嶼坊

食物质素，未能符合5星招牌。买一送一的午餐虽然不能要求有好多贵价食材，但应做得精致一些，味道应严谨一些。只说差的体验有（1）蟹肉浓汤，应说是蟹肉咸汤，完全没试味就放出来。（2）蟹盖是薯蓉盖，没什么材料（3）期望的凉粉甜品，鱼胶粉太重了太实，食不到凉粉草的味道。其余食品只能说是合格，但唔会惊喜，唔失望就是了。要赞嘅是食物充足，不停补充。大部分的员工服务都是唔错的，都有礼貌及笑容。现在竞争咁大，如果唔严谨些，相亲只会愈来愈少客。…查看更多

系香港食过好多间buffet,呢间相比起现在很多酒店自助餐，真系值得赞同推荐！不论系环境，服务，食材质素，食物种类都系十分好，CP值高，特别系自助午餐！记得要提早订位！！…查看更多

已经来过三次，以呢个价钱提供利用质素嘅食物同服务，喜来登简直超出我嘅期望好多～食物好有质素，唔系大件夹抵食，又唔系用啲中等嘢扮好high去收好贵。而系有良好嘅食材，充份嘅烹调技巧加创意，制作出美食，整出嚟无一样嘢系行货，唔会乜都加芝士落去搞到好邪恶好丰富咁嘅所谓美食，如果要食果啲嘢就建议千祈唔好去。所有服务人员都有礼貌而且亲切，依家响香港嚟讲真系难得一见，感受到20年前去酒店食饭得到嘅服务。环境开扬，干净，洗手间都好干净，我无敌满意，平时谦三谦四嘅嘴尖男朋友，都非常难得地满意。…查看更多

本人亲身试咗，首先卫生恶劣，一坐低就有虱跳落只脚度咬，咬到又红又肿。之后发现有好多喺张枱隔篱𠮶个木柱度，仲爬埋上张枱度。谂住用纸巾捷死佢，点知佢个壳硬度捷唔死。攞住食嘢俾个副经理睇，佢完全唔理，道歉都冇，礼貌系完全冇。其次，嘢食种类唔多，好多嘢食都冇味。最后，𠮶度啲食客好低素质，不停打尖仲不停撞人，同埋未够钟攞嘢食佢哋已经攞紧完全唔守规矩。我宁愿去其他地方俾贵啲食以后都唔再嚟呢间餐厅度食。所以真系唔好为咗贪平去食，超级伏。呢间系攞0分。…查看更多

见到自助餐优惠又忍唔住😚今次试下未食过嘅东涌喜来登屿坊～今期做紧西班牙菜主题🇪🇸一次过试晒西班牙经典美食▪️自助晚餐6:00pm - 9:30pm 每位都送一只开边焗波士顿龙虾，超正👍🏻大只又厚肉，肉质弹牙😚西班牙主题当然唔少得西班牙炒饭，卖相好得，口感湿润。仲有西班牙酿红椒、西班牙蒜香蘑菇、烤肉眼、伊比利亚黑毛猪鞍、香草忌廉三文鱼、西班牙烤八爪鱼、牛肝菌松露炸丸子等等食到中段就会每人派一份西班牙烧乳猪，烧得几嫩，皮薄，油脂饱满除左西班牙美食，仲有少少港式菜式，烧味、炖汤、蒸鱼同港式汤面等等。当日去炖汤系五指毛桃炖排骨，热辣辣唔错，有营养，饮完几舒服😌饮品有咖啡、苹果汁、橙汁同柠檬茶任饮，如果想饮红酒、啤酒或者椰汁凤梨就要另加钱甜品一定要试巴斯克芝士蛋糕🫶🏻系自助餐好少见🤩外层焗到脆皮，入面软心。除左巴斯克仲有开心果费南雪、面包布丁、蝴蝶酥、Oreo芝士蛋糕、泡芙、西班牙杏仁蛋糕同木糠布丁等等网店仲做紧平日晚餐买一送一优惠！！平均三百几蚊一个人～抵食💓睇地图望落酒店有啲偏远，但原来搭到东涌站有免费酒店穿梭巴士，都几方便，5分钟就到…查看更多