川滿居 (京都廣場)

营业中

休息中

平時都好喜歡食川菜，近日知道公司附近有間新店「川滿居」今晚約定同事放工一齊去試吓😚😚金湯酸菜魚$188份量十足，食之前先飲啖湯，飲到湯底好鮮甜，酸辣適中，鱸魚魚片嫩滑，酸菜，萵筍，雜菌，紅薯粉一齊食，酸酸辣辣好滋味👍👍藤香鷄$66平時口水雞就食得多，今次係第一次食藤香鷄，真有驚喜，食落有啲似白切雞，皮脆肉滑，雞味濃，具有鮮藤椒的清新香味，入口麻香四溢，更比花椒清香，麻味較花椒柔和，不刺激，風味獨特😍😍干煸四季豆$66干煸四季豆，鑊氣十足又好吃😋它口感脆嫩，味道鮮美👍

今晚有人接放工，話要食辣，在網上找到這家在後面街的川菜。店的佈置簡樸，有卡位，挺舒適。因早來，故很快就能入座，而家重做緊免加一。「水煮魚」兩隻辣椒仔上菜時沒看到熱滕滕的煙，好似唔熱。但夾起魚片放入口....原來好熱㗎，因為有層油阻隔了。魚片好嫩滑，一d 碎骨都無，唔腥，重有必配的大豆芽，薯粉，雲耳，大蔥，芹菜，金菇，還加咗油麥菜，辣中有麻，麻中有辣，食到出汗，正呀，下次可以問吓有無大辣！「青椒麻雞」上菜時有兩串新鮮胡椒粒，重有挺多濃汁浸住。記得要蘸吓d 汁食，挺麻辣，雞肉非常嫩口，無雪味，雞皮滑到唔想食都食咗三，四塊，幾得！「孜然羊肉」配6 張麼麼皮上面食咗辣，呢個就揀唔辣啦！ 洋蔥炒肉片，少少羊羶味，柳肉夠薄身挺嫩，微微孜然粉香，就咁食或者包住食，各有特色，麼麼皮亦夠薄，口感唔錯。見到午市有單人套餐，可以叫埋A同事上嚟食晏晝，佢鐘意食辣嘢。

試左銅鑼灣呢一間新開既川菜🌶我地比較早黎到 7點店內只有一兩枱客 環境都幾舒服 入面既員工大部分都係姨姨黎 好親切會同你傾計🤣 / 優惠二人餐 🌟$268🌟呢個套餐包三樣野 分別係主菜 小炒 冷盤🙌🏻 主菜叫左水煮魚 店員會問需要咩辣度 我地揀左小辣 出到黎辣度都好滿意😛 魚係比較厚實嗰種 亦都冇咩骨🙌🏻 碗入面仲有好多其他配菜 有薯粉 金菇 油麥菜 青瓜 雲耳等等 感覺食極都仲有 好抵食👅👅👅小炒叫左干煸四季豆🥬 呢個都好食 不過比較鹹 用黎送飯食就一流🍚冷盤叫左口水雞🐤 雞嘅份量都幾多 醬汁亦都調得好惹味🤤總括嚟講性價比好高 二百幾蚊可以食到咁多野 平時就咁叫一個魚都要呢個價錢🥲可以趁新開張去試下啊 冇咁多人🙌🏻

🌶川滿居🍁話說有一日係銅鑼灣京都廣場樓下諗住望下有咩食🤔負責㩒lift嘅姐姐介紹我地食呢間，一出電梯就係間餐廳，裝修比較普通，以卡位為主，當日假期晚市都冇咩人，心諗好似有d伏😹🥢水煮魚 $188一大盤，賣相幾吸引，小辣睇落都好似好辣咁，食落味道非常唔錯，辣得嚟又香又麻，正魚片份量都幾多，魚片厚身食落幾滑同埋有口感，唔會係好淋個d, 魚片係爐魚，同平時食開咗桂花魚口感有些少分別，配料仲有薯粉，油麥菜，木耳，芽菜，整體味道非常唔錯🥢夫妻肺片 $66份量都幾多，辣得嚟有少少酸，唔太鐘意，平時食開都唔酸嘅🥢辣子雞 $98雞肉炸到外脆內嫩，完全冇骨，小辣都ok, 味道非常唔錯好有鑊氣，連花生都唔放過🍺青島生啤 $45食辣野飲啤酒特別爽食物整體唔錯，幾好味，好在冇中伏😂啱曬食辣嘅朋友，感覺都幾正宗，就係環境普通咗d, 免加一，幾抵食

好耐冇食到正宗既川菜。今次見到銅鑼灣新開左呢間叫川滿居既川菜，決定同男朋友黎試一試佢。招牌香鍋可以自選5款餸，我地揀左蝦球，肥牛，牛筋丸，土豆片，萵筍同鮮冬菇。辣度係可以自己揀既，咁我地就叫左小辣。香鍋辣辣地咸咸地，超級惹味，送飯同送啤酒一流！香鍋既賣相相當唔錯，未動筷已經陣陣香味飄出，睇到我流晒口水，簡直係色香味俱全。而且值得一提既係，由上菜到食完，個鍋都仲係熱辣辣，正呀！呢度既金湯酸菜魚係我食過難得好味又正宗既酸菜魚。除左湯底麻酸辣味都好出色之外，魚片十分嫩滑，一啲腥味都冇。最重要係一條骨都冇，唔洗怕哽到骨。除左主角酸菜同魚肉，裏面都有好多配菜，例如各種菌類，萵筍同酸蘿蔔，每樣配菜都十分出色。整體黎講，呢間川菜係香港黎講係比較正宗同出色，味道同賣相拍得住我以前食過既川菜。而且菜色每樣都夠晒辣，十分惹味，岩晒中意食辣既朋友

已經數唔到我係第幾次歌嚟呢間餐廳，之前喺荃灣嘅時候我得閒都會特登揸車過嚟食飯，因為我超級鍾意食辣，而且呢度做嘅辣我感覺好正宗。🤣👍👍呢間可以位於銅鑼灣就可以食到，更加方便增加到會過嚟食，我覺得做到正宗川菜其實喺香港都為少見蕃茄酸湯魚 $188 加大$288呢個酸菜魚，好香，因為普通酸菜魚呢就直接用酸菜整出嚟，呢個呢會加番茄蕃茄出嚟嘅感覺呢會變咗好似有少少酸酸甜甜咁樣 但係又有啱啱酸菜魚出嚟嘅辣度。川香鮑魚雞煲 $168半隻 $298一隻呢個我都覺得好正，因為佢可以食到鮑魚，又有雞煲食，雞煲最緊要係果汁，我見而家呢出邊都有買啲汁可以自己屋企自己整，但係比起正宗嘅雞煲感覺都仲係爭少少，呢度做得出嚟嘅雞煲感覺非常之正宗，因為佢真係好好食，而且執嘅份量啱啱好唔會好多唔會好少，雞嘅份量都好足夠，雞都係非常之正。

跟朋友都好喜歡食辣，今次來到這間位於銅鑼灣的川菜餐廳！餐廳有多款川菜可以選擇，而且香鍋還可以自己揀配料，咁就可以揀到自己喜歡餸菜!招牌香鍋，招牌香鍋可以自己揀5款材料，因為朋友唔食牛，所以就揀左午餐肉、墨魚餅、蓮藕、薯仔和蒜芯！鍋的味道亦可以選擇，包括有香辣、麻辣踢醬香！我們點了香辣小辣，味道剛剛好，拌飯一齊食更正!蒜芯同蓮藕吸收了醬料的味道，而且爽，薯仔綿身而且美味!午餐肉好香口，墨魚餅味道都好正!金湯酸菜魚，酸菜魚的辣度都可以選擇，我地揀了小辣，湯底味道酸酸辣辣，酸辣度剛剛好，非常開胃!魚片冇骨，除左魚片，仲有薯粉、萵筍、酸菜等材料，非常惹味!

香港真係有做片皮鴨嘅餐廳又唔係咁多，尤其係旺區，成日搵都搵唔到，成日要食啲肥鴨嘅時候都要特登上網search有邊度有得食，但係多數都係可能比較偏遠嘅地方，有時都懶得過去，如果可以喺最旺區嘅時候行埋街可以食嘢就非常之好啦。今日比我發現到呢個喺銅鑼灣最市區嘅位置嗰度有得食片皮鴨，即刻衝過去食。🤣🤣🤣感覺真係非常之正，直接行完街肚餓行到攰攰地想去泰國種感覺好開心。上到去地方都幾大坐得都幾舒服，而且都唔係等好耐位就已經有位可以坐低啦。餐牌好靚，而且嘢食都幾多，可以點自己鍾意食嘅嘢。片皮鴨 $168半隻 $298一隻呢個可以選擇叫半隻或者一隻，我覺得好體貼，有時可能只係想食少少嘅時候都可以叫半隻唔使叫晒成隻食唔晒，咁咪因為佢半隻呢其實都唔係話真係好少，對於我自己來講我係夠食嘅。肉質都好好食，感覺好新鮮好似啱啱整出嚟咁，加上佢嘅判斷彼得我都幾多，唔會唔夠用，所以可以按自己喜好包幾多包少少都冇問題。

麻辣香是最喜愛的味道，乾鍋亦是最近發現很美味的，最近發現這裏新開了一間以川菜為主打的食肆，今晚便來到了。金湯酸菜魚湯底味道鮮甜可口，酸辣程度適中，用了好像是鱸魚，沒有生魚那麼多幼骨，是一個非一般的酸菜魚。魚肉鮮甜嫩滑，配上湯底的味道更加可口。招牌乾鍋可以選擇五款以上的配菜，有肉類亦有蔬菜可供選擇，原來除了肉類非常配合乾鍋之外，蓮藕片和土豆片，到時非常適合香辣的乾鍋採用。乾鍋的香、麻、辣味道香濃，非常惹味。

好耐冇食川菜，於是喺銅鑼灣搵咗呢間川滿居。餐廳裝修乾淨企理而且大部分都係卡位，坐得舒服。我哋叫咗個金湯酸菜魚，孜然羊肉配麼麼皮同埋藤香雞。先上嘅籐香雞，雞肉嫩滑，雞味濃，有d似白切雞但加入咗川菜元素，用咗大量籐椒，令到雞肉帶有一種獨特嘅麻香味，清香濃郁，一食上癮。酸菜魚好大一盆，我哋叫咗少辣，金湯微辣帶酸，加埋花椒嘅麻香，唔錯。魚片嫩滑冇骨，除咗酸菜，仲有薯粉，煙韌彈牙，吸收哂魚湯嘅精髓。至於孜然羊肉，一上枱已經聞到羊香，孜然味重，羊肉炒得惹味，味道偏咸，夾喺麼麼皮入面一齊食就岩岩好。。。川滿居銅鑼灣駱克道491-499號京都廣場6樓。。

New spicy Sichuan place spotted in causeway bayWith dinner set for two with just $268The sour and spicy fish bowl is so hugeWith fish slices occupies 50%Love how it’s filled with all sorts of vegesIncluding lettuce mushroom pickles and rice noodlesThey are all cooked just right Being tender and still has enough moisture in themThe fried lamb is another special itemWith sesame peel for you to wrap them up and finish off in one biteIt smells so good when servedWith the cumin spice spreading all ov

下午在銅鑼灣吃飯。餐廳位於地鐵站旁邊，十分便利。餐廳裝修簡單，面積不大卻有不少座位。餐牌有不少選擇，例如烤魚、、酸菜魚、鑊氣小炒、招牌香鍋等。🔻金湯酸菜魚$188我們點了小辣，辣度很低，任何人都可以接受。配料有辣椒、花椒、芝麻、酸菜、萵筍、香菇、弧菌、薯粉等。弧菌類比較多，入口相對沒有那麼油膩。魚片很滑，沒有骨頭，不錯。🔻孜然羊肉$98羊肉和洋蔥炒得很惹味，伴著香氣逼人的孜然味。配上麽麼皮，麽麼皮尚算薄，使羊肉吃起來沒有那麼單調。🔻籐香雞$66以新鮮花椒煮，所以入口有股麻味，吃起來鹹香，冰凍的雞肉入口更爽口，雞皮很滑，不錯。

🥢籐香雞 $66呢個雞好有驚喜😍因為本身一望以為係醉雞但原來佢係麻辣雞😋本身個雞肉好嫩滑唔算好肥👍再加上佢浸住個個湯係帶有少少麻辣味勁香愈食愈想食🤣-🥢金湯酸菜魚 $188酸菜魚近排真係開到一街都係但要食到又酸又麻個陣味就唔係間間做得好😂川滿居呢個唔錯食落個湯底個酸岩岩好而麻辣味係慢慢出黎👍魚片切得厚薄適中亦夠滑😉入面仲有萵荀/薯粉/雜菇等等😋-🥢孜然牛肉 $88呢個世界級正必試👍我見好多人都有叫又勁香就試下因為小編好鐘意孜然🤣另外有6塊麼麼皮俾你包住食勁正😋佢個牛肉好林又炒到勁入味加埋洋葱絲包住食勁正😍6塊皮唔夠食呀🤣

在銅鑼灣行完街，見到這棟大廈好多野食，這間川滿居也很吸引，進入去門面有些粵劇畫，好特別。點了幾個小菜金湯酸菜魚（$188)它的墊底是泡酸菜，上面是青魚片，酸菜酸酸的，魚片白白嫩嫩，上面再飄一層紅油，紅油上面飄着幾個泡紅椒，像一個個精靈，一上桌，就能聞到香味，讓你味口大開，垂涎三尺。魚非常的鮮和滑，加上份量非常多，足夠3至4人吃。再來孜然羊肉（$98)孜然羊肉也是一種讓人沒辦法抵禦的味道，羊肉加了孜然，加入大量洋蔥，經過炒製，香飄四溢，入口柔嫩，吃上一口，彷彿置身於大草原上，能量瞬間滿格！配上麼麼皮食，口感非常好。點了招牌香鍋，香辣，薯粉$22,高荀$28,牛百葉$42,小酥肉$$48,豬大腸$46, 共$212招牌香鍋，是乾的麻辣鍋，只不過它沒有湯，食材也不是用燙的，而是用炒的！順口溫和中又帶著些香辣，但不會讓人吃了腸胃不舒服。也能自由決定辣度的乾鍋，如果想不加辣，可選擇的是。與火鍋和湯鍋相比，湯少味更足；乾鍋比火鍋更為方便。醉雞酒香濃濃，浸著滑嫩的雞肉，人和雞都醉了，又被花椒的香麻喚醒。加支啤酒解解辣。環境舒服，優雅！滿足的一晚。

今日嚟到銅鑼灣食呢間新開嘅川菜，平時唔係好食得辣嘅我都覺得呢餐好好食😍！🐄孜然牛肉配6張麼麼皮（$88）呢一碟真係大推呀！牛肉好惹味，孜然味好出！洋蔥都炒得好香！夾埋麼麼味一齊食，就可以中和返口味！🍲金湯酸菜魚（$188）酸菜魚有唔同嘅辣度，今次只係叫咗微辣～食落酸味較重，魚係用咗鱸魚，無骨而且好滑呀😋！另外仲有冬菇、萵筍、薯粉等等喺底，份量多幾多㗎！食唔到辣嘅朋友都可以過下口癮！🐓籐香雞（$66）老闆推介嘅冷盤！本身以為好似係平平無奇嘅白切雞，估唔到相當有驚喜！雞肉十分滑嫩！雞皮都有咁上下厚度㗎～口感好豐富！加埋藤椒香味，食落麻而不辣！