峻嶺高爾夫球練習場及燒烤場 (已結業)

呢日去咗BBQ😏😏！喺天水圍天悅輕鐵站落車行大概十分鐘就到我地今日嘅目的地啦🥰🥰  一入門口就係收銀處，行入少少就有一大片草地，有各種遊戲適合一家大細玩⛳🏸🏀 燒烤爐附近仲有一個個貨櫃改裝而成嘅冷氣屋仔，啱曬夏天怕熱想嘆住嚟燒烤嘅朋友仔🚚🏠 呢到半日入場費係$150，可以全部用嚟買嘢食嘢飲，食物方面都幾多選擇，價錢合理，味道都唔錯！呢個BBQ場服務仲好周到🤩，有專人幫你起好個爐，側邊仲有一桶炭等你慢慢燒，仲會幫你拎曬啲食物放入側邊嘅水桶，等解凍👍🏻食牛扒先發覺無帶海鹽調味，但估唔到有埋海鹽黑椒調味料借，認真服務周到，抵讚👍🏻

峻嶺高爾夫球練習場及燒烤場好夠大，岩晒成班朋友同一家大細過黎bbq~ 只需要俾150蚊入場費可以玩足半日，入場費仲可以用黎兌換食物食物種類大路，有日本蕃薯、粟米、金菇、牛丸、芝士腸、豬扒、牛扒、牛仔粒、雞腎、雞翼等。燒烤爐有個燒網，可以自己加炭，隔離有個水桶可以解凍食物。但略嫌D炭太快燒晒，一轉炭好快就燒晒，燒兩轉食物就要換炭。當中最推薦金菇同埋雞腎，金菇用錫紙包住，個錫紙可以方便用黎裝住其他燒烤食物。而個雞腎好入味仲好有咬口，yummy👅。入面仲有帳篷可以坐入去食，夠晒relax 燒烤場入面幾多遊戲玩，包括有足球機，麻雀，草地兒童樂園，一邊食一邊玩。岩晒一家大細黎gathering玩大半日既地方﹗﹗﹗自己仲可以帶少少飲品同食物黎燒，真係夠晒FREE﹗

想帶埋隻狗去BBQ，見呢間環境好似唔錯就試下，比想象中乾淨，一定會再黎。食物：食咗牛柳粒、雞翼、豬頸肉、粟米、茄子、蝦、帶子。全部都幾滿意，牛柳粒加鹽會好味d，要另外問職員攞。推薦豬頸肉同帶子。有d食物餐廳無提供，包括麵包同綿花糖，有幾枱客自備麵包黎燒。環境：未試過BBQ有咁大地方，每一枱都隔好遠，而且非常乾淨，落雨都唔怕有好大把遮。得兩個人都有比好大地方燒，一個大爐另有一張細枱，眼見都有幾枱情侶兩個人去。另有免費泊車，很方便！服務：幫你開爐、加炭、送食物黎，服務好好。衛生：肉同海鮮都係真空獨立包裝，唔係一般BBQ場一堆肉咁由你夾，very impressed!抵食：Per head大約$2xx，very reasonable

有朋友介紹，喺天水圍開咗一個燒烤場，燒烤場係要收入場費加開爐費，但入場費可以用來換領食物，其實即係比開爐費，感覺都好化算，於是便同幾個朋友一齊去燒烤。初時都以為食物一般份量好少價格好貴。點知食物係獨立包裝嘅，比愛感覺好乾淨衛生，而味道亦都10分美味。值得一試

家人想來一個即興燒烤，所以去了峻嶺燒烤場，這燒烤場為於天水圍馮家圍天慈路天華路交界。個人頗喜歡燒烤場的環境，感覺潔淨。入場人士可以用入場費換購食品，之後便可等待食物來到及等待開爐。燒烤爐的設計頗為方便，上面放了一個鐵絲網，只要把食物放上去便可烤熟，不需用燒烤叉。今次和家人二人同行來燒烤，選了約五款食物。沙爹一口牛的味道不錯，最喜愛塗上厚厚的蜜糖去燒，外面烤得微脆，裡面香軟。蜜糖脆皮腸和香甜粟米也是快熟的食物種類，如果粟米能預先加少許調味料，便會更佳了。主要我也會塗上幾層蜜糖去燒，燒至脆皮腸的外皮爆開了，便可開動。為了善用咖哩汁，特別把咖哩魚蛋和金菇放在錫紙盤上同煮，令金菇的味道更加豐富。煮的過程中，咖哩汁的愈來愈濃，味道頗濃。當然少不了吃少許海鮮，原隻大虎蝦的肉質實淨，味道不錯。燒烤場在不同位置也設置了洗手盤，十分體貼，而且廁所感覺乾淨，廁紙充足。

呢度環境超靚，有隻超級大鴨仔喺度，仲有好多遊樂設施，食嘢之前或者食到中途，可以玩吓藍球，打打羽毛球，好多燒烤果陣會玩嘅嘢呢度都有得借。不過聽啲員工講話每日有段時間特別多蚊，所以佢點咗蚊香比我哋，但喺我哋坐咗幾個鐘都唔覺得有蚊群喺附近。燒烤爐同啲檯超乾淨，個員工話個燒烤場開咗一年，佢哋真喺保養個燒烤場保養得好好。多卵魚唔覺太咸，燒到錦上吓搽啲佢哋提供嘅蜜糖，然後再燒，出來嘅效果真喺幾好。熊本一口牛就每面燒10s左右，見到少焦轉另一面，食落超級juicy同埋牛肉味好重。檸檬雞翼正喺燒緊已經檸檬味好勁，食落陣檸檬味更無令人失望。

峻嶺燒烤場及高爾夫球練習場 ( 每位$150最低消費)秋高氣爽, 最適合BBQ, 天水圍峻嶺燒烤場, 交通方便, 由天水圍美湖居行入去大約十分鐘到達 , 亦可自行架車去, 凡消費可免費泊車, 先去服務台攞枱 , 訂燒烤食物, 大約15分鐘後有人送食物嚟及幫助起火開爐 , 開爐費($80)已包括炭 , 紙巾 , 餐具, 燒烤夾等, 貼心又方便 .如果天氣熱也不怕, 因為有豪華冷氣車租, 可供休息 又涼快又有私人空間 .多種食品供選擇, 我就最喜歡燒多春魚, 帆立貝, 帶子 , 熊本一口牛 , 蜜汁叉燒, 蜜糖雞翼 , 醃得非常入味, 肉質鮮嫩😋燒烤完後有多種戶外活動, 小朋友有波波池, 坐船仔, 足球 , 排球 , 羽毛球等等 , 大朋友可以去golf 場地練習, 小朋友多一個親親大自然的好地方. 地址： 天水圍馮家圍天華路及天慈路交界 Address: Tin Wah road and Tin Tsz road junction, Fung Ka Wai district, Tin Shui Wai, NT

由美湖居同天晴邨中間行入去大概十分鐘就到，唔算好偏僻。小朋友遊樂場就喺燒烤爐隔離，小朋友去玩大人就可以燒嘢食傾計，又可以睇住佢哋，都幾方便。食物款式都幾多，同埋都幾好味，尤其係川味雞翼，少少辣好惹味！不過蔬菜種類可以再多番少少選擇就仲好！最欣賞佢係畀人自己帶食物嚟燒，但係唔另收費，呢點好好！ 同埋啲staff都好有禮貌，好幫手，服務幾好，唔錯 👍🏻

好耐無同爹娘去玩同燒野食🍢Happy Family Day💕趁好天一於近近地去天水圍依間環境超舒服既BBQ🙆🏼‍♀️每人有獨立區燒野食之餘，又有冷氣旅行車租，完全有哂私人空間！除左有得打下GOLF，仲有唔少戶外活動一家大細玩，夠消磨大半日。食物屬單點，唔係任食，相對高質。衛生環境都唔錯！推！秋天燒烤之選😎🙌🏻🙌🏻．by VIN環境分數: 8.5/10食物分數: 8/10

我最愛燒烤！只要天氣唔太凍唔太熱，都係bbq既日子！可以一家人一起圍著火爐燒烤確是一件幸福的事😍這晚我們一家人去了很近屋企的峻嶺燒烤場bbq，很期待呢！去到之後，先係收銀處嗰度選擇套餐，我哋選左一DD野食,其實我地得四個人，一定夠食啦。食物都非常豐富，包括彈牙海中蝦、蒜蓉半殼帶子、、蜜汁叉燒、雞扒、豬扒、蜜汁雞中翼、海鮮三寶丸、爆汁芝味芝士腸、雞肉腸、甜心番薯、香甜粟米及水五枝加罐裝汽水五罐。蒜蓉半殼帶子都幾大隻，而且充滿牛油蒜蓉味，帶子味道鮮甜可口，真係唔錯，另外，最要推介嘅係蜜汁叉燒，因為醃得非常入味，而且叉燒唔會太硬，肉脂相間，更有一陣炭燒香，非常吸引。呢度非常適合一家大細來玩，因為除咗燒嘢食，仲有其他兒童樂園、麻雀、風箏等等可以玩，hea成日都得！

夏天最適合嘅就係BBQ 㗎啦！今日難得Day Off，就同朋友嚟到天水圍燒烤場聚左一個夜晚。依度勝在地方大，環境企理，而且有啲嘢玩吓。平時去郊野公園BBQ，總係要準備好多野例如炭、燒烤叉、炭精、紙巾、餐具等等，呢度就好方便啦，啱晒我呢啲怕麻煩嘅人！啲炭精係好搶火嘅酒精粒，我係透爐嘅初哥都冇失敗。依度都幾多野睇,不過我地依D懶人坐低就燒野食LU我哋叫咗好多野食，飽到食唔晒！平時燒烤好少燒海鮮,估唔到原來帆立貝,青魚,多春魚都幾好食架。尤其係加左蒜蓉好惹味。雖然係叫海鮮餐，但係其實重點依然係肉類。肉類以雞為我嘅最愛，單係豬扒就有蒜蓉豬扒,燒汁豬扒,蜜汁豬扒種醃法，肉質鮮嫩。蜜糖脆皮腸都幾特別，比起一般嘅香腸美味！呢度冇限時，人唔係好多，如果係一大班人gathering會幾唔錯！

好耐冇燒過嘢食，睇天氣報告話weekend會無咁熱，咁就梗係要去燒嘢食啦，一行6人，最後揀咗嚟呢度，貪有山景同埋朋友話好企埋。喺天水圍站行過嚟，好快趣就到！下午黎到未天黑,可以玩下依度既設施先,巴士幾靚幾得意,附近山坡影相都幾開心之後到夜晚先開始燒野食,同平時啲燒烤場唔同，呢度每張檯都有個號碼，唔需要爭檯，檯與檯之間又唔迫，感覺都好舒服坐咗陣，起咗個爐之後，啲食物就ready了。服務員會拎D食物比我地，唔同嘅食物用一個啤咗口嘅袋載住，袋面有張印咗食物名嘅貼紙，感覺衛生好多食物醃得超入味，但唔會一味得個鹹字，至少燒完當晚都冇超口乾，呢樣真係好重要！黑椒雞扒好大塊連雞皮，就咁睇貓貓都問，好似唔覺有黑椒咁嘅？但原來一路燒一路都有黑椒味湧上嚟㗎！食落啲黑椒味好勁，仲有啲辣添！鮑魚呢種係好大條嘅鮑魚，平時比較少見，而且好好味添喎！好多時燒野食細路都會覺得悶，但呢度旁邊仲有俾細路玩嗰啲玩具車、籃球機等，的確做到大人細路都啱玩。

今個週末約左幾個朋友去天水圍BBQ,第一次來依個燒烤場，原來地方咁大，有好多設施可以玩，感覺好舒服，適合一家大細星期六日黎玩。另外仲可以book 私人車舉辦party。我地點左好多野食如果想另外追加，可以再到counter買。海鮮有鮑魚,龍蝦,虎蝦肉類有香草一口羊,紐西蘭羊架,黑毛豬架各類腸仔同丸，另外仲有粟米、甜薯等等。食物質素方面不錯，鮮蝦帶子夠大隻，肉類夠入味，份量仲好多，甜薯值得一讚！食到最後好飽，但見到甜薯好甜，我都忍唔住食晒佢😎最後食飽飽走人,再搭車返屋企

原定约了一班同學星期日出來飲茶聚會的、不過有人提議去BBQ喇!大家感到建議不錯! 地點選了天水圍峻嶺燒烤場、可以玩長些時間又可免去為食物做準備工夫!夠方更!是日、自已駕車來到、車位充裕、非常方便我們選了一些食物,價錢合理燒野食之前先讓小朋友玩樂,地方夠大,大家都玩得十分高興之後開始燒野食,食物有 ;黑椒牛扒,美國西冷扒.熊本一口牛,香草一口羊,紐西蘭羊架,黑毛豬架,鮑魚,龍蝦,虎蝦,鮮蝦帶子,帆立貝,青魚,多春魚.牛扒味道新鮮,肉質鮮嫩,燒的時候要留意火喉,否則便浪漫了食物.龍蝦,虎蝦鮮味也是十足.全部都是新鮮食材.羊架入口不羶,肉味也是十分香餐具非常齊備 ! 整潔衛生 !下次會再來

今個週末約左幾個朋友去天水圍BBQ,到達後可以係counter先買餐後入座。第一次來依個燒烤場，原來地方咁大，有好多設施可以玩，有飛標、有兒童遊樂場，感覺好舒服，適合一家大細星期六日黎玩。另外仲可以book 私人派對房舉辦party。我地點左好多野食如果想另外追加，可以再到counter買。海鮮有蒜容粉絲帶子、青口、蝦，肉類有蜜汁叉燒、香茅雞扒豬扒、雞翼各類腸仔同丸，另外仲有粟米、蕃薯同蜜糖等等，每人一罐飲品同一支水。食物質素方面不錯，蒜容粉絲帶子夠大隻，肉類夠入味，份量仲好多，蕃薯值得一讚！食到最後好飽，但見到蕃薯肉好滑好甜，我都忍唔住食晒佢😎最後食飽飽走人,再搭車返屋企👍🏻