嵐橋丼飯專門店 (已結業)

今日同朋友嚟到尖沙咀嘅嵐橋丼飯專門店，梗係要食下呢度嘅丼飯啦！入到鋪頭嘅時候，已經見到牆身貼左好多唔同日本嘅裝飾，好似去左日本咁。而餐牌上面有埋相喺隔離，岩哂我哋呢啲懶人。我哋今晚點咗自家製泡菜，平時喺韓式餐廳食得多，日式餐廳嘅都未試過呢，食落味道岩岩好，唔會覺得酸同辣，爽口開胃呀。之後主食就點咗貝三味丼同嵐橋壽司A，丼飯有象拔蚌、北寄貝，仲有吞拿魚茸同埋三文魚籽，好足料呢。壽司嘅魚生都好新鮮，兩個人share 嚟食，就可以試哂所有嘢啦~