嶼坊

营业中

休息中

上個月同朋友去食，閒日無咩人，服務好好，經常加水，換碟，耐心回答問題。食物種類不太多，但有生蠔，而且係新鮮嘅，每次攞兩隻。海鮮種類一般，至於熱食熟食選擇比外邊的自助餐少，但仍有燒味，同意粉，即叫即煮，湯同糖水選擇少，西式甜品選擇多有至少十款，味道偏甜，

這次專登由家住九龍東入東涌喜來登酒店是為了燒龍蝦！大囡上次食過一次後時常要求再食！但今次水凖大跌！唔知同換咗擺放位置有冇關係！甚至我懷疑煮法都不一樣。龍蝦本身同上次比不夠乾身，有多隻肉質甚至非常之「林」，甚不新鮮！同其他五星級酒店自助餐比，例如香格里拉，食物包括甜品種類及質素都不能相提並論！到來的原因就是為咗燒龍蝦！但如果燒龍蝦這個賣點都冇，應該都唔會再嚟喇！最後，都有好吃的食物——肉眼扒、帶子、雞蛋仔！但都真係諗唔到其他了！

今日食dinner buffet，場內不是太多人，食物源源不絕添加，燒龍蝦新鮮，生蠔即開，還有麵包蟹好多膏，每人還有一客鮑魚，可惜魚生種類較少，有rib eye steak，中式燒味，點心，天婦羅，甜品非常出色，甚至港式雞蛋仔都出現。用指定信用咭有8折，又免停車場，值得再去！

東涌喜來登酒店係近期新開嘅酒店，所以嚟staycation同埋順便試下佢地嘅dinner buffet 😋嘆番下，有好多海鮮食，不過就無鵝肝喇冷盤海鮮：有即開嘅新鮮生蠔🦪、海螺🐚、海蝦🦐、麪包蟹🦀、蜆同青口仲有廚師即燒嘅開邊龍蝦👍每一位客人有一份鮑魚仲有燒北海道帶子😍熱食有中式點心、蒸魚、燒牛扒、羊架同印尼咖哩、天婦羅等食物refill得好快👍🍰🍮甜品每款細細件，方便試哂咁多款😝拿破崙好鬆脆😍餐廳環境闊落而且服務唔錯🍽️

We had a great experience with our server today Jesse Ho -he was enthusiastic and extremely polite. Great personality and did a wonderful job as a trainee. Actually all the staff were very nice and helpful. Enjoyed the lunch buffet and will come back.

我同老公生日去咗東涌喜來登酒店嶼坊食自助餐質素頂呱呱服務人員冇得頂不得不提餐廳經理Leslie 為我同老公嘅生日添上驚喜海鮮質素高新鮮款式多最緊要係唔需要排隊同人迫人不是太多但食物從來不會斷續提供永遠用最多最新鮮提供比客人價錢比一般大酒店平容易訂位🥳🥳

好朋友生日，專程入嚟東涌Sheraton 試吓。首先一入酒店個大堂好大樓底好高，好有氣派，讚！餐廳方面，reception 好有禮貌，因為朋友生日，餐廳都好好安排我哋坐近buffet 嘅梳化位(幾舒服，啱晒我哋幾個女人有排傾) , 餐廳裝修幾優雅，枱與枱之間空間好足夠，呢餐食得舒服嘅食物方面，首先有生蠔，加菲蟹呢啲好嘢，行過啲有芝士焗龍蝦，熱盤都有好多海鮮選擇，印度咖喱唔太辣，啱我口味，沙律方面有啲”新界錦田菠菜”，”元朗木瓜”，”大埔大蒜”，隻隻蔬菜都係本地菜好特別呀，返埋位咁啱見個餐廳嘅經理逐枱同啲客人傾偈，見佢幾nice 佢埋嚟嘅時候我好奇問佢啲蔬菜係咪真係嚟自牌上面寫住嘅地方，佢話真係㗎，因為而家做緊本地食物嘅主題，個經理仲解釋埋酒店每幾個月就會轉一次buffet 嘅主題，咁幾好，下次嚟又有新嘅嘢食服務方面都好好，啲侍應收碟都好快好有禮貌，最重要係餐廳啲待應做嘢唔會”砰砰嘭嘭”，我哋幾個女人坐到尾聲啲待應都無要趕我哋嘅感覺，buffet 枱啲廚師幾好傾，有問有答，甜品方面雖然無我最鐘意嘅pancake, 不過有本地特色嘅雞蛋仔，都唔差嘅

成日都想嚟試 終於都試咗lu, 一入嚟感覺好舒適 拎嘢食嘢位置非常寬敞 行得好舒服 在我而言食buffer 係可以一次過食到好多唔同嘅嘢 慢慢嘆 所以餐廳舒適都係好重要 同埋餐廳喺openrice 訂座可享有8折 仲要係星期六嘅日子 折咗都只需三百多少少 超值 種類都非常多 首先分享吓餐廳嘅相片俾大家睇吓先 因為今次反而無咩影食嘢相👆餐廳加插咗個好特別嘅位置 就係呢度 有好來嚟住元朗嘅蔬菜水果 但只供欣賞凍盤海鮮 呢個假期有長腳蟹腳都算不錯👍當然就唔會有龍蝦 相信晚餐應該會有嘅自助沙律吧 有我最愛嘅羅馬生菜👍👍雖然無面包粒＆碎芝士 但係啲菜都算新鮮最有驚喜係 有新鮮熱辣辣嘅雞蛋仔🤪仲有hand made cookies 都係我至愛Dessert 燒味部點心其他中式餸，印度菜，仲有漢堡包，西式肉類部，刺身壽司，日式天婦羅，串燒都忘記拍照 因為本身唔太like呢幾樣嘢食 所以都無食同埋影相仲有水果位置都無影添 不過就基本水果 西瓜，火龍果，哈密瓜，菠蘿都有嘅通常第一碟都鐘意食啲冷盤 沙律 水果 凍海鮮啲蜆都好甜好juice, 蝦就爽口彈牙 感覺好新鮮樣樣味道都ok 正常除咗义燒有就點乾身

首先山長水遠不在話下，又遠。服務態度真係一般，尤其是某位男侍應，同佢講可以上生日蛋糕，佢同我講食完我就會想上比你地㗎啦，果下真系〇左咀，早餐同下午茶啲食物其實差唔多，但係價錢爭一大截，午餐收成三百幾蚊一位都唔包果汁，飲果汁仲要加$28，什麼玩法？食物味道只係麻麻，仲有啲唔多新鮮嘅海鮮，連燒牛肉都欠奉，午餐食腸粉，啲食物好似係小食咁，係味道一啲都唔出色，嗰啲咁食咗一轉都唔知食乜好，總之就冇下次，八折都嫌貴！

慶祝週年紀念咁啱我哋又想shopping又想自助餐，朋友介紹我哋去東涌世茂喜來登酒店既嶼坊！響OpenRice 訂位有8折，但見時間只有晚上8時後，就直接打去問，會唔會有早點的時間，職員好好，叫我哋照㩒book 8點，再remark想食既時間！好快就有員工聯絡，及確認訂枱！呢點真係值得一讚好啦講返自助餐，有即開生蠔、焗龍蝦、壽司、刺身同一般既熱食！講真，種類唔係超多，但一定會食得飽甜品都多選擇，我個人好喜歡個蛋撻仔，夠酥皮另外見有即整雞蛋仔，呢個唔係好多地方有，係特別嘅！但可能放耐咗，雞蛋仔林咗因為訂枱時話慶祝週年紀念，所以酒店送咗一件蛋糕，影吓相！味道就……因人而已啦整體服務及環境都好好，有折扣可以再去食多次

今朝來到Sheraton Tung Chung食早餐，假期關係，都比較多人，但等一陣間都係值得，呢度食物都唔錯，中餐有燒賣、牛肉、粉果、小籠包子、炒麵等，燒賣都算幾好食，以豬肉為主，我就比較中意食個炒麵，雖然簡單、真係幾多食😁😁😁😛，另外有西式早餐，都係腸仔、火腿、蛋咁上，還有yogurt,口味都算幾多，生果都多種類，菠蘿、蜜瓜好甜😋😋😋，最特別呢度就係早餐都有雪糕食，我食左tiramisu,雪芭超正😆😆😆

中伏，中了評論和YouTube上的介紹，於母親節前夕比正價，注意係加了價錢和完全無折扣的貴價。打電話去訂枱時都覺得酒店有一定的質數，因為接線員解釋價錢和地點都好清楚，其實去開尖沙咀那間，見新開和網上介紹遠d都去試下。去到餐廳環境ok，但強差人意嘅事之後就嚟，食物少得可憐，又無網上和openrice介紹既食物，應該係唔夠人手還是其他原因收碟很慢，又無招呼，舉極手都冇人理。廚師嘅刀法和企檔煮嘢都有改善空間，多數人都會去食即切牛扒，廚師會變咗做切碎牛扒，又碎又薄又少，煮白烚菜和麵，選擇極少和啲菜還是生生地，翡翠螺超細隻超多碎殼和沙，其餘嘅差都不想再多講，最重要最後講啲甜品衛生情況極差，現在還在疫情裡，甜品係一大兜，但啲器皿沒有更換，甜品嗰隻匙羹千重歷史，見到都反胃。最後講到服務就係有個配名牌嘅同事，詢問餐飲和結帳時極為冇禮貌和極惡劣的態度，最後要熱的餐飲又凍又似餿水。

幾日前在東涌喜來登酒店享用晚上自助餐，位置比較遠少少，不近地鐵站，最少要行10至15分鐘，建議酒店最好有接駁巴士。去到餐廳，位置比較寬闊，帶到座位時職員好友善地介紹自助餐。冷凍海鮮有生蠔，長腳蟹，海蝦，青口等。而龍蝦係熱食， 都好爽口。西式有肉眼扒同羊腿。中式同日式沒有特別。已夜晩會派每一隻鮑魚給每一位。已甜品最好食是藍莓金寶，不會太酸亦不會太甜。而價錢方面就中等，折完之後$540 一位，已這些食物來算，還可以。如果大家經過東涌，可以試一試。

同姐妹行完OUTLET掃貨, 佢帶左我去新酒店食自助餐. 報復性消費加大魚大肉.位置:   餐廳係東涌喜來登酒店的一樓, 而酒店位置比較偏僻, 我地決定搭的士去, 跳一兩表就到.  希望佢之後會安排接駁巴士送客人往來地鐵站啦環境 :  枱與枱之間距離足夠, 都有隔板. 窗外風景遠望到少少海景,  不過都有D曬.服務 : 客人雖然都幾多幾忙,  收碟加水都好快手, 又會問下對食物的意見.防疫 : 入去前可以揀掃碼定填表, 再溫馨提示要檢測體溫, 出來拎食物要帶口罩,  入座後有主動提供口罩套(利申環保人士自己有).食物 :  刺身:  三文魚, 吞拿魚, 鯛魚, 三文幾肥.海鮮 : 蟹腳/翡翠螺/藍青口/蜆/熟蝦, 好多人拎但REFILL都好快, 去到尾都唔會吉.熱盤 : 推薦燒牛肉, 燒牛肉好嫩, 肉味濃. 天婦羅都正. 湯 : 蟲草花燉雞湯, 意大利雜菜湯, 中湯好足料 .甜品:  選擇不算太多但普遍都好食, TIRAMISU正, 有6款movenpick雪糕, 焦糖燉蛋味好正, MANGO PASSION FRUIT 就仲酸過青檸, 仲有即製CREPE. 價格 : 官網同OPENR

作為生活係美食沙漠的東涌居民, 東涌喜來登酒店的開幕簡直係綠洲.呢間自助餐我早,午,晚餐都試左, 質素都好好.  隔一排就會轉一次MENU, 唔會次次都一樣咁悶.呢次分享返午餐體驗, 東涌居民一至四有7 折, 時間12點到2點半,  餐廳位於酒店一樓, 去到登記入座後, 帶位同事會介紹下食物擺放位置.一入門口就係凍盤, 海鮮區,  海鮮有蜆, 藍青口, 翡翠螺, 蟹腳同熟蝦. 蟹腳幾鮮甜同幾多肉,  蝦細隻但都鮮甜彈牙. 凍盤有煙三文魚, 雜COLD CUT, 3-4 款芝士的拼盤, 刺身壽司, 仲有面包.LIVE STATION, 有CARVING而家有燒春雞同燒羊肶, 即製MINI BURGER. 熱食有個紅酒燴牛面肉勁好食, 好香, D肉煮得好淋好入味. 仲有天婦羅，都有蝦，魚柳、蕃薯同日本南瓜，即場炸夠晒脆，味道都唔錯.中菜方面有燒味, 叉燒, 燒鴨, 雞同燒腩仔, 點心,涼拌菜幾款. 咖哩牛油雞配印度薄餅又係好正. 甜品有大蛋糕同細件蛋糕, 杯仔同即叫即整嘅CREPE配 MOVENPICK雪糕。TIRAMISU都好好食.