屏山老地方

营业中

休息中

今晚晏左放工，又要飯盒兵團出動了，因為返工唔夠勤力既關係，唔夠錢食芒果肉餅飯，只能買個廚師推介：“黑椒牛肉煎肉餅飯”充飢吧，最最最估佢唔到既係，肉餅下面墊底既菜，竟然有半碟油菜咁多，店家充分照顧到多肉多菜呢方面既要求，肉餅就不用再多評啦，夠大餅，又夠好食，呢間專係賣肉餅的，我已經不只一次來嚐，唔好食又點會經常返來食呢？唯一要批評最唔好既地方係，就算店面人客唔算多，但由於係即叫即煎既關係，佢真係收到 order 先開始處理，所以等食係需要有耐心去等佢出餐的，對於唔知算唔算係違泊(附近村公廁外停)既司機就會比較性急了，因為如果係餐廳入面就望唔到抄牌的。（取餐時問過服務員，佢話下次其實係可以先預先打電話落左單先的）咁就唔使等咁耐了。$42   @ 屏山老地方

朋友有車，佢帶我地去試一試元朗既隱世美食。我地由兆康站出發，十分鐘左右既車程就到了，有泊車既地方，很方便。細細間既舖頭，都坐到幾多人，洗手間很乾淨，無咩特別裝修，最緊要佢既肉餅好食。我地叫佐榴槤肉餅飯，芒果肉餅飯同埋銀針粉。我似為係蒸肉餅，但原來係煎肉餅。中間夾佐榴槤肉，因為唔係蒸，係煎，榴槤仲係好香，無過熟無變酸。因為有豬肉餅，令到榴槤既味更香更甜，肉餅脆脆地好香口，估唔到榴槤同肉餅係咁夾味。鐘意食榴槤既朋友，要黎試一試。

午餐同事介紹呢間，要揸車去，地方幾隔涉，去到門面普通，入內茶餐廳格局，桌椅好迫，餐牌選擇多，啲肉餅嘅味道多到眼花撩亂，午餐選擇都好多，肉餅即煎，所以要耐心等待！口水雞醬蘑菇雞粒煎肉餅飯（$46）因為落錯了我個餐，自己唔喜歡口水醬味道（我唔食麻辣）所以扣了分，肉餅煎得香，有肉汁，夾雜啲彈牙菇碎（我食似係雞髀菇）口水醬辣辣麻麻！味道幾唔錯！不過不合個人喜好！飯鬆軟，菜心爽脆，少少豉油汁已好味凍胚芽紫地瓜（$19）第一次見咁嘅配搭，叫了少甜少冰，結果係太淡，淡茂茂嘅地瓜味同胚芽都無乜味！可能唔少甜會好味啲！同事叫：日式海苔帆立貝煎肉餅飯（$45）東坡肉腸仔飯（$43）蒙古辣孜然牛肉煎肉餅飯（$46）凍檸茶（跟飯$8）大話七（跟飯$13）店員落錯了我嗰個午餐（我本來叫6號，落咗4號）我想食大蘑菇呀～～，咁我又無睇收據，上咗切開先發現錯咗（因為同事都上咗啱嘅！）咁我係無同店員講，一來自己在店員上收據時無查單，同埋無時間再等重新做過！店員姐姐豪爽又唔催促！出菜勤快！今次食唔到心水味道！

今日山長水遠入到元朗，就係為咗食一個肉餅飯，朋友推介我試一試六重芝士嘅口味，但我就想挑戰最重口味嘅一款，於是我揀咗榴槤肉餅飯，上菜嘅時候買相其實好普通，肉餅嘅size唔算好大，但好厚，因為佢要將榴槤肉包喺裏面。一嚟完全問唔到榴槤味，但當我挖開中間嘅榴槤肉出嚟之後，即刻芳香四溢（對我黎講係）。剛剛食落口嘅感覺，肉餅兩面都剪到有啲脆脆地，但裏面嘅肉一啲都唔老，算係幾juicy，榴槤亦都係選擇好熟嘅果肉，甜味果味都好足夠，第一次食到熱嘅榴槤肉，感覺總是怪怪的，都係買個榴槤開來食好食啲。新嘗試，唔係話超級好食，但都可以一試嘅（如果咁啱住附近的話），前提係本身要鍾意食榴槤。

芝士蕃茄煙肉煎肉餅飯‧馬拉盞鱆魚煎肉餅飯 齋睇既定菜單都有咁多款，仲未計廚師即日推介，真係大開眼界！挑選咗一輪之後，決定同老公食芝士蕃茄煙肉煎肉餅飯同馬拉盞鱆魚煎肉餅飯，各share一半肉餅，試吓唔同口味。芝士蕃茄煙肉好似係西式口味，聽落去配肉餅好似會怪怪地，抱住1516既心情去試，原來我諗多咗！蕃茄可以解去肉既油膩感，煎既時候芝士會溶於肉餅中，估唔到可以咁夾！馬拉盞鱆魚，通常馬拉盞都係炒菜，聽都未聽過可以做肉餅，馬拉盞非常惹味，小小辣加埋煎肉餅既香口，簡直一絕呀！

已經算係熟～客由舊鋪食到而家新鋪～但永遠都係串到爆～新客呢個四眼阿嬸～就算成日幫襯你唸住打個招呼佢都幾乎想喵你咁嘅樣～試過一次食到個豉油叔咗佢都仲要keep 住佢個臭串樣～只可以講一句人地而家巴閉～你鐘意食就忍～唔鐘意就過主～人地大把客～

為了品嘗屏山老地方的肉餅，我們選擇了南生圍郊遊活動，活動前就去醫肚先！餐廳位於村屋的附近，分為2間地方，等了一陣便有座位。肉餅口味都多達幾十款，令我大開眼界，有榴蓮、麻辣牛肉、豆豉鯪魚等等。凍胚芽紫地瓜 $19出名之一，不過地瓜蓉在下面一舊舊未融，味道一般喇。蝦堡牛角包 $35也是出名之一，賣相好吸引~~牛角包相當鬆化，夾著蕃茄、生菜、香口的蝦堡，食材味道好夾，推介推介~~芒果煎肉餅飯 $58一上檯就香噴噴，不過對面檯的孜然牛肉的香味更誘人，哈哈。肉餅外層香脆，內裡仍保持嫩滑，而芒果的果香中和了肉餅的膩感，味道幾有驚喜，好想下次再食！

六重芝士煎肉餅一聽個名就知道十分邪惡啦~呢一個煎肉餅真係十分足料，除左有六重芝士之外，佢仲有自家打成既新鮮肉餅煎得又脆又香又滑，仲要面頭啲芝士整得好夠脆，中間既就好夠容，一句講晒“好鬼正”

中學時代 星期六日 常常興起就一大早華嫂青春啊 卻從未試過屏山老地方現在店子都搬了 更好找了 或許現在才懂欣賞肉餅的真味？店子很易找 被分發到左邊舖大話七 $13 不愛話梅（話梅糖也不愛）的我配合7UP 原來會變大愛六重芝士煎肉餅飯 $60 芝士味道有層次 跟肉餅很搭肉餅厚度口感適中芒果煎肉餅飯 $58 也是很特別的搭配 但比芝士的略乾相對比較不愛下次要再來試試其他的下午茶或肉餅呢

屏山有很多不同的小店, 這間屏山老地方也是其中之一, 這次到朋友家玩, 便一嘗著名的肉餅飯.六重芝士肉餅飯其實就是煎香的肉餅夾著很多芝士, 我並沒有考究有沒有六重, 但吃起來真的多芝士, 而且肉餅煎得香口.不過這個配搭實在太油膩, 吃了數口已有膩的感覺, 慢慢便覺得很飽, 而且飯本身也很飽肚, 下午吃完到晚上也飽著, 看來我小看了芝士, 肉餅和白飯的熱量.價錢方便並不可用抵食來形容, 都算是貼近市價.

老地方搬左之後第一次，變大左，好在都吾算搬得去好遠～叫左2個肉餅飯，依舊都多人去食，水準依舊一樣！值得去食既，不過價錢就貴左個羊肉肉餅好味，本身我吾太鐘意食羊，覺得好酥，但依個好吾同！沒乜酥味，夠特別食完都會好想再食

之前去過另一間以肉餅為題嘅食店，感覺唔係太滿意，有唔少朋友推介我地去屏山老地方試下佢地嘅肉餅。週六趁住假期同男朋友去左一試，我地坐車去到西鐵站再轉輕鐵去坑尾村，落左車向前行，大概幾分鐘就到，都唔難搵。本來都有擔心早前電視節目介紹過，會唔會好多人，可能是日落住大雨，加上接近3pm，雖有唔少客人，但並唔需要等位。佢地有兩個鋪位，座位都算多，而且普遍食客都唔會逗留好耐，翻桌快，即使要等，相信都唔會好長時間。離開嘅時候，就有幾位客人等位。老地方冇乜裝潢可言，坐邊都係由店員安排，但都整齊乾淨。老地方供應接近50款煎肉餅，定價 $40-$60，當中大部分用左好多中菜嘅概念融合肉餅中，例如：魚香茄子絲煎肉餅飯、XO醬涼瓜煎肉餅、薑蔥雞粒肉餅等。另外有部分比較特別啲嘅有蒙古辣孜然牛肉煎肉餅、馬拉盞鱆魚煎肉餅等，唔少得仲有我地未敢挑戰嘅芒果煎肉餅、榴槤煎肉餅…選擇相當豐富，而且價錢唔算貴。除左肉餅，佢地仲供應麵食、漢堡、各式小食。我地都係保守啲，決定點穩陣口味。落單後，大約十分鐘就上菜。六重芝士煎肉餅飯 $60肉餅飯賣相好吸引，造型有少少似漢堡，兩塊肉餅夾住芝士，見得到芝士係剛剛溶開不久，起碼感覺到係即

呢個蕃茄肉碎通粉我都係第一次試，我稱之為兒童餐，因為味道清淡同埋裏面有好多蕃茄，而且啲肉碎硬係覺得無香葉肉碎撈丁嗰啲肉碎咁肥，唔知係咪餐廳特登揀開嘅一片苦心呢？

呢個酸辣米線第二次食，印像中上次嗰個係酸啲辣啲同埋鹹啲嘅，即係重口味啲啦，不過今次呢個就略嫌唔係好夠味道，之但係裏面嘅醃菜依然咁出色，呢碗酸辣米線入面嘅醃菜有啲似雪菜，不過就大條好多，另外同雪菜唔同嘅就係佢帶有微微嘅酸味，我鍾意。

今日因為晏啲約咗人食飯，就選擇咗一個無咁沉重嘅餐，一問之下原來黑白脆豬個黑係代表 nutella，見咁耐無食過 nutella，即刻忍唔住嗌，個脆豬烘得非常乾脆，上枱嘅時候仲要辣辣，絕對要比上市公司嘅招牌貨好得多，唯獨是係個 nutella 確實係多咗啲，有啲太甜。