嶼坊

食物質素，未能符合5星招牌。買一送一的午餐雖然不能要求有好多貴價食材，但應做得精緻一些，味道應嚴谨一些。只説差的體驗有（1）蟹肉濃湯，應說是蟹肉鹹湯，完全沒試味就放出來。（2）蟹蓋是薯蓉蓋，沒什麼材料（3）期望的涼粉甜品，魚膠粉太重了太實，食不到涼粉草的味道。其餘食品只能說是合格，但唔會驚喜，唔失望就是了。要讚嘅是食物充足，不停補充。大部分的員工服務都是唔錯的，都有禮貌及笑容。現在競爭咁大，如果唔嚴謹些，相親只會愈來愈少客。…查看更多

係香港食過好多間buffet,呢間相比起現在很多酒店自助餐，真係值得讚同推薦！不論係環境，服務，食材質素，食物種類都係十分好，CP值高，特別係自助午餐！記得要提早訂位！！…查看更多

已經來過三次，以呢個價錢提供利用質素嘅食物同服務，喜來登簡直超出我嘅期望好多～食物好有質素，唔係大件夾抵食，又唔係用啲中等嘢扮好high去收好貴。而係有良好嘅食材，充份嘅烹調技巧加創意，製作出美食，整出嚟無一樣嘢係行貨，唔會乜都加芝士落去搞到好邪惡好豐富咁嘅所謂美食，如果要食果啲嘢就建議千祈唔好去。所有服務人員都有禮貌而且親切，依家響香港嚟講真係難得一見，感受到20年前去酒店食飯得到嘅服務。環境開揚，乾淨，洗手間都好乾淨，我無敵滿意，平時謙三謙四嘅嘴尖男朋友，都非常難得地滿意。…查看更多

本人親身試咗，首先衛生惡劣，一坐低就有蝨跳落隻腳度咬，咬到又紅又腫。之後發現有好多喺張枱隔籬嗰個木柱度，仲爬埋上張枱度。諗住用紙巾捷死佢，點知佢個殼硬度捷唔死。攞住食嘢俾個副經理睇，佢完全唔理，道歉都冇，禮貌係完全冇。其次，嘢食種類唔多，好多嘢食都冇味。最後，嗰度啲食客好低素質，不停打尖仲不停撞人，同埋未夠鐘攞嘢食佢哋已經攞緊完全唔守規矩。我寧願去其他地方俾貴啲食以後都唔再嚟呢間餐廳度食。所以真係唔好為咗貪平去食，超級伏。呢間係攞0分。…查看更多

見到自助餐優惠又忍唔住😚今次試下未食過嘅東涌喜來登嶼坊～今期做緊西班牙菜主題🇪🇸一次過試晒西班牙經典美食▪️自助晚餐6:00pm - 9:30pm 每位都送一隻開邊焗波士頓龍蝦，超正👍🏻大隻又厚肉，肉質彈牙😚西班牙主題當然唔少得西班牙炒飯，賣相好得，口感濕潤。仲有西班牙釀紅椒、西班牙蒜香蘑菇、烤肉眼、伊比利亞黑毛豬鞍、香草忌廉三文魚、西班牙烤八爪魚、牛肝菌松露炸丸子等等食到中段就會每人派一份西班牙燒乳豬，燒得幾嫩，皮薄，油脂飽滿除左西班牙美食，仲有少少港式菜式，燒味、燉湯、蒸魚同港式湯麵等等。當日去燉湯係五指毛桃燉排骨，熱辣辣唔錯，有營養，飲完幾舒服😌飲品有咖啡、蘋果汁、橙汁同檸檬茶任飲，如果想飲紅酒、啤酒或者椰汁鳳梨就要另加錢甜品一定要試巴斯克芝士蛋糕🫶🏻係自助餐好少見🤩外層焗到脆皮，入面軟心。除左巴斯克仲有開心果費南雪、麵包布丁、蝴蝶酥、Oreo芝士蛋糕、泡芙、西班牙杏仁蛋糕同木糠布丁等等網店仲做緊平日晚餐買一送一優惠！！平均三百幾蚊一個人～抵食💓睇地圖望落酒店有啲偏遠，但原來搭到東涌站有免費酒店穿梭巴士，都幾方便，5分鐘就到…查看更多

今日去咗Cafe Lantau食下午自助餐。我哋當日book咗OpenRice嘅半價優惠，兩個人嚟食自助餐。估唔到價錢唔貴，但係款式都幾多，當中包括中菜、西菜，仲有刺身、壽司。刺身選擇雖然唔算好多，但係都有三文魚，食落亦都係幾新鮮。而家做緊西班牙主題，有西班牙海鮮燴飯、炸黑松露球，都幾好味㗎。另外仲有中菜、燒味，有人即場整粉麵，估唔到酸菜魚同埋燒肉都好好味，忍唔住食多幾碗。另外仲有Häagen-Dazs嘅雪糕提供，非常推介，適合一家大小簡簡單單食一次自助餐，價錢唔貴性價比好高。…查看更多

即興book的，見佢價錢係自助餐嚟講偏平本身冇乜特別期待，只求味道正常點知有好大驚喜！👍🏻👍🏻👍🏻地方乾淨企理，坐得舒服👍🏻食物擺得好靚，款式數量以呢個價錢嚟講覺得好合理甜品比例上偏多，但每一款甜品都好靚，有設計過😍今次西班牙主題，食物外觀同味道絕對合格✅而且keep 住有refill ！西班牙炒飯個飯口感好好，粒粉分明冷盤款式都多，沙律菜都好新鮮，Ham 係keep住切三文魚刺身都好食，唔係垃圾三文魚！印度咖喱都好香，印度飯都好好食美中不足咖喱喺角落頭冇乜人食，所以個印度脆餅淋咗麵包布丁同大米布甸都好好食，點解冇乜人欣賞佢？見到剩左好多特別要讚員工服務質素極高，好有禮貌，食過好多酒店，但佢哋係令我體驗最好折完$4xx位，本人覺得物超所值🙏🏻絕對會去再食…查看更多

官網有買二送二的優惠，價格很划算，但當日到場之後發現原本一直有的生蠔沒有了，無限任吃的蒸/焗龍蝦變成了每人限量一隻，如果要任吃需要另外每人收大約 180 蚊。其餘熱葷的質素一如既往的一般般。刺身只有基本款（三文魚，吞拿魚，油甘魚，八爪魚）。凍海鮮的質量不錯，蟹腳不會太鹹，解凍做的不錯。另外，買單的時候發現 200 蚊 6 支細青島啤酒，竟然被 charge 了 1200 蚊，反映後才改回。酒店服務人員需要再細心一點。…查看更多

今個新年🐍🍊帶咗屋企人嚟東涌喜來登酒店 @sheratonhongkongtungchung 「嶼坊 Cafe Lantau」食自助晚餐🍽️ 佢哋最近以廣東粵菜作主題，推岀粵式滋「魅」自助餐，提供一系列精緻廣東菜，更用上上等本地食材絕對啱哂帶埋屋企長輩嚟食😋 最推介⭐️蟹肉扒西蘭花、避風塘炒蟹、黃金海鮮炒飯、鮑汁蝦籽燴伊麵，更有新年必食🧧嘅髮菜蠔豉、北菇瑤柱脯、螺片扣鵝掌、焗釀蟹蓋，中段時間更會為每位客人送上燒乳豬一片～依家自助晚餐仲有買一送一優惠‼️優惠至2月28日，由星期一至四6pm-9pm供應，折後兩位$886，每位$450都唔洗，相當超值，記得快啲上網店預訂😆酒店更安排穿梭巴士🚌往來東涌地鐵站，非常方面👍🏻.🦀 冰鎮海鮮: 長腳蟹、麵包蟹、蟹鉗、海螺、蜆、海蝦、青口🍣 美味刺身及壽司: 吞拿魚、三文魚、八爪魚、希靈魚及多達8款壽司、蕎麥麵🥗 沙律及意式凍肉: 意式凍肉、雜綿芝士、各款沙律🥩 惹味烤肉: 美國Prime肋眼牛排、脆皮豬腩卷🥢 熱盤美食（中式）: 海南雞飯、港式燒味、羊肚菌螺頭湯、自製麵檔🍝 熱盤美食（多國菜）: 意大利小雲吞、薄餅、蘑菇忌廉湯、煙肉香腸串、烤雞肉串、炸魷魚圈、印度烤餅、印度咖哩🍨 甜品及水果: 6款口味Haagen Dazs雪糕、即製雞蛋仔、Tiramisu、抹茶栗子慕絲蛋糕、芝士撻、朱古力費南雪蛋糕、泡芙、麵包布丁、杏仁露🍺 飲品: 果汁及維他奶任飲（$48/位）、青島啤酒優惠（$200/半打、$360/一打）、餐酒任飲（$128/位）…查看更多

$1,484.8兩位自助餐，沒有生蠔、連鮑魚仔都冇，海鮮例牌貨、只有雪味、所以大家食完一𨍭已經乏人問津，壽司魚生完全唔掂、差過元氣。熱盤一般、權發兩餸比他們更有鑊氣更好味，龍蝦冇味、蒸魚亦沒魚味、燒味連乳豬都冇，燒火雞、燒牛肉只是一般貨色，連燉湯都只是燉牛骨、你不如俾例湯、甜品弱過外邊下午茶buffet，整個自助餐沒有一樣東西係必食不可，唔怪之得，平安夜只得六成滿。性價比起低，可以永久不用再光顧。…查看更多

襯住週末，一於嚟個 #東涌 快閃🥳 玩咗大半日，又係開餐嘅時候😉 呢晚我哋book咗「香港東涌世茂喜來登酒店」 裡面一間餐廳「嶼坊」嘅 #buffet，做我哋嘅 Christmas dinner🥂 雖然時間係早咗啲，不過難得齊人，一於食咗先講🤪嚟到酒店嘅一樓，餐廳「嶼坊」就喺左手邊，遠遠已經見到 #充滿聖誕氣氛 嘅佈置🩷好有 #儀式感！一向喜歡 #相機食先 嘅我，當然要先嚟個地氈式搜索同大家做個報告😆 雖然食物款式唔係預期中豐富，不過 #甜品部 就相當吸引🤩 除咗有大路嘅甜點，#開心果系列 都算係一個重點，加埋幾款唔同口味嘅 #HäagenDazs雪糕… 真係好想一啖食晒佢哋落肚呀🤪至於 #凍海鮮類，就只有 #長腳蟹、#蟹鉗、#凍蝦、#大蜆，同紙咁薄嘅 #生蠔 😅 雖然款式唔多，不過啲 #長腳蟹棒 就認真鮮甜，唔會好似其他餐廳咁，得浸海水味道😅 但係折實都要$670/位，就連 #凍龍蝦 腳都冇隻，#小秘書 真係有啲失望囉😅不過轉個頭就比我喺中菜部搵到啲以港式烹調手法嘅 #開邊龍蝦，但就鬼鬼鼠鼠咁放咗喺主菜食物盤嘅後面😅 搞到手隻短短嘅我，要伸長隻手先夾到… 有啲狼狽🤪講到 #燒味部 嘅出品，質素的確麻麻😅 尤其係啲 #燒肉，肥肉比例過分多，而且豬皮燒得唔夠火😅 一心諗住嚟一嘗卜卜脆嘅🐽芝麻皮燒肉，點知口感就似足嚼緊橡皮😅😅不如考慮下次轉做 #半肥瘦叉燒，希望效果會好少少😅其實佢哋嘅 #熟食 選擇都唔少，但係就好多都係以燒烤食物為主😅 #燒蝦、#魚 … 同各款 #燒烤物 應有盡有🤤 不過一把年紀嘅我…. 就只可以淺嘗😆 食吓啲爆汁嘅 #蕃茄仔 同 勁夾味嘅 #西梅煙肉卷 過吓口癮😅最後講到 #魚生刺身，餐廳都只提供基本食材… #三文魚、#吞拿魚、#希靈魚 同 #八爪魚 😅 而我最期待嘅 #帆立貝刺身 竟然無影… #小秘書 真係有少少失望囉😅雖然食物款式同質素都不似預期😅 不過要讚一句佢哋嘅Staff真係好有禮貌🙏🏼 加上地方空間感夠大，啱晒食飽飽嘅我哋嚟Sheraton Hong Kong Tung Chung Hotel換 #聖誕禮物 🥳 Yeah 呢晚我中咗支 #甜酒 呀😆 下次party又有著落喇🥂📍嶼坊 (東涌) 怡東路9號 #香港東涌世茂喜來登酒店…查看更多

假日都有買二送二？人均只需$460😍去咗東涌世茂喜來登酒店食自助晚餐，真係肚皮大滿足！星期五六日及公眾假期，都有買二送二優惠，絕對抵食！餐廳有多個開放式廚房，名廚即席烹調，無論係多國佳餚定係新鮮海鮮，都係用時令優質食材製作，味道一流。首先必攻海鮮區😎 海鮮區好吸引，有龍蝦、即開生蠔、長腳蟹、翡翠螺、青口、凍蝦同蜆。全部都好新鮮！個人最愛食蟹腳，超鮮甜。仲有即燒龍蝦又大隻又爽口，好正！另外刺身、壽司都好新鮮。仲有多款麵包、沙律同火腿拼盤及冷盤前菜選擇多樣化。韓味十足🇰🇷係11月嘅主題，有多款地道韓式料理如韓式炸雞、年糕同泡菜餃子🥟港式燒味區同樣出色，特別推介海南雞飯，雞肉滑嫩，油飯味濃。仲有足料燉湯，真係必試，令人驚喜。熟食亦都有好多，仲有即煮粉麵等。最後一定要食埋甜品。有多款蛋糕，仲有Häagen-Dazs 雪糕、水果，食到飽飽。呢間自助餐無論係食物質素高又選擇多。買二送二，絕對值得一試！記得去試吓11月嘅韓味主題呀！…查看更多

[ 嶼坊 ]東涌5星級酒店 世茂喜來登酒店 即日起至2024年11月30日午市、晚市供應「韓味十足」地道韓式🇰🇷料理自助餐，另外有龍蝦🦞、即開生蠔🦪、加拿大蟹腳🦀等海鮮。網店做緊買2送2優惠，4人同行性價比超高👍！✿「韓味十足」龍蝦海鮮自助晚餐晚上6時至9點半供應網店買2送2優惠 (已包加一服務費)：星期一至四 成人$424.8/位星期五至日及公眾假期 成人$460.8/位網上預約75折優惠 (已包加一服務費)：星期一至四 成人$566.4/位、小童$318.4/位星期五至日及公眾假期 成人$652.8/位、小童$389.3/位韓式料理🇰🇷有十多款地道韓式料理，選擇都幾多，例如海鮮煎餅、韓式炸雞、人蔘燉雞、韓式魚糕、辣炒年糕、大醬湯、韓式黃金熱狗、紫菜飯卷、水冷麵等等，仲有幾款韓式涼拌沙律。冷鎮海鮮🦀🦞🦪🦐自助餐怎能缺少海鮮呢😋！有加拿大蟹腳、龍蝦鉗肉、大蝦、翡翠螺、青口等。蟹腳同埋龍蝦鉗肉隻隻都肥大肉厚，肉質仲鮮嫩多汁😋。星期六、日及公眾假期午晚市更有即開生蠔，生蠔蠔味濃郁，肉質細滑爽脆。刺身、壽司🍣刺身有三文魚、八爪魚等；壽司有三文魚、北寄貝、鰻魚、甜蝦等接近十款款式。熱葷🥘有即切燒肉眼扒、燒春雞、清蒸海魚、港式燒味(燒肉、燒鴨)、仲有海南雞等等。海南雞有高水準，皮肉都好嫩滑😋！是晚燉湯係五指毛桃海底椰燉湯。星期六、日及公眾假期午晚市有牛油蒜蓉焗龍蝦🦞，龍蝦肉彈牙多汁，龍蝦鮮甜帶有牛油蒜蓉味👍。飲品☕️🫖🍋任飲自助咖啡、紅茶(可自行加檸檬片)。或加錢升級💰任飲韓國柚子茶及果汁 $38/位韓國初飲初樂原味燒酒 $58/瓶任飲紅酒白酒 $128/位甜品🍮記得要留肚食甜品呀😋！韓式甜品有 韓式壓扁牛角包、韓式甜煎餅、初飲初樂燒酒果凍等等，好有特色。西式甜品有提拉米蘇、金莎朱古力蛋糕、朱古力費南雪蛋糕、朱古力蘭姆酒可麗露、玫瑰葡萄果凍、數款口味Häagen-Dazs雪糕等。總結🫦 自助午餐、自助晚餐同樣有 網店買2送2優惠，數量有限㗎！酒店有免費穿梭巴士🆓🚎來往東涌港鐵站A出口。另外午餐消費滿$600 / 晚餐消費滿$1000可享免費泊車服務。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿嶼坊地址：東涌怡東路9號香港東涌世茂喜來登酒店1樓電話：2535 0021✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

一進門就是蟹鉗&長腳蟹&蝦&青口&現開生蠔.....感覺真不錯其他的有印度咖喱風味&韓式風味&日式風味，當然啦，肯定不不了中式的燒肉，烤雞.....水果沙律&蔬菜沙律必不可少蛋糕&甜品&雪糕同樣有得選擇…查看更多

系網上平台買到午餐買一送一優惠點知麻麻未夠鐘開始就先入去同食物打卡刺身唔錯👍有4樣 希靈魚，鯛魚，三文魚，吞拿魚（鯛魚最好食）沙律藜麥有的惺咪只有羊肉同好似系乳豬豬比較肥，皮唔脆👎中湯同西沙分開左中湯幾好飲，西湯過酸印度野冇試過.長腳蟹 ：唔錯，冇死實實鹽味蝦：色靚幾好食蜆：100％冇味青口：正常令一半最中意食蝦餃佢食完一粒已講88，冇再encall 叉燒包都系no good叉燒：正常其他冇食呢個正常呢個面包同令一個 欖嘅面包， 完全冇整熱麵包嘅面包機，完全失敗. 最中意食面包既令一姐半都只食2口就唔食...炸魷魚圈同薯卷真心系冇冇味。 😱😱加錢先有酒。最愛既桂花膏一開波冇耐就試下粒..... 完全失望硬到呢😭自己整仲好食過它... 再試熱情果..... 真系得個樣. 雪糕最好食，因為交返嚟🤣🤣大致上所有熱食既食物都係唔熱嘅 。熱食唔夠熱系唔會好食。唔會再去食. 但咁既價錢就算...... …查看更多