峻嶺高爾夫球練習場及燒烤場 (已結業)

趁住仲未完全轉秋天，梗係要捉緊夏天的尾巴，抓緊時間BBQ。今晚實在太好了，可以約齊屋企人，一齊去峻嶺燒烤場燒嘢食，好耐都冇試過同屋企人燒嘢食啦。我地由天水圍坐的士去，好快就到啦。入到去，就去服務台嗰度攞枱，跟住再去order咗嘅食物，食物非常豐富，海鮮肉類丸類乜到齊。食物來講，所有野都醃得非常入味，最鍾意食黑椒牛扒,美國西冷扒.熊本一口牛，熊本一口牛非常突出，而且軟腍多汁。蜜汁豬扒肉質亦係非常軟腍，味道惹味，而且係半肥瘦，真係好吸引，仲有紐西蘭羊架，燒咗佢大約15分鐘，就可以，肉質好嫩，好正！