嶼坊

营业中

休息中

第一次到這食自助午歺，環境舒適，雖然食物種類不算太多，但質素不錯，凍蟹、刺身、壽司也很新鮮，其他熱薰雖然沒有什麼驚喜，但也不過不失，三人八五折後為$1105.8-， 連兩小時免費泊車也算是合理。

奶奶生日，見有75折就book左嶼坊食dinner buffet，呢間酒店算新，食評唔多，都好極端下，去之前都驚驚地，好彩係出乎意料之外。喺東涌站A出口搭Sutton bus過去酒店好方便，我地錯過咗，行過去都係20分鐘，book左7:00，6:30去到已經可以入座，座位安排幾好，我地9個人本來分3檯，侍應好好俾我地泊埋一張，3變2，咁就唔洗隔咁疏，傾計都方便啲，位置係自成一角，唔會嘈到其他客人😆食物種類都幾多：凍盤有蠔，蝦，蜆，青口，蟹，都新鮮既，係蠔比較細隻，有海水味既，如果size大隻啲就perfect啦。熱盤都算好多選擇，味道仲要唔錯，好驚喜，仲有點心，燒味。甜品有鮮果拿破崙，唔同味道既泡芙，芝士杯，鮮果卷，Tiramisu，雞蛋布甸，豆腐花，雪糕，朱古力蛋糕，藍莓芝士蛋糕，格仔餅，9個人每人試啲都試勻，味道唔錯。每位送一份鮑魚冬菇，鮑魚唔韌。訂位註明生日，餐廳安排左一件cake仔，碟上有寫朱古力字。最後要讚下餐廳員工，侍應勤收碟，密密加水（唔包飲品呢樣就差左啲），好有禮貌，企食物檯既廚師又係好禮貌，勤refill食物。整體有80分

嶼坊嘅環境幾好，格好大，格和格之間相隔好遠。甜品有多款，有多款正常蛋糕，又有小西餅仔，可以試足多款，款式應該仲多個下午茶buffet 。甜品質素好高，好滿足。熱盤有粉麵，燒味、西式食品。海鮮有任食龍蝦、生蠔、長腳蟹。唯一不好是飲品只有一杯。

大半年前，大約８月的時候到訪，曾經對她的服務，食物都讚不絕口，可惜今日再訪，已經此情不再。從前的麵包有布蓋著，今天沒有了前菜的　Clod cut & Cheese　都少種類即整食品類也大減預算，羊腿被豬肋骨頂上當日的和牛漢堡區變成了即煮意粉區日式炸物沒有了炸蝦天婦羅，只有南瓜天婦羅和茄子天婦羅印度咖哩３變２，少了咖喱豆的選擇只有甜品區的款式沒有減少，但質素卻有明顯分別而且連以前會包一杯餐飲的優待也沒有了現在從前菜開始，看看東涌世茂喜來登酒店—嶼坊　還淨下甚麼給顧客１）前菜🥖 餐包款式算多，也是鬆軟但跟從前一樣沒有提供烤爐，也少了一陣無包香🧀 Cheese and Cold cut  4款芝士—芝士味一點也不濃2 款Coldcut—煙三文魚及煙肉，欠油脂🥗 salad 🦞 凍海鮮凍海鮮一般款也多，有蟹腳，麪包蟹，青口，螺和凍蝦🍣 壽司一點也不吸引，全部都是以蛋，青瓜，蟹柳做餡🐟魚生左口魚，三文魚職員並不專業，刀法似是砍叉燒般，問是甚麼魚也答不上2） 主菜中式🫖♨️中式點心有鰻魚炒飯，但看不見鰻魚另一炒麪，忘了是甚麼材料點心６款小籠包；仿鮑魚餃；黑松露包珍珠雞；蝦餃；牛肉燒賣雖得自助餐有蝦餃

上一次喺Sheraton食自助餐係聖誕節，之後就爆左。期間就想如果解封一定要去食一次自助餐。就約左朋友去。去食之前以為自己可以食5隻龍蝦，2打生蠔。喺openrice book左位，但係去到餐廳門口，啲工作人員check左好耐，仲叫我企埋一邊等左好耐先至比我入位。對於一間五星級酒店，覺得唔應該係敢嘅服務。入位之後，菜式算係中規中矩，唔算太豐富。茶點有腐皮卷，燒賣，叉燒包，餃子。中菜有荷蘭豆炒蝦仁，麻婆豆腐，石斑魚。再有燒臘，牛扒，燒春雞，泰式冬陰功紅咖哩牛肉，刺身，壽司⋯⋯以為自己可以食5隻龍蝦，其實食到1隻半已經厭了。因為係蒜蓉味，根本食唔到太多。反而係🦪食左1打。講返嘢飲，果汁38一位，茶咖啡28一杯，餐酒48一杯，188任飲。我哋3個揀左188任飲，咁就係要至少飲4杯先回本。最後3個人都冇飲到4杯食自助餐都係為左開心，算係合格嘅自助餐

黎到東涌喜來登酒店🏨staycation ，難得一場黎到決定加錢食埋早餐🥣先走。早餐位置位於一樓「嶼坊」，落地大玻璃非常透光，用餐環境用上藍色做主調，配以木色枱子，整體休閑渡假感覺，空間感十足。安排位置黎店員主動問我地要Coffee or Tea , 我要左杯Latte 仲有心思拉埋花，咖啡香濃可止止癮。中式食品： 有數款點心如珍珠雞、仿魚翅餃、牛肉燒賣質素不過不失，仲有雞粥白粥配以香脆油炸鬼，仲有大量配菜如榨菜香蔥花生🥜等，任意添加。最意想不到竟然有麵檔，紅燒牛肉好軟糯，湯頭牛味濃郁，粉面款式仲有幾款如陽春麵、粗麵等，誠意十足。熱蕈數款，有茶葉蛋叉燒炒烏冬。西式食品：有薯餅、煙肉、蕃茄，仲有正常益力多同低糖益力多、仲有乳酪麥皮，仲有多款水果🍉已切粒同原條香蕉🍌等，最正係有bagel 食，可配cold cut / jam ，reheat 番好脆內裏軟身。自家製麵包🥯多款仲有蛋糕仔，真心不錯。總結：款式眾多 質素不錯的自助早餐

原本母親節沒有想過外出慶祝，但突然想找一個較近屋企嘅地點食自己餐，於是上Open Rice 睇，發現東涌酒店餐廳Cafe Lantau 仲可以book 到位，就即刻book 左四位，因為Booking App 係無分大人、小朋友或BB，咁我就book 左四位，因為我地兩大一小一兩歲半BB~餐廳環境氣氛都很好，Waiter & waitess 都好有禮貌，連每個counter 負責的廚師都好有禮貌。因為母親節嘅關係，佢地特意安排一杯似橙汁嘅飲品給每張枱嘅母親，但放低時只說是給媽媽，但沒有說明是有酒精成份，一開始我唔知嘅情況給左BB 飲🤦🏻‍♀️，後來我飲嘅時候先發現有酒精成份，其實佢地無講係一杯cocktail，因為到我飲時發現杯飲品係苦嘅味道，所以一定唔會係普通橙汁，如果有講我係唔會比到小朋友飲，好彩無咩問題，只係返到屋企嘔。講番食物方面，焗龍蝦係最出色一道菜，生蠔較細隻味道一般，Ham 味道都唔錯，有幾款選擇，但其他食物就沒有一種令人回味嘅感覺，尤其是牛扒，我感覺Ikea 整嘅西冷仲好食D。甜品我最喜愛雞蛋仔，雖然唔係脆，但味道甜甜地都Ok，另外個士多啤梨噴泉朱古力配綿花糖都好味，最後

第1次來，中午自助餐來說，食物總類多，生蠔是即開，凍海鮮也有多種，另有魚生，羊脾等等，都美味。替朋友補祝生日，還送了件切餅，朋友說好吃 職員十分有禮，細心，親切，因入坐時曾向職員提起有開車來，當我的朋友取了1杯有酒精的飲品，該職員立即前來提醒是有酒精，十分細心。要留意自助餐是沒有飲品，要另外加費，入座時職員也講解得很清晰。下次會帶屋企人來試，期望保持水平

星期六俾$350蚊食個垃圾自助午餐(還要在open rice 有折才350),生蠔長腳蟹一定沒有,魚生得三款,飲品得清水,其餘要收費包括咖啡擰茶。湯得西湯(難飲),沒有中湯。食物一般比棕櫚閣差得遠。沒有主題食品。凍食有蝦(沒有味),蟹(冇羔,中間一開二難食),蜆(細粒),點心有6款,食完不添,蝦餃尚可。甜品一般,雪糕接受。燒味有三款,一般好食。芝士得幾款數量又小又細粒。食環境,地方大,枱與枱距離遠,窗邊對外無敵地盤境。

週末早餐去到都幾多人，有機會要等下先有得入坐。餐廳環境幾好，重好光猛，員工有禮貌。食物方面選擇唔算好多，但都有啲特別野，好似雞尾包咁，早餐重有雪糕可以整雪糕窩夫，麵包選擇都算係好多。飲品方面選擇有奶類，豆漿，仲有普通益力多同低糖益力多揀，算係幾特別。中式就有兩個粥，同幾款點心揀，西式就有啲腸同煙肉，仲有唔同嘅芥末醬配。仲有啲印度咖喱同薄餅，生果都有六款，同有啲麥皮乳酪。全部食物味道都算係中上，都值得試吓。

呢間自助餐選擇好小熱食選擇較多，但都只限一d好基本既炒粉麵飯，日式都係得好小選擇，魚生同青瓜壽司。 中式就燒味同點心，西裝都特別有芝士黑松露炒飯。不過其他就係普通烤蔬菜。最吸引同回本係生蠔同龍蝦，質素都高上。雖然今期送客人鮑魚同冬菇都好食，但真係主菜唔吸引，食兩轉好快就食甜品。甜品選擇都係唔多，雖然有movenpick 雪糕，但其他蛋糕都唔太吸引。呢度既野都好一般，只可以說唔差，但呢個價錢相信係其他地方可以會有更多選擇。

今次同家人吃，上一次食是上個月8號風球，因為當天的經驗令我有衝動帶家人食第二次，今次，食物嘅款式冇變，只不過今次冇麵包蟹，變咗普通嘅mini花蟹，蟹嘅質素好瘦，唔吸引, 其他食物大致上都冇乜分別，中式湯比較淡而無味，今次嘅炸物，粉漿太厚，佢哋今次嘅蠔餅，居然係食唔到蠔😅淨係食餅，我食咗三次，第三次先搵到有一隻Mini蠔仔😅所以想食嘅都睇有冇緣份😩😩😩⋯⋯整體，質素無變嘅就是沙律、刺身同甜品🤣🤣🤣🤣

去過好多次，重點推介，龍蝦一流，個鉗食到有海水味，證明新鮮。其他食物都好有水準，特別係 carbonara同 risotto。今次想讚下佢地嘅服務，經理 Eric 同佢團隊一齊落手落腳，還會問你有乜需要。侍應Dory，Cyrus，見你杯酒差唔多飲完，會好快幫你添，同你講句 enjoy同 welcome ，同你有 eye contact，服務令人喎心！印尼籍 trainee(唔記得乜名），服務也有 heart，唔似 trainee，做嘢有板有眼。Sushi bar年青人 Anson也值一讚，勤力有禮貌。一間餐廳隨咗食物有質素，服務也很重要，嶼坊的確好好。各位食客，去感受一下，如果覺得掂，不妨讚下，鼓勵下佢哋！

熱食龍蝦鮮但味道很鹹，燒味很凍，熱盤比較少有改善空間，吞拿魚魚生非常之凍，粉麵冇餸牛丸魚蛋都冇，蛋撻軟bet bet， 點心蒸得太耐甩曬皮， 鮑魚有腥味，服務及環境ok✌🤑全間餐廳内男厠得兩格🤣

環境舒適，是位置較為偏遠還好有專車在東薈城接送，食物種類都算多，凍蝦蜆都算新鮮，青口就一般，熟食方便點心蝦餃不錯，乾炒牛河好食，較特別的 有黃金蝦球，迷你漢堡中間的肉不錯有肉汁，刺身方面三文魚幾好，吞拿魚同玉子就麻麻了，玉子太硬身，甜品都可以朱古力蛋糕好食重有雞蛋仔食雖然一般耐冇食都可以試下既，有movenpick雪糕薄荷朱古力味幾好不過都係最愛佢既蜂蜜杏仁味多d，不知不覺食了好多差點食到嘔，同埋不設野飲要另加28元才有2種果汁選擇這就差了點，不過果汁都有誠意的飲得出是新鮮榨的