嵐橋丼飯專門店 (已結業)

今晚朋友帶我到嵐橋食丼飯，雖然隱藏於小街之中，但未夠七點已經高朋滿座，地方細細，座位不算多，台跟台之間沒有很多空位，但裝修很有日本居酒屋的風味. 餐廳有開放式廚房，能看到師博做料理。嵐橋是丼飯專門店，所以餐牌上提供了十五款不同的丼飯，每款都十分吸引。今晚我就選了蜜餞角切海鮮丼，丼飯入面有雜錦魚生粒，蔥花吞拿魚蓉，三文魚籽，蟹籽，仲有大大隻牡丹蝦，蜜餞是一粒粒用柚子蜜整成，好似jelly的，酸酸甜甜，跟飯撈勻食很惹味的。這裡的飯底不是冰凍的壽司飯，是用調好味的赤醋飯，消除油膩感。鍾意食吞拿魚的朋友便選了特選鐵火丼，有中拖羅，赤身和吞拿蓉，配上鴿春蛋一隻，刺身新鮮厚肉，吞拿蓉好creamy，中拖羅適合鍾意食吞拿魚但又唔鍾意咁肥的朋友。叫一個飯還可以用優惠價$28加一個立魚湯，奶白色的魚湯配上豆腐，昆布，十分鮮甜。除了飯，餐廳有提供壽司及串燒等，朋友介紹食阿波酢橘雞肝($34)及雞心串燒($36)，這些都是我平時比較少食的，雞肝醃得入味，燒得帶燶邊，食落粉糯嫩滑，雞心就比較有硬口，食落似雞腎， 全部即製而燒得香脆，咸香獨特，串燒唔會太乾太油膩。埋單雖然不算便宜，但間唔中對自己好一點是值得的。

朋友介紹說這一間餐廳的丼飯質素不錯，所以襯星期六便來到試一試。店內座位不多，只有約十餘個座位，但座位尚算寬闊，坐得仍舒服。而且，餐廳十分整潔，故環境一欄有四分。服務屬正常水平，不會令人印象特別深刻，但餐廳員工仍屬有禮。我們這次分別點了日本牡丹蝦海膽丼及赤鮭丼。先點評日本牡丹蝦海膽丼，這次的刺身十分新鮮，故刺身仍有鹹鮮味。先說牡丹蝦，有時吃蝦刺身，師傅把蝦腸挑不乾淨，故仍把蝦腸留在蝦身裡，而這家丼飯店，蝦腸已被挑出來，故先加一分，但味道沒令我太大滿足，蝦的鮮味不足，缺少鹹鮮味，但勝在有口感。再談海膽，因該丼飯有兩款不同的海膽，分別是馬糞海膽及日本赤海膽。先評馬糞海膽，份量十分多，鮮味仍不錯，但海水鹽味不太突出。再評日本赤海膽，口感較細膩，入口即溶，且鮮味及海水鹽味皆俱，故十分不錯。再談赤鮭丼，該丼飯的刺身款式較多，包括三文魚、池魚、松葉蟹鉗及韓國海膽等。先評三文魚，比於其他餐廳吃的三文魚較多油脂，少筋，簡單來說就是口感較好，味道較好。而池魚口感較實，鮮味平平，但仍算不錯。松葉蟹鉗則蟹味濃郁，肉質實，故不錯。最後是韓國海膽，味道比剛才吃的馬糞海膽及日本赤海膽差，鹹鮮味不夠前兩者突出。而味噌

東瀛風格的裝潢，座位算少，但openrice上可以訂位是近期食過最精緻高質的刺身丼，刺身都很新鮮。.💖 季節限定 - 鰤魚丼 // $248{ 鰤魚 | 三文魚 | 三文魚籽 | 牡丹蝦 | 海膽 | 松業蟹肉 | 鵝肝慕斯 }.💖 海之幸丼 // $238{ 中拖羅 | 韓國海膽 | 油甘魚 | 松業蟹肉 | 牡丹蝦 | 三文魚 | 三文魚籽 }.隨餐附送麵豉湯，或可+ $20要𩶘魚湯，濃郁鮮味。鵝肝慕斯的油脂融化於飯粒之中😍飯表面有小顆的醋啫喱，另外飯粒加了壽司醋，可以消除油膩感 。雖然米飯很高質 (已經比平常多吃了)，可惜還是吃不完，問了店員，原來可以選擇少飯啊！👍🏻 下次記得別浪費了～.💖 味淋魚乾 // $78原本怕是像柴魚的質感，原來是泡了味淋的雞泡魚乾。充滿醬油香，沾著帶有七味粉的mayo，很適合下酒。- - - - - - - ‎- - - - - - - -

經朋友極力推介下，就試試佢！🌊海の幸丼 𝗦𝗲𝗮 𝗕𝗹𝗲𝘀𝘀𝗲𝗱 𝗗𝗼𝗻 $𝟮𝟯𝟴 - 𝟴/𝟭𝟬中拖羅2切、韓國海膽、松葉蟹肉、日本牡丹蝦1只、油甘魚2切、三文魚2切、海鰻1尾、三文魚籽•拿，認真，係好味嘅！但唔知點解我果日食嘅刺身係暖暖地。不過，刺身份量好充足，用料味道新鮮香甜，海膽質感細膩！另外丼面頭有幾粒類似蒟蒻，但唔知係咩黎，甜甜鹹鹹，幾特別。仲有碗味增湯附送，係飽嘅！這個價錢，這個質素，是絕對合乎正比的。不過，話雖如此，偶爾吃一次好了，吃得多，會很窮！🤡Instagram: jessssieor

位於棉登巠，容易搵。係轉角位。易搵店員招呼客人好。慢慢細心講解。真係有好多款式，店員推介我食限定推介先來湯。本身味噌湯但加了28蚊變𩶘魚湯。鮮甜有豆腐。有魚肉香甜。本人覺得愛飲魚湯未試。👍🏻👍🏻👍🏻👍🏻👍🏻👍🏻👍🏻關東煮。有蘿白及魚腐。入味，湯底本身出色。👍🏻👍🏻值得一試店員推介到，有好多款式。有針魚。限定鮮甜。肉質重魚味。吞拿魚入口即溶。魚子大粒。有油香味，松葉蟹鉗鮮甜。。牡丹蝦大隻。新鮮彈牙蝦肉。地方雖不大。但招呼及食物值得一讚

嗰日喺尖沙咀K11同朋友買完野，已經到晚飯時候，所以決定喺附近行下搵下嘢食。行經棉登徑發現有一間丼飯專門店，所以決定入去試下。餐廳大約有20個座位，設有開放式廚房。餐牌上嘅丼飯非常吸引。麵豉湯，色澤比一般深，味道濃。雞膝脆骨、雞心，火候恰當，鮮味多汁。赤鯥丼，集多款海產，包括松葉蟹鉗啖啖肉、深海池魚肉質細緻爽口、赤鯥肉質細膩油脂肥美、蔥花吞拿魚蓉非常香口、日本牡丹蝦肉質彈牙、三文魚籽及海膽都非常鮮甜。貝三味丼，象拔蚌爽口，北寄貝肉質鮮甜，口感爽，帆立貝鮮甜，再加上松葉蟹鉗、蔥花吞拿魚蓉及三文魚籽，材料非常豐富。高質素的服務與環境，值得再吃。

朋友話想食海鮮丼我地無意中揾到呢間環境唔大但相當有特色佈置充滿心思好特別豬年新春版有刺身、海鮮丼、串燒等海鮮丼好多款啊好多都好吸引先來麵豉湯材料豐富味道香濃赤鯥丼 $228材料如下：松葉蟹鉗深海池魚赤睦三文魚日本牡丹蝦蔥花呑拿魚蓉韓國海膽三文魚籽材料豐富同鮮味十足！面頭有d酸味開胃嘅啫喱食完十分開胃貝三味丼 $248材料如下：日本活象拔蚌半只日本活北寄貝半只帆立貝2只蔥花吞拿魚蓉三文魚籽蟹鉗一只呢個丼主要係貝類為主象拔蚌非常彈牙北寄貝好爽囗！帆立貝好厚肉其他材料都好新鮮好厚啊另外叫左串燒雞心同雞軟骨燒得好脆整體好滿意

再次光臨嵐橋，同朋友都唔算太肚餓，嗌咗一個丼飯之後，決家揀啲小食同壽司～邊傾住計慢慢歎～貝三味丼 $248好多料！！有日本活象拔蚌﹑日本活北寄貝﹑帆立貝2隻﹑蔥花吞拿魚蓉﹑三文魚籽同蟹鉗，同朋友兩個人，基本上樣樣都食到啲，鐘意嘅仲可以包住紫蘇葉嚟食～香味更濃！嵐橋壽司 $198唔單止有豬太郎最愛嘅甜蝦同帆立貝，最驚喜係有海膽！質感細膩，味道香甜，攪到豬太郎心思思下次嚟想食佢哋嘅海膽丼！！！自家製泡菜 $32少有喺日本餐廳度食到泡菜，除咗大白菜，仲有啲清甜嘅菠蘿、同少少芝麻增加口感～味淋魚乾 $78即係雞泡魚乾，食嘅時做沾沙律醬，味道好夾，用嚟做下酒菜一流～

今日同朋友嚟到尖沙咀嘅嵐橋丼飯專門店，梗係要食下呢度嘅丼飯啦！入到鋪頭嘅時候，已經見到牆身貼左好多唔同日本嘅裝飾，好似去左日本咁。而餐牌上面有埋相喺隔離，岩哂我哋呢啲懶人。我哋今晚點咗自家製泡菜，平時喺韓式餐廳食得多，日式餐廳嘅都未試過呢，食落味道岩岩好，唔會覺得酸同辣，爽口開胃呀。之後主食就點咗貝三味丼同嵐橋壽司A，丼飯有象拔蚌、北寄貝，仲有吞拿魚茸同埋三文魚籽，好足料呢。壽司嘅魚生都好新鮮，兩個人share 嚟食，就可以試哂所有嘢啦~

尖沙咀棉登徑不知不覺已經變了一條食街，東西南北乜嘢都有得食，我依家放工都多咗去尖沙咀搵食，今晚想簡單啲食個快飯，見到嵐橋好多人排隊，咁我又跟隊食過季節海鮮丼啦！店內有吧檯座位，又可以選擇普通座位坐得也很舒適，菜色選擇多，我就揀咗串燒、丼飯，季節限定丼係 off-menu ，見到牆上面掛住嘅推介黑板，唔使諗即刻吃一個好豐富的丼。丼飯會送一個味噌湯，加$28 可以 upgrade做𩶘魚湯。湯的材料好有誠意而且味道濃郁，熱湯我喝得清光。我們點了兩串特色串燒，厚切牛舌同埋雞皮味道都一樣齒頰留香。當晚嘅季節魚係 新鮮池魚，然後其他幾款都係好新鮮嘅刺身，有油甘魚、松葉蟹鉗、牡丹蝦、拖羅蓉、蟹膏、三文魚籽。全部七彩繽紛又靚嘅材料放晒喺同一個碗上面，真的好澎湃啊！睇見心情都好起來。刺身差不多全部都係厚切，牡丹蝦有手掌般長好誇張，吃的時候最特別是醋味啫喱，新鮮之外，還有赤醋飯很柔軟，酸度和醬油味道配搭得剛剛好，特別提鮮。拖羅蓉、蟹膏、三文魚籽油脂豐富，撈飯食味道口感都一流。 整體嵐橋裝修佈置精緻，食物新鮮出色，丼飯一般大約 $200多元，價錢合理，值得推介！

今晚同朋友去了這裡食了個超新鮮嘅海鮮丼，這裡位置都算方便便，係K11附近，行過去二至三分鐘一定到達，內裡裝修好有日式裝潢嘅感覺，當然最重要係啲食物選擇，今晚店員推介了季節限定嘅鰤魚丼$248，望望有最愛嘅海膽，就係咁點了這個，而加多$28就由味噌湯轉成𩶘魚湯，凍凍地嘅天氣飲碗暖暖地嘅𩶘魚湯個人都會暖胃晒，而個湯內還有片𩶘魚片，還有菇片，味道夠晒香濃！跟住就係個鰤魚丼上枱，所有材料放滿了個碗，有大大片嘅新鮮鰤魚片，色澤紅彤，白色的脂肪細紋散佈平均，入口滑溜柔軟，油潤得來很有嚼頭，還帶濃郁鮮甜的魚味，吃罷感到一陣化開的油分及甘味在舌尖散開，正！而個片鵝肝慕絲，入口容化夠晒肥美！而最愛嘅海膽味道鮮甜美味，牡丹蝦肉質亦爽口彈牙，粒粒在口中才爆開嘅三文魚籽，呢個丼真係完全啱晒口味！如果行過真係可以一試！

天氣又熱辣辣想食得清涼野下下火💧，行到尖沙咀棉登徑附近見到日本丼飯幾吸引🍚 好似係新開，因為之前行過都唔太覺眼！之後上OpenRice search咗，原來真係新開，訂位又有折頭，咁我哋當然即刻訂返位先啦~~~$258又有海膽又有牡丹蝦食，感覺良好啲刺身大大塊，基本上飯同刺身比例就1:1咁，份量一啲都唔孤寒真係可以啖啖飯都配刺身，唔使慳住食~~~好正！食飽飽又可以去散吓步了🏃🏼‍♀🏃🏼‍♀

嵐橋是非常地道日本風裝潢的小店，面積不大，但非常有感覺。有些細節位做得好好，東瀛味十足。其實今次是我第二次幫襯，在剛開張時嚟過一次，D刺身丼真係幾令人回味，今次朋友話想食日本野又帶佢嚟試試。選擇好多，左揀右揀點了一個赤鯥丼，一個貝三味丼。朋友嘅赤鯥丼料豐富到不得了，有牡丹蝦有海膽有赤鯥，講起赤鯥可能都不是太多人認識，但其實呢隻魚係好多日本人都喜歡，既有好似拖羅般的濃醇的油脂，又一D都唔腥。相較起赤鯥丼，我嘅貝三味仲要貴啲，貝三味有帆立貝、象拔蚌、北寄貝三種貝類，另外有蟹鉗、吞拿魚蓉作為陪襯。貴的原因，想必都是因為當中活的象拔蚌和活的北寄貝，北寄貝係香港唔算罕有，但好似呢種灰灰地色嘅新鮮北寄貝則好難得，因為保存太難，可以活食真係好新鮮。無論係北寄貝定係象拔蚌，口感細膩更富有層次感，味道超級很鮮甜，有點類似鮮甜螃蟹肉，而且口感很脆！當然，帆立貝都係非常清甜可口，但係口感上就冇其她兩類貝咁爽脆。除了丼飯，串燒類都頗多選擇，尤其是雞類，一隻阿波酢雞，又被分咗雞翼、雞尾、雞腎、雞肝等唔同部位。我地叫咗串燒雞肝，相較起鵝肝，雞肝就不是飽含油分的感覺，相較比較粉的口感，喜歡吃內臟的人可以試下。另外強

串燒同丼飯都幾好食，關東煮都唔錯，不過我個人就鍾意濃味啲嘅關東煮。但服務態度就麻麻，因為你一食完冇耐佢就會叫你走。可能因為係星期五，係有人喺出邊排隊。不過入座嘅時候問佢有冇限時，佢話無。我哋唯有不停叫嘢食，就可以坐到超過兩個鐘，由6:30坐到8:45。其實可以訂座嗰陣時講明用餐時間係幾多，咁樣應該可以避免呢啲情況。

今日放咗學得一個人食午飯，走左去尖沙咀逛逛，因為有朋友介紹我位於尖沙咀的嵐橋丼飯專門店，今餐就吃丼飯。我也上OpenRice睇睇介紹和評價：「主打高質海鮮丼，部份食材每日新鮮空運到港。選用日本米，可選赤醋壽司飯、冬菇飯及麻油飯，亦有少見的喜之次、赤睦、鮑魚、日本象拔蚌、北寄貝等海鮮。」交通挺也方便，我從尖沙咀P3站 乘升降機出到地面，步行一分鐘已到達，小店鋪是丼飯專門店，款式頗多，真係有麻雀雖少，五臟俱全之感。 海膽甜蝦魚籽丼飯套餐$168，沙律、味噌湯、前菜、飲品。     清爽的沙律菜佐香醋麻油，為我帶來開胃感覺。豆腐粒粒海帶味噌湯，味道濃郁。前菜~關東煑，較大顆的是魚餅，較細顆的叫小半天，吃到有雞軟骨的。主角來了！海膽甜蝦魚籽丼飯，高身的大飯碗，承載足量的米飯，微微赤醋的有味米飯，帶來美味和温飽。份量不少的鮮甜海膽，質感細膩，幾乎入口即溶，還有爽脆的子薑，甜蝦的質感有點點綿滑口感，魚籽反而是我不太接受。怪有趣的甜蝦，光著身子也是為吃得方便而已。熱柚子蜜，完結美好的午飯！