峻嶺高爾夫球練習場及燒烤場 (已結業)

趁住仲未完全轉秋天，梗係要捉緊夏天的尾巴，抓緊時間BBQ。今晚實在太好了，可以約齊屋企人，一齊去峻嶺燒烤場燒嘢食，好耐都冇試過同屋企人燒嘢食啦。我地由天水圍坐的士去，好快就到啦。入到去，就去服務台嗰度攞枱，跟住再去order咗嘅食物，食物非常豐富，海鮮肉類丸類乜到齊。食物來講，所有野都醃得非常入味，最鍾意食黑椒牛扒,美國西冷扒.熊本一口牛，熊本一口牛非常突出，而且軟腍多汁。蜜汁豬扒肉質亦係非常軟腍，味道惹味，而且係半肥瘦，真係好吸引，仲有紐西蘭羊架，燒咗佢大約15分鐘，就可以，肉質好嫩，好正！

最近天氣雖然熱，不過夏天一定是燒烤的季節，選擇了這個面對無敵山景的trueland燒烤場，除了有山景的燒烤場是罕有的之外，這裡的食物質素亦相當有保證；地點雖然遠一點，但對駕駛人士來說，這兒十分方便泊車。到埗便見到燒烤場已經換上很多裝飾，很有氣氛；付款後便開始玩一些遊戲，下次一定要帶多點小孩再來一試。我們燒烤爐的景觀。除了有無敵山景外，還有給小孩放電的一片空地。場內還有籃球機一類以供玩樂。喜歡它每樣食物也有，不用想得太多，所有醃肉也是即開即燒，方便衛生；包括彈黑椒牛扒，美國西冷扒,熊本一口牛,豬扒味道有三款，雞中翼味道四款，爆汁芝味芝士腸，甜心番薯，香甜粟米，一開閘既時候，一群飢民當然是衝向快熟的腸類跟丸類，芝士腸燒得外皮香脆，腸衣爆發，芝味滿足。珍寶燒雞翼，叫咗蜜汁及香茅味，兩款也醃得非常入味，我比較喜歡蜜汁味的，喜歡它甜甜的下次可以和表姪女一起再來呢。

同朋同朋友聚會最好BBQ,可以吹下水。今日大家放假，一於去戶外， 來個 BBQ。2 手 fing fing 去峻嶺燒烤場。 可以揸車去，有停車場，亦有 bus 來往,交通方便。燒烤場相當大, 有無敵大山景。娛樂設施多，適合大小朋友相聚一天。我地 order 左 好多野食,仲包左架車,方便大家休息。有專人幫你 起爐，非常專業。 水、汽水、雞翼、豬扒、腸仔、丸類BBQ 必有食品，仲有帆立貝,青魚,多春魚，全部食物都係新鮮提供,估佢吾倒超級鮮甜。 蒜蓉豬扒,燒汁豬扒,蜜汁豬扒，要用心燒，考考功夫。睇下我地D功夫仔，都見得吓人架。味道很不錯！ 除左野食,小朋友可以周圍玩同跑,又可以上去玩下GOLF,都幾開心 下次同朋友成班都會再黎

朋友約過我好多次，話天水圍有個燒烤樂園好值得去，但位置比較吊腳，所以一直都未約得成。今次朋友好野，話包埋接送車我去喎，咁就掂晒啦。一落車已經覺得好舒服，涼風吹拂，景色優美。仲有大量泊車位提供，非常方便駕駛人士。佈置都好優美，好有大自然既感覺，大把影相位，鍾意影相既朋友啱晒。嘩！個燒烤爐就係對住個咁絕既山景，未食都覺得值回票價啦。場內仲有吹氣彈床，攤位遊戲等項目提供，大人細路都啱玩。我地包左一架車,坐得舒服好多,燒烤工具包埋燒烤網，方便過用燒烤叉好多，非常貼心。好方便我地成班細路仔一齊玩,因為入面有冷氣燒烤落單後全部獨立包裝，方便衛生，而且種類繁多，丸類、肉類同海鮮都有，份量都好夠。食物都處理得好乾淨，又夠新鮮。扇貝鮮甜多汁又冇沙，海蝦大大隻夠彈牙，龍蝦丸、魚蛋同墨魚丸都好高質素，漲卜卜又有咬口，唔係一般街市貨色。青口都處理得好乾淨，直接燒熟成隻食就得，非常鮮味又唔乾身。扒類同雞翼都醃得夠入味，又唔會太咸，其中泰式雞扒夠特別，酸酸地，配上濃濃既香茅味，唔錯！園內遊玩空間充足，有草地小公園俾小朋友放電，真係啱晒一家大細

上次跑步經過見到個燒烤場，便進內參觀。入去時，員工也會講解收費及設施。場地設施後有不少為小朋友提供的玩具﹐囡囡比較好主動參觀既時候已經去左試玩，好彩啲員工好nice無話佢。聽完介紹後覺得不錯，所以星期日便同老婆囡囡去燒烤，雖然天氣有啲熱，但唔想囡囡終日生活係個冷氣房，去沙灘老婆就驚最新個條好似蜈蚣既沙灘蟲會傷害囡囡，所以我地選擇呢到。中午人不太多，囡囡在草地上就跑來跑去。一時玩羽毛球，一時又去踢足球，我陪囡囡玩，老婆則負責燒食物。我最鐘意個蟹蓋同豬頸肉，老婆就喜歡食件肉眼扒話夠juicy，囡囡就一味咁食香腸。囡囡玩得很開心，食物味道也不錯，開心的一天。因為呢到係戶外同比較多草，所以提提大家記得做防蚊措施吖。

公司最近係香港做一個大型event，一班台灣同大陸同事要留港一個月，佢地不停要求要去一嚐香港式既燒烤。其實天時暑熱燒野食真係好難頂，但佢地個個都高級過我，老闆叫我一定要好好招待佢地，唯有頂硬上。於是我決定带佢地去我屋企附近既峻嶺燒烤場，咁近我燒完可以早啲返屋企。到達時剛好日落，幾涼爽吓！我地決定點一個6人海鲜餐同一個6人普通餐，有蝦、帶子、蟹蓋、豬頸肉、豬扒、雞翼、龍蝦丸、腸、栗米、茄子同日本甜薯等等，種類繁多，佢地重好叻識去街市買定啲海鮮黎，好彩呢度可以外带食物。個蟹蓋同豬頸肉真係好好食，個甜薯都好食。燒烤場既所有食品都係獨立包裝，方便衛生，而且開爐費已經包括炭、餐具、紙巾、較剪、蜜糖、網及鉗，真係好鬼方便。值得一讚既係呢度有架冷氣BBQ車，爽YY真係好舒服。台灣同大陸同事最欣賞個燒烤爐可以放置蜜糖、醬料、野食等等，佢地重笑說返去要覆製一個呢！哈哈 !

朋友約過我好多次話天水圍有個燒烤場環境好舒服好想大家一齊去個度gathering 吓，但天氣咁熱好難BBQ架喎，所以我一直都無回覆。但organizer今次出左登龍劍，話包埋接送車我去同book一架冷氣車俾我BB坐喎，咁就真係無得推啦。我地5點幾到一落車覺得真係幾舒服喎，涼風浸浸，景色宜人。仲有freeparking，好方便揸車既老友們，場內重有大把影相位，鍾意影相既朋友啱晒。講返食物先，都幾抵食，150蚊既燒烤COUPON，已經可以買到好多野食慢慢燒，有肉有菜有海鮮，可以慢慢揀，食物質素幾好，味道都唔錯，我地自己都買左啲海鮮黎。而且職員服務都好NICE。150蚊買個靚環境慢慢同朋友燒幾超值。

朋友公司攪BBQ邀請埋我，星期六下晏5點幾，太陽雖然無咁猛烈重有啲風，但熱底既我真係要生存係冷氣房先得。好彩朋友公司訂哂所有獨立冷氣車，可以有冷氣涼重可以有自己嘅私人空間，唔使驚熱到傻。燒烤場提供埋燒烤網，最適合我呢種懶人放係網上燒，而朋友公司除左預訂左啲大路食品外，重要幾揼本，order 左龍蝦、鮑魚、黑毛豬、西冷、大蝦同帶子等⋯呢個燒烤場幾特別，啲貴價食品全部唔會落調味料，但調味料會俾您燒個陣自己落，啲員工話咁先可以調到客人自己想要既味道，幾體貼!

一開始聽到去BBQ真係耍手同擰頭，天氣咁熱會中暑架，重要去到天水圍咁遠，真係唔多想去，我住奧運架。但個死黨生日，指到明要BBQ，唯有硬住頭皮頂硬上喇 !入到去個環境又真係幾正喎，我地十幾個人5點多啲到，可能開揚都幾好風。而我地一行12人就book左架冷氣BBQ車，我最鐘意佢，因為我大部份時間坐係裡面打牌好舒服冷氣重好夠涼。講返啲食物先，因為唔想煩，所以我地點左2個6人餐，一個係海鲜餐，一個係普通餐，再散叫左幾種食物。食物個份量同種類都真係幾多，重點推介個一口牛、棒棒骨、蟹蓋、青魚同甜薯，佢個一口牛配岩鹽真係好正，而棒棒骨好入味，蟹蓋同青魚我都係第一次見BBQ場有呢種食物，又幾好食。仲有我最愛既蒜蓉燒茄子，好入味，但額外要蒜蓉就要俾多$2，都ok抵既。可惜既係無棉花糖同麵包，如果有多d選擇就好。最後埋單每人都係補多二十零蚊，個個都食得飽，性價比較唔錯，可一可再。

我住附近，見佢咁近我，所以就同屋企人落去試下。好彩夜晚唔太熱，本身以為任食，但原來唔係，不過可以外帶食物入黎(可惜我冇帶)。食物種類真係比出面D任食BBQ多款D，因為唔係任食，我地揀左好耐，個員工見我地選擇困難，就介紹我地有咩好食。本身以為唔貴唔推介，但又唔係WO。佢推薦必叫豬頸肉同川味雞翼。另外我地仲叫左D牛扒同海鮮。講左個豬頸肉先，真係好正，好入味；而川味雞翼係好辣 !好似我老豆食得辣既會覺得好正，唔食得既好似我阿媽咁就食其他啦。而個西冷牛扒加啲鹽確實唔錯，不過個火太大，個網太易燒黑。值得一讚既係啲員工真係幾nice，因為個日BBQ真係唔多人，得個幾枱，我地驚阻住人收工，您知喇出面餐廳個啲員工真係黑哂臉咁架，但佢地竟然主動過黎叫我地慢慢燒，重叫我地俾啲意見佢，真係出乎意料，值得回頭。

星期六熱辣辣都唔知公司邊個suggest去BBQ，因為係公司gathering，答應左無得縮沙，重要中午12點集合。好彩原來公司book 左2架冷氣BBQ車，最爽係有空調，當堂舒服哂!!! 食物種類都真係好多，基於公司俾錢大家都唔理三七廿一不停叫，啲食物味道真係唔錯，隻蝦真係好似隻手咁大、個蟹蓋第一次見燒烤場有呢種食物，幾好食，個人最鍾意個帶子肉，唔係細細粒果d，真係有肉食既帶子肉。而佢個棒棒骨同豬頸肉都好正，所有食物都係真空包裝處理，衛生好多。環境方面，呢到空氣比較清新因為周圍好空曠，令人好放鬆。呢到可以燒野食又可以玩GOLF，仲提供埋唔少康樂設施。我地一大班人係車入面玩GAME同打牌，玩到餓又可以出去燒下野食，真係唔錯 !

一家人去完濕地公園之後行過隔離見到個BBQ場，攰攰地同好肚餓，就地去左BBQ喇。雖然第一次黎，但見佢有得打波又有得食，個感覺同體驗幾唔錯。首先，環境方面唔錯，幾舒服，幾大自然，又夠大，岩曬我一家大細黎HEA下。啲食物都幾多選擇幾正路，有d食物 BBQ好少見，例如熊本一口牛、檸檬雞中翼、蒜容棒棒骨、大虎蝦、青魚、日本甜薯同蟹蓋﹐大部份都幾好食，個豬頸肉同黑椒雞腎值得推介。正重可以俾$40租麻雀打，打一日好抵玩 !

今年母親節節目就係選擇咗細佬同朋友去過勁推介嘅BBQ場，我地book埋好靚好舒服嘅冷氣房，佢地稱為BBQ餐車，雖然今日有風但外面都真係感覺熱。一去到門口就有員工出黎serve，員工好親切有禮，感覺唔同以前去過果啲場。而燒烤爐每個位置都有白蘭樹劃分，有足夠空間感覺自成一角，唔需要驚同隔離左右啲枱避黎避去，超讚呀!媽媽，婆婆，阿姨同老豆坐係間冷氣房坐得好舒服，打開隻窗就可以將燒好嘅食物送上，感覺好方便同好親近 ，佢地係房裹面大戰四方城，好開心。講返食物先，因為我地玩足全日，驚裏面野食太貴，所以自己都帶左好多野食黎燒，咁啲BBQ coupon就用黎叫左一個6人海鮮大餐同一啲貴價既食材，值得一讚既係佢既黑毛豬，西冷牛扒，蟹蓋同大蝦，個塊黑毛豬同西冷就咁燒再加少少蒜鹽正到不得了，本身叫左各一件，點知最後要追加多一份。蟹蓋同我諗既唔一樣，原來佢混和左雞肉係裏面，但個味道同口感卻出奇地夾，唯一美中不足既係我最鍾意食既燒粟米佢賣哂，但總括來說讚，一定會再去過!

見有幾日假期，冇去旅行就諗住係香港搵野玩下~天水圍呢到真係冇黎過，成家人揸車入去行下屏山文物徑，去下濕地公園咁，呢到啲空氣真係好過市區好多，入到黎好舒服。玩左成日就上網見到呢個燒烤場好似唔錯，就即刻打去BOOK位，我地BOOK埋部有冷氣嘅車，玩左成日成身汗，點都要涼番陣冷氣嘅..BOOK位個陣個職員都好貼心，驚我地唔識路就教定我地點行，仲WHATSAPP俾埋地圖，呢樣抵讚!未入到門口，已經見到好多設施玩，啲細路呢個時候緊係已經一支箭衝左入去玩啦…我地俾完錢啲職員都好好咁帶我地埋位，又同我地推介有咩好食，服務態度唔錯!真係好采有BOOK到部車，啲細路成日周圍走，有個室內空間俾佢地玩會方便好多~野食比預期好，小朋友都食唔停，選擇多又有D特別，除左雞翼、豬扒，腸仔…基本BBQ既野，重有D特別既高檔野 : 龍蝦，鮑魚、蠔..等海鮮，仲有D黑毛豬、霜降牛扒、羊架…以BBQ黎講都真係多選擇，重幾好食，個塊黑毛豬同霜降牛扒無任何調味料，燒完落少少鹽已經好正。蔬菜就叫左金菇同日本甜薯。金菇配蒜泥牛油好正，雖然金菇有配牛油，不過其他食物想加牛油就唔多夠用，另外買牛油要$2一粒，就貴左少少…..額外一提，

踩完單車同友人慶祝生日，近近地揀左呢個場。雖然係星期日晚，但全場都係得幾枱人。環境好優美，可以話好浪漫添，不過當晚電力不足，啲燈時光時暗，燒到尾直頭無哂燈，得返個火光。設施好新淨，有大網提供，啱哂懶人用夾燒，最滿意係爐頭有矮櫈可以圍住坐低燒，個角度燒得好舒服，仲可以喺爐邊嘅空間直接食野，唔洗走開搵位食。每人俾150蚊就可以開始燒，呢筆錢可以換食物，啲食物其實係喺附近商場嘅肉食舖拎過黎，我地另外再喺商場買左其他野黎燒，野飲都可以帶入黎，唔似其他燒烤場咁多限制。食物質素都算ok，急凍野無雪味，只係嗰晚唔夠光，用電話一照先發現燒燶左，激死。