川味雞烤魚大王 (大河道)

营业中

休息中

一直未食過烤魚，覺得好特別，因此特意黎試下餐廳有火鍋， 有烤魚，飯，粉都有供應。餐廳有室內及室外位置可供選擇！竟然主打烤魚，當然要食烤魚！烤魚有一個擋風架圍著爐邊 ，不怕燒親 !重慶麻辣，令個咀有麻麻地既感覺，好過癮！魚身大肉多，不過好食到我二人食都食得晒！食完烤魚，更可以用魚湯打邊爐！如雞煲一樣！共有四種味道：重慶麻辣、泡椒、剁椒、酸菜共有三種魚：鯇魚，龍躉、魽魚選了烤鯇魚，有大量配菜：酸菜，蘿蔔、花椒、蔥、辣豆鼓！很惹味魽魚肉質細嫩，魚肉不易散開。魚肉鮮甜，沒有粗糙的感覺！薯粉煮得剛好，並不糊爛，煙韌彈牙。小店專賣烤魚同雞煲，下次再食雞煲！冬天凍冰冰，要食熱騰騰的食物！

位於荃灣大河道91號天保大廈地下，好容易揾地址！店內店外各有位坐！主打有雞煲同烤魚，所以今次先食午餐，下次試烤魚！午市套餐有多種:一款菜式加主食，可以配米線、薯粉、白飯。部份主菜及小食可選BB辣、中辣及大辣！餐飲送汽水，食辣嘢當然要飮嘢！招牌口水雞又麻又辣， 鮮紅色的麻辣汁有點小嗆口，十分開胃！雞肉滑身，但可以再濃味點，啖啖肉更加完美。而且有大量花生，送酒更好麻同辣份量，大約是5分麻5分辣。配上一碗白飯，份量剛好。

呢幾日天寒地凍最好當然就係去打個邊爐暖下胃，朋友聽到我話想去打邊爐就即刻帶咗我去住於荃灣嘅川味雞去打邊爐，話貪佢地除咗邊爐出名之外，小菜同樣做得好味又出色一入到去坐定定，我地就點咗唔同嘅小菜嚟醫下肚先，呢度啲小菜全部都好切合川味雞嘅主題，都係以麻辣為主，但如果好似我咁唔係幾食得辣嘅話，當然可以同佢地講少辣，等佢地去調校一下，令到自己可以享受一下果種麻而不辣嘅感覺 海蜇入口爽滑彈牙，望落晶瑩剔透，可惜海蜇一向都極難入味，不過同埋麻辣嘅醬料一齊食，風味又確係一絕 皮蛋係川菜必食之選，呢度啲皮蛋烏黑發亮，蛋身咬落結實而有彈性，絕無平時其他皮蛋果陣尿「押」味，而且食完仲係口腔蕩漾住皮蛋嘅餘韻，可謂齒䶝留香 講起川菜必食之選又點少得夫妻肺片呢？夫妻肺片係用肺、牛𦟌、牛肚等切成絲再撈埋一齊，但食落一啲內臟本身嘅騷味一啲都無，正 蓮藕片切得好薄，而且選料孚好，蓮藕咬落唔會話好粉而影響咗碟餸本身嘅口感，反而食落爽甜味美，令人一試難忘 花雕醉雞鍋用料十足，例如淮山、紅棗等非常足料，加上雞肉食落淋滑彈牙，一啲酒味都無，但帶有花雕本身嘅香甜味，令人食唔停口，正所謂酒不醉人人自醉

荃灣食肆臨立，捃食並不難，今次就去咗位於大河道既川味雞烤魚試下。沿住地鉄站一路行天橋就可以去到，落雨都唔使怕！一行落樓梯就見到順味雞烤魚大王店子不算大 牆身擺設預設一個擋風架圍著GAS爐 , 這個真的很貼心 ! 坐底點咗野食, 先來一些前菜開開胃先 ~爽口魚皮咁大個人炸魚皮就食得多，鮮魚皮打邊爐未試過，今次叫咗碟鮮魚皮，唔食真係唔知好味道，原來鮮魚皮咁爽口，加上皮有番咁上下厚度，有些少彈牙，真係好味道！海蜇好爽口彈牙招牌口水雞 ~ 辣度剛好 , 雞肉夠滑夠入味外出用餐又點可以少得蔬菜平衡番下 ~ 魚湯浸時蔬 , 魚甜魚湯仲可以飲埋落肚 !今次嚟試下烤魚熱辣辣啊 !內裡有薯仔片, 薯仔好入味 另加咗鮮魚卜,大豆芽同埋肥牛邊烤魚邊烚烚 , 烤魚湯底夠晒惹味 , 用來打邊爐啱晒 !鮮魚卜大豆芽肥牛

很少到荃灣開飯, 但荃灣好多美食. 今次選擇了烤魚. 值得一提係麻辣特色小食. 其實店內有好多唔同款式, 有火煱, 有小食, 有烤魚 ... 下次可以再試其他~ 麻辣海蜇: 好爽美味~麻辣魚皮: 推介食品, 好爽口同入味. 必食之選  口水雞: 辣度適中, 肉質都唔錯.烤魚: 今次選擇了冇咁辣嘅口味, 適合唔太鍾意食辣的朋友.魚標: 記住唔好太耐, 2-3分鐘就可以.牛肉: 新鮮.

12度的天氣，除川菜外，別無他求 。放工，到荃灣覓食，發現一間小店專營烤魚雞煲，當然和摰愛好好享受一個熱騰騰的晚上 位於荃灣大河道91號天保大廈地下F1號舖的店舖，經過荃灣四通八達的天橋，一落樓梯就看見。覓食難度係零 店舖有室內及室外位置，任君選擇。這麼冷的晚上，坐在室內是常識吧～不用等位就安排入內就坐。今天選擇了以下菜式：小食：茴味雞翼                                 (HK$28.00/ 4隻)招牌口水雞 (例牌)                    (HK$68.00)涼伴川辣味魚皮                        (HK$56.00)主食：重慶麻辣烤魚(魽魚) -　大          (HK$228.00)火焰芝心包　                           (HK$48.00)特級雪花肥牛                           (大~HK$68.00/細~HK$98.00)差不多七時正，肚子響了警號，先點了三個開胃小食～茴味雞翼香味撲鼻，一來便嗅到煎香雞翼的味道。半煎炸的雞翼顏色剛剛好，沒有燒焦

天氣愈來愈凍，最啱就係打邊爐！依日我同屋企人去左荃灣依間openrice評論唔錯的烤魚店試下烤魚+邊爐。入到去見枱枱都點左一份烤魚，我都唔執輸點左一份。因為我同媽咪都唔食得辣，所以叫左bb辣。魚非常大條，湯底好足料，有我最愛既酸菜同埋白蘿蔔。魚像比想像中滑同埋多肉。我地四個人都好夠食。不過比起魚肉，我較欣賞佢既湯！完全係意料之外既濃，又唔係好辣，好啱我 之後我地仲嗌左唔少配料去打邊爐。店員大力推介佢地既手打丸，於是我地叫左一份手打墨丸。墨丸好彈牙，仲食到一粒粒既墨魚粒係入面，非常足料！注重健康既媽咪仲嗌左金葫黎清清腸胃。金葫洗得好乾淨又切哂底部既根，讚 我就特別點左響聆打邊爐點少得響聆呢！依度既響聆幾厚身，浸兩秒就已經索哂d湯汁。略嫌有d太索汁，太易變稔。最後我地叫左個冰豆腐。依個我個人覺得麻麻地。真係冰格直岀既冰咁，有大量冰塊係度，就算浸左湯，都仲有一陣冰水味。總括而言，依間烤魚店既烤魚真心推介，又多肉又滑。邊爐配料就推介返佢d手打丸，足料又彈牙，讚

呢幾日天氣都係徘徊係十二三度左右, 唔想係茫茫人海取暖渡過最冷一天, 唯有就係打飯打邊爐暖下身。今日同朋友黎到川味雞呢間專門食烤魚同打邊爐嘅鋪頭, 實行要食多啲野, 令自己暖啲!呢度除左出名食火鍋之餘，前菜小食一樣享負盛名，所以我地都點左幾款BB辣嘅川式小食，分別有:涼拌海蜇: 平時出街食到嘅海蜇，份量通常都唔會多，但係呢度份量十足，而且海蜇絕對係彈牙爽口，味帶麻辣，令人食完都想繼續食！涼拌皮蛋: 晶瑩剔透絕對唔係誇張嘅形容詞，因為大家係張圖都見到，皮蛋嘅層次分明，分得出蛋白蛋黃，證明用料係精心細選。如果皮蛋嘅質素唔掂，蛋白蛋黃兩者有時會溶為一體！麻辣牛展: 先講份量, 佢既唔係薄切，而件數亦足夠兩三個人食，係誠意之作！而味道亦相當不俗，食得出有適量嘅八角及其他醃料，味道唔會太重，但食得津津有味！涼拌蕅片: 一個字，夠晒爽口！向來食蓮蕅，都係追求爽脆為目標，呢度亦都無令我失望。適當嘅麻辣味道，亦都令平凡嘅蕅片增添色彩！最後一道小食: 茴香雞翼。炸雞翼，好多餐廳都識得做，但係呢度出色之處，就係炸得外皮香脆，內裡亦保留著肉汁，雞肉亦唔會炸得老火，鮮嫩嘅感覺仍在！食完小食，係時候食返正餐,

今年入冬以黎最凍一日，降至12度….同男友決定食烤魚暖身~~因為就近屋企，最近常常黎到荃灣開飯~~離開MTR直駁長天橋~ 行約5分鐘就到川味雞烤魚大王~小店可以選擇室外 / 室內~~避免寒風，當然選擇室內坐位~實在太肚餓，怕烤魚要等太耐~~先點3個小食頂頂肚~~口水雞 (小辣)小辣算惹味~~雞皮因冰鎮而變得Q彈~中間的脂肪呈透明啫喱狀~平時唔食雞皮的我，都忍唔住食左2塊~~雞肉好嫩滑，久不久加入花生同吃~~ 口感又多一層~~茴香雞翼即點即炸的雞翼，上台香氣逼人~~入口唔油膩~~ 調味唔會過濃~~實而不華的小食~~如果唔食得辣的朋友，茴香雞翼絕對係你好選擇~~涼拌川辣味魚皮 (大辣)炸魚皮就食得多~~川味魚皮還是頭一次嘗試~~夾起有一點厚度，微微透光的~~口感較硬身，還算彈牙~~配合青瓜絲、大蔥絲、炸花豆等一齊食~ 味道好夾！雖然魚皮唔會索麻辣汁~不過佢一片片捲縮起來~成功捲起唔少辣汁，各位要小心被辣汁嗆到~完成3碟小食，接下來研究一下烤魚~~有4種味道：重慶麻辣、泡椒、剁椒、酸菜除了一般常見的鯇魚，亦有龍躉、魽魚選擇呢最後決定一試麻辣魽魚 (大辣)其實唔算太大，2人分享剛剛好~~魚頭、

呢排落雨，天雨又凍，好想去打邊爐，所以就揀咗呢間近屋企嘅餐廳試吓。依家餐廳有雞煲同埋烤魚，因為未試過烤魚，所以今次就揀咗川味酸菜烤魚黎試吓。由於我朋友唔食得辣，所以揀左BB辣。朋友都覺得食落係唔辣既，但係就FEEL到個咀有麻麻地既感覺，所以唔食得辣既人都可以試下呢個烤魚。而且佢個烤魚湯底有啲酸菜，所以食落有啲酸辣嘅感覺，幾惹味。條魚好大條，唔多骨，啲肉好嫩滑添！幾推介嘅!由於得兩個人食，我哋唔係叫左好多打邊爐嘅配菜。我覺得值得推介嘅就係佢嘅豚肉片啦，一碟唔係好多塊但塊算厚身同埋QUALITY幾好，咬落幾彈牙唔似平時出面打邊爐好薄果Ｄ咁。其他都無咩特別。另外仲試左佢個口水雞，一碟都有幾多舊下，同埋都係唔辣既，但係幾香口，都可以試下。整體黎講佢既烤魚真係好唔錯，Ｄ肉夠哂嫩滑同埋湯底夠惹味。佢打邊爐既配選擇唔多，份量偏細同埋唔係話好平，但係質素幾好！飲品選擇方面有汽水，涼茶同埋啤酒。

荃灣有條食街，朋友是荃灣居民，告訴我這裡甚麼都有得吃！今晚我來逛逛，看看有啥好吃的！見到有間主打食魚同雞的店，客人多到坐爆店，連推住行李箱的遊客都要幫襯的，應該不會差得去邊！還見到剛巧有人準備要走，立刻撲上去。店內環境不大，一眼望曬，見到大家個樣都食得好滋味。我們點了個藥膳雞鍋，因為見天氣都涼涼地，做女人嘅，要適時補一補，身體才會好！等緊個煲就來點小吃的，個人十分推薦茴味雞翼~炸得香脆的雞翼，一咬開juicy到唧油，而且茴味是一種介乎於香草和辣味之間，好味又有新鮮感。那血紅地獄般的涼拌海蜇，其實是麻而不辣的！因為我們都食不到好辣的，就選擇了bb辣。那充滿麻香的海蜇還是第一次食到，比酒樓食的要好食幾倍呢！涼拌粉皮同樣是麻多辣少，口感又是另一番滋味。那煙煙韌韌的，又寛又透明的粉皮完全俘虜了我朋友的心。心心眼的她將差不多整碟臉盤般大的粉皮鯨吞了。藥膳雞鍋一出場就有一股好香的藥材味，未食已經feel到好滋補(≧∇≦)雞應該有半隻，而且看到肉質，應該是好新鮮的雞，而不是冰鮮雞。煮開水之後就可以放雞，煮5分鐘，再細火焗5分鐘，就可以連湯連肉食得。店家說不能煮太久，否則合使肉變老，浪費了雞。果然肉質

上星期六趁假期, 入了荃灣探朋友, 並在附近食飯. 大家也知道荃灣多野食,今次去了一間特色小店食, 就是位於大河道的川味雞烤魚大王.一見到川味, 不食得辣的我都有點擔心, 但朋友叫我放心, 這裡的辣度可以選擇,客人可以因應自己口味而選擇, 這裡最細就是BB辣.小食點了涼伴粉皮和茴味雞翼.涼伴粉皮份量都幾大碟.除了粉皮外, 仲有雲耳.平日我多數食混入芝麻醬的粉皮, 而首次食混入麻辣醬.這個醬只是微微辣, 唔食辣的朋友也食到.食多了, 就會略略感覺條舌有少少麻.粉皮軟硬度適中.茴味雞翼.上枱時熱辣辣, 我好鍾意這個帶有香草味的醬.外皮微脆, 有點惹味, 而內裡的雞肉夠嫩滑. 食咗兩隻仲好想食, 來這裡要一試.主角出場, 我地今次無點魚, 選了藥膳雞煲. 上枱時已聞到藥材的香味.第一時間就是飲湯先, 由於加入雞, 所以好鮮甜, 再加上藥材的甘香, 非常好味.有些怕聞藥材味道的朋友也可以一試,, 因為當中只有甘香, 而且近年也越來越流流食藥膳, 對身體也有益處.一口氣飲了幾碗湯, 係時候食下雞. 雞肉也算嫩滑, 而且仲多咗一份藥材的香味.差不多食完雞, 由於都有點飽, 我地只點了兩款配料打邊爐

近年好興食烤魚, 但Vi因為唔食得辣所以一直都無食過, 朋友介紹呢間烤魚店有得揀BB辣, 好岩我食, 所以決定黎試下呢間烤魚店細細間, 但都有幾多野食, 除左烤魚,仲有川菜同雞煲, 首先我地要左口水雞同酸菜烤魽魚-bb辣,因為唔食得辣, 所以口水雞都係要左小辣, 口水雞肉質好嫩滑, 小小辣同麻, 岩哂唔食得辣既Vi, 不過份量有點小主角烤魚黎la條魚好大條, 店員話有2斤睇個湯底好似紅卜卜好辣咁, 但好彩食落無咩辣味, 加左酸菜, 所以味道偏酸, 魽魚肉好滑, 同埋食得出有胡椒醃過, 幾好味條魚3-4個人食都ok, 因為食完仲可以用魚湯打邊爐~打邊爐既配料都有好多, 第一樣叫左雪花肥牛, 肥牛就咁睇已經覺得好令, d雪花分佈得好平均, 食落亦有牛味, 不錯 因為湯底本身已經好濃味,所以唔洗點醬油已經夠味~丸類方面就叫左火焰芝心包同墨魚咀丸, 芝心包同平時食果隻芝心丸唔同, 呢隻外層比較彈牙, 落面有好多芝士, 正 而Vi覺得呢度既墨魚咀丸幾好食, 好彈牙好有墨魚味, 同埋裡面真係有一粒粒墨魚咀雖然d丸幾好食, 但價錢都偏貴, 一分錢一分貨吧~最後食左呢個黑毛豬腩肉片, 廚房好有心機將d

荃灣一天遊, 全因為今天一早到綠楊坊探朋友, 吹水至中午的食飯時段, 索性在荃灣打個轉, 天氣突然轉涼, 無理由中午打邊爐吧... 唯有次選....最好是辣到出汗的食物...吹水雞....呀..唔係, 應該係...口水雞,  辣中有麻, 麻中帶辣, 送飯或小食區宜, 十分開胃, 網上有言: 據聞是出自於明朝, 知府廚師知道老細夫人有喜, 對肉類無興趣, 有一天, 無意中看到一位養雞老人, 以水煮雞, 配醬料吃, 廚師問老人這叫什麼菜? 老人苦笑答: 因家貧, 無法用油烹, 從而得靈感..... 哈哈... 真伙..信佢一成, 雙目失名...口水雞的醬汁是關鍵, 油膩與否, 是個人喜好, 沒有一層紅油的口水雞, 肯定不是我心水. 此店的麻與辣份量, 大概是三分麻七分辣.煮雞多數用浸熟方式, 拿出來最好是放冰水泡一泡, 雞皮會更爽脆. 之後才放入麻辣香料, 雞皮沾了芝麻和紅油, 辛辣麻香但不嗆喉.午餐還包括了一道小食: 拍青瓜, 同樣是麻辣醬汁, 但辣度略輕, 師傅可能對青瓜產生了憐香惜瓜之心, 拍得不夠大力, 青瓜未夠碎裂, 醬汁未能滲入瓜內, 但青瓜新鮮, 入口仍是清甜爽脆, 天然滋味

不知道是我才會不太能吃辣，卻突然間想來點，還是也有其他同路人。正正式式吃川菜的話，滿盤全紅的水煮菜式作主導，受不了。因此有時一個急轉便去吃個咖喱，墨西哥青辣椒什麼卷之類。中式的不就酸辣粉好了，也可以自選辣度，但麻辣小食就無能為力。　　結果找到去荃灣，其實只因近來發現自己想去的服飾店，頻頻去多幾次。有時候對於連鎖店厭倦，全街都是什麼重慶酸辣粉。不是說難吃，但吃了兩三次就已經斷癮，沒有想再吃的衝動。無意中遇上的小店，雖說我不是來吃烤魚的，但為著那份想小嚐川味的心意……　　午市套餐有一款菜式加主食，可以配米線、薯粉或是白飯。不單是套餐那邊，連平時的主菜及小食均設BB辣、中辣及大辣三款辣度可選。那麼小辣呢？跳了一級嘛XDDD。餐飲送罐裝汽水，但加$5就有鴻福堂支裝飲品，很少見的選擇。麻辣牛展薯粉（BB辣）　$50　　八款午餐菜式均是我會吃的餐款，要選出單一款已經考起我。對照一下後頁的單點餐單，原來有些是午市套餐限定，單點沒有的吃法。三心兩意，這又想吃，那又要嚐，搖擺不定的思緒終於在「牛」字面前平靜下來。　　一客約有七八件切得厚薄適中的麻辣牛腱，當然也有供單點　$78，份量有別。紅通通，為了食，