峻嶺高爾夫球練習場及燒烤場 (已結業)

趁天氣未熱，我地一家大細、兩老加幾個小朋友就BBQ下。 中午去到，好熱…即場BOOK左架冷氣車，D員工真係好好笑容。兩老本身比較多要求同心急，成日都話D員工，但D員工竟然好有耐性同禮貌咁去處理佢地啲問題，真抵讚，講真有時我都頂唔順佢兩個。開埋BBQ個脹薘真係舒服好多，唔曬又唔熱。而且老闆都不時同客人傾計，關心下客人，呢一點係香港真係好少見了。而且仲好老實，問有咩食物介紹，唔會剩係推啲貴野，真係會話你知咩好食，唔係話樣樣都好食。最後我地叫左個6人餐，份量都夠，我都仲額外叫左少量海鮮，佢嘅牛扒同川味雞翼真係無得頂，個西冷加啲岩鹽簡直正到不得了，但佢地就無麵包同棉花糖，有啲美中不足。好彩佢有燒烤網，就咁放上去就得。我地玩足全日，走嘅時候，仲會問你有咩可以改善、要唔要CALL車電話同SAY GOODBYE。真係覺得好貼心。

捉住冬天的尾巴😛襯著仲有涼意帶埋狗仔同屋企人去咗bbq。其實都幾即興既，前兩日先有依個諗頭，即刻上網搵下附近有冇燒烤場。雖然住開元朗個頭，但係附近啲燒烤場真係去唔落又迫又唔好食，帶狗仔去真係唔敢放佢周圍走。咁啱見到依個燒烤場喺天水圍都算近我，揸車15分鐘就到。本身咁趕都驚冇位，點知打去又有喎，仲好好WhatsApp follow up返問我有冇帶寵物添。我地一家人帶埋狗仔揸車去，又唔會話好難搵既，因為之前whatsapp員工都有圖文並茂俾底地址。我地跟住google map去到之後，先發覺天水圍都有啲咁既地方又幾空曠，狗狗一見到都周圍跑，都啱既俾佢放下電。我地一家人 叫咗個6人海鮮餐盛惠$1200，聽到個價錢打咗個突，又要比入場價又要買嘢食咪好貴？！點知原來個入場費就係可以用返黎買嘢食既。因為成家都係食肉獸，媽咪又驚燒烤場啲醃肉唔好食，自己偷偷地帶咗啲入去。點知原來燒烤場係可以任你帶飲品同食物。燒野食就梗係要燒雞翼啦，本應諗住一黎試下媽咪手勢，仲讚佢醃得好入味同埋檸檬雞翼有新意。點知媽咪話佢醃咗蒜味雞翼咋喎，邊有落檸檬啊。原來個雞翼係本身個餐既，真係幾好食，完全唔係平時燒烤場啲水準黎，

之前去開嘅BBQ場都係任食，係唔錯嘅，只係食物選擇唔多，食黎食去都係個啲豬扒牛扒..而且大家知道係任食，次次都逼自己有咁多食咁多，搞到個胃勁辛苦，仲要食黎食去都係個幾樣…今次好難得搵到個場係可以俾人自己帶野食入黎，而且唔係任食，價錢合理就食得無咁大壓力啦~最令我意外係竟然有海鮮，款式仲要唔少..味道都唔錯~完全加分啊 ! 我最鍾意食個黑毛豬扒、豬頸肉 、大蝦同甜薯。個到夜晚個景好靚同好開揚，一邊燒野食一邊睇景真係好舒服! 重點係啲職員態度好好，我地得兩個人燒都同我地有講有笑，又同我地介紹有咩玩，無因為我地消費唔多而有差別待遇，最重要係我2個BB係個大草地玩得好開心，真心讚!個場除左有提供唔少CARD GAME外，仲有好多平時好少可以玩到嘅康樂設施，更特別係竟然有埋GOLF打!

見網上D人SHARE話幾好，就BBQ同個FD慶生。去到個環境真係唔錯，同D圖都一樣，因為D FD前後腳到，所以收費有D亂，不過D STAFF都幾有禮貌同細心，見我地有蛋糕會主動問洗唔洗幫手雪。因為我地成16個人，好彩BOOK左餐車，而且設施同GAME都多，架車仲可以播歌，班煩膠玩到勁嘈。入正題先， D食物都多選擇，D肉多款到連羊都有，而且有D調好味既肉類，唔會話唔入味夠味。重口味既，仲有調味料，可以自己調味。最後都嗌左勁多野，D SEAFOOD真心正，以為食肉獸上身，會唔夠食，不過食物份量都夠我地食。BTW如果有多D丸同麵包就好。不過入座果時最好早少少叫野食，因為都要等10-15分鐘先有食物。下次可以自己帶食物入去食住等。而且D STAFF真係好NICE，仲會幫我地影相。真心覺得唔伏，CP值高既BBQ，值得推介。

朋友食過吾錯，所以到我帶女朋友嚟試吓。因為今日喺我同佢1周年，佢又話想特別啲，2個人bbq夠曬特別啦! 揀呢到另一個原因喺有景影相，朋友話有好多打卡位。我女友其實都好港女，最鍾意影相打卡，本身佢已經詐型話1周年去bbq吾好架喇，但去啲貴價餐廳食真係好肉尺。一到步，睇完張menu之後，佢就叫咗啲霜降牛排、豬頸肉、海鮮、蝦、蠔，同(日本)甜薯，好彩啲嘢吾係周街都有，滿足曬佢港女心態。跟手就拉我同佢影相，好彩做定功課，影到咁上下，就埋位食嘢。啲食物又真喺幾好食，我個女友好嘴雕，佢居然讚啲牛排、豬頸肉同蟹蓋好食。夜晚啲燈光又夠浪漫，而且我預先買定蛋糕，叫人雪定，咁上下時間比個驚喜佢，咁先過到關。呢度啲員工家庭式經營，服務幾好，佢地重主動制個花花手環氣球送俾我女友，我都好識做見現場俾$20就可以親手制個香包，即刻制個送俾佢，我女友最後重讚我識揀，呢鋪掂哂。

小學雞聚會，揀左位於天水圍既峻嶺燒烤場，星期五晚收左工大家分批去。我地12人租左2個爐加一架BBQ車，叫左個6人海鮮餐，再散叫D豬扒、牛扒、雞翼....味道唔錯，當中豬頸肉同棒棒骨超正，另外帶子都夠鮮甜。野食方面都算多選擇，除左一般肉類之外，都有蔬菜，不過蔬菜方面就少左D選擇得粟米、茄子同甜薯，呢個有待改善，總括黎講食物價錢唔算貴。我地租左架BBQ車私隱度幾高，所以我地傾得好暢所欲言.。環境氣氛都一流，正！最後我地都食淨少少野。

晚上一班朋友燒嘢食，去了新開的燒烤場。食物好味和幾多選擇的，好似自己外帶食物飲料都唔收附加費。最重要是環境優美，可以遠望對面深圳。個炭爐好大，又有個網提供，唔使叉住燒咁麻煩。 因為是天水圍關係，地方真是好大，空氣好，有好大片草地，真是《一片綠油油，心曠神怡》。

星期日教會攪咗個gathering去BBQ, 因為教會係天水圍所以我地都係搵返天水圍區嘅BBQ 場，最後我地揀左呢間。因為新開，初頭都擔心個水準，但居然喜出望外，各方便嘅安排都唔錯。特別係佢地嘅員工，服務好好，我之前用whatsapp同email同啲員工溝通，覺得佢地好體貼，例如泊車、打Golf、食物飲品等安排，會有專人send個list俾黎問清楚，好organize。我地一行90人原本預留左15個燒烤檯，但我地最後只係用左9個，因為佢一個檯真係好闊落，唔似出面嘅燒烤場咁逼埋坐。啲食物質素幾好，我地自己都帶左好多食物去燒，放心無額外收費。個日玩得好開心，我諗住聖誕同屋企人再黎過。

一大班朋友聚埋最好就係燒野食,近日發現有新地方,就係天水圍既峻嶺燒烤場喇。燒野食最好就係唔駛自己醃野食,根住自己拎去,如果食唔哂又要自己拎走。峻嶺燒烤場雖然係新開,但都冇呢個問題。入到去比完錢,職員會比代用劵,買食物同飲品就係要用呢D代用劵。揀好食物,就比返D劵BBQ場既職員,隔一陣就會拎野食過黎。味道OK,份量都OK

食物方面選擇幾多，有海鮮，基本肉類（棒棒骨個名好得意仲好好味XD！） ，蔬菜，而令最我有驚喜既係雞翼，佢有成4種口味可以揀！我自己就比較鍾意檸檬味雞翼，味道幾特別又好味，出面食唔到

朋友生日想燒野食，主角住係屯門唔想去咁遠，上網搵吓附近邊度有燒烤場。主角指明唔要任食同坐得舒服，見到呢家新開張，環境同坐位都好似好寬敞，同埋唔係任飲任食，所以最後就揀左呢間。我地帶左蛋糕，麵包，水果同棉花糖入去，開頭都擔心燒烤場唔准攜帶外來食物，驚佢有額外收費，點知個老闆話唔會，只要我地俾左租爐費每人$150就得， 而$150仲可以用黎對換成coupon換領佢地供應商提供嘅食物。佢地嘅食物都幾好味，特別係豬頸肉、棒棒骨、蟹蓋同日本甜薯，真係幾好。環境相比其他燒烤場舒服好多，個空間好大，唔似其它燒烤場咁擠逼，我地一行5人有一個平台。每個台兩旁仲種左白蘭樹，鬼死咁香。主角好滿意我地嘅安排，要求出年再黎過。值得推介俾大家嘅燒烤場。

一大班fd搵地方燒烤有時都幾頭痛，近排就搵到間係天水圍新開既燒烤場，由輕鐵站行過黎都要十分鐘左右，行到球場附近有少少蕩失路，好在路口有牌寫住高爾夫球場。因為高爾夫球場係燒烤場隔離，所以我同幾個fd早黎打左兩個鐘golf先，環境幾好唔多人，個景可以望到深圳果邊，口渴都可以call人送野飲。開始天黑我地就去隔離場BBQ。可能新開關係，環境同衛生都做得幾好。野食方面，佢要比人頭計$150既租爐費，之後會有番$150 coupon去買野食。豬雞牛海鮮都有，最好係佢用網燒，唔洗拎住燒。可以試下佢個一口肉，有幾種味揀。我地就要左香草羊同沙爹牛，咬落去好稔好入味。下次應該會再黎同朋友慢慢hea成日~~