯仔及一些香芹, 雖然有好多三文魚, 個湯一D都

我身邊嘅朋友都好鍾意打邊爐, 呢間來過幾次, 水準都有番咁上下. 於觀塘工厦嘅食肆好處係店內佔地大, 唔洗坐得迫迫夾夾, 叫多咗食物都唔怕放唔落, 睇下我地今次4個人叫咗成枱都係首先, 4位就送刺身, 今晚有油甘魚, 三文魚腩, 吞拿魚, 送嘅都咁有質數呢度可以打邊爐及燒烤一齊食, 今晚我地專心一件事, 只打邊爐, 唔洗諗咁多, 最好選個"巧得SET", 有十幾款鍋底可以選, 天氣有點乾, 要滋補下就係"花膠燉竹絲雞鍋(半隻)", 呢個湯底真材實料, 有烏雞半隻, 大大花膠有2大件, 鮑魚, 螺頭及杞子...等, 未打邊爐已經俾我地飲咗半煲湯.醬料放在九宮格, 任你自已配搭巧得牛肉併盤每樣都有齊, 可以試齊唔同部份, 牛肩胛最有牛味, 薄薄一片輕輕啅下就食得, 快靚正.巧得大併盤, 有大扇貝, 鑽石蜆, 日本廣島蠔, 隻蠔熟咗都有咁大隻, 蠔味十足, 包括2款特式餃: 韮菜安格斯牛肉餃, 牛肝菌羊肉餃, 2款都好值得試下.個SET 可以選特飲, 呢個叫"初戀滋味" 幾款生果打成係好融嘅果汁, 可以去除部份打邊爐嘅肥膩.單叫咗白鱔片$98, 爽脆嘅肉身, 夾著微微嘅油香, 打邊爐最佳之選

只前陣子乍暖還寒，所以特登同朋友嚟到觀塘搵食。之後朋友建議打邊爐，所以特登黎呢間又有得食烤魚又有得打邊爐嘅餐廳試試。地點都好易搵，坐低即刻揀咗個烤魚套餐黎試，同點左前菜木耳併蓮藕同魚生，非常新鮮。跟住就食烤魚，睇落有勁多配料，連埋啲汁加埋超入味；之後就可以加湯做火鍋，二選一刺身盆或牛肉拼盆，揀左刺身，魚生款式多又新鮮👍🏻👍🏻之後有點大拼盆，有好大隻廣島蠔、扇貝、蜆、蝦丸、墨丸、安格斯牛肉餃、牛肝菌羊肉餃，全部都好新鮮，加埋湯底汁食仲正。又叫左飲品，揀左夢幻梳打特飲，清爽好飲；之後仲追加牛脊胛肥牛、醉雞、魚卜拼豬頸肉和墨魚釀冬菇。肥牛都幾肥香，之後最鍾意個醉雞，勁濃酒味，落咗湯之後再食都好重酒味😚😚仲有好多餸都未試到，下次一定會再同朋友黎既時候一定會再試多啲款😋😋

星期一訂星期三嘅自助餐已經全部full晒，見到觀塘區就試吓食火鍋啦，見到好多人嘅食評介紹都好好,就嚟試吓啦,結果超級中伏1. 服務態度超唔得，可能人手不足吧，D伙記又新手，order 了又落漏單2. 日本刺身水準是一般水平以下3. 湯底還可以4. 熟食方面水準不錯5. 啲海蝦可以用垃圾形容,霉的6. 牛肉- 最貴的本地手切肥牛頸咀 -刀功差又鞋 同樣最貴的本地手切肥牛頸脊-一樣刀功差但更鞋 次一級嘅澳洲和牛，完全係唔可以入口，絕對係肥瘦分明，鞋都咬唔開絕對唔會再來吃

朋友剛巧在觀塘附近上課，下課後約定在觀塘吃飯。剛好見到這餐廳的宣傳，下午茶送特飲或甜品，非常超值，決定入去試一試。內裡環境都是火鍋的格局，所以位置都很寬敞，坐得很舒服。多樣化的午餐，有中式西式日式，任君選擇。時令前菜生菜配上芝麻醬的配搭，再加少許魚子，酸酸地很開胃。高原野生蕎麥茶茶味突出，麥味香濃，中。百里香牛肋排配天使麵牛肋排切成條狀，易入口兼牛味濃郁，天使麵也煮得嫩滑。壽司盛有12件壽司，且不計成本，還有海膽軍艦，值得一試。初戀滋味是奇異果與蘋果的配搭，味道清新，尋回初戀的感覺。豐香紅顏凰梨和木瓜的配搭，兩者味道配搭得宜，有助美顏。

工業區有很多隱藏食肆.............今天試一下這間..........還算易找......晚上時間........不算很多人........位置舒適......有前後兩頁.....食品種類多.....有12款醬料....可供選擇.....點了花膠竹絲雞鍋...還有鮑魚在內的........2隻手切牛頸咀............肉身不厚........不錯👍值得一試......！萵筍嫩......另外點了鯇魚腩也很滑...整體食材新鮮....服務不錯.....下次會再來！