巧得鍋 (已結業)

觀塘區主打工廈美食，火鍋店的比較少有，這間跟一班同事食過一次雞煲之後令人回味，今次就帶家姐來食雞煲內裡很大，乾淨齊整，坐位很闊落令人驚喜枱下有USB 插頭，食客可以充電電話，十分體貼，好窩心呀值得一讚。每個服務員態度好好，細心講解menu, 比酒店服務員更出色menu 很多種選擇，有火鍋套餐，燒肉套餐，亦有單點二人火鍋套餐$268/位 (另加一）：麻辣雲耳涼拌蓮藕雞煲半隻牛肉拼盤巧得大拼盤蔬菜盤飲品甜品飲品- 藍草莓/鮮果特飲用上新鮮鮮果，很清新麻辣雲耳/ 涼拌蓮藕雞煲 - 雞煲醬很惹味，雞很新鮮嫩滑牛肉拼盤- 有不同部位，肥牛，牛脷，牛柳粒等等牛肉粒十分出色，牛肉汁味濃，好正呀巧得大拼盤- 有海鮮/餃子/丸類等等大扇貝/鑽石蜆，雖然是冰鮮，但都有鮮味手打蝦/墨丸，很彈牙蔬菜盤- 好多種菜類/菰類/瓜類甜品 - 哈密瓜十分抵食火鍋套餐，多種選擇，每人只是$2xx 位，會再回頭

相約朋友在觀塘「巧得鍋」午膳，我們甫入店舖要稍等候，因為員工要做徹底消毒工作後才讓顧客安心入座。我們的選擇：咖哩豬頸肉飯、花膠冬菇養生清雞湯烏冬、 棉花糖朱古力、檸檬青蘋果梳打。率先奉上大熱水供客人泡泡餐具。高原野生蕎麥茶是我們喜歡的熱飲，蕎麥茶味濃郁芳香，茶質幼滑順喉。前菜的麻醬沙律為我們打開胃納。我的花膠冬菇養生清雞湯烏冬，先嘗沒有油脂的清雞湯，口感綿滑芳香，還味帶杞子與圓肉清甜。完美的花膠，亮麗又吸引，軟滑彈牙掛著清雞湯吃，很有滿足感，好東西我當然與朋友分享。介十字花的冬菇是特別惹人喜愛，更何況又香又滑！清甜的杞子、圓肉與腍甜菜心也是我喜愛。朋友的咖哩豬頸肉飯份量頗多，我也分享少許，豬頸肉有爽滑口感，小辣的咖哩汁十分冶味醒胃，煑得綿糯的薯仔吸收咖哩汁非常美味啊！棉花糖朱古力&檸檬青蘋果梳打。我的檸檬青蘋果梳打，檸檬與青蘋果配合得宜，清新的青蘋果果味沒有被檸檬果味掩蓋，嘗到檸檬清香也嘗到青蘋果果香。人均消費$76，很滿意的午膳。

前排嚟觀塘上堂同整甲完事後（好曖味😆）梗係要食嘢醫肚啦嚟到工廈嘅哩間火鍋店佢地中午有出一啲午飯套餐今次我哋就試左佢啲靚湯配烏冬個魚湯湯底好鮮 冇味精架！👍🏻👍🏻🔸海鮮濃湯烏冬（可配白飯）（$58）哩個嘅湯底係奶白色魚湯，好鮮甜，濃得嚟唔係太多調味，好健康！而蝦🦐、墨魚、大蜆都係好新鮮！稻庭烏冬好彈牙！🔸泡椒燻蹄（配白飯或手打烏冬）（$68）哩款我都係揀烏冬，而湯底加左麻辣，好香好惹味，個辣味會愈食愈出，正！燻蹄大塊又多，口感紮實。底吓啲醃木耳超好食！🔸前菜涼拌蓮藕每人一碟，蓮藕好爽口，醃得好入味！哩個要食！！愛辣嘅我仲灑左啲辣椒粉，感覺好似食川菜咁。

這兩天突然轉涼，是打邊爐的好日子，而太太又說想吃雞煲，於是便相約太太來到觀塘這家隱藏在工業區中的火鍋店，先吃雞煲再打邊爐位置：在觀塘成業街中間位置，港鐵觀塘站沿賽馬會轉彎直走，總共約5到10分鐘，大廈不算難找，但要大廈的樓梯不太顯眼，而且要在上一樓走一段直路才能到達，容易錯過走冤枉路環境：餐廳外的走廊有點舊，但算光猛。而餐廳內有木條子外牆配黑色樓頂及枱櫈，裝修感覺和諧及明亮簡潔，餐廳門口位置設有消毒液給客人使用，另外觀察到食客離開而侍應清理餐枱後會用消毒噴霧噴灑枱面及座椅，細心衛生服務：入座後侍應會主動遞上熱茶及九宮格的醬料，其中XO醬用料足及很香，但要注意醬料是收費$18一位。裝好醬料後侍應便會收走九宮格，並會幫忙上鍋及開爐，全程算有效率食物：這裡特色是有雞煲、火鍋及燒烤，如像我們選擇雞煲，食完後侍應便會加湯給食客打邊爐巧得招牌雞鍋（半隻）（$138）來這裡是因為太太喜愛她們的雞煲雞件滑而麻辣香濃。雞煲預設是中辣，其實不算太辣，所以這次也不轉辣度。上枱後侍應會幫忙調好火炒好，味道一如以往，雞還是很滑，而有麻辣香但沒多少花椒這一點我很喜歡巧得三（$158）這款其實是燒肉套餐，但我們不想

難得同三五知己出去食飯，想食得開心又傾得盡興，打邊爐一定係不二之選！巧得鍋聽就聽得多，今日終於黎試一試！由於小編點左太多野，簡左幾樣小編覺得好食又值得再order嘅同大家share下牛肩胛(小/$98）小編總共兩款牛肉，第一款介紹嘅係牛肩胛！雖然叫左細碟，但份量都多。一上枱就好有氣派，味道更加冇令人失望！牛肉新鮮，雪花分佈均勻！頂級本地手切鮮肥牛頸脊（小/$198）巧得鍋嘅牛肉真係好得！小編食嘅兩款都好新鮮，肥瘦分佈岩岩好！由於每一塊都唔厚，烚兩下轉色就入口，又熱又軟又香，如果冬天食更加一流！潮洲沙嗲鍋($68）小編認為湯底有沙嗲味但唔會濃，如果中意清淡湯底嘅朋友都可以一試！但如果根據小編嘅口味，會想佢再濃D，畢竟小編都係一個重口味人物巧得鍋自家製XO醬(配料）一坐底，侍應就會拎個九宮格嘅醬料俾客人任均選擇，侍應哥仔千叮萬囑要小編試一試佢地自家製嘅XO醬。哥仔果然冇呃人，XO醬真係好香，小編決定都震

朋友選了這間位於觀塘既巧得鍋，聽個名好似好得，即管試一試是否巧得先！我們4人叫了個花膠竹絲雞湯底真的原隻竹絲雞和大大條花膠啊😍最愛喝湯的我急不及待便要來一碗，很鮮甜真的不錯👍打邊爐肥牛當然唔少得啦！先來手切牛頸脊，肉質香濃入口又滑，唔錯！再來手切牛腩頭，意想不到地肉質鮮嫩很有水準！仲有肥美既聖子同埋扇貝，都幾新鮮啊👍可能實在太好食所以唔記得同聖子影相便放晒入口啦😂特別一讚係佢地既手打3色丸，有墨汁丸、蝦丸同墨魚丸，手打黎講真係唔錯，個個食到要再order多份，真大食😝仲有呢個墨魚頭真係真係好好食，唔會煮完縮晒水，入口仲好彈牙爽甜，真係好想再食多碟，但又怕食太多膽固醇太高所以最後無叫了🥺之後我地仲叫左蜂巢豆腐、鮮炸響鈴、萵筍、油麥菜，鮮准山，全部都好新鮮👍👍尤其係萵筍入口爽脆，證明食材新鮮所以先有咁既質素😋最後大家都食到好飽飽大滿足，真心覺得呢間小店幾有heart，食物材料新鮮湯底也足料，性價比亦很高，下次都會帶朋友再黎幫襯👍👍😋

優質打邊爐最近跟朋友來打邊爐。點了很多港式打邊爐的配菜，配菜都很新鮮，很好。胡椒鹹菜豬肚鍋 ： 一送上來已經有香辛的胡椒味撲鼻。鹹菜豬肚的份量很多，豬肚煮得很軟稔，沒有腥味。先喝了胡椒豬肚湯，放了一點staff 送上的辣椒粉上去，辣得很刺激。黑柏葉 ： 柏葉很長條，滾熟後不容易縮小。柏葉新鮮，很有咬口。手打三色丸 ： 三款都新鮮、彈牙，調味簡單。蝦丸特別好。牛肩胛 ： 小碟份量也很多。 牛肉肉質軟熟，滾熟後點上豉油醬料非常配。這裏食物新鮮，環境舒服，staff 服務很周到，整體很好。

見有一段時間冇打邊爐，而且知道觀塘巧得鍋d食材好得就約埋朋友去試。今次晚飯叫咗bb辣雞煲一隻，另外打邊爐材料揀咗牛肩肉、脆肉鯇魚腩、響鈴、仲有薯粉。先講個雞煲，入面用咗大蒜、洋蔥、大蔥、青椒等等材料加上特製醬汁，加少少bb辣製成，超惹味！而且每一件雞件都好滑，最緊要份量好多，個雞煲食完都飽左5成。牛肩肉雪花分佈平均，而且牛味比較重又有咬口。對於鍾意食牛嘅我絕對回味無窮。脆肉鯇魚腩又係好好味而且極度新鮮，所以鍾意食魚嘅朋友一定會鍾意依度嘅鯇魚腩。響鈴浸兩三秒食，既香口又索咗少少湯底嘅美味。最後食埋個薯粉絕對係好滿足嘅一餐。而且仲有幾片哈密瓜送，店舖服務好好，值得一讚。

天氣轉涼，又是打俾邊爐的時候，今次光顧，再一次沒有讓我失望。今次叫了一個巧得鍋，當中已包括了牛肉拼盤，蔬菜拼盤和大拼盤（雲吞，丸和貝殼類海鮮），仲有兩道小食，基本上已足夠兩三個人食用。稱讚的是，他的牛肉出奇地新鮮，非常有牛肉味，打邊爐真的一流。這次另加了桶蠔，桶蠔非常地大隻，而且新鮮，入口有爆漿的感覺，令人一吃上癮，非常滿足。黑牛柏葉也非常爽口，非常好吃。豬粉腸有驚喜，非常粉嫩，好吃。鴨血很滑，配上麻辣湯底，真是一流，非常入味。最後想講的是，這間店除了材料新鮮之外，味道好吃，份量也是出奇地多，難怪這麼多人光顧。

天氣慢慢轉涼，又是打邊爐的季節，趁疫情還未有進一步擴散之際，便和朋友去巧得鍋打邊爐食雞煲。入座先點了一個招牌雞煲，薑蔥蒜的香氣撲鼻，香味四溢，而且醬汁濃郁，雞肉非常惹味。另外，值得一讚的是雞肉的肉質鮮嫩，雖然只點了半隻雞，但份量十足，非常抵食。吃完雞煲之後，店家就為我們加入清湯打邊爐。我們點了一份掛架安格斯牛頸脊，牛肉的雪花分布均勻，一片一片的鋪們在冰面之上，又或掛放在架上，相當有氣派。夾起了一片牛頸脊，放入湯中快灼幾秒就可以進食。牛肉味到新鮮，肉味濃郁，而且爽滑有嚼勁。另外，也點了芥蘭苗和豆卜，份量同樣充足，放滿一整碟。芥蘭苗非常新鮮，適合打邊爐湯底，入口爽脆清甜。豆卜附湯力強，完全吸收了湯底，非常入味，而且只$28，十分抵食。值得一提的是店家秘製的XO醬，味道微辣並帶有濃厚的鮮味，而且不會覺得油膩，火鍋食物沾著XO醬來調味，非常美味。

今天來了觀塘的成業街工作，同事帶了我去巧得鍋開餐，說這裡的午市套餐非常超值，就一於試下啦我們叫了兩個套餐，一個是花膠冬菇養生清雞湯飯，及海鮮濃湯烏冬，跟餐還有一個前菜沙律，及高原野生蕎麥茶。我們還叫了兩杯特飲，只需半價便可以飲到。沙律好fresh，味道清新高原野生蕎麥茶茶味濃郁，一飮便愛上了花膠冬茹養生清雞湯飯一定要比個大Like上枱時熱辣辣，雞湯入口很清淡，亦帶著濃濃的雞味，配料非常矜貴，不單有大大隻的花膠，冬菇非常厚肉，圓肉及杞子也是養生的食材，但價錢只需$68，確是超值之選大大隻的花膠，非常滋補，確是女性恩物冬菇亦不遑多讓，厚肉大隻，咬落好有口感海鮮濃湯烏冬也很不錯，湯底好濃及超鮮甜，配料亦豐富，有大大隻蜆、蝦及墨魚，海鮮非常新鮮，配烏冬一起吃，令人回味無窮呢檸檬青蘋果梳打特飲好正，份量很大杯，味道酸咪咪，飲下透心涼士多啤梨沙冰真材實料，口感好rich，士多啤梨迷一定很喜歡價錢非常相宜，不用加一，而且性價比亦高

疫情時好時壞，但係日子還是要過。依家出去食飯都想幫襯多啲本地店舖，今日決定去工廈裏面嘅火鍋店打邊爐。店舖做足防疫措施，入去前量體溫同酒粒消毒雙手。因為唔係太肚餓，又得兩個人，所以只係叫左少少野食，唔想浪費。今日想食得健康啲，叫左個清啲嘅蕃茄薯仔湯。個湯一黎，嘩，勁多蕃茄同薯仔，驚喜係入面有啲一口牛粒，量仲要唔少，淨係啲湯料已經可以當一個餸。湯清清甜甜👍🏼👍🏼👍🏼. 叫左兩個牛，同一個雙拼菜(油墨菜同蒿荀)。牛分別係大份本地牛手切牛勁脊，同細份安格斯。兩個都次，新鮮同牛味夠，個人更喜愛本地手切，口感再正啲。菜有得雙拼真心好，人少少可以食兩種菜冇咁寡(已食左八成)。呢度仲有一人一鍋，個價好抵食，一下次再試！

今日約咗舊同事去咗觀塘商業大廈裏面打邊爐，呢度嘅邊爐火鍋湯底有13種選擇，有四川麻辣沙嗲滋補泰色的湯底。今日就叫咗個胡椒咸菜豬肚鍋，上枱豬肚同鹹菜分量十足，其實兩個人淨係食過嗰鍋都有啲飽，湯底味道非常香濃，好夠胡椒味，食完成身都暖笠笠，同埋呢度加湯，唔係加熱水㗎，見到佢個湯都非常濃郁。打邊爐當然唔少得混醬-配菜辣椒芫荽蔥花都有，佢哋啲豉油喺雪櫃攞出嚟可以保持鮮味。我哋仲叫咗碟牛脷，口感非常軟滑，有肉味但不會太騷。三色丸有墨汁丸，墨魚丸及蝦丸，三種味道都好出色，非常新鮮彈牙，黑蚊蚊的墨汁丸的味道尤其突出。點了百花油炸鬼，喺油炸鬼裏面有啲蝦肉，一齊炸過，非常香口，可以配下酒。打邊爐啲嘢好熱氣，所以點左手拍青瓜的冷盤。呢度仲可以一邊打邊爐一邊烤肉食，有韓式的鐵板，店員避免癡底，會加一張吸油紙墊在鐵板上，叫了一個巧得三豬肉拼盤，裏面有豬頸肉，日本豬腩肉，黑豚肉及午餐肉，佢哋全部啲肉上枱都冇加腌味，完全食得出用了料新鮮，對食材有信心，唔會用醬汁去蓋過雪味，店員會另配上一枝秘制燒烤汁，自己去調味，呢度的胡椒同鹽係用電動，所以唔使自己扭㗎，撳個掣非常方便，值得一讚！後尾店員同我哋講，配料其實你可以自

朋友話放工帶我食好嘢 🙆😄北風起，又係烚烚下🥘的好時光😋 好易找，在觀塘成業街投注站直行，亞媽話行路要昅住地下🔽哈嘻，見到地下有牌指引，直上1樓又或轉入去乘電梯啦😄望住個餐牌甘多好嘢，真係好腦塞 🤹所以慳番d腦力，就選＂巧得 Set"💁 先有前菜:😝麻辣雲耳，涼拌蓮藕 🧆先涼快一下舌頭👅2樣食材的調味都很到位👍而且咬落爽爽的，就算疫情下，大家都要心情爽爽喔😉滋補花膠燉竹絲雞🐤鍋 (半隻）又係養生🧘時段，2大舊花膠浮在湯面，真係相當吸引, 它的好處真不用我說🧖 總之就係"好" 而且"貴" 😄再伴以半隻大竹絲雞🐥，好落本，真係性價比甚高🍲啖湯好甜好甜👍😘又係落足藥材，黨参､龍眼乾 (又稱圓肉)､杞子等，味道無得嘆, 喝完再喝翻尋味💯😻巧得牛肉拼盤🥓🥩🍖有幾種不同款式，有牛肉片🥓一口牛肉粒、牛脷👅和金錢牛展😄 除咗睇到d牛牛個個外表紅卜卜，像哂了太陽的美女👸，皮膚靚靚，見到就想咬😁哈 🤭吃落又真係款款有濃郁牛味，嫩嫩的肉質🥰加埋我喜歡的XO醬+沙茶醬👇，又有湯香，咬完，再飲啖啤酒🍺，係呀😂又 cheers 🍻🥂😜巧得大拼盤🉐🉐🉐海鮮類: 大扇貝，日本廣島蠔，蟹柳，日本带子🦪🐚🥠海鮮絕對要新

觀塘lunch time  peak hour 覓食真係有如打仗， 唔少打工仔捐窿捐罅都有啲鐵竇心頭好嘆返個lunch。 今日工作關係過了午飯時間先出去， 嚟到觀塘工廠區樓上餐廳《巧得鍋》。这裏晚上火鍋都好得， 午市也有不少套餐供應。價錢相宜，廚師推介款式甚至比茶餐廳更平，仲有野生蕎麥茶和餐前沙律附送。時間許可，仲可以來個二人雞煲套餐😍这壺蕎麥茶真係飲過最有麥香味道的靚茶， 況且唔收你茶芥，絕對有誠意。麻醬沙律菜， 清新開胃麻辣和牛面肉湯手打烏冬估唔到份量好大， 好像來了一碟餸 ～和牛麻辣牛面肉另上， 還有涼拌蓮藕 ，雲耳！麻辣味道唔算太激可以接受， 而且都幾入味 唔係得個辣字。 牛面肉質地似牛腱， 啖啖肉唔韌 仲好有肉味。手打烏冬又滑又煙韌 ，配帶點麻辣的湯底，有點似食緊火鍋～魚湯海鮮烏冬， 奶白色的魚湯睇見都 流曬口水 顏色配搭都好豐富！ 魚湯底濃郁鮮甜唔覺有味精， 配合健康雲耳，蕃茄👍👍還有海蝦， 墨魚仔，蟹柳 ，白蜆～ 非常豐富， 白蜆尤其鮮甜！兩點後午餐轉特飲只係加$8。吃過麻辣餸菜心思思想來一杯沙冰降溫 。熱情果沙冰， 份量唔少，沙冰打得幼滑均勻， 唔會有啲偏甜有啲冇味，