巧得鍋 (已結業)

行過門口被佢哋海鮮拼盤圖片吸引入去，一心諗住叫個海鮮拼盤, 點知坐低睇吓菜單，最終揀咗”巧得set”有雞煲食之餘又可以食火鍋，哈, 哈,哈!人就係貪心的😂😂先送上兩款前菜，味道唔錯喎！不久之後，雞煲就上枱，這個雞煲個汁醬調較得剛好，微辣、不太咸，雞肉细細件，啱哂！易入味，啖啖肉都係香滑！食完個雞煲都飽左一半🤪跟住上枱就係“巧得牛肉拼盤”：有肥牛，牛仔粒，牛肉，牛舌，啱晒我哋兩個牛魔王😅😅再黎就係“巧得大拼盤”：有帶子、蜆、蠔、餃子、墨丸⋯⋯樣都好新鮮。最鍾意佢種類多多，分量又不會太多。好似食咗好多、好多😍同好朋友，一路打邊爐、一路飲住杯沙冰，幸福的感覺就只係$268/位！真係好味又抵食👍🏻食肆改名真係一門好大嘅學問，巧得鍋正正就係一個好名。最近好喜歡在觀塘工廈搵啲隱世食肆，這些食肆必定係受歡迎，才能在工廈仍可立足💪🏻

朋友介紹觀塘工廈打邊爐，就走去試試，果然有驚喜。BOOK了7點半，到步己看到有7成滿座，疫情期入座率都高，證明食物質數有保證! 餐牌雖然得兩頁，但種類極之多，鍋底都有13款，對於有選擇困難的我， 最後選了巧得SET$268/位套餐，套餐包括前菜、鍋底，牛肉拼盤、海鮮拼盤、蔬菜拼盤、甜品及飲品! 先黎凍盤麻辣雲耳及涼伴蓮藕，兩者酸辣適中，開胃非常! 我們選了BB辣的烤魚鍋，烤魚外皮香脆，肉質嫩滑，配上辣湯底，有另一番口味!湯底配菜料也有很多，芽菜、炸豆腐、蓮藕，如有有埋海帶更一流!! 牛肉拼盤也相當出息，擺設吸引，有五款牛的選擇: 牛頸脊、牛肩胛、牛柳粒、牛展及牛脷，最喜愛是牛頸脊，肉味香濃而且脂肪比例分佈均勻，入口即溶，必食之選! 海鮮拼盤有我最愛的廣島蠔，大隻夠肥，咬落creamy! 手打蝦丸夠爽口彈牙，有粒粒蝦肉!跟餐還可配所有飲品及梳打特飲，我選了鮮果特飲及藍草莓梳打，兩者都清新可口，食完辣飲佢可解渴值得一題是店主很貼心，每一張枱都有個叉電位，照顧每一位食客，好貼心服務，剛巧得10%電量，可以使用，才有電拍下美食! 

當你認為付錢點9x海蝦與16x澳洲牛肉這類食品時，他們奉上的海蝦並不是新鮮，並且冰凍一段時間，質素差。澳洲牛肉更加不灰話下，只是外表奉上時十分精美，但是入口的質感並沒有牛肉味，與你所想大相逕庭。唯一可取之處只有石蜆和每碟菜都有金菇，如果仍去消費，請不要點金菇及只有石蜆可以用新鮮二字黎形容。而且價錢質素與店鋪所在的位置更名過副實。所以若果要我再選一次，我一定不會再到此消費，謝謝希望貴店收到消息可以從中改善，在疫情放緩及經濟有所增長時，請提早食物質素以挽顧客。一名希望香港好的香港人上

因為近公司，見嗰名有啲卓頭「巧得鍋」，便慕名而去。👍防疫：自助式量度體溫，酒精搓手液，夠方便！🤵服務：員工友善，好快便被安排入座，效率相當快。環境：座位舒適，感覺不錯！店內提供Wifi,方便食客使用，而密碼張貼在當眼處，讓客人容易找到，讚！選了食物後，很快便端上鍋底-胡椒咸菜豬肚鍋。另外為了吃到不同款式的牛肉，便叫了安格斯牛肉拼盤(安格斯牛頸脊、安格斯牛肩胛、安格斯牛柳粒、牛脷、金錢牛展），黑柏葉及手打麥汁墨魚滑拼盤和山水豆腐及蓮藕片拼盤。 胡椒咸菜豬肚鍋喜歡這鍋底，因豬肚健脾暖胃的功效，而胡椒又能溫中散寒；入秋了，梗係要試吓啦！果然，材料豐富，豬肚爽丶林合體，咸菜莖部份爽脆的，湯咸辣有至，最啱我哋嘅體質。安格斯牛肉拼盤:安格斯牛頸脊外表雖與肥牛肉差不多，但肉較瘦有彈性，肉味濃厚和鮮嫩，也是一個不錯的選擇！但需注意淥的時間，控制得宜，口感更佳！安格斯牛肩胛我覺得口感比牛頸脊更佳，勿以為中間的那一根透明的嫩筋很韌，竟然淥久了一點，仍覺美味。安格斯牛柳粒特別推介安格斯牛柳粒！真的超正，鬆軟可口，口感佳！牛脷牛脷軟嫩，加上XO醬，最佳配搭！金錢牛展金錢牛展肥瘦相間，本是

朋友曾經介紹過呢間餐廳，話幾好食又性價比好高，今日食晏時候喺觀塘地鐵站附近，就特登行過去試吓，兩三分鐘就行到。叫咗$68嘅「蘿蔔清湯牛腩飯」，包前菜同高原野生蕎麥茶，另加$8仲可以叫特飲。「蘿蔔清湯牛腩飯」好快就嚟到，非常熱辣辣香噴噴，大大一碗賣相幾好😍。牛腩炆得非常軟熟，好有牛味；白蘿蔔好嫩好滑好甜好腍，完全冇渣；牛腩清湯除咗有濃郁嘅牛肉味，仲有強勁胡椒味，好正；飯量就超多；多到我食唔晒😆仲叫咗原價$32嘅「檸檬青蘋果特飲」，裏邊有青蘋果蓉、碟豆花、檸檬、薄荷葉，依家跟餐只需要$8。凍冰冰有好香濃嘅青蘋果同檸檬味，配合埋一齊幾夾幾好飲。食得超飽，朋友冇介紹錯😊

觀塘工業區呢頭雲集唔少食肆，呢間火鍋店之前同朋友食過覺得唔錯，今晚再度歸來黎個"十下十下"之夜量好體溫就安排入座，打開餐單點選今晚食咩先當然要落左個湯鍋先，晚間天氣涼左少少，突然想起胡椒咸菜豬肚鍋 ($68)，滾番起時，未飲已經聞到胡椒香味，入口果然有料到，辣味尤在，飲完一碗真係額頭冒出汗來(唔係講笑); 而湯料豐富，咸菜入口淡口，就咁單食都可以; 豬肚係急凍貨，但入口有口感，配上少少芹菜葉，不禁未開始烚料就食左一碗先!係飲緊湯嘅同時，火鍋材料已陸續上枱，最先出場係呢客手打鮮墨魚滑 ($68)大細粒由我話事，浮起就食得，入口超彈牙，隱約食到墨魚碎粒，再加埋蟹子嘅脆卜卜，好快全落在肚中!多款不同牛肉部位選擇，唯獨呢客頂級本地手切肥牛頸脊 (小/$198)最得我歡心，肉色靚仔，大小厚薄均一，肥瘦分佈恰當由於唔太厚，夾住放入湯烚幾下一轉色就食得，肉味偏香，質感柔軟，又食到少少油脂香味，無令人失望!愛上火鍋時食嫩鴨血 ($58)係源自台式火鍋，可能受歡迎，依加好多火鍋店都有供應，呢度嘅份量超多入口好似食緊果凍咁滑，無腥味，配上芫茜蔥碎增加香味及口感，正呀!海鮮類代表有呢客脆鯇骨腩 ($68)，

好友約了生日飯在觀塘工廠區內的海鮮火鍋店。距離地鐵站唔遠， 但入口係有點隱蔽要穿過停車場入囗再搭𨋢上。餐牌有兩頁，一目了然， 主打海鮮， 雞煲，烤魚鍋和各種巧手火鍋配料。好友話今晚嘅目標係唔辣嘅烤魚鍋～ 原來佢之前已經吃了 一餐重慶麻辣火鍋， 當然冇問題唔辣嘅話就食返條靚魚先。醬料調味也可先自行調配～巧得招牌烤魚鍋$168用上肉質比較嫩滑 冇咁容易煮到鞋嘅桂花魚😋😍桂花魚先略炸過外皮較硬令魚身冇咁易散， 魚味濃又夠滑。鍋裏面仲有好多配料， 有啲好厚實非常吸湯嘅豆腐卜， 豆腐綿密， 係吸滿湯好聚手好鬼過癮。 還有大量芽菜和蓮藕片～ 配料也非常美味！這裏的餐牌有好多雙拼嘅選項， 特別之處係 唔同 類型也可相併， 好像丸類可以配蔬菜， 蔬菜配麵食也可， 太細食嘅人也可是选多些唔同品種。自家牛肝菌羊肉餃拼手打墨魚丸$98喜歡吃羊肉 的人不要錯過！ 羊肉味道道真係好濃都，配合同樣濃味嘅牛肝菌， 係我吃過眾多嘅羊肉餃中味道最濃郁芳香， 齒頰留香！手打墨魚丸同樣出色，夠彈牙鮮味！即炸響鈴拼長城午餐肉$63午餐肉能夠著名牌子真係有心思， 午餐肉控對唔同牌子嘅午餐肉甚有研究及期望。響鈴好脆好香口!紅薯粉

配搭普通話讀音， 絕對令人更加容易明白，但在廣東話的說法， 好得喎。 真的與名字相符。 這家餐廳同樣也是位於觀塘的工業區之內，地理上未必最容易找到，但價錢性價比絕對是超水準。 而我點選這間餐廳的原因，就是因為朋友的介紹，朋友住在觀塘多年， 對食物也有一定的要求， 值得信賴。 幸好距離地鐵站不是太遠，作為港島人的我，也能輕易到達。食物方面我挑選的就是烤魚， 可以挑選不同的辣度，我挑選的更是小辣，還好挑戰不是太強。 最意想不到的不是辣度，而是內裏配料十足。 極強的配料，令整個烤魚更為昇華，適合香港人口味。

這間位於觀塘的巧得鍋之前食過火鍋已經覺得不錯👍今次去開觀塘順道食個午餐，入到店內店員有禮貌地幫我們安排入座🥣餐牌上的種類多，價錢亦都很優惠😍前菜（雜菜沙律）蔬菜嫩綠，爽口清新，加入芝麻醬很開胃。海鮮濃湯烏冬這個不得不讚魚湯非常濃郁，店員建議我們飲多幾啖，材料非常豐富，海鮮有鮮魷，蚌，蟹柳及蝦，樣樣新鮮鮮甜，配菜亦有蕃茄及黑木耳，口感豐富，簡單的一碗烏冬已經烹製得很用心👍鮮菠蘿海鮮粒炒飯炒飯調味適中不會過油，飯粒炒得粒粒分明，蝦肉爽口鮮甜，魷魚彈牙，菠蘿甜甜酸酸好開胃😋鮮榨西瓜汁套餐飲品加$12可轉鮮榨果汁🍹

餐廳位於工廠大廈。座位十分闊落，坐得很舒服。先點鍋底，點了巧得招牌烤魚煲（BB辣）。烤魚煎得很香脆，肉質嫩滑。鍋內包括了不少配菜，而且份量也不少。有豆卜、芽菜、蓮藕等。最喜歡食吸了湯底的豆卜。餐廳的火鍋配料選擇很多，而且有不少自家製食物。點了自己製的雙拼配料。自家牛肝菌羊肉餃，皮薄且滑。配了自家太極墨魚釀冬菇，大大隻，黑白墨魚滑彈牙，大冬菇味鮮。點了一份墨汁豚肉丸，份量十分之多。爽口，墨汁味重。火鍋好選擇，鴨血。油麥菜，很新鮮。餐廳菜類質素不錯。餐廳有不同手調飲品。最後還送了生果。

入秋喇有點秋意，最好就去鍋一鍋了，觀塘巧得鍋上次食過中午餐味道很好環境又闊落，晚上可以有得鍋呢！一於去鍋下😁湯鍋好多款！牛肉又是我至愛，於是便選了巧得鍋套餐，滿足下😁湯鍋~(半隻)滋補花膠燉竹絲雞煲材料有半隻竹絲雞，花膠超大隻兩件，黨參淮山杞子紅棗圓肉好足料呀！ 店員好細心幫我哋剪開半隻竹絲雞方便我哋進食，湯滾起忍唔住飲咗半碗湯，好潤好甜。正👍考得牛肉拼盤~掛架安格斯牛頸脊， 金錢牛展 ，牛肩胛 ，牛脷，安格斯牛柳粒。外貌好澎湃，牛柳粒好juicy軟淋淋，牛脷好滑條脷好香啊！牛展又爽口，牛肩胛好嫩滑，成碟牛冇得頂呀，頂呱呱呢！👍👍考得大拼盤~大扇貝 鑽石蜆 日本廣島蠔 日本蟹柳 蜂巢豆腐 手打蝦丸 手打墨魚丸 韭菜安格斯牛肉餃 牛肝菌羊肉餃。日本材料真的好鮮味好鮮甜啊！日本蟹柳鍋得唔好太耐小於20秒就好撈上嚟，我哋就耐咗啲。蝦丸墨魚丸好足料呀，厚厚嘅墨魚 大大隻嘅蝦粒，正。牛肝菌羊肉餃好特別有粟米粒，羊味不算騷，羊肉餃子好特別。加埋飲品~ 鮮果特飲清清甜甜好開胃。👍😁

好耐冇出觀塘食飯，同朋友左揀右揀，嚟咗黎巧得鍋，因為夠多正評😁😁依度都幾得意，可以打邊爐，食雞煲，又可以開個烤盤燒嘢食/類似韓燒咁👍🏼👍🏼 所以張枱都幾大，可以一次過放兩個爐。坐低咗，首先就梗係要揀選自己想要嘅調味料啦。新鮮嘅蒜蓉，蔥花，辣椒，芹菜同埋芫荽，係我嘅最愛👍🏼👍🏼👍🏼連芹菜都有真係幾開心😁😁因為太想食魚，所以叫咗個巧得招牌烤魚鍋成條桂花魚喺入面，非常吸睛！由於唔想整散條魚，所以我煲咗一陣就成條魚拎咗上碟慢慢食魚肉彈牙，睇嚟條魚都幾新鮮👍🏼唔算太多骨，面頭仲有少少脆，因為炸過～慢慢食，正！依個烤魚鍋，有唔少配菜，包括蓮藕，旺菜、大豆芽、豆卜，同埋黑木耳等等。鍾意食蓮藕嘅人一定會好開心，因為真係好多😂😂中辣都唔算太辣，非常惹味，而且口感豐富，唔錯唔錯😋😋除咗烤魚鍋，仲叫咗個巧得一set 有牛小排，牛脷，牛柳粒同埋和牛牛肉肉味都幾香濃同埋唔係切到超薄，感覺上都抵啲😂😂👍🏼👍🏼其中牛小排，肉質仲好彈牙添😋😋佢包左一盤生菜係可以包住一齊食，牛肉配生菜呢個配搭都幾好～～我連啲金菇都燒埋，落佢哋嘅自家醬汁，正！橫掂有個湯底喺度，就嗌多咗個羊肉同埋少少蔬菜～～勝瓜放落去烤魚鍋湯底，非常好味

今天去了吃久違了的火鍋，火鍋店在地鐵站附近，很方便。最近天天都下雨天，很適合吃熱的東西，可以單點，或者點套餐，最終選了單點，叫一些自己喜歡的食物。湯底要了蕃茄薯仔牛粒鍋，滿滿的蕃茄、薯仔，配上滑溜的豆腐，和有口感的牛肉粒。由於不是很餓，所以點了一些海鮮，墨魚仔有6隻，有一半用來打邊爐，一半用來燒，個人比較吃打邊爐的質感，比較彈牙點。紐西蘭鑽石蜆大大隻，熟透後亦鮮甜。新鮮菠蘿燒完鮮甜多汁，是我的最愛之一。還有竹笙配鮮冬菇、蔬菜和蕎麥麵，非常飽肚的一餐，喜歡多點選擇的，可以選擇雙拼。

好耐好耐冇打邊爐！係觀塘放工search 到呢間好似唔錯就入去食了唔諗！好攰！因為仲係2日限聚令所以今次同阿姨2個女人仔去食👭入到去度哂體溫，用埋酒精搓手液清潔完就埋位啦有醬比我地揀 都算多架！一般大家會落嘅野都有 例如蔥花 蒜果d 阿姨話今日想食海鮮野！咁岩見到呢個幾吸引叫咗賣晒相真係巧得喎！！介紹翻我地叫咗沙嗲鍋！我地咩都未叫入面就好多料！呢個抵讚！有好多豆卜，金菇，蓮藕同牙菜等等！而呢個沙嗲湯底有湯沙嗲味又唔會話太咸跟住我仲點咗一份響鈴 算多條！但我幾鐘意佢係因為覺得佢炸得唔錯同冇油益味而且食點完沙係蘇脆！不錯半份手打芝心蝦丸同半份自家吉品鮑魚餃呢個蝦丸係正嘅都好芝士架！而且手打好彈！感覺都係真材實料唔會好粉好膠咁！個餃就少失望⋯⋯比個名厄咗以為會有隻少鮑魚都好啊.....不過佢真係包到個外形似鮑魚嘅幾大粒入面都有蝦木耳果d都足料嘅！皮都夠薄放你一馬啦半份春卷同半份餐肉！餐肉都好難唔好食架啦仲要厚切！！正 春卷就還可以！正常發揮手切鮮肥牛頸脊，店員都有提我地唔好煮咁耐嘅！一唔小心耐咗真係會韌！整體有牛味 不錯最後都show翻d海鮮圖啦真係唔錯嘅！同湯底夾同埋都算新鮮大份最最最最後

今日出觀塘同朋友tea完行街shopping ，黄昏時段繼續搵地方吃個痛快，住觀塘的朋友介紹成業街《巧得鍋》，今次唔食雞煲食烤魚，打住邊爐，邊食邊講又一個愉快的晚上。成業街工廠大廈搵啱個樓梯口，上半層行到尾就見到燈火通明木製牆身配上鯉魚畫，好醒目。時間尚早，入來店員友善招呼，我們兩個人可以坐六人枱。今次決定食烤魚鍋(例)，BB辣，選料桂花魚，形態優美，跟爐上，滾住食熱辣辣，配菜包括：蓮藕、豆卜、旺菜、雲耳等等……魚肉鮮甜，新鮮美味。安格斯牛肉拼盤~ 賣相吸引，排得靚靚食得開心。安格斯牛頸脊及安格斯牛肩胛大大件，雪花般的脂肪分佈均勻，入口脂肪味濃，食牛的朋友一定要試。安格斯牛柳粒，筋位可能會比較韌，牛肉味豐富。仲有我的至愛牛脷，件件厚切共六塊，既爽也有口感，不錯。金錢牛展，淥一淥不要太久。另外點一些蔬菜，芥蘭苗及油麥菜。其實食雞煲或者烤魚鍋都不太需要醬料，朋友喜歡辣一點，可加配辣椒，如果需要重一點口味，也有XO醬、麻醬、炸蒜、 生蒜及葱等等。食到飽飽，店員好醒目，奉上一碟冰凍西瓜，清甜解熱氣。