屏山老地方

营业中

休息中

今次再去到天水圍拜四面佛，完成，後原本想去華嫂冰室吃個午餐，可是人真的太多了，於是便走去人不多的屏山老地方，吃肉餅飯六重芝士肉餅。芝士份量不少 肉餅的肉質尚算嫩滑，可惜菜心是凍的，而且飯應該是水份太多，吃起來很淋，完全沒有口感，吃肉餅如果不伴飯， 只吃肉餅，感覺真的漏， 在沒有吃飯的情況底下我不能吃完整份肉餅。另外牛角包外面很香脆，可惜內裏的沙爹牛肉也是凍的，令到整件事口感奇怪。朋友吃的芒果肉餅我沒有吃，如果路經這裏吃個午餐，也可以，但如果山長水遠，到來屏山吃這個肉餅，我想就不用了。

第一次寫食評 就由我最鍾意嘅餐廳開始講起喇屏山老地方 係近期冒起嘅一間茶餐廳主打各款唔同口味嘅肉餅肉餅嘅種類 真係有成十幾款咁多而且每一款嘅口味都非常之特別今次試嘅第一款係榴槤煎肉餅 千祈唔好畀個名嚇親 平時對榴槤嘅喜愛度只屬一般 不過見咁有特色就一定要試下 肉餅外面煎得非常之香脆 裏面嘅榴槤係凍凍嘅 形成冰火嘅強烈感覺 估唔到甜甜嘅榴槤同鹹鹹嘅肉餅都幾夾 未試過嘅朋友真係可以一試第二款係口水雞肉餅 口水雞肉餅當然就係辣辣哋㗎啦 食得出有四川風味 不過好辣嘅朋友可能就會覺得唔夠喇 整體感覺尚好下次有機會 必定會試埋推介嘅牛角包 同埋黑炭包我想必定有好大嘅驚喜

小時候住在屏山，所以對這裡特别有歸屬感,最近聽聞這裡開了間快餐店,賣肉瓶賣到要排隊,也不接受book 位,所以上星就约了幾個朋友一齊去食lunch, 果然要等位,等了大半小時左右,入到店就像—般快餐店,座位也很迫我們叫了三個肉瓶飯,芒果肉瓶,荔枝肉瓶,馬拉蓋肉瓶,味道果然出眾,意想不到的夾,外脆內嫰帶着肉汁,正豬扒包,包很鬆脆,豬扒再配微辛的介辣汁

屏山有幾間小店間中會幫襯，老地方係其中一間，原來而家只剩下新舖，除左肉餅，仲有撈麵同蝦堡，望完一輪，都係揀番麻辣牛肉煎肉餅～～～之前同朋友食過榴槤煎肉餅，榴槤夾喺中間似芝士，溶溶地，肉餅咸味加生果甜味，都係覺得怪怪地。另外有個孑然羊肉煎肉餅，孑然香味好重，無乜羶味，肉餅泥講都算特別。不過最得我歡心嘅都係麻辣牛肉。肉餅即叫即煎，大約等八至十分鐘，熱辣辣上碟，未食已經有陣花椒香味，外層煎得香口，入面有粒粒肥肉同筋位，鬆軟juicy得泥又有啲咬口，加埋啲麻辣香料，好惹味，又唔會話辣到食唔到。不過呢款肉餅味道較濃，食到最後有啲咸，好彩有幾條菜中和下。整體味道中上，唔知麻辣係咪會上癮，成日都心思思好想食～

今日一心唸住入元朗食烤魚煲, 可惜執左, 而家真係生意難做! 所以我地就轉軚入左去屏山食肉餅飯, 知道哩間餐廳好耐, 但係平時唔順路, 所以一路都冇黎試過! 大約八點去到, 都好多人坐係入面仲食緊, 同埋好多人係門口等緊外賣, 生意真係好好呢.....每日都有幾款廚師推介, 我地去到時只係賣淨四款, 個四款都唔係太吸引我地, 所以我地叫左餐牌個啲, 肉餅飯由$39起, 好抵呢...我唸最貴應該係六重芝士肉餅飯$60, 本身我都想試, 但係咁夜食啲咁溜咁滯既野, 我驚我消化唔黎, 所以我叫左最基本既香煎鹹魚肉餅飯, 老公叫左香辣醬牛肉煎肉餅飯! 加 $11 可配野飲因為係生煎肉餅, 所以都要等一段時間先上到枱, 個鹹魚肉餅一上枱, 就聞到好香, 同埋好大塊肉餅呀! 唔使落豉油都已經好夠味! 我平時唔鐘意食飯, 都差不多食晒呀!老公叫既香辣牛肉煎肉餅飯, 黎到既時候, 冇鹹魚個款咁香, 但係一桔落去, 已經有啲辣汁出黎, 初時以為會好辣, 但係食落又ok wor...有少許辣辣地, 幾香口, 用黎送飯都係一流! 老公好滿意哩間肉餅飯, 食完已經問幾時會再黎食過, 話已經上左佢既返斗排行榜添

今日成7個朋友一齊食,就叫晒店推介的餅和包。最出色的是六重芝士煎肉餅,真係芝士愛好者係天堂,啖啖芝士香味。芒果肉餅飯如常咁好好忙好好送飯,芒果同肉餅味真係好夾包我就覺得普通少少。

今天下午茶時間到屏山老地方，見到咁多人排隊就試下，叫左個皇牌蝦堡牛角包，一試就覺得好好食，厚厚的蝦肉，好爽口彈牙，牛角包好鬆軟，絕對值得一試，見佢間鋪出名肉餅，下次會再來試。

話說 屏山不只有華嫂 其實還有很多隱世食店的🙆🏻-屏山老地方最出名是以時令水果入饌 例如榴連肉餅飯而我今次選的是芒果肉餅飯和孜然牛肉肉餅飯價錢又是忘記了😂 不過大約是40多至60多hkd視乎是那一款-芒果肉餅飯 ($53)是抱著半質疑的態度叫的 因為完全想像不了味道😂 不過吃起來是挺好吃的 沒太大的違和感酸酸甜甜的芒果配上咸咸的肉餅飯 會令人有開胃的感覺-孜然牛肉肉餅飯孜然粉的味道和牛肉很般配 而且沒有搶走了牛肉的肉味 反而更令牛肉肉餅的味道昇華了 而且這個肉餅的質感是很彈牙的 亦很好下飯🙆🏻-溫馨提示: 肉餅飯是11點後才開始供應的

仲記得個日因為陪媽咪入元朗搵丫E拎野,就順便周圍行下啦,一向都知元朗出名多野食,比我地見到有間個招牌幾特別既餐廳，就入去食啦！哈哈～～好似人地學功夫個Ｄ門牌！好有特色哩個肉餅飯好出色丫，肉夠厚，味道仲好JUICY，仲有少少SPICY，好好味丫！連我媽媽都讚好味．．奶茶味道好香濃又香滑，飲完一杯再想叫多杯！

冬蔭公雞翼配哈哈笑 $36評分：🌟🌟🌟-可能不少人聽過呢個地方肉餅出名，但呢個小食個名都好吸精！因為真係冇乜邊度有🙊冬蔭公加雞翼，到底係咪真係有冬蔭公味？答案係有架！一啲都唔淡茂茂，皮同肉都入味，而且依然皮脆肉嫩添～哈哈笑有唱過k都應該有試過，但個人覺得呢個薯炸得脆脆地唔淋又幾香薯仔味，下次黎到又多個選擇喇！-----六重芝士煎肉餅飯 $60評分：🌟🌟🌟-介紹完個度既開心大發現之後，又試翻肉餅喇🎃六重芝士肉餅真係有好多芝士，芝士味係cheese burger個種味道，非常濃厚。肉餅都好鬆化，啲肉唔會硬死一塊，但因為芝士太香既原故，比較之下肉餅就略嫌煎得唔夠香喇，如果再煎燶啲咁就好了～呢份野不論係芝士、肉餅定飯既份量都好多，怕膩既小朋友最好就同朋友些牙喇🙊-----芒果煎肉餅飯 $53評分：🌟🌟🌟來自：屏山老地方（元朗）最後介紹埋呢度招牌- 芒果煎肉餅飯喇！🎉個人比較抗拒煮過既生果，因為好多煮完陣酸味都會完全坦誠流露，但呢個芒果可以放心，因為佢完全唔酸，小編係可以接受地食哂。肉餅依然係好大塊好鬆化，而且比芝士個個煎得更香口😋呢個岩岩好其實呢個對細胃既朋友相對食用既耐久力可以強啲，因為冇咁

其實呢間都開咗一段日子, 朋友常常推介, 又老是說咁出名又住得近仲乜唔食呀?! 所以是晚就嚟呢度買外賣回家晚餐~結果.....一試愛上!!!點了兩個肉餅飯, 因為係生煎的所以都等咗幾耐, 好彩當時人客唔多, 店員俾我响店內等, 唔駛响店外餵蚊 (下次我會打定電話嚟order or索性坐低食~)攞上手已知份量唔少, 回家一打開....嘩, 駛唔駛咁大件咁多飯呀 呢個芝士肉餅真係份量十足, 兩塊半吋厚的肉餅夾住中間的芝士, 肉餅鬆軟有肉汁, 唔會乾爭爭, 芝士超香超多, 飯有足足三碗, 仲有幾條菜心....呢個份量, 令我可以分一半做明天的午餐 (同事見到超羨慕~)老公揀咗呢個, 初時都以為冇咩特別, 但食落又好正喎, 海苔唔係淋响面, 係平均分佈响肉餅內, 成個肉餅都有好香海苔味, 好好食, 老公食得晒!  (明明佢嗰盒飯好似仲多過我嗰盒...)呢度勁多款肉餅飯, 下次再嚟試多幾款~

朋友介紹的小店，門口長長的人龍，等了差不多20min,終於有位本身諗住試其他肉餅，但朋友極力推介，芒果肉餅，好似好奇怪甘，不過推介就試下，肉餅煎得香脆夾住半件芒果，食得出應該係人手製的，芒果汁同肉汁融合一齊，果香味好重，從未試過的，好好味！

聽同事講屏山肉餅飯聽了幾次，今日終於有機會去試試，因為揸車去，泊位有點麻煩。可先打電話問問泊車的詳情。餐廳就在路邊，相片是走時拍的，門外已經有人在排隊。由於午餐時間尚早，店內未算多人。餐牌可在門外看到是日推介，當然除了這些還有其他的選擇啦。看完餐牌，最後決定要試試這個松露芝士牛肝菌煎肉餅飯。賣相並不算精緻，一碗的白飯配一塊肉餅及少許生菜。上枱時已聞到松露的香氣，而肉餅表面煎得金黃焦香，能看得出有菇菌及芝士的。肉餅的質感結實，雖然表面煎得焦香乾脆，但內裡並不乾身，而已肉質亦不會老。牛肝菌特有的香氣，並不算濃烈，但香氣仍然持續散發。咬一口，口腔內有松露，牛肝菌及芝士的香氣，焦脆的表皮加上香軟的肉質，味道跟口感方面都相當滿足。

星期日,happy family day,諗住同父母試下屏山名人所開的新café,點知摸門釘。好在屏山都有其他好野食,於是我地無心插柳下就食左”屏山老地方”啦早在佢仲係舊址既時候已經一路想食,但次次都唔啱時候,好多人等。今次等左15分鐘左右就入得去啦,新舖有兩邊,我地去左果邊係冇收銀既,所以食完之後都會去返另一邊埋單。我地果邊有11個位左右,迫又唔算太迫,但如果個個都係男人,地方就窄d啦我地3個人分別叫左3樣野,本身媽咪想試蝦堡,但咁啱冇晒,唯有叫3個肉餅飯叫左芒果煎肉餅,松露牛肝菌肉餅,同六重芝士肉餅好香,芒果唔會太酸,少少酸酸甜甜幾醒胃,同表面香脆既肉餅好夾,但朋友之前食係芒果蓉,今次我地係半舊芒果既一上台就聞到好香既松露味,牛肝菌就咁分開食冇咩味,但整體唔錯,肉餅唔乾兩塊厚肉餅，裡面有芝士，頂上面又有芝士碎,賣相吸引。雖然食唔出係咩芝士打咩芝士，切開仲有少少拉絲,其實一啖食唔晒兩層,中間有層芝士脆脆地,好似芝腿法包既感覺,芝士味濃,鹹鹹香香,但又唔會覺得膩。不過食完大半之後,突然覺得自己好似食緊pizza 咁3個肉餅都好好食,肥瘦肉份量平均,食落好有口感,又keep到肉餅應有既j

一入餐廳，電話不斷響起，不少食客查詢店地址，其實只要由老店走向馬路方向便可以找到。 老闆娘不嫌煩的引領路痴fans重歸正途。香港不少舊鋪搬新店後，裝修後總是風味不再，元朗恆香，永年士多就是好例子。而這樣雖然是新店，但裝修仍然簡樸， 食物質素仍舊保持高水準演出。更欣賞的是屏山老地方的人情味尚在 。服務有禮笑容在常在，像一家人般。是次午餐選擇了全新菜式芝士榴槤煎肉餅飯， 榴槤 十分足料，未上枱已經傳出香氣撲鼻的榴槤香，芝士十分香濃，令主角肉餅入口更有層次。加5蚊仲有一杯香滑的熱茶走。超值。