嶼坊

营业中

休息中

東涌新酒店，餐廳在一樓，室內環境舒適，地方闊落，服務良好及人手都充足，有網站推廣。。8折，$280. - （已連加一服務費），平日中午自助餐亦都算爆滿，食物質素及種類亦豐富，時間 12點 至 2點半，以價錢計是超值的， 嘆一個休閒中午，食甜品，雪糕，魚生，青口，蝦，燒牛肉，經已回本（當然食物款式，不要和 6，7百元晚餐比較，中午沒有蠔，龍蝦），唯離港鐵站有一段距離 （如果不熱，散步來亦很舒適），和酒店周圍仍有建築地盤。。政府計劃真奇怪，豪宅，酒店夾在中間，對到正就有公屋建築中。。。（太多相片，點解Openrice 只限住12張）

未禁晚市及即將開幕之前已經book咗佢間扒房慶生，第四波來勢洶洶禁咗晚市就無望，無意中看到openrice佢的Lunch buffet 及Tea buffet都有8折，Lunch buffet好受歡迎，成個禮拜都冇位，唯有book Tea buffet試下。食物種類不算多，計有沙律、cold cut、生果、燒味、粉面、蒸品、湯一款、甜品，就咁多，每樣都是幾款，飲品除了每人一杯餐茶之外，外面只有橙汁同🍉汁兩款，埋單每人折後$241，兩個人食完的金額都唔夠泊車優惠的限額，要600大元先free 兩個鐘，不過好彩都係$20/小時，所以算係咁！值得一提，有個商場仔在酒店後面，已經開咗4間食店，本來大堂有門直接可以穿過去，但是疫情原因lock咗門，要出酒店正門左邊行兩步推門入去穿過走廊就到.總括來講，環境係唔錯，現在少人就比較舒服，不過酒店隔離起緊居屋，估計入伙之後一定人山人海

月頭見有八折優惠就book咗今日食lunch buffet。 因為船期唔岩 就搭機場巴士去東涌再喺纜車站再轉巴士，跟住行過去大約幾分鐘。( 下星期日屯門去東涌機場巴士就經屯赤隧道，所以今次係我最後一次經青馬大橋去) 餐廳響酒店一樓，入到lobby啲職員好有禮貌， 感覺已經唔錯。去到餐廳門口reception啲職員都好有禮貌，十二點先可以入坐，帶位嘅人都好有禮貌，仲會一路行一路同你講既食物區分佈，我都係第一次遇到呢個情況都幾特別。 地方好大，坐位好多，窗外景睇到港珠澳大橋 ..以lunch黎講數量款式都ok啦，不過就冇嘢飲任飲。(包一杯餐茶) 食物味道係真係唔錯大部分都啱我食，尤其是蝦餃好好食， 炸春捲同埋叉燒包都好食； 西蘭花蝦球同炒麵都好有鑊氣，呢度啲中菜感覺唔錯，攪到我對樓上間酒樓都好有興趣。意大利菜湯好飲，足料夠味，入面仲有啲通心粉；燒牛肉，燒火雞，不過我就唔好呢啲，另外有 即整嘅大阪燒同埋 墨西哥餅卷，餅卷入面有好多牛肉條，加埋d 醬，幾好食。 甜品款式都多，不過我就唔係好食甜品， 松露朱古力蛋糕最深刻，好重朱古力味又夠滑， 最特別仲有即整雞蛋仔。折 咗再加一300蚊，呢個價錢

見有新開酒店， 約埋朋友一齊去自助午餐。 現在經openrice 訂位 可以享有8八折優惠。 若280一位這個價位是可以接受。 冷海鮮有蝦， 青口， 蜆， 刺身有三文魚等等..。燒牛肉， 牛尾十分出色，好味。 還有點心蝦餃，燒賣等點心。 最特別是有雞蛋仔。

期待已久的新酒店，一早係Openrice訂左今晚食自助晚餐！雖然只限兩人一檯、但無阻我們四人試新餐廳！由東薈城行過去真係要成廿分鐘！未有接駛巴士！真係建議大家由東涌地鐵站搭的士過去！準備六點入座！新餐廳環境舒適闊落！相機當然要食先！問題第一個黎啦！之前睇宣傳片話既燒乳豬原來平日係無既！上一篇話大大粒既帶子都係無既！唯有試各種菜式！我第一站先試聖誕火雞！我對火雞總有一個情意結！覺得聖誕要食火雞！我醒目地當然問姐姐可否要火雞肶位置啦！仲有旁邊火雞丸！加燒牛肉！火雞肶肉滑皮香脆☺️👍燒牛肉都林！火雞丸都出色！旁邊有燒和牛串、但覺得偏un !旁邊有大蝦意大利米同煎三文魚！淺嚐好啦！轉戰熱盤部！福建炒飯非常出色！食左兩轉！乾燒伊面依左少少！正常啦！旁邊有西蘭花炒蝦球！正😍👍不停encore🥳🥳🥳仲有西芹炒班塊！唔係普通鯰魚肉！可以不停食！隔離有主打既擔擔面！一碗四人試下好啦！食自助餐唔會食咁多粉面飯囉！燒味無乳豬！我雞、鴨同燒腩仔！試左！正常無乜驚喜！有個椰子雞湯、偏重口味！再轉角、有蘿蔔牛腩同鮮竹卷！偏咸！淺嚐好啦！我最後轉戰海鮮！有龍蝦、生蠔、蟹腳、蜆、翡翠螺同蝦！生蠔都唔錯！鮮味有蠔味！龍蝦

12月1號開幕 ， 當日十一點半諗住去到一定有位 點知兩點鐘才正式開幕是曰摸門釘，唯有12月2號openrice訂位 還有八折，一於 在二人限聚令下， 一個人踩場做白老鼠食好西 ，(， 出發之前我的而且確係咁樣諗嘅 )， 其實未寫呢個食評嘅時候我見到有另一個食評 ，我都唔知點解會有啲未開幕嘅食店会有早二天的食評出現， 我今日去食嘅 自助午餐係呢一間酒店 公開開幕嘅第一場嘅自助午餐 ， 我見到 其他嘅食評 同我食完之後 落差很大 才引發我首次寫食评。 去食之前 心想新開嘅酒店 一定冇細菌所以去食一試。。 酒店規模唔錯 但係交通配套很差 旁邊嘅係起緊嘅居屋地盤 仍然是沙塵滾滾 ， 周圍嘅地方仍然係好荒蕪 最近嘅巴士站都要去到東環 落車行返轉頭大約 10-15分鐘 呢個時候開張都好大勇氣 ，我勸大家如果去嘅話可以去東涌地鐵站搭的士 只需要一次錶就能夠去到， 去到環境唔錯 地方唔算大 唔好諗住有好靚嘅風景 望出去只係地盤 遠望有少少內海景， 呢一餐係我 近幾年食自助餐最失望 一個自助餐 食完之後 我估計呢一年都唔會幫襯呢度嘅食自助餐 ， 食完之後都上咗去二樓中菜部望一望個餐牌 ，下次還會去中餐