屏山老地方

营业中

休息中

終於有機會去一試呢間聽說了好久的肉餅飯專賣店。Menu基上係會煎肉餅，配料繁多，想像以內同外都有。 原本想一試榴連肉餅，可惜已售罄，唯有試下是日精選加皇牌芝士。我地5個人叫外賣，一人揀一款，不吃豬的與飯無緣，只可以吃蝦寶。 XO醬海參，松露牛肝菌，馬拉盞吊片，皇牌芝士。 總括來說，它們之間嘅味道沒有大分別，因為可能本身醃製咗嘅豬肉偏咸，配料嘅味道都被淹蓋了，肉餅只覺外面有點油而內裡好乾。 皇牌芝士更咸，吃一口已經不能再吃下去。意外地，蝦寶十分美味，用料夠，味道剛好，配合新鮮生菜加上鬆軟牛角飽，確實好吃！ 可能外賣對食物質素有些影響，但整體而言及對肉餅嘅情意結，下次還是會來再試堂食的。

放假與家人來到老地方吃午飯，點了餐後正考慮點什麼飲品，老闆見我們非常渴望再嚐沙冰的味道，便特意在寒冬裡製作了椰汁沙冰及芒果沙冰給我們，這刻感覺非常溫暖，屏山老地方除了肉餅飯好味外，老闆及店員的待客之道是值得一讚。

又又係老地方早餐時間，今次食佢嗰兩款名物食到有啲厭厭地，時間又黎到十一點幾，食番佢十一點打後先有嘅雞卷先，印像中呢個雞卷係第二次食，仲記得上次個雞卷汁多味美，啲餡多到幾乎從雞卷嘅兩邊迫出嚟咁滯，今次呢個就好似少咗啲雞肉，多咗燈籠椒，汁黎講都係多到滴嘅，呢個就係我咁鍾意老地方嘅原因喇。

屏山老地方係我近期嘅至愛， 基本上星期六日嘅午餐都係喺呢度包辦。呢度最出名嘅食物， 就一定係各種唔同款式嘅肉餅。 呢度嘅肉餅出色嘅原因， 係因為有成二十種唔同嘅口味，由傳統嘅鹹魚 、土魷，到創新嘅榴槤、 咖哩, 基本上你諗得到嘅配搭 ，呢度都有機會食到 ，不得不佩服大廚嘅創意。 雖然有啲肉餅聽落個名好似好怪 ，不過出乎意料地咁正咁match。今日就食咗魚香茄子肉餅， 魚香茄子肉餅嘅size好大， 而且有兩塊之多。 一睇就知道煎得非常金黃香脆。 一食落口， 鹹魚味湧出來， 雖然茄子絲唔算好明顯， 不過味道上大致都同魚香茄子好相似。 肉餅肥瘦適中， 唔會食到有肥膏， 亦唔會好硬身， 食落仲好juicy。 呢度嘅肉餅飯都會搭幾條菜心， 菜心都算鮮嫩， 嫌白飯太單調嘅都可以加啲秘製醬油， 唔會太鹹， 食落有啲似鹵水汁。基本上每次食肉餅飯有驚喜之餘，質素都keep到， 黎元朗行開山嘅話， 不妨支持下呢間小店。

又係老地方早餐時間，前排迷戀過一輪嘅香葉辣肉碎撈麵，今日攞佢嚟試下做湯通粉先，俾啲湯稀釋過之後香葉同辣肉碎味都淡咗少少，不過好在個湯都夠味，彌補到不足，算係另一隻食法囉。

今日又嚟到我至愛嘅老地方，食咗佢哋呢度啲獨門野好多次，今次特登試下啲其他茶仔都有可能食得到嘅嘢先，酸辣肉醬米線上面嘅係酸菜同埋大量嘅肉碎，肉碎半肥瘦，雖然可以增添口感但係亦都會增添內疚感，湯底方面酸味係強勁過辣味嘅，唔酸得嘅朋友就諗諗喇。

這次到屏山文物徑郊遊, 見盡沿路古色古香的文物古蹟, 當然要趁機品嘗屏山名物, 即係肉餅喇!意想小到的, 在此平凡小店. 竟會獨創出口味多變的肉餅, 多元化嘅配搭, 簡直令人嘖嘖稱奇!!!是次所點的奇亞籽番石榴汁, 酸甜. 清新,解渴之餘仲令食慾大增!先試下朋友的六重芝士煎肉餅, 成個肉餅簡直邪惡之極!兩層重重肉餅, 上中下各鋪滿黃金色的車打芝士, 一舀落去仲有拉絲效果添!不過咁多芝士難免會有啲油膩, 應該卡路里爆晒錶, 所以都係岩大胃王品嘗。而我呢啲榴槤迷, 點會錯過榴槤肉餅呢！雖然等到朋友都差唔多食完, 但絕對值得! 一出餸嗰下, 就馬上飄來強烈的榴槤香, 真係聞名不如見面呀！肉餅外層煎到充滿焦香, 中間夾住厚厚一層呈淡黃色的果肉, 一食落口,味道真係非筆墨能所形容，肉餅唔會散開, 依然充滿油分, 啖啖肉, 與新鮮幼滑的榴槤果肉配搭, 兩種口感同時交織, , 一鹹一甜估唔到會咁夾!!!而且榴槤味相當強烈, 食完依然縈繞不散...!!!

是日午餐 肉餅飯既人氣 其實極高元朗屏山 臥虎藏龍 唔單只得(華嫂)重有呢間 屏山老地方這裡有好多款肉餅可以選擇 諗得出都有 例如：榴槤肉餅 ﹏重口味之選 店主推介 另外 重有 芒果肉餅 亦係創意之選而小弟 當然 㨂了 最愛既芝士做配撘六重芝士肉餅飯 堅係好食 真有六種芝士層次既味道 大家唔信 既 要黎食下六重芝士

屏山老地方果然係肉餅王款式多不在話下仲有好多新奇配搭crossover 芝士、芒果、榴連....不過同行食友膽細唔敢食太新奇咁一於食返傳統款式啦！2個人咩都想試咁一於咩都叫黎試下啦！鹹魚雞粒煎肉餅飯肉餅厚度適中並唔係薄過紙又唔係厚過電話薄，煎後仍有肉汁。飯落水多左少少變得比較淋無左咬口，由於係即叫即整所以熱度足夠。蘿蔔冬菇肉碎銀針粉𥄫晒全場都唔見有人食銀針粉但又好鬼想食本住搏一搏又比我搏到喎，湯底夠晒味加埋辣菜莆就更good fit！唯一要扣分既係比較多油。蒜爆雞軟骨如果要比較呢個就失色啦，炸得唔夠乾味道唔吸引止口痕就可以。吉列蝦堡牛角包由於個包係食到中段先到所以排到尾先食，去到呢個moment其實個胃已經無位放...唯有盡最後努力放埋入去，咬第一口就後悔點解唔第一時間食因為原本鬆脆既牛角包開始有少少淋，咬每一啖都食到蝦肉，值得再食！椰汁沙冰椰汁味濃郁啖啖透心涼。

佢有好多款肉餅, 有D 係幾特別,可惜都是我唔食的, 所以只試左好普通果D 款咸魚雞粒肉餅飯: 應該全部即叫即煎, 我就中意蒸多D, 煎就油左D LAW, 同埋D肉餅都幾多肥肉, 食落有咸魚味, 咸咸香香咁, 唔使加豉油都夠味。飯就硬多D, 林番少少好D竹炭芝士火腿包:好大個黑色GE包, 仲係暖GE, 不過因為中間D 餡係凍, 所以個包都好快凍, 要盡快食, 包幾鬆軟, 夾著大大塊火腿, 不過芝士味就唔夠出, 整體不錯

聞名不如見面! 身為榴槤狂迷既我一早已經知道有呢間屏山老地方，入面有得食榴槤煎肉餅（$60） 聽落個配搭無比奇怪，但一食之下真係好滿意首先個肉餅已經煎得好靚，脆脆的外表，而且仲保留肉汁，食落好juicy！ 中間夾著既榴槤蓉好creamy，而且份量好慷慨！食落非常豐富濃郁嘅榴槤香，身為榴槤迷大愛呀！榴槤 crossover 煎肉餅，一甜一鹹，亦非常新奇有趣，甚有火花， 個人好中意呢個組合！

其實唔係第一次食，之前食過芒果肉餅同麻辣牛肉肉餅，個人鐘意後者，隔左一排d朋友突然想食，於是又一齊食，今次佢地食梅菜肉餅，我一直都好鐘意梅菜肉餅，但屋企係食開蒸既，第一次食煎既。。。點知一食之下，好好味再加罐可樂chur chur 佢真係好爽。另外，炸雞翼都好味(相入面隻蛋係另加既)

有朋友帶路去元朗搵好野食，打主介呢間餐廳既肉餅，就去左呢間試試。一望個餐牌，除左驚訝，都係驚訝，一直以為得咸魚蒸肉餅或者冬菇肉餅，估唔到原來肉餅可以有咁多變化，而且有咸有甜，有芒果榴櫣等，大開眼界👀黑椒蓮藕雞粒煎肉餅飯平時少食肉餅，食個入門先啦，個肉餅煎得好香，外脆內軟，黑椒味好香，而且有蓮藕喺入面，帶少少爽口同非常有口感，味道好入味，一定要配飯食，真係幾好味！雖然位置不太方便，但味道真係好好味，值得揸車入去食下。

經過一輪的古蹟遊, 元朗街坊 C小姐 帶我們來吃 連發哥都讚的特色肉餅 ~Menu ~芒果煎肉餅飯（走飯）$48榴槤煎肉餅飯（走飯）$55實情是底面分別兩塊肉餅, 各煎香, 中間夾入水果餡, 肉餅有肥肉, 吃落是有些腍有些泡的口感, 肉餅的味道不會太鹹因為要突出水果的果味, 味道非常獨特 ~再喝一杯有夏日特色的 凍蘋果茶 .... 爽！小店還有多款不同口味、款式配搭的煎肉餅, 要完全吃勻除非是附近街坊 ~本篇完 ~

坊間比較出名嘅新派肉餅飯有兩間，呢日有緣試到其中嘅呢一間。由於為食豬係芝士怪，諗都唔使諗要試六重芝士肉餅，另外叫多一個是日推介松露芝士牛肝菌肉餅。芒果沙冰($20): 天氣太熱，要整返杯透心涼嘅飲品。呢個芒果沙冰凍就夠凍啦，可惜冰粒非常大，芒果味仲唔多平均。松露芝士牛肝菌煎肉餅飯($58): 肉餅同飯嘅份量正常，菜都唔少。肉餅煎得好香，但說好的松露味欠奉，有點失望。肉餅中間夾咗少少牛肝菌同芝士。肉係半肥瘦，比較油膩，加上芝士令成個肉餅都好膩。六重芝士煎肉餅飯($60): 共有兩塊肉餅，似乎比較抵食。芝士係邊六重就唔太清楚，但份量唔少，而且目測用咗3款唔同嘅芝士，原來肉餅同芝士係幾夾嘅。同上面個松露肉餅比，為食豬比較鍾意呢一個。但同上面個肉餅一樣，肉餅係半肥瘦而且食到粒粒肥肉，加上六重芝士更顯油膩。