川滿居 (京都廣場)

营业中

休息中

近排真係迷上食川菜仲開始越食越辣 越來越重口味今日嚟到銅鑼灣嘅京都廣場嘅川滿居一試事緣係朋友仔之前食過lunch 佢話價錢平之餘 食物質素有返咁上下！所以我決定要佢帶我嚟食一次水煮魚 $188食川菜點少得水煮魚！呢度嘅夥計好有心 知道我第一次嚟 都好細心地問我食唔食得辣然後幫我安排咗一個辣度適中 麻感一流嘅滑脫脫水煮魚本身諗住+1個飯 不過撈起見到咁足料～可以慳返講真 出邊好多都唔會落咁多薯粉！滕香雞呢個係夥計介紹嘅招牌菜之一最適合唔食得辣 但又係好鍾意麻痹感嘅各位！睇落去好似毫無傷害 但食落去之後個麻痹感慢慢走出嚟！好鬼過癮（但有少少生）孜然牛肉 配6塊麼麼皮類似片皮鴨嘅食法炒到有啲似乾炒牛河嘅牛肉～調味十足！包住片皮鴨嘅包皮食 可以中和返成件事 味道不錯唔係講笑 雖然係三碟餸 但係我哋兩個人全部清晒！因為真係好開胃好好味好耐冇食到咁舔舔脷重點係呢度就算晚市 比起出邊好多年所或者普通川菜 價錢都十分平！性價比好高而且員工都好用心做 我哋決定會再嚟支持！！

lunch time 去食12:15 落單，12:45再追多次野食先話漏單樓面得兩個唔識做野既人 最後要老闆出黎跟番 都無用啦 已經唔夠時間食 最後成個晏晝 咩都無食到就走左一定要blacklist

一去到已經即刻落單，果陣我地係第二台客人，但眼見遲黎既都已經有野食，而我張台等左大半個鐘仲未黎，一催先發覺漏左單，預計根本已經食唔切，唯有走，唔會再有下次，浪費左一個lunch time

京都廣場係銅鑼灣來講嘅餐廳集中地，間唔中都會過嚟搵吓嘢食👅朋友話呢度開咗間新川菜，俾佢捉咗嚟試吓😂⭐️乾鍋 $28 任選五款起炒⭐️孜然羊肉 （配6張麼麼皮）$98首先必食嘅一定係乾鍋，我自己覺得係香港食到好食嘅唔係咁容易😢而呢度嘅signature香鍋真係處理得唔錯，首先而且乾鍋嘅精髓係要炒得乾身、唔油膩，兼且夠麻香辣，呢度都做到~而且份量都幾大，配飯一流！😇😇平時都係食開豬牛雞，嚟到一於試吓孜然羊肉，睇餐牌見到 《麼麼皮》尼個名好特別，仲喺度聯想究竟係咩嚟😂佢個質感係似片皮鴨個皮，同樣係配搭重味嘅肉類，配埋一齊食既可中和羊肉嘅羶味，又可中和油膩感😃最後唔少得嘅梗係叫返支啤酒盡興一番🍻

係銅鑼灣發現左間川菜 見menu 好抵叫就入左去我地叫左個金湯酸菜魚，籐香鷄同埋四季豆。我地叫完都等左陣d野先到金湯酸菜魚 上菜時香氣撲鼻 熱辣辣冒緊煙 完全feel 到係岩岩煮起魚肉好大塊，除左魚之後仲有好多配料，薯粉，筍係必然啦，仲有冬菇，菇仔，茶樹菇，蘿蔔等，都幾得意 係出面唔會有既配菜，反而酸菜唔算多 我ok 因爲我平時食酸菜魚都唔多食酸菜魚肉好嫩滑，一條骨都無，真係舊舊都大塊 正湯底酸味較重 麻相對教小 油膩感吾會好西利好好送飯  我地叫左小辣 完全handle 到 覺得可以嗌中辣下次haha （me平時譚仔食3小）虅香鷄 之前無食過，通常食川菜都係食口水鷄，虅香鷄係用藤椒帶出麻香味，鷄肉好滑，每塊鷄件沾滿藤椒汁清香鮮麻。最後四季豆炒得好有鑊氣！夠入味 好香口 吾會太鹹平時出去食川菜都幾貴 但呢間埋單每人$1xx就食到 性價比高！

街坊系列 – 川滿居 💚HA HA HALLOWEEN🎃係咪玩得好開心呢以往小編好鐘意去主題樂園玩返餐🥳但依家無咩點去嚕🥺唔知大家仲有冇去定係同小編一樣四圍搵下野食過節呢🤪------------------------------環境: 餐廳好新淨🪑座位都唔少不過午餐時間就有機會爆埸要等一陣😳有卡位同一般座位☺️夠闊落坐得舒服但小編張枱有小小油🤏🏼扣左啲分------------------------------食物: 金湯酸菜魚 ($188) 🐟味道鹹香帶唔搶喉既酸辣味🌶️魚肉份量夠哂多🐟片片都好滑身配料有大量蔬菜同薯粉😋好飽肚籐香雞 ($66) 🐥雞肉肉質非常嫰滑😍小編好喜歡味道好香帶濃濃既麻味🤤不斷回味送飯或做開胃菜非常合適👍🏻大讚回鍋肉 ($78) 🐷鑊氣好夠🥰上枱時勁香勁吸引微微既辣香更加刺激味蕾🤤大蒜同椰菜炒得岩岩好👻爽脆又香豬肉夠哂入味🐷份量正常------------------------------服務: 店員態度正常有禮貌💁🏻‍♀️亦有介紹人氣菜式👍🏻同問返食咩辣度小編開頭坐個位俾太陽到正一正☀️店員好快就提出幫忙換位👍🏻加分---------------------

天氣轉涼想食啲辣野，黎到銅鑼灣都有幾多選擇，呢一棟大廈有好多餐廳可以揀，上到嚟呢一層見到個Menu好啱食，好好彩6點幾唔駛等即刻可以入座👏🏻籐香雞先叫一個冷盤，雞件非常滑身，生熟程度剛剛好，食落去好香好麻，喺出邊未食過類似前菜金湯酸菜魚呢個酸菜魚真係不得了，魚片鮮滑，唔會好油，酸同埋辣嘅味道剛剛好，就算唔食得辣嘅人都會一啖接一啖咁樣食。內裏蔬菜有萵筍，酸菜，菇菌，同埋中和辣味嘅醃蘿蔔，底下仲有啲紅薯粉，紅薯粉仲會索曬所有湯汁辣子雞每次肚餓嘅時候食飯都唔小心叫多咗食物，辣子雞上菜好大碟，一粒粒雞粒好易入口，仲有花生同埋蔥喺上面，又麻又香口，令人好想叫杯啤酒慢慢嘆。亂入一間餐廳竟然冇令我失望，店家好貼心咁樣問我哋食唔食得辣，今餐所有嘢都又麻又香，簡直令人回味無窮。

今日約咗個食得辣嘅朋友食飯，梗係會揀食辣嘅嘢囉，兩個女人去食雞煲讚左個辣雞煲，保守啲都係揀一個中辣啦，第一次幫襯唔敢叫好麻🤣🤣🤣片皮鴨 $168半隻 $298一隻呢個片皮鴨上到嚟我覺得好靚呀，對筷子擺得好好，感覺1919非常之整齊，食落去嘅時候嗰舊鴨都仲係戀戀地，好正好開心。🥳🥳🥳川香鮑魚雞煲 $168半隻 $298一隻呢個雞煲辣得來都好香，入邊有指天椒同埋洋蔥，醬汁非常之嘢未，食咗第一舊其實都覺得辣辣地但係又要想追住食嘅感覺，好正，雞嘅份量都好多，食到個嘴都紅紅地 哈哈🤣🤣招牌香鍋呢個好好食，而且價錢都好平，呢個就啱晒你慢慢一個一個慢慢食好似食小食咁樣食，呢個都係難嘅，但係呢個辣呢就冇啱岩感覺咁辣，不過佢就好香，所以如果叫碗飯 攞嚟送飯都幾正。呢間餐廳我感覺好有誠意，煮嘅嘢食覺得佢用了都非常之十足，同埋啲員工嘅服務都幾好，所以呢我都會再過嚟幫襯，我朋友都非常之滿意，我哋都一致認為值得介紹俾朋友。

人不多，地方不錯，老川菜味。令人重拾大學回憶京蔥爆羊肉川菜等經典中菜烹調手法蒸煮扣燒、慢火細燉，精心炮製多道羊肉美饌菜式～這羊肉經中火燜燒而成喔～呈現羊肉濃厚香氣及獨特滋味～京葱爆香，棒小炒農家炒肉特色名菜，湘菜系。麻辣鲜香，口味滑嫩。有特色的菜式，用最簡單的食材也能成就經典。麼麼皮麼麼皮，包片皮鴨之表皮，好棒，口感咬口不錯，麼麼皮的厚度，肉夾饃，上好的肉吃法，好棒棒呢。楜麻雞今天會點溫暖的楜麻雞，特別～雞棒！雞肉有口感的。雞腿燉煮，加上點麻辣。這道麻辣雞非常好吃，不論可不可吃辣，輕鬆吃的，好棒喔

近排都好想食酸菜魚同川菜🤩🤩 今日去銅鑼灣做facial，最後都搵咗呢一間川菜餐廳🥰🥰餐廳嘅座位非常闊落，適合一班朋友食嘢傾偈🥰 職員非常友善金湯酸菜魚$188分量非常多🤩魚肉冇骨而且魚肉嫩滑👍🏻 最重要係個湯🤩湯底非常濃郁 而且酸味十足 另外配料都非常之足料🤩有好多薯粉菇類等等滕香雞$66雞肉嫩滑，煮得啱啱好清香鮮麻、口感微辣😋😋 藤椒嘅香味濃郁🤩 用嚟送飯一流清炒萵筍絲$66顏色翠綠，口感爽脆😋😋😋

鍾意食酸菜魚既人就係會經常搵下唔同既酸菜魚食，睇下有邊間可以再食，今次就去銅鑼灣既川滿居籐香雞$66份量大概係例牌既份量，咁岩有雞肶位，雞肉好滑嫩，好有雞味，呢個雞唔辣，但慢慢啲麻味就好出，第一件唔覺，食食下個咀唇開始好麻，岩可以麻但唔辣得既朋友金湯酸菜魚$188酸菜魚係用鱸魚🐟，魚片都幾厚，魚好滑，魚份量亦唔少，湯頭好順，薯粉係圓條型，除左酸菜之外，估唔到有幾款菇在個酸菜魚，幾特別，有多啲口感大盆花菜$68椰菜花炒豬腩片，菜同腩片份量都好多，又係可以叫少啲辣，好有鑊氣，送飯都唔錯呢度平均質素都唔錯，坐得舒服，下次可以再試下其他野

約咗朋友去銅鑼灣食川菜，位於京都廣場6樓的「川滿居」一出lift 口已經有幾幅京劇的畫作牆飾，店內裝修簡潔，地方寛躺🤗午市套餐$52起，但我們今日想食水煮魚😜水煮魚中辣，但感覺比其他店辣一點🙈魚片有厚度，不薄且滑…配菜爽口青瓜，雲耳，大蔥，芹菜，金菇和油麥菜，當然有薯粉啦，而且好煙靭👍🏻孜然牛肉，牛肉入口嫩滑又入味，配菜洋蔥也炒得夠鑊氣，麼麼皮夠薄，但包起牛肉不會破👍🏻籐香雞，冷盤，有點鹹香味但又帶點麻，雞件入口嫩滑不會太膩👍🏻

和朋友太耐未食過川菜，所以想找間專食四川菜的中餐館。上網看到銅鑼灣有一間新開的「川滿居」，就決定一試。川滿居位於銅鑼灣 ，地鐵站行過去非常方便。可能由於餐廳新開關係，環境比較新淨，如果坐到窗邊位就會更加舒適。其實，之所以找到這間餐館的主要原因是它的價錢相當合理，亦有我想食到的菜式。既然川滿居新開張，亦是有一個理由可以去試試吧。⧓ 1. 金湯酸菜魚（少辣）實在太耐冇食過酸菜魚，可以看看新開的川滿居煮成如何。菜式取名金湯，嚐一口湯果然寧捨入味，我們選了少辣，在酸菜、辣椒及其他配料之下，即使飲數口湯亦不會覺得嗆口，反而更加開胃。酸菜魚份量足夠供兩人享用，厚度適中，沒有過多魚骨，一啖魚肉配配少少湯食就最好不過。另外，酸菜魚亦有薯粉伴上，所以我覺得可以不用額外點白飯，有薯粉亦都足夠。不過，如果你是白飯愛好者，其實金湯加酸菜魚亦是非常好送飯的。⧓ 2. 京蔥羊肉（配6張麼麼皮）原本只是想食蔥爆羊肉，但看清楚原來還有6塊麼麼皮伴隨，我都是第一次食皮包羊肉。麼麼皮將羊肉包裹後，會將其香濃味稍為化淡一些，而且會更加容易入口，如果只食羊肉可能會有點滯。餐館這個想法實在有心。不過，這麼惹味的京蔥羊

今日去到銅鑼灣附近行街，諗緊去邊到醫肚嘅時候，朋友介紹銅鑼灣有間新開嘅川菜唔錯，就上黎試下。我地叫左一個優惠二人餐，食到我地超飽。舖頭唔係好大間，小逼。主菜：水煮魚 我地叫左小辣，對於唔係好食得辣嘅朋友黎講，辣度啱啱好！水煮魚嘅湯好濃，而且好入味，本身夜晚唔食白飯嘅我地，都忍唔住叫左一個白飯拌黎食😋 水煮魚嘅魚片都好滑，無骨，亦都好新鮮！冷盤：藤香雞 藤香雞好有驚喜！ 就咁睇賣相，會覺得依碟雞平平無奇，但一食落口，就知道廚師係調味方面落左好大功夫！雞嘅肉質好滑，而家花椒味重。依道菜都適合撈飯食，我地都食到唔停口。小炒：酸辣土豆絲土豆絲都好出色，鑊氣十足，酸酸甜甜，再加上辣辣地，我地真係越食越開胃。而家土豆絲炒到好爽，唔會好淋。總括而言，依間川菜嘅菜式嘅味道都唔錯，見隔離檯食烤魚都好正，下次再上黎試埋先得！😋

見有雜誌介紹，睇到晚市個餐好似幾吸引，咁第一次就試咗佢個set lunch先，好味就可以再去食佢個晚餐，午市套餐都幾多款式，唔介紹自己睇坐低見到隔離枱個小菜好似幾得，問下原來係雞翼香鍋，睇介紹佢地自己都推介必食香鍋，咁我就叫咗碟牛肉香鍋先名就叫香鍋，其實都係用碟上，先食舊牛肉，超惹味，應該係孜然粉，成碟都好好味食唔停，可惜係唔太夠鑊氣，只係暖暖地。不過有樣唔明，明明話係新店，點解越坐越熱流晒汗，個冷氣好似只出風，雖然跟餐要咗罐汽水，但都不能降溫，直至埋單走人等𨋢位先開始感覺到有冷氣風，唔通店員都自知唔夠鑊氣，所以唔咁大冷氣怕D小炒太快凍