巧得鍋 (已結業)

今日去開觀塘, 見差不多到丫妹放工時間就係附件兜下, 順便同佢食餐飯先再返屋企。無意中係工廠大廈外嘅招牌, 見到有間打邊爐, 上網search下評價仲幾高, 於是等埋丫妹就一齊去試試。餐廳地方簡潔, 對於工廈黎講算係咁。送上醬油盤 (醬油 HK$18/位), 同埋前菜有香脆魚皮。湯底揀左【胡椒鹹菜豬肚鍋】HK$78湯底胡椒味重, 少少胡椒辣, 幾惹味, 豬肚有咬口【珊瑚蚌】HK$108賣相新鮮, 熟後口感好爽!【手打芝心墨魚丸 併 手打芝心鮮蝦丸】HK$108手打丸類大大粒, 每粒都幾足料彈牙。尤其蝦丸, 真係有粒粒鮮甜彈牙蝦粒, 中心果然有爆芝! 芝士味偏淡, 正好冇覆蓋到蝦丸鮮甜味。墨丸同樣食到墨丸嘅鮮味, 間中食到墨魚嘅細粒。手打系列果然值得encore, 於是叫多個鮮蝦滑【手打鮮蝦滑 併 豬腩片】HK$88同樣鮮甜彈牙有蝦粒; 豬腩片鮮嫩好滑, 肥瘦比例平均【草莓沙冰】HK$35沙冰打得幼細, 味道清甜有果香最後仲有果盤送。

難得大家約到時間食晚飯🤩， 我們決定打邊爐， 就到位於觀塘成業街成運工業大廈1樓的巧得鍋🍲， 雖然店內沒有特別的裝修環境， 但店員服務都很貼心。 一坐低就送炸魚皮，每位$18茗茶及醬油， 然後我們一行四人點了✨檸檬青蘋果三杯$96、 鮮果特飲$32、 酸菜魚鍋$188、 本地手切牛頸脊(小) $198、 海中蝦$98、 大扇貝$98、巧得三$158、 珊瑚蚌拼桂花蚌$118、 自家鮮蝦水餃拼自家太極墨魚釀冬菇$98、 手打墨汁墨魚滑拼手打鮮墨魚滑$88、 野生竹笙拼即炸響鈴$63、 台灣香菇貢丸拼魚肉春捲$63、 萵筍拼翠玉瓜$43、 嫩鴨血$58、 凍檸茶$19 X2、啤酒1664 $23 X3。✨酸菜魚鍋小辣， 酸酸辣辣味道幾適合我😚， 但魚肉有細骨要食得小心啲。牛頸脊薄切， 牛味偏淡。 海中蝦不夠爽口，珊瑚蚌、桂花蚌和大扇貝都鮮甜新鮮😋， 另外其他丸類、肉類和蔬菜類味道正常。 除了打邊爐之外，我們還有燒烤， 叫了一份豚肉拼盤， 但有些肉類好像未解凍， 好冰的感覺🥶。 飲品方面店員特別介紹檸檬青蘋果， 入口清新美味。 另外有鮮果特飲和凍檸茶， 大大杯都幾抵飲， 打邊爐不能少啤酒🍻，

今日同朋友黎左巧得鍋食雞煲同打邊爐。店員好快手就送上一碟魚皮比我地食，又脆又香口，做前菜一流～又送上火鍋調味，最鍾意混醬我地試左花膠雞煲同打邊爐，兩者都好高質！雞肉好嫩滑，而且十分入味，加上雞煲嘅汁好濃郁同十分惹味，一食就停唔到口。花膠有手掌甘大塊，又Q彈又入味，真心推薦！連我朋友一向吾太中意食花膠都話好好味至於打邊爐嘅料都好掂，我地都好中意海鮮，所以叫左北海道帶子同紐西蘭鑽石蜆，兩樣嘅size都有手掌甘大，而且分量都多！蜆都幾新鮮，帶子就唔係新鮮帶子，原本有d失望，點知帶子肉質係超嫩口同彈牙！加埋嗰湯底配搭真心正！ 主食我地就叫左個紅薯粉，點知分量好多！紅薯粉煙煙韌韌真係好中意佢嘅口感！湯底應該係雞湯，又香又清甜～朋友仲將紅薯粉加埋嗰湯一起食 蔬菜就叫左西洋菜同萵荀，正常發揮啦都系好新鮮。肉類我地見到豬頸肉有推介符號，所以都點左，肉質好嫩滑！仲要淥左好耐撈返上黎d肉質都係好嫩滑！果然無推介錯，值得點黎試！最後差不多食完嘅時候，店員仲送上冰鎮哈密瓜，好清甜，食完熱野再食冰鎮哈密瓜好爽！ 食物整體質素都係高質，又新鮮又嫩口，而且分量仲好多好抵食我同朋友食到勁滿足，而店內環境都好乾淨同舒服

今日同朋友在觀塘食lunch, 去了一間工業大廈隱敝的樓梯上一層的巧得鍋，見餐牌, 好多選擇, 又經濟優惠, 我選了個花膠冬菇養生清雞湯$68,再加$5升級左要烏冬, 朋友叫了個銀鱈魚改白飯$68。店員先給我們一壺茶, 賣點係高原野生蕎麥茶,有陣陣花香, 茶味清香。前菜送上一人一碟麻醬沙律, 沙律菜新鮮。到主角上喇, 花膠冬菇養生清雞湯烏冬，清雞湯夠清, 唔會好肥, 好鮮甜的雞湯味, 材料夠足, 有一大條花膠筒, 食落又淋又有膠質，唔會有魚腥味, 還有大粒杞子同桂圓肉, 令湯底更甜, 先飲晒成碗底, 夠晒滋補養顏, 仲有多片花菇, 好香, 介晒花咁, 睇得又食得。朋友叫了香煎銀鱈魚飯, 有兩塊銀鱈魚, 旁邊仲伴了沙律菜, 好食。飲品叫了鮮打鮮果沙冰, 可以半價叫特飲，選了菠蘿味, 好大杯呀, 飲極都仲有, 解渴清涼。

鍾意食雞煲嘅人，梗係要最少一個月食一次啦🥳🥳-加上最近鍾意發掘一下工廈有咩隱世美食🤔見到巧得鍋評價唔錯，一於就入去食下佢嘅招牌雞煲啦😚果然冇令我失望呀😙-如果有選擇困難症嘅你，可以直接揀巧得set😍入面包含前菜、鍋物（有雞煲揀🥰唔想食雞煲都有唔同火鍋鍋物揀👍🏻👍🏻）、主食（牛魔王啱哂😍）、巧得大拼盤、甜品同飲品🥳呢個SET基本上大包圍，咩都有得食，由前菜到甜品，簡直係一條龍服務呀🥳-唔想食set都可以散叫👍🏻我見佢嘅用料都好靚🤩見到隔離枱散叫牛肉，望落都好新鮮😍-今次我同朋友就叫左巧得set($268/1位)😆1.前菜前菜有麻辣雲耳同埋涼拌蓮藕😋兩款都好有風味，醬料調得好好，唔會好辣😍連唔食蓮藕嘅我都食左幾舊😚-2.巧得招牌雞煲（中辣）真係巧巧味呀😍😍雖然份量唔多，但兩個人食都足夠有餘😄雞件食得出係用靚雞，好重雞味👍🏻而且雞件都好厚肉😍😍雞煲味道唔會太鹹，加左好多紫洋蔥，令雞件食落去更香口😋老闆仲好好人送咗鮮炸嘅魚皮，勁鬆脆😆點雞煲汁超正🥰-3.巧得牛肉拼盤見到真係嘩一聲🤩🤩牛魔王雙眼即刻發光🤩上面嘅肥牛好大塊，擺到好似瀑布咁樣😆仲有牛肉粒、牛脷、牛𦟌😍全部都好重牛味同埋好嫩滑😆-4.

放工同事介紹去左觀塘巧得鍋烚下烚下，裝修同擺設有少少似日式風格，配有濕紙巾方便客人消毒，員工好積極介紹餐牌同周不時都會過黎問問有咩需要，好貼心！坐低左店員就會將醬料架放係枱面，方便客人選擇自己的醬料，係選擇食物的時候店員貼心地送上魚皮又香又脆，比客人可以邊食邊選！最後選擇左食巧德Set，分別有酸酸辣辣開胃前菜(木耳同蓮藕），巧得招牌烤魚鍋，配有牛肉拼盤，大拼盤（貝殼類海鮮，丸類，牛肉羊肉餃，手打蝦丸墨丸），蔬菜盤！烤魚十分新鮮湯底鮮甜，牛肉味好出，手打蝦丸墨丸有驚喜，好彈牙，而海鮮不過不失，正常味道！套餐亦配有飲品同飯後水果！整體感覺性價比高，味道亦不錯，推介比大家！

兩個女仔去打邊爐因為朋友係官塘做野就搵返佢附近食見到呢間評語都唔錯就黎試試我地個日都較早去到都未有好多人去到環境都幾好我地就睇下食乜兩個人打邊爐其實如果散叫真係食唔到好多原來佢有個巧得set真係岩晒我地揀左招牌烤魚鍋巧得牛肉拼盤同兩款飲品就乜都唔洗諗等食幾好😝佢個烤魚份量都好夠配料又多味道都好夠我地叫左小辣之後個牛肉拼盤影相一流有牛脷，肥牛，牛柳粒我想講個牛脷超級勁正食落去好淋肥牛質素都好好相比之下牛柳粒就普通左少少但都係好食既仲有個蔬菜拼盤有幾款菜累菇類掛瓜類樣樣都好新鮮跟住就有巧得大拼盤有海鮮，蠔朋友都話好食（因為我唔食)貝殼類都無沙新鮮手打蝦丸墨魚丸好彈牙仲有兩款餃子都好好味本身以為唔夠食但食到中間已經開始飽魚皮都好脆好新鮮另外不得不提個冷盤麻辣雲耳同埋涼拌蓮藕竟然有驚喜食到唔停口另外特飲就揀左菠蘿沙冰同埋麻辣特飲個沙冰就好夠菠蘿味，味道又唔假好飲麻辣特飲幾得意真係辣辣地最後仲有水果連個哈密瓜都甜呢間真係會再黎特別係少人就可以揀呢個set食物好味新鮮又多款式唔洗諗環境又ok

很久沒有吃過鷄煲，今天就和朋友來觀塘試試。點菜前先調好調味料，有9宮格，XO醬味道香濃。由於只有2個人，我們點了巧得招牌鷄鍋（半隻）走辣，因爲我們2個都不吃辣。雖然沒有辣味，但是鷄煲還是有足夠味道。雞的分量足夠，而且雞件也是嫩滑的，有叮囑我們 要keep住攪動鷄煲，因爲湯汁較稠。另外餐廳送了炸魚皮，魚皮上桌微暖，感覺是新鮮炸起，香脆可口。吃完雞煲便加湯打邊爐。澳洲和牛（小）牛味出，而且有咬口。蔬菜方面點了西洋菜和萵筍雙拼，洗得乾净而且新鮮。另外還點了竹笙和響鈴索汁。值得一讚的是服務態度很好，全程會幫忙看火和調教火力，不錯。

生日前夕黎觀塘工廈覓食，朋友推薦呢間巧得鍋，雞煲邊爐燒烤樣樣有。餐牌好多選擇，我地點左個牛雜雞煲同巧得三。牛雜雞煲用料十足，雞肉嫩滑鮮甜。食到差唔多的時候我地就加水打邊爐，所以我地仲點左d火鍋配菜，有黑柏葉同拼手打鮮蝦滑。巧得三 其實係燒烤用的，一set入邊有特選豬頸肉、日本水飼豬腩肉、極上黑豚肉、長城午餐肉同埋配有生菜及醬汁。燒烤爐就係雞煲旁邊，非常方便，已經預熱好隨時擺落去燒，快熟而且冇乜煙，食得好滋味🤤🤤。最後已經食到好飽，竟然仲有水果送，真係唔話得。👍

這次在觀塘工廈覓食，去了一家吃火鍋的專門店。店舖環境挻大的，而且挻舒適涼快😆。白天是做的午市以客飯為主，跟餐有沙律和飲品附送，另有雞煲套餐供應。💥咖哩豚肉腩片飯 HKD$58，這個份量十足，滿滿的豚肉片在咖哩裡，另有洋蔥/薯仔等等配料。咖哩味道香濃，還散發微微辣味，甜甜辣辣的不會太咸。豚肉肉質嫰滑，配著咖哩拌飯吃挻不錯。💥海南滑雞飯 HKD$58，這個是配白飯的版本，另有兩款醬汁用來配雞吃。海南雞賣相雖然平平無奇，但雞肉飲質嫰滑，吃不到雪味的☺。另有點了凍咖啡和熱奶茶，凍飲需要加HKD$3。兩杯飲品味道香濃，邊吃邊喝挻享受的🙈。食物質素不錯，大大份的可以吃到飽飽的，價錢一般。

今晚收工與同事來到觀塘apm逛街，去了成業街成運工業大廈打邊爐，餐廳裝修似日式餐廳，甫一入店已感覺店員招呼周到。有消毒紙巾抹乾淨食具及雙手，幾衛生。醬油 | $18位店員會先把醬料架放在枱上，有很多醬料選擇，特別是有XO醬。胡椒鹹菜豬肚鍋| $78湯底有很多配料，大半鍋的鹹菜及豬肚，豬肚越煮越腍，只是吃湯底的配料都夠一個人食飽。炸魚皮 | $0餐廳送炸魚皮一碟，好脆，輕輕一點胡椒湯鹹鹹的。魚肉春卷、響鈴 | $58 雙拼加$5有雙拼選擇，適合兩個人打邊爐食不到太多，但想食不同款式。響鈴及春卷各有四條，響鈴十分脆口，魚肉春卷用腐皮包裹，裡面有魚肉。手打鮮蝦丸、自家鮮蝦水餃 | $88 雙拼加$10手打蝦丸鮮甜彈牙，丸內帶有鮮蝦，很有嚼口。特別是它的水餃包了蝦肉、竹笙，入口清爽，鮮味十足。牛肩胛 | $98細把牛肉掛起，影相夠特別，兩人分享細碟剛好。脆鯇骨腩 | $68脆肉鯇新鮮夠爽口，位置比較多骨，價錢幾抵食。食到飽飽仲有生果送，火龍果及哈蜜瓜清甜。

疫情緩和左，就要好好出外覓食一下， 雞煲+邊爐係必需。今日放工就喺公司附近搵下雞煲， 個名叫巧得應都幾得喎。座位好闊落叫好多嘢都夠擺張枱，二人枱被安排坐接近四人枱的尺寸，與隔離枱亦有空間感，食得安心。先來一個雞煲半隻，足料，夠入味。雞件好滑叫左小辣覺得一點都不辣， 下次可以試下大辣， 有三色椒有洋蔥，配料不弱，最好係雞煲一上桌已經食得唔使等佢再煮一陣。食完雞煲加水打邊爐，其實兩個人食完半隻雞部都飽飽地，所以叫咗少少配料滿足下打邊爐心態。打邊爐必選脆鯇腩，喜歡他沒有像平常一般附送幾舊骨位，呢度係淨腩肉，夠脆身。即炸響鈴-普通響鈴勝在份量夠多，價錢抵。掛架安格斯牛頸脊-每塊都好大塊，入口鬆軟，有牛味 , 咁大份都只係$168, 好抵食。好窩心地，嗰度收得唔好有提供Wi-Fi服務，仲有USB叉電位。最後食完仲有免費嘅新鮮哈密瓜做甜品， 新鮮又夠清甜， 不錯。

知道官塘有個新音樂噴泉, 打算去欣賞一下,  怎料正在關閉修理, 朋友提議改去覓食, 圍爐火煱最好. 官塘已是新式工商業區, 搵食吾難, 我哋特別選了有名星推介的火鍋加鐵板燒, 巧得鍋, 新派煑意.火鍋店地方寬敞, 座位舒適.店員先送上火鍋自家製配料,   自己調味混醬.接著送來滋補花膠燉竹絲雞養生鍋.    一個濃郁嘅湯, 內有一隻竹絲雞漢浸放在湯內,  雞好大隻.看看火鍋湯料,  除了竹絲烏雞, 藥材有黨参, 淮山, 龍眼肉, 杞子, 薑, 紅棗等.  加埋原隻花膠, 材料十足！ 火鍋湯底, 味道無得頂. 花膠很厚, 肥美又大塊, 想到有助骨膠原, 立即食.店員提點我們先喝碗湯,  湯帶 藥材滋保養生, 鮮甜濃郁有雞味, 花膠稔滑好口感, 飲完湯又可以再飲!    之後店員替我們將全雞剪開, 再放回鍋內滾,  慢慢再吃雞肉.  火鍋暫時停下來,  因為 澳州和牛送到.澳州和牛用盤子盛載, 冰鎮上枱, 賣相佳.  擺設滿分, 牛肉美觀.和牛高質, 色澤鮮紅,    脂肪好平均,  紋理清晰.切得薄身, 油花靚,  燒烤醬料好齊備.....海盬, 黑胡椒粒.燒烤開始, 鐵板上有隔油紙,

服務態度好惡劣！👎👎其實難得放工想輕鬆食一餐簡單火鍋，自問食過咁多間餐廳也會正評，沒想到來到此火鍋店是如此的受氣！！！落單叫了雞煲及其他食材，雞煲食完後等了約半個鐘食材也未到。（個場仍有一半檯無客入坐）叫了個部長跟進漏單情況但換來是叫我地自己睇下張單有咩未到齊，態度咁差好似唔想跟咁！我睇完張單發現部長落漏左佢態度差到爆叫我咪再落返囉。其實食物真係一般，基本尊重也沒有。我下次一定唔會推介比朋友，亦都唔會再幫襯呢間餐廳

朋友推介的火鍋店，位於佢公司附近。除左火鍋外，仲可以燒烤，非常方便。但今晚我哋就無燒肉，主攻火鍋。一坐底點完鍋底，店員便會拎左九宮格調味盤，真係咩都有，可以按自己口味調配，最特別係xo醬都有！！我地叫左一個牛雜雞煲(半隻雞)，雞煲食得多，但有牛雜就比較少見，感覺好特別。牛雜好吸味，吸收晒湯汁後非常濃郁，特別係牛肚，店員溫馨提示牛雜要先食，避免煮耐左會老。雖然我哋只叫半隻雞，但食到我哋好飽，雞既數量好驚人，感覺就好似食左一隻雞😆 雞肉好滑，而且食落無雪味，雞煲既調味都十分出色。食完雞煲當然係加水打邊爐，打邊爐點少得牛肉，呢隻本地牛肉肉味好濃郁，真心係好有牛味，推介。另外都叫左蝦丸和雲吞，蝦丸彈牙，雲吞有大大粒而且有好多蝦，好好食，一定要叫雲吞。還叫左其他配料，一樣十分新鮮，特別係竹笙和響鈴，十分掛湯。最後仲有生果送，蜜瓜好甜，十分之滿足的一餐。