川味雞烤魚大王 (大河道)

营业中

休息中

差差差，第一，D野吳新鮮，第二，貴，第三，服務態度超級差，內容，D野吳新鮮糸預左，魚（煤），🐔（好明顯雪），態度，我话要1只🐔蛋，佢話等等，之後冇黎，又問等等，再之後冇黎，問其他待應，佢話呢度冇🐔蛋賣的，那冇問題，我出去買，買完回來第二個待應訓示我不能帶🐔蛋進店，我話系你冇供應所以出街買，然後那個待應再同那個説沒有🐔蛋供應的待應了解,之後兩個鬧交，痴左缐，你鬧交去第二度，問題好似我錯共，另外,不入味，未熟太多問題！自己諗去吳去啦！

雞煲+火鍋就吃過了，烤魚+火鍋倒是第一次。今日與友人來到荃灣烤魚大王，一試正宗重慶烤魚。餐廳有烤魚、小食、火鍋配料。口水雞。雞肉非常嫩滑，汁底香麻有滿滿麻香，辣度適中不會太嗆口，伴以花生味道香口。涼拌青瓜。青瓜爽脆，辣味頗突出，可惜不夠冰凍。涼拌海蜇。海蜇爽口脆口，吸盡辣汁精華，味道香麻香口。烤魽魚 泡椒 小辣。友人怕辣，點上一個泡椒小辣。辣味不重不突出，酸菜味道濃郁。魚肉鮮嫩鮮甜，滑溜無比，當中有娃娃菜、蘿蔔等，吸盡湯底精華，味道惹味十足。魚肉非常值得推介，鮮香甜美。

受到食貨朋友既邀請，一齊去試呢間烤魚餐廳…本來都唔抱太大期望，因為之前試過附近同類型的烤魚店留下陰影，一直都唔敢再挑戰烤魚，但今次真係好回味，所以不得不寫下我第一次既openrice食評!我地兩個女仔簡左3個涼拌小食，再加一條大既原條鯇魚，食到肚突突咁走先講小食，我地叫左涼拌青瓜，涼拌粉皮同麻辣牛。因為我不食牛肉，所以只食了青瓜同粉皮，兩個既汁其實都差唔多，都係紅卜卜咁，以為會好辣，但食落覺得唔太辣好惹味，青瓜很爽脆加埋d汁好開胃，不自覺食完一啖又一啖，食食下就feel到條脷有d麻痺感覺，都幾過癮，唔似平時辣到會膘眼水嗰隻…粉皮就好似冇青瓜咁入味咁，不過不失。跟住就到今日既主角烤魚啦!登登登!聞到都留灑口水…我地簡左中辣，上台後用爐再滾一滾個湯底就食得啦!魚肉記住要拿拿食，因為一開始食係鮮甜嫩滑，但煮太耐就冇咁好食，所以一定要快d食灑條魚先，唔好掛住傾計仲有d芽菜娃娃菜羅白咸菜同薯仔做配菜，索灑d湯汁，好好味開頭仲驚食唔灑，但最後ko灑😄見隔離台又叫烏冬、嚮聆卷、丸…變左打邊爐咁，下次都想叫多d frd一齊試下

唔辣唔愛今晚難得同幾個朋友出黎食飯 更係要去荃灣搵野食啦 小妹未試過食烤魚 經朋友介紹下就試下依間啦 我地都係食得辣之人 首先叫左口水雞 口水雞 肉質煮得夠軟 非常入味 而且辣味適中 唔太食得辣既人都可一試小妹比較少吃辣的涼拌青瓜 青瓜口感清爽 清新 咬下去很脆 十分新鮮最後係今晚的重頭戲 我們選擇了魽魚 這魚骨比較少 吃起來得方便 而且肉質鮮嫩夠滑 非常新鮮 魚四周還有其他配菜 蘿蔔 酸菜 豆芽 還有小妹最喜愛的薯仔 薯仔吸了烤魚的汁後 很入味

天氣越來越熱, 熱到完全唔想打邊爐, 想食川菜但又驚出汗, 辣既野都係凍凍地食好D既... 趁住今日回冷天, 我地就黎左呢間川菜食辣野, 趁住仲凍食番D辣野, 感覺都幾好呢個茴味雞翼外皮幾脆, 不過入面就乾左少少, 譚仔好似都有一樣既雞翼但人地燒得好好多! 起碼夠多汁又香口其實烤魽魚我都係第一次食, 估唔到肉質咁鮮嫰, 食落去啖啖肉~ 骨唔算多但好幼, 要小心D食! 調味黎講小小辣加D豆豉都幾惹味嫁, 仲有一塊塊既蘿蔔, 越煮越辣越入味, 個湯底又濃又辣, 極刺激!川味魚皮意想不到咁好味, 之前係澳門食過蝦子魚皮都幾彈牙, 估唔到呢度仲加爽口同惹味, 辣得黎因為魚皮出過水, 所以唔會好上辣, 反而易入口左, 最好係加一兩粒花生加D咬口, 更為好食! 整體都不錯, 可以ENCORE!

最近天氣比較潮濕，無咩胃口，想食啲辣野刺激下味蕾。本來諗住去打邊爐，但食來食去都好似差唔多既火鍋料，今次想試下啲新野!記得荃灣大河道有好多間麻辣烤魚，最後揀左間多人好評既川味雞試下， 睇下有幾好味。8點幾到，就已經有人係門口等位，等左10分鐘左加就有位，總算快，一坐底老闆娘就問我地食唔食得辣，當然吃的。我同我朋友都係無辣不歡之人，於是老闆娘推介我地吃麻辣烤魚，啱哂我地食得辣之人。烤魚都有幾種可以供我地選擇，分別有沙巴龍躉、鯇魚、魽魚，最後我地左揀游水沙巴龍躉。老闆娘話係游水魚所以肉身會比較厚，我地叫左個中辣。要辣到大家嘴部麻痺，額頭冒汗為此。好的川菜要做到麻、辣、嗆，老闆娘話材料係佢地自己係重慶找，找的一定係天然香料。以尼個麻辣烤魚就以重慶辣椒、孜然粉等多種香料烤煮至八成熟再上到枱，條魚好足兩，老闆娘話要煮多一陣時間先吃得。一邊滾一邊吱吱聲，叫人垂涎。加上大豆芽、酸菜、京蔥、薯仔等配菜。肉幼嫩多汁，魚肉吸盡辣汁，十分野味。啲麻辣辣得黎好過癮，最後我地加左個紅薯粉同白蘿蔔索晒d汁，真係超好味！我地之後仲叫左個藥膳雞煲(半隻)。打開鍋蓋一陣清藥材香味，有紅棗、准山…，飲得湯底不加味精，非常

已經係第三次幫襯喇，因為呢度既出品真係好有水準，尤其係辣野特別惹味，嗜辣既朋友真係會好滿足！涼拌川辣味魚皮 $56未食過真係唔知鮮魚皮原來係咁爽口，幻想中應該係好淋家嘛~魚皮有一定厚度，咬落相當彈牙，夾埋花生一齊入口仲過癮，魚皮索晒d辣汁，味蕾好刺激。麻辣牛展 $78牛展爽口唔韌又夠入味，麻味勁過辣味，麻味好耐都唔散，食得辣既朋友完全係陷入瘋狂狀態。招牌口水雞 $68(例牌)見到鮮紅色既麻辣汁已經令人流晒口水，雞件啖啖肉好夠滑，又麻又辣非常醒胃，辣度可以話係啱啱好，亦滲到入雞件入面。游水沙巴龍躉 $388黎到呢度必食梗係重慶麻辣烤魚，今次揀左游水沙巴龍躉、小辣，一上枱聞到好香好惹味，個個食指大動。條魚份量十足，有好鮮濃既魚味，肉質嫩滑，唔易散開仲好鮮甜彈牙，平時少食魚既朋友都係咁夾唔停，就知有幾好味啦！

荃灣是我很小會來的地方,離家太遠,又沒有什麼地方可以逛街.要不是這天叔叔說想來這兒吃飯,我也不會陪他來到底來這兒吃什麼呢,原來是雞煲坐下後落單不久雞煲便上來了,時間相當快開始焗制,相當令人期待大約15分鐘左右,可以準備吃了電磁爐相當穩健,安全度一流雞肉味道亦認真一流,肉質鮮滑,咬口一流,而且肉的部份比較肥大,愛肉人仕一定要試試而且加上湯底,令肉變得更加惹味,份量亦相當充足,2人吃一流雞煲來的時候其他食物亦已經上枱,十分豐富其中最喜歡的是口水雞,辣度十足,吃起來相當入味雞肉比雞煲的更滑更好味麻辣粉皮,口感香滑,都幾彈牙小小辣,味道岩岩好依度既辣度全部都好岩我,可能我幾食得辣啦同埋幾抵食,唔算太貴,夜晚都幾多人下,好在今日拎到位

由小到大,都很討厭吃魚,討厭魚肉太嫩滑而缺乏入口的爽快感,討厭魚肉多但骨也不小的危險感覺,討厭媽媽做飯時買魚不買牛扒,時常因此而賭氣不吃飯長大而後,知道魚肉的好處,除了營養豐富,可以養身,吃多一點病痛是可以小一點的所以才學習怎樣接受跟魚肉談愛情,但始終還是抱有小量的抗拒感今天跟朋友來到荃灣一家吃魚出味的火鍋店,起初也是有點不情願,但朋友一番好意總不能因此理由而推卻,就放心一搏吧餐單上不算有太多選擇,全都是魚類和肉類,不過火鍋店正是如此我們選了一條魽魚,非常肥美巨大,湯底是微辣湯,怕辣的我也不覺得辣近看非常壯觀惹味魚肉鮮滑多汁,經過湯底的浸淫後,非常入味,我這個怕魚人仕也吃得津津有味雞翼作為配套也是不錯,相當大隻,絕對值得一吃口水雞是全晚最驚喜的一樣菜,微辣醬汁包圍著滑溜的雞肉,入口一刻感覺複雜份量也是相當多,每人差不多有四口不過愛辣人仕可能要店家加辣呢魚皮是另一味不錯的小吃,咬口一流,不過可能是前幾道菜色味道較好,所以這個不太突出食物味道不錯,店家招呼週到,價錢亦相當便宜,令人回味無窮下次再來的時候,要試試雞煲

小妹係川菜迷 特意入荃灣試下「川味雞烤魚大王」係咪真係大王...點好菜後 老闆娘給我們一張drink memu 全部都係適合食辣嘢嘅飲品 咁當然會畀一般零售價貴少少啦 首先有先聲奪人嘅涼拌青瓜 食第一啖 發覺完全係口水雞個味！雖然好油膩 但那股令舌頭痲痺的味道真係令人欲罷不能！不過青瓜再凍啲就好啦 因為友人怕骨 我哋點咗較為啖啖肉嘅魽魚 細條$208 大嘅都只係$228 咁梗係要大！魚係預先烤熟 再放入麻辣湯底 用爐熱著上台 配料有香菜 白蘿蔔 薯仔 芽菜 花椒 八角 等等... 熬到咁上下 條魚開始入味 可以開動！呢度有大辣、中辣、BB辣可以揀 為安全起見 先試BB辣 辣度大概係譚仔五小辣左右 除了麻辣 仲食到一絲絲甜味... 至於條魚 又肥美又入味 魚肉非常滑漏 不過啲位窄咗少少 隔離檯條魚啲煙飄過嚟 好鬼熱 XD

尋晚,約左朋友去荃灣食飯,大家有共同目標,就係想食魚：見到大河街附近有間烤魚就走入去試。眼到烤魚類有鯇魚同魽魚,根據我食魚的經驗，魽魚係一條骨過和無咁易噎親(本人唔識吐骨的關係)：故且我地叫左魽魚。而辣度只叫左小辣，係驚如果太辣，我地未必食到。侍應姐姐好好人叫我地飲D中式涼茶降火，我都叫左竹庶茅根。由點菜到上菜的時間都只需5分鐘。之後姐姐幫我地開埋個火盤烤魚內有炸菜、芽菜、蘿蔔、薯仔，魚上面放左蔥同花椒八角；而廚師把D材料放得好整齊；值得一讚。我眼見條魚係煎過再放落去，遠聞都聞到花樣八角味，心諗會唔會食唔到，5分鐘之後,d湯開始滾就開始食。魚肉好淋好滑，初時都唔覺好入辣味；越食得耐越入味。辣中有種甜味味，甜味來自魚的甜味；送飯一流。 口水雞，有一種麻的感覺，花生好脆；雞肉唔太老；食落去的麻辣令我的舌頭有種麻痺的感覺。 牛𦟌的肉好淋，都係麻辣的感覺。好爽... 份量都唔少

好久沒有來荃灣了，或者是因為沒有誘因了吧？不過住荃灣的朋友還是有的，雖然大家工作忙碌，但還是約了今天來一個小聚，痛飲幾杯＂竹蔗茅根＂訴心聲。＄５０的藥膳雞煲湯底還真的第一次見，雖然只有湯底沒有雞，但也是便宜到一個點！＄４８的涼伴粉皮麻中帶辣，還帶點生蔥，吃完整個口腔都有刺鼻的味道！＄６８的口水雞（例）份量也算不少，除了雞翼還有腿，吃下去同樣有辛辣而滑的出色口感。正牌的＄１５８藥膳雞煲出場！雞肉不知怎的再煮也很嫰滑，湯底澀中帶雞湯的鮮味，藥膳湯中的紅棗准山的味道非常出眾！喝完身體馬上暖和得很。吃完辣的東西當然要喝一些下火的東西吧！甜的竹蔗茅根正好平衡身體所需

今日係荃灣收,悶悶o地,約左個同事食晚飯,係荃灣行左成個鐘,卒之頂唔住肚餓,求其就入左依間餐廳食我叫左夫妻肺片$78, 味道麻而不辣, 麻味久久不散. 牛肚爽口唔韌, 膀亦腍滑, 夠入味.另一味醉雞煲$168, 肉質軟腍香滑, 味道有很香的花鵰和酒味, 連雞肉內面都有, 味道不俗! 而雞肉亦好軟嫩, 夠滑唔鞋口.

黎荃灣除左米線, 一定要食下烤魚咁多烤魚店, 本人最愛川味雞烤魚  食左咁多次唔使睇menu兩個人叫細邊就夠, 再加份配菜, 裡面有菇類和芽菜等等今次叫左豆豉辣椒烤魚, 豆豉烤魚配上四川辣椒聞到都流哂口水, 味道惹味  兩人大約$300埋單環境雖然一般, 但好好味, 價錢又經濟實惠

自從荃新天地開左之後, 連帶附近既地方都多左食肆, 健康院後面亦都多左個士林食街, 今晚特意過黎睇下有咩好野食.見呢間烤魚幾多人, 見餐牌除左魚之外仲有其他野食, 一於試下先.<涼拌海蜇>$38, 海蜇好爽易咬, 滑溜唔韌, 要少辣確係唔算太辣, 但麻味都幾重, 越食得耐, 咀唇同脷好似不由自主咁跳動, 刺激得黎好過引.<花雕醉雞煲>半隻$168, 花雕味濃郁, 每舊雞件都入晒味, 雞肉嫩滑, 唔鞋口, 入口肉厚味濃, 但唔會食醉人.