巢私厨川菜 (已結業)

經常聽到朋友介紹内地的酸菜魚很好食，一早已經心癢癢想吃，但實在未能抽空北上一轉，剛好見到銅鑼灣有間新的川菜環境不錯地點又方便，即刻就過去試一試。兩口子一共叫了3味菜式，包括有水煮牛肉，酸菜魚及蔥油青筍，怕越吃越辣的關係，水煮牛肉及酸菜魚我們點的是小辣。吃川菜小不免要叫些飲品以作解辣之用，而巢私房的drink list亦有很多不同種類的飲品，汽水，涼茶，啤酒，紅白酒，中國酒，日本清酒，氣酒以至香檳都有。而酒類大部分是甜調的，當日我們選擇了比較常見的啤酒1664及Hoegaarden。水煮牛肉上桌時仍是熱騰騰的水煮牛肉，窩裏佈滿香香的辣椒及嫩滑的牛肉。其後在餐牌見到牛肉嫩滑的原因是烹調的方法，原來並非以熱油炒熟，而是以麻辣湯燙熟的，因此除了嫩滑外，更有香濃的麻辣味。酸菜魚酸菜魚算是當日最期待的菜式了，這裡有2款不同的魚可以供選擇，有鯇魚($188)及桂魚($298)一場來到當然是選擇更好吃的桂花魚啦，桂花魚片沒有多餘的骨頭，口口都是滑溜魚片，而且是帶有皮的沒有半點魚腥！酸菜湯配有土豆粉，原先以爲是日式烏冬或是米線，但原來兩樣都猜錯了，綜合了2者的優點爽滑煙韌，好像在香港之前未有吃過這個質感

本身最鍾意就係食麻辣，今日辣友帶我一嚐正宗川菜，要試下不同既辣。餐廳開業不久，剛到時人不多，環境精緻，而且座位坐得好舒適～一開始先品嚐蒜香小龍蝦，識揀梗係要揀大隻，淡水小龍蝦鮮甜而且多膏，再配上㘃味的蒜香汁，令人忍唔住手要食多幾隻。而且餐廳重好貼心爲我地預備好手套～之後就試秘制酸菜魚，有桂魚同鯇魚揀，我地就揀左桂魚，湯底奶白濃郁，又有足料既酸菜，酸度啱啱好，而且桂魚肉質鮮嫩細滑，啖啖肉，再配埋口感煙韌既土豆粉，多重口感～主角啦 饞嘴牛蛙，牛蛙比起平時既田雞大隻d，自然好肉好多啦！今次我地揀中辣，辣度啱啱好，唔算非常辣，但過足癮～怪味雞翼 一上菜就非常香，食落蓮藕、土豆片反而比雞翼更入味，識食一定食配菜～最後，重有水果拼盤比我地fresh一下，當中有台灣既蓮霧，好清甜😌

四川菜喺香港越嚟越多店舖可以品嘗 聖誕節假期去銅鑼灣行街 之後去咗 sogo附近嘅“巢私廚川菜” 食晚餐。餐廳裝修別緻高雅，佢既碗碟都好有自家特色，感覺高級舒適，佢哋嘅菜式包含川菜同粵菜，適合唔同食客嘅口味，最傳統嘅水煮魚、麻辣龍蝦仔、夫妻肺片等都有。重慶口水雞 $108同一般嘅口水雞唔同，平時嗰啲係斬雞件，呢度係用手撕雞，將雞肉絲道一條條，完全冇骨容易食又可以索曬口水雞嘅醬汁，佢嘅醬汁唔算辣，所以幾好味，不過份量就可能細咗啲，兩個人食就剛剛好。四川擔擔麵 $58佢哋嘅四川菜式有調教過，冇平時嗰啲咁辣，比較適合香港人食用，而呢個四川擔擔麵就帶一點酸，輕微辣，唔食得辣嘅人都啱食，麵條煙韌份量夠多，十分抵食。豆腐魚羹 $32呢個湯羹材料非常豐富，有豆腐同埋魚肉，一人份量剛剛好。肉絲兩面黃 $88呢個肉絲兩面黃帶點粵菜風味， 炒麵炸得香脆，再加上肉絲九王做嘅 芡汁，香脆好味，份量亦都好足夠。最後做一個迷你果盆同埋自家製曲奇做甜品，可以平衡一下四川菜嘅辣味，絕對唔錯。

聽個名好fancy 「私廚」，好似食私房茶咁，而又聽朋友講，呢間野係大陸都好出名，所以慕名一試。廣場無好明確指示餐廳的位置... 上到去1樓，又好隱蔽，餐廳出面無名。望左一輪先確定無行錯。裝修是華麗的，啲碗碗碟碟都好靚，雀仔為主題。個酸辣湯好喝，辣得夠狠，好暖胃，果然是食川菜的地方。椰菜花都炒到有川菜風味。揚州炒飯就正正常常啦... 始終呢到係食川菜為主的。另外叫咁半隻雞，都ok 啦。食到咁上下，個侍應見我食淨好多雞，就主動suggest pack 走。之後就送埋啲曲奇生果。

有個超鐘意食辣既朋友係幸福的🤣 成日都會揾邊度有好味既川菜。今次黎到銅鑼灣一樣有川菜既餐廳！叫咗2個午市套餐 ($69) 銅鑼灣黎講都幾抵食。酸辣湯，首先跟餐可以揀酸辣湯，好足料，辣辣地好暖胃！小食揀咗酸椒瓜條同口水手撕雞，瓜食落都幾爽口，好清新。手撕雞都係偏辣少少，個辣油都幾香。雞都算嫩滑🤤水煮肉片，最正宗最好味嘅餸👍🏻 好滑既肉片浸係啲辣湯度，係超級惹味！水煮絕對係呢度嘅招牌菜搶炒有機菜花，夠哂火候既菜花都帶點微辣，食落特別惹味👍🏻 仲好爽口。巢辣牛肚 ($98) 散叫左呢一碟牛肚~ 其實係牛栢葉黎，份量都多。但原來呢碟係唔太辣，食落比較濃味。下邊仲有啲薯粉，煙煙韌韌都幾好食整體來講都唔錯，坐得都好舒服~

<好正既四川私房菜>🌶呢間喺銅鑼灣既上樓川菜私房菜 座位闊落 而且 menu上既既食物好多 有各式特別川菜 有辣有唔辣，佢既食物多觀比較似 四川古代宮廷菜 外表比較靚 味道香濃但唔係話好辣嗰 d 🌶😃🍴鮮椒拌腰花 98 蚊🐷🔥凍食前菜 佢既腰花切得好靚 腰味都幾濃 鍾意重口味既朋友要食😈 口感爽口 充滿住胡椒 同鮮辣椒味 但又唔會太辣🌶 底層 有爽口芽菜同筍 做底 口感清新 中和番腰花既濃味 唔錯🐷🍴麻辣三樣菜 68 蚊🌿🌶三樣菜包括有 苦瓜 蓮藕 同青豆 😃 上面鋪住 d麻辣汁 但唔會搶左菜既新鮮味🌿 蓮藕切得好薄同爽口 推介 青豆 好新鮮粗身同 juicy咬落爽口 而苦瓜苦得黎回甘 新鮮野黎 整體好清新 好味😃🍴黃金炸饅頭 3 件25 蚊🥖🥚炸得好香脆既饅頭 佢外面炸到金黃色熱辣辣 出面唔會話太厚 入面都暖同軟熟 點埋煉奶十分唔錯🥛🍴韭黃銀芽豉油皇炒麵 88 蚊🔥🍜用比較幼身既麵整成炒 麵 佢既麵身比較黏稠 食落比較有口感 可能因為炒得夠鑊氣既同時 佢加左芽菜同 韭黃 所以食落 juicy番少少 同香 d , 而佢麵既豉油味都幾入味 個人覺得甜咸適中 🍜 個人覺得如

呢間有龍蝦仔食$12-20隻，有好多人都有叫來食因為我唔食龍蝦仔所以無叫🔸酸菜桂魚 $298例牌：初時佢話少辣唔夠辣幫我入去再煮加辣，出來都係唔辣，桂魚片ok ga 滑既！同埋入面有薯粉，好煙靭！但有點細份🔸蟹黃豆腐 $88例牌：用來撈飯一流👍🏻🔸韭黃鴨血 $88例牌：送來時o左咀，因為與圖片不符？？？好一般的菜😐🔸黃金炸饅頭 $25/3個：好弱雞，佢淨係得個表皮脆（唔係好脆）入面係軟...... 🔸最尾佢有送生果盤，呢個係意想不到！總結有更好選擇！

呢幾年少咗返大陸以前上深圳都會見到周街都係川菜但係返大陸食始終冇咁安心形住形住係因為食材唔新鮮先要加咁多重味調味料呢間川菜開喺銅鑼灣裝修大，靚亦幾有特色不過就開喺樓上所以人少啲菜色選擇幾多首先嗌咗個蟲草花燉烏雞好足料好滋補湯甜 連湯渣都好味 松茸好香飲完即刻流汗第一次食貴妃葡萄食落口先知唔係葡萄似雪梨 再浸蜜餞 唔肯定但好爽甜食川菜有呢啲涼盤balance啲泡椒鳳爪鳳爪切件容易食爽口彈牙之後就係主菜 水煮鯇魚上枱時仲喺度滾緊一撈起鯇魚非常大片又厚切雖然浸住咁多花椒辣椒但掩唔住魚本身嘅鮮味魚肉亦好嫩滑嗌咗中辣 但係唔算好辣 係可以唔洗飲水繼續食嘅辣度最後有個小果盤以後喺香港就可以食正宗川辣👍🏿

天寒地凍就想搵啲辣嘢食下，出身汗爽一爽。行開銅鑼灣見到一間有川菜食，就上去試下啦!上到去，覺得裝修好有自然風格，以鳥、巢、蝴蝶為主題。侍應同我地講桂花魚好正，我地就叫黎試下，佢仲問我地食唔食得辣，因應我地口味調較左個辣度。沸騰水煮桂魚$298淡湯不得了呀! 裏面個粉係用土豆製成，佢個樣好似烏冬圓身，但食落去好滑有煙韌的Q感。重點係個桂花魚，魚好滑，冇腥味，又吸哂所有酸菜味。而呢道菜仲用左子薑一齊調味，食子薑個陣又會食到佢的甜味。有兩款腰花揀，揀左酸菜魚，就揀個麻辣腰花 兩江滕椒腰花 $138食腰花補一補! 麻辣味好出，略嫌份量太少，唔夠喉，如果可以再多啲就好喇! 腰花處理得宜，完全辟走內臟的味道，非常爽，伴有金菇，味道十足。食完呢兩度菜之後，我就覺得暖笠笠!仲有合時美果享用

睇完戲之後嚟到呢頭食晚餐，見新開左間川菜好似好正咁就試下啦(^^) 星期六都幾爆，最後真係bk定抬！餐廳幾別緻，坐位比較多，坐得幾好！嗌左個酸菜鯇魚($188)🐟🐟要左小辣，食落酸菜味幾出，唔係死辣個種！魚肉幾滑，不過有d骨💁🏻‍♀️底有d好似薯粉但口感實在小小嘅麵，食落好滑滑，好味道！真心比附近一間過江龍正，最少佢唔油同冇咁重口味😋😋 宮保雞丁要左小小辣，所以冇咁惹味，但反而食到川菜個種甜，配上花生好香口，撈飯真心推薦！👍🏻👍🏻👍🏻👍🏻 擔擔麵($58)🙋🏻‍♀️🙋🏻‍♀️💁🏻‍♀️重花生芝麻香，麵質彈牙，有d肉碎嘅！份量比較多，一碗2個人share好d😺 最後仲有生果食，解下辣唔錯！

天氣凍好想食一啲辣嘢所以今日就book咗呢間朋友推介嘅川菜黎試吓喺銅鑼灣SOGO隔離行五至7分鐘就到非常方便一上到黎就俾佢嘅高貴擺裝修嚇親仲以為去咗高級酒店飯堂我哋去嗰陣時間尚早 所以餐廳冇咩人點知隔左陣就好多客人🤣店員推介我哋食貴妃葡萄原材料係冬瓜 再將冬瓜浸係紅酒加提子汁加醋入面就會變成呢味貴妃葡萄好特別而且甜甜酸酸好開胃推薦大家一試主菜方面我哋嗌左水煮牛肉肉絲炒年糕菜心煮魚滑水煮牛肉我哋要求小辣所以辣度啱啱好 啱晒香港人吾食得太辣嘅口味菜心魚滑嗰個湯應該係胡椒魚湯 又幾好味喎所以就算唔識得太辣嘅朋友都有其他清啲嘅選擇最後餐廳更會貼心地送上鮮果做甜品食到捧住個肚走都只係450for 2咁舒服既環境兼店員好好既服務 我覺得係超值

今天約了和媽媽吃午飯，她說上星期認識了一位四川朋友，帶了她去巢私廚川菜吃飯，味道很好，所以今次就帶我來試試。一入門口，已有一種非常優雅的感覺，座位非常寬敞，特別是大型卡位，可坐六人都無問題啊。看完菜單之後，我們點了貴妃葡萄、肉絲炒年糕，及蟹黃豆腐。要一提的是，貴妃葡萄一定要試，不單賣相美，口感很好，吃下更感酒香四溢，到現在仍回味無窮！肉絲炒年糕火喉控制得很好，年糕不太稔，醬汁很入味。而蟹黃豆腐也不錯，濃濃的鹹蛋黃配上清甜的南瓜及豆腐，濃淡得宜，確是伴飯的最好選擇。縂括而言，食物有水準，環境優雅，座位寬敞，服務一流，下次一定會再來的。

經朋友介紹下，今日去咗呢間餐廳食川菜😋入到去覺得個環境真係好靚， 好多雀籠燈飾，加埋燈光效果，又靚又配合到餐廳名巢既主題餐廳個櫃檯閃閃生輝，好高級呀😍食飯枱同凳都好闊落，喺度食飯環境好舒服😊佢啲燈飾都係以雀籠為主題😍好鍾意佢幅掛畫，山水畫好有情調😍餐牌有埋食物嘅圖片比我地參考👍👍估唔到連餐具都係配合主題😍😍全部都係雀仔，好特別呀！我哋叫咗沸騰水煮桂魚， 見到個樣都幾吸引😍 原來鮭魚食落去冇骨，好岩我呢d懶人😂😂同埋都好滑，好入味我哋另外亦叫咗一碟乾鍋有機菜花， 店員話菜花係用油炸嘅，唔怪得甘香口，都幾好食最後佢哋仲送咗一碟水果畀我哋😍😍 真係幾貼心， 仲要將水果砌到咁靚，好有心機呀！

今晚收工約左班舊同事食飯去試試新開既樓上川菜上到去發現裝修都幾精緻每個角落都有用心佈置安排坐起卡位 都幾寬闊餐具都好有心思連筷子座都係經過精心設計一坐低已經覺得視覺滿足左Menu選擇超級多 樣樣都好想食有選擇困難症既我地都揀左一段時間先要左個酸辣湯呢排天氣凍左 飲酸辣湯一流上枱既時候仲係好熱 飲落少少辣而且裡面材料都好豐富 湯頭唔會太杰或太稀湯料有嚼口 幾開胃另一個前菜陳醋肴肉 最鐘意呢種特色前菜擺盤已經夠靚陳醋同肴肉各佔一半要一口食先可以感受到陳醋既微酸同埋肴肉既香嫩必叫既酸菜桂花魚魚肉夠哂嫩滑鮮甜而且去埋骨 啖啖都係肉酸菜味道足夠唔會太辣 配合返香港人既口味連湯都可以飲埋最後仲送埋生果盤有多款新鮮水果性價比幾高Service又好推薦比大家！

太鐘意食辛辣知道銅鑼灣開左間新既四川菜即刻去試地方好大好闊落光猛新淨非常好今日叫左水煮牛肉麻婆豆腐 怪味雞翼水煮牛肉好滑呀名副其實又嫩又滑！！食唔停口  必試！麻婆豆腐熱辣辣用黎送飯超級正！話咁快食哂成碗飯怪咪雞翼份量都多有成8隻 而且係偏大的仲有蓮藕 薯仔片伴碟怪味雞，又叫秧盆雞，是中國四川和重慶地區常見的冷盤食品，味道又麻又辣又甜還帶酸味辣得好過癮呀好回味我一定會帶朋友再去試                                                                                #紹興酒又幾好飲 #水煮牛勁嫩