嵐橋丼飯專門店 (已結業)

尖沙咀棉登徑真係好多好好味嘅料理，質數又高嘅餐廳。今次我同朋友就去咗「嵐橋丼飯專門店」食新鮮美味嘅丼飯。雖然話係丼飯專門店，其實佢哋仲提供有沙律、刺身、壽司、手卷、小食、沙律同關東煮嘅。喺食丼飯之前、我同朋友就先點咗關東煮嚟做前菜。關東煮選擇都好豐富，有成12款食物咁多。我哋就點咗好傳統嘅竹輪同日本白蘿蔔。竹輪同日本白蘿蔔都好大件，白蘿蔔入哂味，一咬開，整件蘿蔔都已經變哂湯嘅顏色。隨關東煮附上嘅醬、混有山葵、帶攻鼻嘅沖激，不過用嚟點竹輪又好好食喎。北海蟹肉丼：食材非常豐富嘅一款丼飯。有一隻甲羅燒、松葉蟹肉、蟹鉗、蔥花吞拿魚蓉、海膽同三文魚籽。除咗基本嘅山葵同壽司薑、丼飯仲要係壽司飯底，仲有紫菜、胡麻同沙律菜。每款食材都非常鮮味，而甲羅燒嘅蟹肉蟹膏、更係多到嘩嘩聲。極上大拖羅丼：叫得依款丼飯，當然只係食吞拿魚啦。所以配料都係吞拿魚，有5片大拖羅，蔥花吞拿魚蓉同埋鵪鶉蛋。大拖羅超鮮味、入口即時嘗到大拖羅果種油香。蔥花吞拿魚蓉撈埋鵪鶉蛋一齊食，令原本已經好好味嘅吞拿魚蓉味道進一步提升。丼飯價格都好合理，而且真係好好味。款式眾多，要再嚟試埋其他丼飯先得。

一直有留意棉登徑這間丼飯，晚餐大約二百幾蚊，而午餐百幾蚊就有啦。⭐️嵐橋丼：中拖羅，三文魚，深海池魚，白身魚，日本牡丹蝦1隻，三文魚籽，松葉蟹鉗1隻不得不說這是在香港難得吃到高質丼飯的地方，刺身十分新鮮，而且賣相具藝術感，拼湊得好好五顏六色看到也開胃。刺身塊塊厚切而且鮮甜肥美，看看這塊刺身晶凝通透，見到很誘人的紋脂。⭐️海膽甘蝦丼：加拿大海膽、甘蝦2隻、三文魚籽好耐沒有食海膽食到咁過癮，海膽的份量真的是盤滿缽滿，而且每一件都很鮮美，完全沒有一點腥味或苦澀味。結構完整又creamy 豐盈，食到好爽！又有甘蝦及三文魚籽配搭，十分豐富而且滿足！而且有兩種飯底可以選擇，我們就選擇了赤醋飯。午市套餐有關東煮、沙律及味噌湯，飲品我們都叫了柚子茶滋潤一下。絕對是超乎意外有令人滿足的豐富午餐。

上次係綿登徑食日本燒肉…經過見到嵐橋都幾好生意…就八掛想黎試下😂😂…訂左830pm…都幾多人等位…去到都要等一陣先有位…估計味道應該唔錯…同埋生意好…d野食一定新鮮原先想試下魚生飯…不過朋友話經過門口…見到雪櫃魚生好靚…加上人地食既壽司都幾靚…咁就叫壽司set加個鰻魚飯同椰菜卷。先奉上味噌湯…呢個湯好好飲…唔會太鹹…又夠熱…仲有幾舊豆卜…好有之前日本飲到既水準之後壽司黎到…個樣就好正…有海膽…甜蝦…三文魚…帶子…魚子…toro…蟹肉…等等10款壽司…所有壽司都好新鮮…最正就係海膽…好濃好甜好新鮮…份量都好多…一d都唔孤寒。帶子我都好鍾意…口感好糯…又甜。朋友既鰻魚飯都分左d比我…好多時鰻魚飯個汁都過甜…呢度啱啱好…而且有兩款鰻魚…兩款都好好味…之後到個椰菜卷…呢個啱哂食完濃味野…好清…椰菜卷浸起個清湯度…椰菜入面係豬肉餡…成個菜又好味又健康最後點多個燒日本甜蕃薯…好甜好糯整體食物質素真係唔錯…加上價錢好合理…服務又好好…應該好快會再黎試下其他野…

現在食壽司don飯選擇多的事，但要食間有質數既未必易事！食完這間嵐橋 don飯專門店後，覺得這間勝人一籌！幾有日本風味，而且店內店員工都幾親切有禮！menu選擇都幾多花款，我就點了矢柄 don, 因為我喜歡既種類都有齊，所以就無慮即決！Topping有矢柄魚，三文魚，油甘魚，牡丹蝦，赤貝，海膽，三文魚籽！而壽司飯已mix左醬油，味道更加香！份量亦非常多，好飽食。矢柄魚為白身魚，味道帶清甜，再有醋酸jelly,酸香更令魚肉帶鮮味！而質地亦幾嫩滑，夠哂嫩。海膽配上三文魚籽為絕配，兩者既獨特鮮香相輔相成！海膽好夠鮮甜沒怪味相當新鮮，而三文魚籽晶瑩剔透亮晶晶！赤貝既咸香味好夠鮮味，置身於海洋之中，好難忘既味道！質地爽口，夠過癮！牡丹蝦 size都大大隻，蝦肉挺身夠嫩！蝦味濃郁入味。刺身don送湯，再加多20蚊轉立魚湯，魚香鮮味十足又夠哂熱！所以唔會有腥味！奶香味陣陣滲出黎！好正。再點多份小肌魚壽司，魚味濃香，所以配上生薑中和！鮮新鮮又夠鮮甜！

係尖沙核心地段嘅日本丼專門店，所有丼都好吸引😋店舖細細，約莫24 個位，但桌之間間距正常。5 點刺身配白飯 $148配前菜麵豉湯、沙律及魚條蘿蔔煮有赤身、帆立貝、白魚、甘蝦、三文魚。塊塊新鮮厚切，鮮味十足。特別鍾意赤身，油脂豐腴分佈平均，雖未至於入口即溶，但都非常滿足！帆立貝size 大又彈牙；甘蝦 size 正常但非常鮮甜；三文魚大而肥美，水準之作！白飯係珍珠米，非常飽滿。最後配餐飲柚子蜜，天氣涼配上暖暖熱飲正剛好。諗緊下次試北海蟹肉丼定海膽丼喇！

好友介紹尖沙咀棉登徑有間食日式丼飯好出名既餐廳，7點去到已經有有唔少人等緊位好彩一早BOOK定，準時去到唔洗等。講緊既就係嵐橋丼飯專門店，除多款丼飯仲有串燒、關東煮等。黑松露帆立貝丼火炙左口魚新鮮爽口，濃郁甘香；鮮甜滑嫩帆立貝配以黑松露更能提鮮；三文魚籽色澤飽滿，鮮美香甜；蟹肉多汁甘甜配煙韌彈牙醋啫喱；珍珠米粒粒飽滿，軟綿有咬口。特盛火灸牛肉丼牛肉經火灸後充滿牛脂香，豐腴肥美，肉汁豐富，入口嫩滑，拌以生雞旦，相當好食。丼飯附送味噌湯，香濃美味。燒日本多春魚外皮香脆，滿滿的春口感一流。關東煮准山魚卷魚卷口感鬆軟綿密，配以清爽准山，正。

我最鍾意就係去唔同嘅居酒屋同朋友傾偈🤪可以一度吹水一度食嘢 有時又可以食下小食同飲啤酒🤓🤓我發覺尖沙咀其實有好多呢啲居酒屋😱去左尖沙咀白蘭軒道 嵐橋🤪同朋友叫咗個秋刀丼 食材新鮮 飯底仲好正😮 最怕食啲飯凍哂 上枱頌暖暖地🥰🥰跟住叫咗個小食 關東煮 蘿蔔 芋絲 淮山魚卷😂😂 一直係我心目中嘅淮山 係阿媽以前煲湯嗰啲😂😂 點知原來唔係咁㗎 淮山都可以脆卜卜😮 真係估佢唔到🤪意猶未盡叫多個壽司🤪🤪 十分新鮮 一啲都唔腥！如果想同朋友傾吓計 極力推介💪💪

今日去了尖沙咀，k11後面的棉登徑，棉登徑有好多高級日本料理店！我們選了一間食丼飯！"嵐橋丼飯專門店"我們點了極上金目鯛丼飯$269味道不錯，金目鯛魚肉好好味油香四溢！有油甘魚，三文魚子，飯甘香軟糯！特盛灸牛肉丼飯$188好香！牛肉肉味香濃～有日本蛋黃拌飲，蛋黃好香滑！飯跟一個味噌湯我們加了$28 轉 𩶘魚湯魚湯好香！不錯！關東煮~蛋$18~竹輪 $25~野菜油豆腐$25味道不錯！好入味！湯底好香！👍🏻

依間位於尖沙咀既居酒屋主打丼飯,雖然店舖吾算好大,但食材好新鮮,我個日去都好多人,所以最好book定枱😝日本海膽牡丹蝦丼($258)有蔥花吞拿魚蓉,日本海膽,海膽,日本牡丹蝦同三文魚籽,軟綿既海膽入口即溶,味道甘香吾會腥,吞拿魚蓉份量好多,質感幼滑,入口充滿魚香,撈日本飯食好正🥰特別既係佢係配日本醋飯,所以味道帶酸減輕濟膩感海之幸丼($238)有中拖羅,赤身,松葉蟹肉,日本牡丹蝦,深海池魚同三文魚籽,粉紅色既中拖羅油脂豐富,魚味濃郁,三文魚籽粒粒晶瑩剔透,一咬開充滿鹹鮮香,牡丹蝦好大隻啖啖肉😍味道鮮甜淮山魚卷($28)日本白蘿蔔($23)芋絲($18) 關東煮去日本一定要食既關東煮而且一定要有白蘿蔔😝吸收哂湯汁既精華好入味,炸至金黃色既魚卷包住淮山,外層帶脆內層嫩滑好特別

⭐️嵐橋丼飯專門店 (尖沙咀) ⭐️ 黎到禮拜既中間，梗係要出街食下好西🙆🏻‍♀️小妹今日喺尖沙咀放工，搵咗一間幾唔錯嘅日本料理餐廳，同大家介紹一下🤩⭐️矢柄丼$258⭐️呢個丼有矢丙魚、三文魚、油金魚、牡丹蝦、赤貝、海膽、三文魚子、非常豐富🤤油甘魚、三文魚都好厚切，勁正！油甘魚食到魚香味，牡丹蝦食落去好鮮，壽司飯加入醬油，食落更加滋味😍🤩⭐️松葉蟹甲羅燒$68⭐️大量蟹膏、蟹子、蟹肉撈埋一齊😍🦀配上鵪鶉蛋，口感好特別🤤佢哋搽上去啱啱烘好的麵包，勁正🥴🕋環境指數：8/10乾淨、衛生、企理！店舖環境不算很大，但五臟俱全🙆🏻‍♀️😋美味指數：8/10魚生足料，幾好🤗👩🏻‍🌾服務指數：7.5/10✅ OK🤑抵食指數：8/10 夜晚食有水準嘅日本菜都差唔多呢啲價🤓🙋🏻‍♀️推介指數：8/10 下次喺尖沙咀夜晚想食日本野可以試吓🥳🤩📍地址：尖沙咀棉登徑白蘭軒道2號富峰行地下BCD號舖——hkfoodiecooking——

日本嘢對我黎講真係食極都唔厭，加上無得去旅行，唯有靠食黎解我相思之苦啦🙈呢間丼飯餐廳我食過幾次啦，食物質素高之餘仲好平均，姐係次次都咁高水準呀。所以想寫低推介下比大家我同朋友每人叫咗個刺身丼飯，再加兩串串燒分享食極上海老二重丼：刺身新鮮兼足料，海老有成5隻，其中一隻仲要大大隻，啖啖肉呢！而帆立貝亦都大大片，勁厚身彈牙，配合魚籽一齊食，爽呀！不得不提，丼飯上有啲好似啫喱粒粒，呢個好好味，酸味味，好開胃！而且啲飯已經調配好哂啲味道，亦有紫菜絲，唔使再落醬油都好夠味👍🏻和風三文魚親子丼: 除咗大大塊三文魚刺身外，仲有炙燒三文魚粒，雖然好似好單一，但我想話有驚喜，因為兩款唔同口感，加上魚籽襯托，鮮味出哂黎牛舌串燒：呢個一定要叫，佢哋啲串燒有秘製醬汁，味道同出面嗰啲好唔同，而家牛舌好彈牙又juicy,必叫！雞軟骨串燒：味道又係勁特別，竟然有少少甜味，但一啲都唔怪，襯雞軟骨竟然可以咁好味大家記得要book定位先呀，因為餐廳經常滿座呢

今日同男朋友去咗尖沙咀覓食，搵到一間質素相當唔錯嘅丼飯，好彩有book位！👍🏻正當我哋煩惱緊有咁多款丼飯可以揀邊款嗰陣，見到有一個季節限定丼，緊係要試吓當季刺身啦！秋刀丼🐟我同男朋友都未食過秋刀魚刺身，估唔到咁嫩滑，重有魚油甘香味，果然係當季刺身！😍另外重有三文魚、油甘魚、牡丹蝦、赤貝、海膽同三文魚籽，好豐富。男朋友最鐘意食油甘魚，肉質肥美甘甜，而我鐘意海膽，好鮮甜。👍🏻每碗刺身丼飯都會跟味噌湯，我地將其中一碗加咗$28升級做𩶘魚湯。魚湯煲到奶白色，非常濃郁，好鮮甜，重有濃濃嘅骨膠原，正！海之幸丼🦐呢碗丼飯有好多刺身，色澤鮮艷，好新鮮！有中拖羅、赤身、松葉蟹肉、牡丹蝦、深海池魚、三文魚籽，滿足哂我想食唔同刺身嘅願望。😆中拖羅肥美，油脂分佈比較平均，唔會太重油膩感。而松葉蟹肉非常鮮甜，值得一讚！免治雞肉棒🥰雞肉棒外層燒得非常香口，餐廳使用雞軟骨同雞肉絞碎做串燒，所以好有口感。

日本🇯🇵癮又發作喇！！！好想好想食高質日本和風刺身丼飯！找到一間咁多好評而且又好經濟嘅魚生飯🤤🤤.裝修好有東瀛風味，完全係置身於日本🇯🇵嘅感覺，食得好好feel又滿足🤤———————————————————————————🥢極上海之幸丼💬一睇餐牌就知係叫呢款，有9款不同嘅海鮮同刺身，包括蟹鉗🦀、鮑魚、海膽、三文魚子、吞拿魚腩蓉、大拖羅、牡丹蝦🦐、白身魚、深海池魚，超新鮮又好食，唔好以為好細碗其實都幾飽肚，好滿足😳.🥢黑松露帆立貝丼💬帶子同左口魚背呢兩款又係炙燒嘅首選，夠晒油脂重，炙燒嘅香加埋松露醬伴飯，確係好享受，加$28 轉𩶘魚湯夠濃夠奶白，必叫推介😅

尖沙咀專食丼飯既嵐橋響k11附近 位置都好方便佢地既丼飯有好多款配搭可以選擇🤩仲有啲季節限定丼 通常係啲時令魚都幾特別👍🏻🇯🇵海膽牡丹蝦丼呢個丼好豐富🤩有一板日本海膽 ,牡丹蝦,海膽,蔥花吞拿魚蓉,三文魚子食材都算新鮮 賣相又吸引 🤩🤩🤩🤩性價比都真係幾高🙌🏻店內裝修都幾似日式居酒屋🏮坐位唔算好多 坐得有少少迫而客人都好多👭👫👭👫👭👬所以建議大家去試之前記得book定位先

有次星期五晚約咗一班friend去尖沙咀happy friday，係赫德道附近happy hour飲左幾杯之後經過後街見到有間門面好日式嘅餐廳，入面又坐得好full，唔趕時間既我哋決定排隊等試吓好唔好食👶🏻——————等咗20分鐘終於到我哋，一入餐廳就見到入面好有日式風格既裝飾，瞬間有啲身處日本既感覺🤓不過由於間餐廳比較細，坐位就擺得較近，要坐得迫D～環境亦唔算太靜💁🏼‍♀️🍚北海蟹肉丼 $178🍚 (8/10)呢間餐廳主打刺身丼，價位係一百尾至二百中左右，我同朋友都分別叫左丼飯😆一上枱個賣相已經好吸引～唔同種類嘅海鮮鋪滿曬係飯上面，滿足感爆燈 💡💡影完相就忍唔住即刻食✨我揀咗個蟹肉丼，配料有甲羅燒、松葉蟹肉、蔥花吞拿魚蓉、海膽同三文魚籽，每樣野都食得出好新鮮💃🏻甲羅燒蟹膏味好出好香，蟹肉份量亦唔少，吞拿魚茸幾香油脂味、口感細滑，海膽都唔會腥，連埋飯食食得好滿足😊有番呢個價位既水準👍🏻啲朋友都話食得幾開心幾滿足☺️下次黎開尖沙咀會想再試☃️同埋就係我哋嗰晚一直都見到有人keep住排隊，睇嚟都幾受歡迎㗎😆大家想唔等咁耐既話記得早d去啦🙆🏻‍♂️———————😋味道：8/10🤵🏻服務：7.5/10