嵐橋丼飯專門店 (已結業)

上完堂自己一個食晚飯，經過呢間嵐橋丼飯專門店，見到好多人食價錢又唔貴就走左入去試！睇到menu 有個季節限定吸引到我，師傅會將季節最新鮮好味既魚放哂入去個丼！感覺好吸引就叫左呢個！加錢轉魚湯，真係無失望，好甜好有奶香，好滑夠哂熱。個丼黎到十分巨型，魚生鋪滿哂，食左啖飯，醋味調配得剛剛好，酸酸地好開胃！最顯眼一定係大大隻既蝦，蝦肉鮮甜，肉質爽口彈牙！魚籽粒粒晶瑩剔透，有畫龍點睛既感覺！仲有海膽十分creamy 入口即溶！當然不得不提我最愛既拖羅，油脂滿滿，入口好似溶化左咁，超正！呢間偶然入去既店無令我失望，下次絕對會再黎呢！

沒有試過這樣差的服務態度。我們剛點了菜，還想繼續看餐牌，這時侍應剛送來味增湯，我們把味噌湯放在餐牌上，侍應立即用一個責備的語氣說不可把湯放在餐牌上因為會把餐牌弄汚，好像我們做了什麼很壞的錯事。有句說話顧客永遠是對的這裏餐廳工作的人應該從來沒有聽過。後來食物來了壽司的米飯全浸滿了醬油味道超級鹹。壽司浸滿醬油應該不是正常吧？最後我們匆匆買單付錢離開也不想再逗留了。希望店主看到這食評好好想想”顧客永遠是對的”這句說話吧!

近年丼飯在香港越開越多，原因就是香港人愛吃日式料理。今天中午便來到棉登徑的嵐橋，店內跟日本的食肆裝修，沒有太大分別。所有丼飯均配壽司飯底、紫菜、胡麻、壽司姜、芥末、max菜，味噌湯。極上海之幸丼$258，大拖羅兩切，鮑磯煮一隻、蔥花吞拿魚蓉、日本牡丹蝦一隻、深海池魚兩切、三文魚子、松葉蟹鉗一隻、金目鯛兩切、韓國海膽。大拖羅肥美可口，入口溶化。鮑磯煮，醬汁煮得很入味，鮑魚肉軟腍不靭，非常滋味。日本牡丹蝦，爽口彈牙，味道鮮甜。深海池魚和金目鯛，經常出現在廚師發辦，想不到在丼飯內出現，証明食肆不惜工本，做到最好。飯是用赤酢壽司飯，吃完都不會覺得膩。從材料的新鮮程度和質素而論，確是超值之選。

丼飯是日本料理中我的最愛，因為價錢不算太貴，又可以吃到美味可口的刺身。經友人推介，今天便來吃午餐。午餐有十五款選擇，我要了日本牡丹蝦海膽丼$228。日本牡丹蝦海膽丼$228，日本赤海膽、韓國馬糞海膽、日本牡丹蝦一隻、蔥花吞拿魚茸、三文魚子。日本赤海膽，比較起平常吃到日本白海膽的味道的確較鮮甜，口感較幼滑，不是很多地方可以吃到。最重要是份量都不少，以這個價錢確是低食的。韓國馬糞海膽，味道較日本的海膽濃郁。牡丹蝦有手掌🖐️長度，味道爽甜。整體刺身新鮮，味道鮮美，價錢適中，有機會再來吃其他丼飯。

棉登徑上實在有好多日式料理，之間朋友就推介了這一家專門賣刺身丼的日本餐廳。在餐廳門外已經被餐牌上每碗刺身多到爆滿的丼飯所吸引！【𩶘魚湯 $28】每碗刺身飯都附上味噌湯，另也可加錢升級為𩶘魚湯。魚湯煮至奶白色，魚味濃郁而且鮮甜，絕無半點腥味。【燒鱈魚干 $32】魚干燒得香脆，配上蛋黃沙律醬，非常適合佐酒，而且令人不禁吃得一口接一口。【松葉蟹甲羅燒 $68】味噌釀松葉蟹蓋非常惹味，蟹蓋裡面有滿滿的蟹膏和蟹肉，經烤過後香味四溢。加上生鵪鶉蛋，拌勻後的蟹膏更加甘香。【喜之次丼 $278】材料包括喜之次、油甘魚、三文魚、韓國海膽、金目鯛、日本牡丹蝦、松葉蟹肉、三文魚籽。喜之次的魚皮經火炙燒香，油香都完全滲透出來，非常加分。【貝三味丼 $248】材料包括日本象拔蚌、北寄貝、帆立貝、蔥呑拿魚蓉、三文魚籽、蟹鉗。用料很豐富而且新鮮，象拔蚌和北寄貝都爽口而不靭，帆立貝亦很大一粒，每一口飯都能混入蔥呑拿魚和三文魚籽，令人非常滿足！

早前病了一場，戒口了差不多一個星期，今日特別想大魚大肉的滿足一下自己的食慾。就約了朋友食這間以丼飯為主的日本餐廳。餐廳在裝潢方面都絕不馬虎，風格非常地道，座椅亦舒服乾淨。小食及主食的選擇都非常多，令人花多眼亂，最後就點了一份喜之次丼$278及貝三味丼$248，小食就點了松葉蟹甲羅燒$68及燒鱈魚干$32。另外每個丼飯都會送一份味噌湯，但我們看到其他客人點的魚湯尤其吸引，就把其中一份餐湯加$28轉了𩶘魚湯。首先魚湯果然值得點，湯呈奶白色，入面亦有豆腐、海帶、冬菇及油豆腐，味道非常濃郁且不腥，沒有味精，只有滿滿的鮮甜味道。燒鱈魚干味道清淡但有令人食得停不了手的魅力。松葉蟹甲羅燒亦同樣出色， 蟹殼內滿滿的蟹膏、蟹肉及生鵪鶉蛋，攪勻後味道非常鮮甜濃郁，配上多士食的口感更加豐富。貝三味丼內有日本北寄貝、象拔蚌、帆立貝、蟹鉗、三文魚籽及香蔥吞拿魚腩蓉，份量非常多，帆立貝果然鮮甜肥美，而北寄貝及象拔蚌更是清甜爽口，香蔥吞拿魚腩蓉有滿滿的油香，混合早已調味的飯中一起食非常美味。喜之次丼內有喜之次、油甘魚、三文魚、海膽、牡丹蝦、金目鯛、三文魚籽及松葉蟹肉，非常多款且份量多，喜之次沒有令我失望，濃醇的油脂

今日訂左位同朋友去食日式魚生飯，鋪仔細細，入面都有少少迫，不過唔緊要，野食先係重點。我地揀野食用左好多時間，每樣都好似好好味，真係選擇困難症發作。最後叫左極上海之幸丼同埋貝三味丼，好可惜最後一份貝三味丼俾隔離枱嗌左，唯有轉食喜之次丼啦！魚生鋪滿丼飯面，擺得好吸引。赤醋飯係暖既，酸酸地好好食。魚生都好正，特別係喜之次，食落滿口油香，仲有入口即溶既拖羅，食到好滿足！海膽雖然無日本食咁鮮甜，但都算合格。份量方面，女仔黎講係非常飽既，男仔就岩岩好喇。極上海之幸丼👍🏻喜之次丼👍🏻下次黎食要試埋佢個三味丼先得！😋

星期六去開尖沙咀，經過棉登徑，發現原來依家多咗好多間日本餐廳，就隨便揀了這間入去食舖面面積不大，但坐得都OK，門口是吧枱，可以睇到食物製作我地叫咗2個午市定食，每個定食均配沙律、關東煮、味噌湯、飲品。沙律菜很新鮮，很開胃。味噌湯好濃郁，好有海帶味。關東煮唔會濕到淋晒，好味。主菜一個係刺身盛定食 (油甘魚2切、三文魚2切、鵝肝慕絲3塊、甘蝦2只、帆立貝1只、白飯)每款魚生都好新鮮，好鮮味，另外我好欣賞這個鵝肝慕絲，好特別，用鵝肝打成慕絲再煎香，好好味，軟林林，一啲都唔腥!另一個係嵐橋丼定食 (韓國海膽一板、油甘魚2切、松葉蟹肉、牡丹蝦1只、三文魚2切)雖然是韓國海膽但味道都好鮮味，冇腥味，口感都算滑。蟹肉鮮甜、牡丹蝦爽口美味! 呢個不是白飯，是已經幫你落咗調味嘅飯，好好味 !

作為日本控既我，今晚同朋友來到尖沙咀「嵐橋丼飯專門店」食晚餐。這間食店門口很光鮮，很有日式風格。一入座，見到店內有貼加$28 轉𨋢魚湯，我同朋友都叫來試試！𨋢魚湯一來到，巳聞到很香的魚味，飲落去的確極香濃又滲透著魚湯的香味，亦沒有太大的味精味，值得一試！蜜餞角切海鮮丼：一來到我地巳被這碗魚生飯吸引住，有角切三文魚、吞拿魚、劍魚腩等等，刺身十分新鮮的！還有大大隻的蝦刺身，又有碎吞拿魚，吃完了這碗飯的確很滿足！我們仲叫了兩串串燒試試，日本阿波酥橘雞心& 日本阿波酥雞橘肝！ 兩串串燒都燒到恰到好處，不會太油，吃落很香口！特別是雞肝串燒不可不吃，因為真的有入口即溶的感覺！

上星期行開尖沙咀突然好想食丼飯， 就搵左呢一間日本餐廳食。地方唔算好大，但勝在乾淨整齊。丼飯嘅種類亦都好多， 花多眼亂。不過價錢都唔平最少嘅都要接近$200去到接近$300不等。我同朋友一個叫咗鐵火丼$198，同埋貝三味丼$248，鐵火當就有赤身同埋拖羅喺裏面，上面加咗隻鵪鶉蛋，加落飯到令到成個飯更加juicy，將整個飯升華咗，赤身好新鮮肥美，加埋揸牛蒡絲一齊食，就更加有趣好味。而貝三味丼就有三款貝類喺裏面，有北寄貝，帶子，同埋赤貝， 每樣都好新鮮同鮮甜，上面加咗三文魚子就令到個飯更加鮮甜。而且佢會喺每一個飯裏面都加入左醬汁，芝麻，同埋紫菜絲，個丼飯就好似日式風味咁樣，唔會好似其他食當飯嘅餐廳咁只係用白飯，咁樣令到成個飯更加昇華到另一個層次。

呢日放工同朋友去咗附近食最愛嘅丼飯有非常多嘅選擇選擇困難症又開始出現啦最後同朋友叫咗特選鐡火丼$198、貝三味丼$248同兩串雞內臟串燒（雞肝、雞心）丼飯附送嘅味噌湯雞串醃料好惹味、最啱送啤酒🍻我點嘅特選鐡火丼、賣相同menu一樣咁靚咁足料有赤身、拖羅、吞拿魚蓉同炸牛旁拖羅好肥美食落口完全冇根入口即溶油脂超級香赤身相對雖然冇咁肥美、但魚味就比較濃郁各有各好炸牛旁好酥脆好香口朋友點嘅貝三味丼佢比咗d帶子北寄貝我試、帶子好新鮮好鮮甜北寄貝新鮮爽脆好食店員服務好好、會不時主動添茶下次再去想試下佢個海膽丼

味道黎講所有刺生都好新鮮，呢個井飯勁豐富，深海池魚 第一啖咬落去好多油脂，正呀！ 個皮應該燒過黎，所以好好味！ 仲有蟹鉗又係大大隻，牡丹蝦大隻到遮住埋隻蟹鉗。 海膽、呑拿魚蓉同埋三文魚籽份量唔算多，但係一啲腥味都冇，吞拿魚蓉仲有脆蒜芝麻，味道夾，三文魚籽就大大粒。三文魚同油甘魚都係好多油脂嘅，係咁多野都勁油嘅時候，中間嘅透明酸啫哩就發揮左好大嘅作用，中和左啲油膩感！ 個餐仲有碗湯，冇乜特別！ 特別提一提，服務非常不錯！

今日同朋友係尖沙咁行完街，就到左棉登徑食晚飯，呢條街有好幾間餐廳都唔錯！見到轉角位呢間餐廳外觀都好吸引，好有日本風情！就試一試呢間我同朋友各自叫一碗刺身丼，我自己就選擇左特選鐵火丼！每個丼飯都送碗味增湯！呢個丼有3塊中拖，2塊赤身，吞拿魚茸同鵪鶉蛋，都好豐富！吞拿魚茸加鵪鶉蛋，再加左少少炸乾蔥，好似一個鳥巢，有趣！佢係丼飯上加咗醋啫喱，好酸，好開胃！飯都有調味過，味道都好好！我地重叫左兩串串燒，都係雞內臟，因為唔係好多地方有得食！雞心用鹽燒，好香口，而雞肝用汁燒，甜甜的，雞肝亦好香！

今晚同朋友去尖沙咀食飯，佢話有間日本丼飯好好食，要帶我去試試。餐廳內外都是滿滿的日本風，地方小小但感覺好舒服。由於時間早，我地黎到時人比較少，不過過咗無耐，未夠七點就已經滿座了。先黎一碗熱騰騰的味噌湯，濃厚度剛好，夠味又不會過鹹，可先暖暖胃。我點嘅係日本牡丹蝦海膽丼，賣相超吸引！先吃一口飯，味道意想不到的豐富壽司飯底有酸酸嘅醋味，拌上胡麻，開胃又香口。牡丹蝦大大隻，好鮮甜！重頭戲係海膽，份量超多，有日本赤海膽同韓國馬糞海膽兩款，兩款都好新鮮，非常甘甜另外仲有葱花吞拿魚蓉同三文魚籽，拌飯一流！連平時不太喜歡三文魚籽嘅我都覺得好鮮甜。

日本牡丹蝦海膽丼 ($228)（日本赤海膽 韓國馬糞海膽 日本牡丹蝦 蔥花吞拿魚蓉 三文魚籽）望落第一印象覺得有啲細碗 但係食落就覺得其實都幾足料 兩款海膽其實都濃味 但日本海膽其實更鮮甜 而牡丹蝦雖然得一隻 但係勝在新鮮蝦肉唔會黏口 連蝦頭都冇腥味底下仲有吞拿魚蓉同三文魚籽 配醋飯一流 但如果啲飯冇咁酸就會更好This sushi don includes a variety of sashimi such as salmon roe, shrimps, spring onion with tuna, and two different types of sea urchin.Both sea urchins were quite rich, but the Japanese one was a bit sweeter than the Korean one. The shrimp was also fresh-tasting, even the head wasn’t fishy at all. The tuna and salmon roe was also a great co