川味雞烤魚大王 (大河道)

营业中

休息中

不知道從何時開始, 香港人打邊爐已不會再分春夏秋冬, 八月份, 氣溫高達三十多度仍然可以對著爐火, 吃著滾燙的火鍋料也面不改容.實不相瞞, 早兩天才打完邊爐, 今日又打, 上次用老鴨淆湯底, 今次吃藥膳雞煲, 可謂各有各特色.先來兩款當有四川特色的開胃菜:涼拌海蜇 ($38)調味好像麻辣火鍋呢, 濃重的花椒八角味, 吃得嘴角也發麻, 但又”麻”得幾過癮! 加入少許惹味的麻醬, 令人忍不住手 (口) 吃完一條又一條.辣味反而不重, 怕辣的我也可一個人吃了半碟. 海蜇不用多說, 非常爽脆, 海蜇平時只會用麻油涼拌, 用麻辣醬汁涼拌別有一番風味呢!涼拌豆腐 ($38)由海蜇換上豆腐, 麻辣醬汁基本上涼拌海蜇的一樣, 同樣令人吃得嘴唇發麻. 不過這個沒有麻醬味.豆腐好大磚, 兩個人吃極也吃不完! 最得我歡心是豆腐用上炸豆腐, 外層金黃香脆, 內裡嫩滑, 豆味濃郁.藥膳雞煲 ($158)生的雞件舛湯窩分開上桌, 待湯底煮開後, 加入雞件弄熟即可食用及用來打邊爐.打開煲蓋, 一大陣中藥的味道撲鼻而來, 是杞子, 當歸等藥材的味道, 如果有吃過台灣的藥燉排骨就大概知道是什麼味道了!先呷一口湯, 中藥

是日心情特別好，其中之一當然係多左日公眾假期啦，與友人到荃灣行街兼晚飯。去一個唔熟識既地方選食店就是最辛苦的，為有誤打誤撞啦！眼見有間火鍋店都幾多人食，而且價錢又唔係貴，所以就去試試。睇完落單紙，我們點了一些小食和火鍋。1. 涼拌海蜇 ($38)初初睇到這道小食的顏色，以為它是辣的，但其實不是辣，可能是加入很多花椒，所以小食是麻的，愈食愈想食，好特別。海蜇爽脆，而且又很入味。2. 涼拌豆腐 ($38)味道與”涼拌海蜇 “接近，豆腐大大磚，外皮脆脆地，所以不會一夾就散，而入面又很嫩滑。火鍋選擇有幾款，有別於其它火鍋店。這裹多數以魚或雞做火鍋，跟住再點選其它食材。見到有很多食客都點魚火鍋，大大條的，但因為我們對魚不大興趣，所以我們點了雞煲。3. 藥膳雞煲 (半隻 $168) 、肥牛、響鈴湯底很濃，材料十足，很好飲。雞件是上枱後，店員再幫忙加入煲內，所以雞肉可保持鮮嫩。響鈴灼幾秒即可，半脆，吸滿湯的味道。食火鍋邊可以缺少肥牛呢，薄薄的肥牛，灼十幾秒很快熟，很好味。哈哈，今次誤打誤撞成功，試到一間幾好的火鍋店。

夜晚去咗川味雞烤魚大王食烤魚呀!!見佢啲前菜幾吸引!!試吓先!!涼拌川辣味魚皮，呢個魚皮煙煙靭靭幾好味呀!!熱辣辣食辣嘢整返杯Hoegaarden真係正當然唔飲酒嘅我係改飲可樂嚟享受，嘻涼拌豆腐，呢個豆腐外脆內軟架，豆腐又滑又嫩真係唔錯重慶麻辣烤游水沙巴龍躉，平時食烤魚通常食淡水魚咸水魚就唔常見，一於試吓啦啖啖肉又唔多骨，烤得啱啱好!!皮呀肉呀都好好味配菜仲好大方，薯仔芽菜蘿蔔連娃娃菜都有呀嗌得烤魚緊係嗌小小打邊爐料啦，嗌咗響鈴，呢度係用樹記架!!當然好味啦手打墨魚滑，啖啖有咬口，足料墨魚滑呀特級雪花肥牛，呢個真心推介近年真係覺得出街食肥牛好搵笨，但係呢碟真係又平又靚!!讚呀!!

越來越發覺重慶麻辣烤魚是很適合我自己的口味, 湯底要帶麻香, 辣度選BB辣至小辣, 太重辣味反而吃不出魚的鮮美 ...原條大魽魚  $228鮮魚烤至八成熟才下鍋裏, 湯內有薯仔、酸菜、大豆芽同煮同吃；在食材味道的互相吸收與䆁放下, 越煮越有味道,不過我較喜愛吃滑身的魚質, 當中夾雜了魚的烤香、湯的麻酸辣, 魽魚本身的肉質甘香肥美、油份豐富, 最後的魚頭魚骨要留下來加湯滾成魚湯, 再火鍋去。  涼拌川辣魚皮  $58爽口開胃的涼拌菜, 魚皮發過, 比較厚, 比較有透明感, 我反而喜歡放在湯裏灼兩三秒至稍軟才吃, 兩三秒好了, 灼久了會消失的。加湯 ...鮮魚卜  $38有鮮魚卜當然要點, 廚房已把鮮魚卜們清潔乾淨, 腥味已辟去, 灼至適當收縮, 吃來仍甚鮮爽!特級雪花肥牛  (小)  $68色澤鮮, 油脂與肉相間, 吃起來滑溜重肉香, 不蘸醬吃也很夠味。

嗜辣的朋友又吹雞, 我亦甜鹹兩胃插刀, 在所不辭, 始終朋友圈中嗜辣的人都是比較孤獨~今次他棄雞煲食烤魚窩荃灣大河道都有幾間出名的烤魚店, 朋友選這間是因為...這烤魚店有賣朋友喜歡飲的白酒 Weinhaus Kessler Vintage Select 2014 (White Wine- Germany)冰涼白酒配襯熱辣辣烤魚窩, 酸甜度適中, 有桃香, 越凍越清甜~他說我口水多過茶便特別嗌了碟麻辣口水雞給大家食~雞肉厚雞皮薄, 脂肪無但吸收麻辣油香, 大家食唔停!烤原條大魽魚  $228烤過八成的魽魚再在酸辣湯內浸熟, 一次過食到烤香的魚肉及浸熟的魚肉, 魽魚肉質滑溜鮮嫩, 浸在酸辣湯吸收, 香氣撲鼻, 惹味非常 !將烤魚食乾淨就可以加湯準備打邊爐~每人嗌幾樣生料齊齊食...墨魚滑 $68  烚成墨魚丸鮮味、彈牙、清甜~韭菜餃 $38 皮薄多餡, 清淡的餃餃吸收了酸辣魚湯, 味道是可以夾吧~特級雪花肥牛  $68  (細)只要放湯灼個十數秒便成, 入口即化, 肉香濃, 不蘸醬也很好吃~多謝每人$202, 下次有辣再召喚我吧~本篇完~

曾經吃過四川麻辣菜式，其中以雞煲居多，小菜則少之又少。雖然今晚離不開四川麻辣作為晚飯，但仍然都會去吃番一餐吧。川味雞烤魚大王位於荃灣區，鄰近大河道，交通總算便利。餐廳面積不大，只是座位略為窄了一點呢！先來一支白酒，長頸型藍色樽身，也頗特別，喝起來卻又帶點甜味，而且容易入口，酒精濃度不高。原條魽魚（二百二十八個大洋）是今晚的主菜，亦是烤魚之一。整條魚被烤過的，因此魚皮很脆，雖然內裡有著大小魚骨，但當中的魚肉也頗嫰滑，鮮味也多呢！當中雖有花椒在內，但是由於點了少辣，所以只覺少許辛辣，但也有麻痺的感覺呢！手切肥牛是最常見的火鍋配料吧，當中的花脂也很勻均，而且利用盤裡的湯底把牛肉灼熟，當入口的時候，牛肉味道頗為濃郁，亦夠鮮嫰，不靭呢！火燄芝心包（四十五個大洋）及黃金年糕角（四十二個水洋）是新穎的火鍋配料，當中的芝士也頗多的，亦有點流心的蹟像。外層煙靭，內裡芝士也較香濃。涼伴豆腐（三十八個大洋）外層金黃內裡雪白，入口柔較嫰滑，還帶有麻辣的味覺，同樣地辛辣度不高呢！雖然今次吃的是麻辣，但是點來都是小辣，故不會覺得很辣呢！

川式烤魚店其實已經在香港屹立了不少年頭了, 一直都想試試, 不過又怕太辣, 又比較難找伴一同去試 (身邊友人不吃辣的居多!). 前陣子終於找到朋友肯和我結伴, 於是在OPENRICE找到這間食評不俗的試試.小店位於荃灣, 位置不算太難找. 到達時剛開門不久, 食客只有半滿 (不過不一會便已經坐滿!). 店子枱椅不多, 只有廿多個位(後來才知隔壁也是此店的), 位子也比較擠迫. 每張枱已經放了用來吃烤魚的GAS爐.平時看餐牌, 都是先看主食. 今次有點不同, 因為是吃麻辣食物, 還是先看drink list, 然後再選食物. 一般來說, 啤酒都是吃燒烤的最佳配搭. 不過, 見到小店正在做餐酒推廣, 而店員亦表示餐酒其實和烤魚等燒烤很配合, 於是我們選擇了一樽來自德國的藍樽餐酒 ($148). 我們貪其帶有花果香味, 而且味道較甜,  可以解辣. 由於它的甜味較重, 就算連不飲酒的友人也說OK.由於烤魚需時, 所以也點了些前菜, 邊吃邊等. 我倆都不算是辣妹, 所以只點了小辣程度.涼拌雲耳 ($28)雲耳很爽口, 麻辣度最高, 是三個前菜中最辣的一道.招牌口水雞 ($68)雞肉剛剛熟, 肉

友人與我都係愛魚之人, 所以當友人提議食烤魚, 二話不說立即應承.由於早到關係, 唔使等就可以安排到坐位, 店員建議兩人可試半條麻辣烤魚, 例牌口水雞同兩個涼拌, 另加一支白酒.涼拌雲耳同涼拌海蜇先到, 兩個都既麻辣又爽口, 食完胃口大開.口水雞雞肉僅僅熟, 入口麻辣嫩滑, 不過見到部分雞肉有少少血絲都唔係好敢食.主菜鯇魚出場, 魚身被火烤過, 再放入配料如辣椒,花椒, 豆豉, 孜然, 配菜大蔥, 大豆芽, 紹菜, 薯仔片同蘿蔔片, 再加上魚湯滾熟.豪情地夾上一大塊放入口, 魚皮香脆而魚肉鮮嫩麻辣, 同平時蒸鯇魚風味唔同, 因為有孜然關係, 有食燒烤感覺, 不其然一口又一口放入口.支白酒果味較重, 同烤魚好配合. 同友人邊喝酒邊食烤魚, 愉快地渡過一晚.

依日我好想食四川菜~另一半話想食烤魚原本諗住出九龍食既~不過頻撲左成朝返到屋企休息完都唔願出去~終於近近地揀左"川味雞烤魚大王"~ ~ ~ ~ ~ ~ ~ ~ ~ ~食店地方唔大~我地點個"原條烤魽魚"(大-$218)除左魽魚..仲有鯇魚~同樣有大/細/半條/原條選擇而湯底有麻辣/泡椒/酸菜等幾款選擇~我地點麻辣(中辣)另外..除左烤魚~仲有雞煲及數款火鍋湯底..可配火鍋料魽魚肉質嫩滑有彈性..少骨配料有豆豉茸,京蔥,酸菜,芫茜,辣椒另外有淮山片,少少芽菜~滾起後..先試一口麻辣湯底半麻半辣..夠味好突出~後其越滾越辣..好惹味另點一碗白飯($10)..撈麻辣湯汁伴吃麻辣湯底本身有少少酸菜~但份量唔太多所以再點一份"酸菜"($22)~又酸又麻又辣..好開胃另點.."脆鯇片"($68)~啤酒(x2)整體烤魚好味~麻辣湯底惹味~服務都ok

琴晚同老婆大班朋友又想食辣野,有個住荃灣既朋友就推介左我地去川味雞,仲話一定要點烤魚,琴晚我地一行8人,8點去到見到都已經滿曬,問店員可否開台在店外,店員話食環已經唔比食店在街開台,無計,唯有等一下.我地等左15分鐘就有台,鋪頭入面有一幅竹造特式牆,幾易認.我地點左朋友推介既烤魚,有幾種魚選擇,(鯇魚,魽魚,多寶魚,沙巴龍躉),我地怕淡水魚有泥味所以選左游水沙巴龍躉.火鍋配料點左(安格斯牛肉,黑毛豬,螺片,響鈴),仲點左幾個冷盤(招牌口水雞,麻辣爽魚皮,肚絲),當然一定叫番一人一杯生啤啦,呢度主打比利時既hoegaarden我地都係第一次飲,飲落有小小甜同小小橙皮味,解辣一流.大約等左10分鐘冷盤就到齊,口水雞賣相好吸引,紅卜卜既辣油覆蓋住下面既雞件,頂頭仲有脆卜卜既花生,雞肉咬落淋滑,雞皮爽脆,味道複習,麻同辣既比例唔錯. 爽魚皮出面通常只有粥麵店才會有,通常配鼓油,薑絲,呢度就配麻辣醬汁,感覺清新,唔錯!!!等多20分鐘烤沙巴龍躉就送到來,奶白色既湯底,大量配料,魚皮烤得剛剛好,我地忍唔住即刻想試下,好在店員提醒魚只係烤到5成,要等辣湯煮熟,比條魚吸收湯既精華.我地飲住啤酒等左5分

二個人呢間打邊爐分量就太多了，半隻雞係啱啱好的，原來小辣真係少到唔少，建議叫中辣。辣味未夠惹味，雞尚可，響鈴普通，炸魚皮浸好奈都依然好乾，應該炸左好奈，牛筋丸ok,都有少少牛味，呢間野偏貴，而且唔值，唔會再黎。我地中途整燶左，侍應叫我地加水，之後到林尾諗住休息下再食，侍應話叫我地先熄左個爐，因為個煲會爆，想嚇死人咩

呢間食店我食過好多次，水準好好，烤魚食到係現烤皮脆但肉滑，味道複雜，除辣及麻外，重有香香的香料味，據老闆娘稱所有香料都係重慶訂返嚟處理，並非一般店的買樽裝醬料炒的，所以食嘅初段有少少淡，但煮了後味道出哂嚟就好正嘢味，而且最新的酸辣魚味道好好，最適合夏天食好開胃，佢哋個雞煲同普通雞煲鋪有唔同，係有湯嘅，好似我係重慶旅行時食到嘅雞煲一樣，但無咁油。而佢哋嘅火鍋配料好新鮮。重有間party房好適合大班朋友聚會，但唯一美中不足係當爆棚就會有點熱，因所有爐都開哂。☺

同事知道我好鐘意食辣野,所以推介左去川味雞試下,佢話自己差唔多個個星期都去食,仲推介一定要試佢個招牌口水雞,包我一定上引,加上近排咁熱既天氣,呢d冷盤啱曬.上星期五一收工即刻約左我愛人去開餐,一去到門口見到有部hoegaarden啤酒機,唔使講即刻order 一杯降溫先,之後我地order 左同事推介的口水雞,滑魚皮,牛展,做頭盤,一上台見到紅卜卜的口水雞汁已經流曬口水,一夾入口第一啖已經感受到辣椒油的香味,再接著而來仲有淡淡的花椒麻香,雞肉細嫩,再加上花生的香口,我忍唔住要夾多舊,四川菜我都試過好多間,尼度的口水雞汁多左一種第二度食唔到的味道,文字上好難型容.值得一讚,之後我地再order左烤魽魚,雖然魚肉不算多,但魚肉肥美,加上辣湯烤煮都十分之不錯,總結整餐晚飯我同女朋友都十分滿意.

是日放工,與豬大人又在荃灣醫肚。今次的目標是上次逛街路經的【川味雞】~雖然已是晚上7時許,但小小的店子尚有餘桌,我跟豬大人不用等位就可就坐。店內環境雖小, 但感覺舒服、乾淨~雖然店名有''雞''字,但我倆不久前才在另一店子吃了雞煲,今次跟豬大人想轉一轉口味,來個小店另一名物 - 烤魚~由於是日推介是烤魽魚,我倆也來一個!!老闆娘提醒烤魚需要等候25分鐘,其間眼利的豬大人看到店內小廣告,說只要在facebook打卡及like其專頁,可以免費獲得$28一客的小食。豬大人匆匆的給個like, 約等了10分鐘左右,免費小食 - 紅油抄手就上桌了 ^^要了中辣, 我倆仍覺得辣味不足~不過不知道是我倆太餓,還是真的弄得很好吃呢~我倆一口接一口的掃清了......之後是日主角 - 烤魽魚 (中辣)終於上桌喇!!本人愛濃味, 覺得魚總是不夠入味、亦不夠辣,反而男友卻吃到不停出汗......還很快喝光光一罐可樂~不過吃耐了, 魚都開始入味,但本人更愛烤魚旁的配料:籮蔔入味又夠腍; 薯仔片外脆內軟又入味;大豆芽菜及洋蔥也非常的入味好吃~反觀我們另加的兩款食物就比較失色了:豬大人最愛的響鈴完全不脆, 大失所