屏山老地方

营业中

休息中

🧀🍛🍝同大家介紹一間外表唔起眼，但會令我一個月冇食都心掛掛既馳名肉餅飯😋呢度肉餅超多選擇(選擇困難症😝)放假去嘅話都有唔少人排隊架，店入邊就唔大坐得都有少少迫，但因為好食乜都抵番🤣呢個＂六重芝士煎肉餅飯＂係必食，肉餅煎完表面香脆，入面keep住肉汁，加上半溶芝士加片裝芝士配搭，d芝士流出黎架😱😍，整體味道更加香濃🤤👍🏻 🍔🍤🍯＂吉列蝦堡牛角包＂超正！烘熱之後個牛角包勁鬆脆香口，蝦膠好有彈性又厚，絕對冇欺場，又有疏菜平衡口感😋最難得係咬落去唔會成枱牛頭包碎🤣$35真係抵到冇朋友🤤👍🏻 ＂蒙古辣孜然牛肉煎肉餅飯＂個人應為肉餅加左牛肉會令到個飯有啲油，雖然好香但食落有d肥膩感。＂麻辣雞粒煎肉餅飯＂呢個又係勁正！雖然唔係好食得出雞粒，但佢嘅麻辣辣得好過癮，我仲打包返屋企添😝

搬咗之後第一次嚟食，而且女人未試過，所以帶佢嚟試下！原因搬到好近，好嘅地方係變咗兩間舖，最重要有冷氣啦而且環境乾淨咗。始於人氣高咗，一去到要等位⋯等咗半個鐘左右就入得去！食物質素仍然唔錯，維持到以前水準，並無因為紅咗就下降！以前就食開水果肉餅，但今次就無試啦，試下其他嘛！叫咗六重芝士肉餅飯同黑松露牛肝菌芝士肉餅飯畀我女人不過六重芝士肉嘅份量太少，唔夠喉反而黑松露牛肝菌有驚喜，黑松露味無遮晒其他食物味道！一切都配得好好！不得不提，芒果7喜好飲下次會再嚟。

其實天水圍區好玩好看的景點不少，上週六上完跆拳道，我們就馬上過來輕鬆吃逛玩，第一站由坑尾村的 屏山老地方／屏山文物徑開始。 屏山老地方 11時開始供應肉餅飯，正好兩兄妹上完課後開始餓，那就先去找吃的吧！坑尾村輕鐵站走下來，沿著綠油油的樹林路前走，再轉至下圖的黃色平房，根本上就很快到了～不少的平日早上，甜魔媽媽獨個去圖書館借還書後，都愛到這裡吃早餐。說過了，一直覺得公廁對面的舊店才是「老地方」，才夠風味；不過當掛念香口美味的肉餅飯時，雙腳還是不期然前來。老實講，新店又的確比老店乾淨企理又好坐，帶著小孩來會比較安心。這裡單是常設menu都有46款，加上幾款是日／廚師推介，有選擇困難症的朋友千萬不要來！十分傾情簡單無華的 香煎鹹魚肉餅飯 ($40)，已經第N度重溫，仍然那麼香口惹味，必試！加了鹹魚始終較鹹，帶著小孩又點了 鮮茄菠蘿腿蓉煎肉餅飯 ($40)，故名思義加了番茄、菠蘿、火腿等，味道沒那麼濃。最後是 榴蓮肉餅飯 ($60)，其實小店用的榴蓮算不錯，但這組合是否吸引就見仁見智，個人還是喜歡鹹魚肉餅飯多些，但至少都比榴蓮芝士肉餅飯好吃。打了底後，又去華嫂排菠蘿包了！

見到網上推介呢間餐廳，未來既時候都擔心會中伏，但食完之後有少少驚喜👍🏻 係一間我會再食既餐廳到達果陣，伙記神神祕祕問我地去唔去隔離果邊坐， 原來係見到明星係到拍攝！首先我叫左個六重芝士煎餅飯最表面既芝士 燒過後更加香同肉餅好夾，最底果塊肉餅煎至金黃色，非常美味一口肉餅夾一口白飯最好味👍🏻另外叫左個肉餅入面有芒果，雖然我中意食芒果， 但兩樣加埋有點奇怪🤔*提提唔喜歡 聞到 榴槤味既朋友，呢到未必岩你地，如果隔離台叫左榴槤肉餅飯，你就一定會聞到不過我就好喜愛榴槤 下次再去試食

今朝喺度食咗個早餐，嗌咗個沙爹牛肉公仔麵，轉咗腸仔煎蛋，個麵嘅麵質都算唔錯，唔會話淥得太林，個煎蛋做到我最鍾意嘅太陽蛋，不過個沙爹牛肉完全無沙爹味，攪到成碗麵都無厘味道，失敗。

星期日入左屏山探朋友三點三下午茶就睇下附近有咩食見到呢間小店有幾個人排隊就問下住係屏山既朋友得知原來依間小店係屏山都幾出名佢有幾十款肉餅比人揀咁下午茶我就食唔落肉餅飯就問下朋友有無其他野食佢話都有 所以就決定排隊等等左十五分鐘就入得叫左個吉列蝦堡牛角酥睇相都應該睇到個牛角酥幾酥個牛角酥入面有吉列蝦 沙律醬 生菜 蕃茄吉列蝦即炸起 熱辣辣個蝦膠一食都知有用唔少蝦去打美中不足係個牛角包唔熱應該係就咁放啲料入去不過入面材料豐富 可以搭夠總結支持小店 有心既制作下次再去屏山 一定會試佢既肉餅

放假又晏起身。男人晏就要食飯。就近近地去屏山食肉餅！今次再泥已經無左舊店。第1次去新店。坐位環境都好好多。但我都係鐘意舊店既感覺哇。多左好多肉餅同包！價錢同上次都係咁上下男人就叫左個咸魚雞粒肉餅飯。我就叫左個雞扒牛角包。個煎肉餅好大塊外脆內軟！又唔會好咸。係d飯麻麻淋左d！個包就麻麻。可能因為我走左醬既關係。不過食落去口感都幾豐富！番茄食落幾新鮮咁。每啖都會有料牙籤吉落個包直入底又唔會散係飲品要散叫。有d貴。其他價錢都ok！個芝士肉餅貴左d唔捨得叫。但上次食過都好芝士好正整體ok既。唔會趕客走。冷氣岩岩好。服務都好好。姐姐笑容滿分

六重芝士煎肉餅飯（$60）薑蔥蠔豉煎肉餅飯（$46）👅我好似好少介紹飯😃我平時又真係好少食飯😂😂但食肉餅就一定要送埋飯食先正😝突登黎到咁入為左個肉餅🙈🙈真係要我呢啲咁百無聊賴既人先做到😂肉餅有超多款唔同配搭，有啲奇奇怪怪聽都未聽過😅選擇困難症點簡好😂😂簡個招牌芝士就係must既，另外個蠔豉好似係新出🤔個六重芝士又真係芝士好重🧀半溶芝士加個一塊芝士😈😈邪惡地同肉餅又夾到喎😋但千其唔好獨食🙈會膩死😂同朋友仔分好一人一半兩隻味既肉餅就最good fit啦👯另外個個薑蔥蠔豉味就幾咸香👍🏻食到有一粒粒蠔豉😋唔會好咸，送飯唔錯🤗但都係芝士個個出色啲😎😎呢到既肉餅都厚身而且唔乾，少少juicy😁但試一次就夠啦，都比想像中貴🤔🤔係冷特別咁啫～

好多元朗友都大力推老地方嘅特色肉餅，今次終於到我同男友黎試一試！周末中午時份黎，唔太多人，等一兩張枱好快就有位喇！見佢個餐牌上推介，就試咗六重芝士肉餅！本身以為六重芝士係有六層咁誇張，諗住一定好滯喇。原來佢所謂嘅『六重』係有六種芝士整成，兩塊煎到金黃嘅肉餅夾住濃厚嘅芝士，唔洗落豉油芝士已經咸咸地，送飯一流！啖啖都咁好味！簡直係芝士迷大愛丫！！！對我黎講，真係唔算滯，係啲飯太多，建議下次嗌少飯！另外，芒果肉餅又係人間極品！肉餅搭芒果已經夠創意，仲要係好食！咸咸甜甜咁，味道好得意，甜甜嘅芒果搭配之下，肉餅唔會太油膩！唯一奇怪係，餐牌嘅肉餅明明係包住舊芒果，但我哋果個就係分開咗嘅，點解嘅？？下黎繼續黎試埋其他肉餅，呢度好搞笑，好似咩茶餐廳菜式都可以整肉餅咁，例如魚香茄子肉餅呀，麻辣牛肉肉餅呀等等。有排試啦~

前排見電視台又再一次介紹呢間肉餅飯，突然之間挑起條癮又想食喇！上次食唔到個榴槤肉餅飯，今次諗住再過嚟睇下有冇得食，結果都係食唔到！一場嚟度無理由唔食，所以照入去坐。佢個肉餅餐牌真係好長，攪到我花多眼亂唔知叫咩好！最終我叫左個芒果肉餅飯，個飯仲有菜心喺底。菜嘅份量都算多！芒果係夾左喺肉餅中間嘅，肉餅嘅兩邊煎香左，肉餅又夠厚，啖啖肉岩晒我d食肉獸！另外叫左個傳統野，叫左個鱆魚雞粒煎肉餅飯！個肉餅望落好似無芒果肉餅咁厚！佢個鱆魚雞粒係混左入去個肉餅裡面嘅，入面嘅料都好多㗎！食完個肉餅都飽左一大半，想試下其他小食都食唔落喇！肉餅嘅總類好多，所以要嚟多幾次先得喇！

前一排網上有人推介特色肉餅, 既然係屏山唔係好遠, 一於放假同老公試下有幾咁特色。天陰陰, 雨曚曚, 又好Q凍既情況下, 係天水圍西鐵站行去餐廳, 都幾遠下。11am開始有肉餅, 我地已經鎖定目標食榴槤同六重芝左既肉餅。佢既餐牌上面其實都有好多種類既肉餅, 既然黎到, 點都試下啲特所謂既推介啦。榴槤煎肉餅 - 我同老公都好鍾意食榴槤, 榴槤味聞落都幾勁, size唔算大, 一個女仔都食得晒。味道甜甜地, 老公覺得唔錯, 但我就麻麻地, 可能食開咸味肉餅, 硬係怪怪地咁六重芝士煎肉餅 - 其實佢冇介紹係點樣六重, 但我食到佢面頭有少少焦香味既芝士, 入面既芝士加埋肉餅一齊食我覺得好食過榴槤, 結果我食左大半特色歸特色, 肉餅我始終都係鍾意食咸旦蒸多啲, 不過下次都可以再黎, 試下其他都好。

隱世美味的肉餅飯專門店!! 屏山有一間小店，肉餅飯夾榴槤 夾荔枝 夾芝士… 種類多達60款! 我不太偏好肉食，但也視之為回頭食店，事關他們的六重芝士肉餅飯實在太吸引了肉餅雙面煎到金黃微焦，上下堆滿芝士絲和芝士片，芝味香濃，真的很好吃榴槤煎肉餅很想試，但晚上來的關係每次不是沽清就是暫停供應，總有一天要嚐到香辣菜圃煎牛肉餅飯又辣又爽脆十分開胃，小店東西經濟實恵，價廉之餘還吃得很飽最後吃一客蝦堡牛角包，這個特別喜歡，牛角包取代一般漢堡包更鬆脆香口，煎到香噴噴的蝦肉足有2.5cm厚，夾著蕃茄野菜寧舍一流地址：元朗屏山坑尾村42號地下（）營業時間：8am-9pm（星期五休息）電話：34800696前往方法：1. 港鐵 → 天水圍站 → 751路線輕鐵 → 坑尾村2. 港鐵巴士K65/九巴53線/九巴276線 → 坑尾村

山長水遠去到天水圍屏山，當然要睇睇附近有甚麼好餐廳。對這區的認識真的接近零，只好在 openrice 地址一欄輸入屏山；總共只有14個選擇，差不多全部都位於附近一帶的原居民圍村。既不想行太遠路、又要揀間有口碑的，最終選擇了「屏山老地方」。從天水圍西鐵站一路走過來，政府公共屋村在西鐵站的另一邊，這邊則越走越空曠，離西鐵站越遠、就越少高樓，四周所見都是兩三層高的丁屋，慢慢走了十分鐘就見到了小店。其實小店所處舖位本身就是一幢丁屋，只不過這幢丁屋剛好面向馬路（屏廈路），車輛可以直接駛近，感覺上就同普通街邊小店一樣；講位置真的相當不錯，起碼勝過一些位於圍村內圈第二三排的丁屋地舖小餐廳。門口擺放了一塊座地白板，上面寫了八款午市廚師推介，當中竟然有六個都是肉餅飯；不期然想起荃灣另一間同樣以肉餅馳名的小店。餐廳內的佈置比茶餐廳還要簡單，但尚算整齊、整潔。注意到牆壁上的一塊水松木板貼滿了照片，八卦看一下，竟然是野生捕獲香港人的大眾偶像發哥的照片。估唔到我哋嘅發哥鍾意行山影相去到這個程度，山長水遠跑去屏山。作為一間圍村小餐廳，少不了當然有各式公仔麵、三文治等等早餐必備選擇，也有一些特色小食例如土耳其風味雞

今日來到屏山本想吃華嫂冰室的名物， 可惜到達時已經截單， 失望之際遇上了專門吃肉餅的老地方， 看著也不錯決定一試。 店面不大， 店內早已九成滿， 不過座位尚算寬敞舒適。 看著大家都點了肉餅飯， 份量頗多，賣相亦佳， 可是我跟友人今天都不想吃飯， 所以點了蝦堡牛角包及火腿香芒堡， 另加配了芒果汁。 芒果汁先到， 大大杯很是討好， 可惜不是純果汁， 加了糖水， 多了份人工味道。 這個價錢應該可以做得更好， 建議做小杯點， 全用新鮮芒果制作， 不用加人工味道， 芒果本應夠香夠甜的。兩個漢堡接著到來， 內容豐富得令人驚喜。先吃牛角蝦堡， 烘熱了的牛角包口感酥軟香脆， 充滿牛油香， 沙律菜及蕃茄都很新鮮， 沙律醬下的份量剛好不會搶味， 重點的蝦膠扒十分足料， 肉質彈牙， 整個漢堡的材料配搭得宜， 非常推薦！ 接著吃香芒火腿堡， 用的是少見的麥包， 感覺多了份健康， 麥包烘得外脆內軟，完全不會乾硬， 火腿扒有著漂亮的肉紋，絕對不是便宜貨， 配搭著芒果同吃， 清新又多汁， 令人驚喜。吃罷已經很飽很滿足， 眼見別人的六重芝士肉餅飯相當吸引， 下次有機會一定要嘗嘗， 如果飯能轉麵包會更好呢！

屏山老地方的肉餅飯總是百吃不厭，除了它本身好吃，更吸引我的是它變化多端的口味，所以有空的時候我也會來捧場回味。芒果肉餅飯乃是屏山老地方經典口味之一，在開業至今仍保留的肉餅味道。肉餅夾雜著天然的芒果香氣，橘黃色的芒果果肉吃起來多汁又新鮮，與肉餅是最佳拍檔，令肉餅口感不單調。肉餅表面煎得有點焦焦黃黃很香酥，內裡保有鮮嫩的肉汁，非常有層次於嘴裡擴散，我禁不起誘惑即時吃了起來，不等待朋友的。超愛吃芝士的朋友點了這個六重芝士肉餅飯。這肉餅完全為她而設，裡裡外外都被芝士包圍著，且不只是一款芝士口味，而是六款。當肉餅的熱力微微把芝士熱熔的時候，芝士濃醇香味和肉餅互相融合，朋友就是最愛這味道。另一位朋友則吃芝士粟米草菇口味，香濃的芝士加上粟米，草菇在#肉餅 上面，朋友說溶化後好像在吃粟米芝士湯的味道，「芝」味十足且香甜，很對她的胃口。