屏山老地方

营业中

休息中

今日同屋企行屏山文物徑，路過’老地方’，就唸住入去試下。喺入口就有親切嘅餐廳員工接你入去。就店內裝潢而言，好有家嘅感覺，採自然光之餘並無壓迫感睇餐牌嘅時候，見到有好多元嘅食物，有日式，西式，同港式。但呢間店主打都係肉餅，所以我叫左忌廉芝士煎肉餅飯、香草火腿芒果麥漢堡、奶油豬仔包。而野飲方面，就叫左龍凰檸檬可樂、芒果之顛、奇異籽番石榴汁。就食物而言，忌廉芝士煎肉餅飯簡直一流！忌廉同芝士本身夾就係人都知，估唔到加埋重味嘅肉餅，兩個味都岀到黎肉餅鮮嫩多汁，而且餅底煎燶左少少，令成個肉餅層次感得到提升而香草火腿芒果麥漢堡嘅配撘簡直一流，新鮮多汁嘅芒果加上火腿，有一種協調和諧嘅感覺而奶油豬仔包，包皮脆得黎唔會燶，牛油充分滲透左入包裏面，而面頭嘅花奶又俾到另一種層次嘅味道，又鹹又甜。飲品方面，龍凰檸檬可樂同芒果之顛嘅製作方法都差唔多，先喺杯入面加入檸檬兩片或芒果汁，然後俾客人自己加入一罐可樂。我覺得咁樣都幾新奇，可以俾客人有親身嘅體驗，又可以表現岀飲品嘅冰並無減少到可樂嘅量芒果之顛係一杯極重芒果味嘅可樂，值得一試！至於奇異籽番石榴汁，我認為係必飲嘅飲品之一，可溶性纖維極高嘅夏日健康飲料！！總括而言

朋友喺澳洲返嚟， 想食返啲傳統中國菜。 中國菜有點小得肉餅呢? 不過就咁梅菜蒸肉餅有太普通， 想畀啲驚喜佢~ 所以就帶咗佢嚟呢間， 出曬名創意嘅肉餅餐廳。 叫咗個芒果肉餅同榴槤肉餅 🤔 淨係個名都值得畀個機會佢嚟試下~ 首先講咗芒果肉餅先 😍😍😍 好好味呀~ 真係冇諗到芒果同肉餅會係咁夾， 仲要塊芒果勁甜勁好味😍 本身諗住芒果濕熱唔食咁多但最後都忍唔住食曬😅 至於榴槤肉餅~如果你係榴槤迷都一定要嚟試~ 包你有驚喜😎😋😁

35度的假日高溫特登中午走入元朗的屏山朝聖。屏山老地方。煎肉餅專賣店。好似有成六十几款肉飯。款式种類超多元化。中西諗得出既都有。人均至小$50咖。試个招牌既。六重芝士煎肉餅飯。煎肉餅2塊。芝士就冇六重啦。不過熱溶幾香幾好食。肉質可以再juicy D。。另ㄧ款。XO醬涼瓜煎肉餅飯。肉飯一大塊。呢款几惹味。白飯份量適中。冇豉油。要自己落。菜心苗俾得多條。條條菜遠嫩。心机小店之作。咁多款肉餅要來好多次先食得晒。仲有是日推介七八款。另有小食。特色飽類同面餐。飲品正常。有跟餐價。#煎肉餅專門店 #屏山 #屏山老地方肉餅專門店 #屏山老地方 #心機小店 #小店 #六重芝士煎肉餅飯 #xo醬涼瓜煎肉餅飯 #香港美食 #特色小店

黎呢到食飯,千其唔好入間房仔到食!!!!!可能夏天既關係超多蒼蠅！!!!好恐怖！!!!睇到網上食評話呢間肉餅ok，咪突登9龍入黎試下，點知覺得唐包點既肉餅飯仲好過佢!!!!!!!!肉餅d油多到......浮唒係面......!!!再講，收錢短頭髮果個唔知係咪老細，態度真係超差!!!!直頭唔休做!!!!!下次一定唔會再黎!!!!!! black list !!!!!!!!!! 想貼錢買難受可以一試!!!!!

今日1行2人做完運動專登黎試下呢間朋友話新開嘅肉餅店。 坐底左之前其實有8乘嘅位置都好食正冷氣同風扇個風口口，除非你坐近門口個兩枱，如果唔係你坐一陣就會好凍。 今日叫左以下圖片嘅食物同飲品。 我見到個餐牌有泰式青檸梳打，咁我就叫黎飲啦。 點知黎到之後一睇，係3片黃檸檬加1片青檸檬，會唔會取巧左啲，佢仲要同我講有青檸檬。 大佬呀。。 黃檸檬同青檸檬唔 x同味嫁，識唔識ka. 之後個芝士牛肝菌肉餅，面頭就煎得有啲啲焦，扮晒香口咁，一食落去唔夠熱，又唔夠香，sorry, 我真係食唔到芝士味，同普通原味冇分別。之後同個芒果肉餅，明明個肉餅煎得想香口啲又要加1舊凍嘅芒果。又咸又甜。不如用芒果蓉淋上熱辣辣嘅肉餅仲好。 我相信元朗應該會有更好肉餅嘅選。

以前食華嫂成日經過呢間屏山老地方既舊舖舖面細細，成日要坐出去，一直見到肉餅飯出名都無試過依家見搬左新舖，大左好多就去試下啦！叫左呢個菠菜吉列蝦堡牛角包加芝士，牛角包好脆，同芝士蝦堡都好夾！又有d菠菜，雖然食唔到菠菜味，但有d菜好似健康d。其實仲叫左個肉餅飯，但唔知係咪因為即叫即整，要等好耐好耐無影到相，趕住食飯番工走人所以想食肉餅飯記得預鬆d時間呀！

喺呢間鋪頭出名之前，就已經有元朗地頭蟲帶我去食過😋 以前純粹去華嫂冰室食嘢嗰陣，經過條路會見到。後尾個朋友話呢間都係元朗好出名嘅，所以就試咗第一次，當時試咗芒果煎肉餅飯，話佢就係靠呢尾餸出名嘅之後都陸陸續續食咗幾次，再後來佢已經出咗名啦，有另一邊嘅鋪頭，價錢亦都貴左好多，但質素仍然喺度嘅，而且多咗好多新花款。我見自己都食咗芒果嗰款咁多次，係時候要試吓新野叫咗個六重芝士煎肉餅飯！我冇問到老闆點樣六重芝士法，肉餅同肉餅之間都有芝士，面嗰度又有一層芝士，食落去就好似肉餅中間都有啲芝士流出黎咁～每塊肉餅個面都係煎到脆脆地，咬落去就好似食緊漢堡扒咁，肉餅入面有好多肉碎組成，外脆內嫩，個調味都好正好啱撈飯，自己都鍾意再淋啲甜豉油落去每碟肉餅飯都會配條菜心，女仔來講係飽到撐住個肚，非常之夠食😛 不過如果同芒果嗰款比較嘅話，芒果嗰款比較有噱頭，而且酸酸地開胃啲，會想食返芒果款多啲

上星期同一班朋友，入去元朗聚舊，有位食肉一族，提議我哋要去試下呢間屏山老地方，專食肉餅，佢特別喜愛榴槤肉餅！於是我哋呢班老友記就一齊去試試……中午時間由於我哋六至七人，都需要等十至15分鐘，果然元朗 好多食店都係需要排隊的！我們點了幾款不同味道的肉餅飯，當然包括有榴槤肉餅飯啦！而我就點了杯芒果味嘅果汁……肉餅的而且確，水準唔錯， 不會太乾身，食落去中間仲有些水份！尤其是哪款榴槤肉餅飯 真係食得出裏面有一絲絲榴槤果肉，對於喜歡榴槤一族嘅朋友可以話係必試， 至於杯芒果汁飲品，唔夠凍亦冇香芒果嘅香味，比較失色。

原來去屏山想食出名嘅冰室可惜原來紅日係休息架係失望之際靈光一閃轉入去冰室前個條路，有間餐廳都好多人排隊就過去試，門口就已經見到圖應該招牌菜就係食肉餅，唔怕肥嘅我就叫咗個六重芝士煎肉餅飯，加一碗銀針粉個芝士半溶肉餅唔算咸，肉又唔會太實的的簡直係 perfect match,個銀針粉令我有尋回兒時嘅味道，內面有肉碎菜同蔥花，個湯底先令我不能自拔全飲灑，簡直就爽YY,仲每人叫飲咗杯大話7同芒果汁，飲品就一般，但下次仲試榴槤煎肉餅同芒果煎肉餅先得。

☕️🍚🥘🥒好多食肆為左吸引客人,會研發同埋推出一d創新/特別嘅菜式,屏山老地方就係其中之一。肉餅係香港人嘅家常小菜,將呢樣菜色加呢樣減呢樣,變化出多過4️⃣0️⃣個款,真係五體投地🙌🏻你比我隨口講都可能只係講到章魚肉餅,梅菜肉餅,香菇肉餅,榨菜肉餅,鯪魚肉餅乜乜乜,點可以講到咁多!?難得黎到元朗,點都會一會佢😎餐廳佔左2個鋪位,我地2點鐘黎到,人就唔係好多,即刻有位坐。有選擇困難症嘅大家不妨叫姐姐推介,唔係揀到天黑都未諗掂😂老爸好快揀左馬拉盞章魚煎肉餅飯,而老媽又好快揀左芒果煎肉餅飯,其實我就有選擇困難症,咁我不如就揀土耳其烤雞肉卷🤣.👉🏻馬拉盞章魚肉餅($46)好快黎到以呢個價錢講,個白飯份量細d,一睇就知係男人嘅前菜咁🍚肉餅睇落有dddd油,章魚比例都唔少,食落去第一啖,其實好香口,從未如此有呢個感覺,外皮煎得香脆,點個再食一啖,就唔同晒,肉餅用咗大量肥豬肉整,係大量!平日食得清淡嘅我,真係難以再入口,我知我知,要有d肥豬肉先香,但好似比例上多左d啦🤢至於馬拉盞,確實食唔出🙄.👉🏻芒果肉餅($60)係佢地主打之一芒果控嘅我一於又try一口,兩片肉餅中間夾住芒果再煎,令芒果唔會煎爛,以為係主打

傳聞呢間肉餅飯好出名，有日黎元朗玩，就黎呢度睇下有幾出名。離地鐵站有啲遠，我同朋友見時間多就根據地圖行過黎，不過走果陣都見啲出反地鐵站嘅巴士都密嘅。同平時夜晚到茶餐廳食飯差唔多價錢。特別野就貴啲啲，都接受到。黎到呢度冇得唔揀芒果煎肉餅，(其實我想試榴槤，不過朋友唔肯😂😂)煎得外層脆脆的肉餅包實唒芒果餡，撈埋食都幾特別。其實啲芒果加熱似平時芒果炒雞柳禁樣。另一碟就呢個好似好健康嘅 蟲草花肉餅，好多蟲草花，呢個配搭特別嘅。其實佢仲有好多特別配搭，不過唔記得影果張餐牌 😋我見好多街坊買外賣同堂食，証明不錯吧

有外國朋友返香港，一行四人揸車入元朗觀光旅遊，元朗友帶左我哋去佢其中一間飯堂叫老地方，原來就向入華嫂嘅路口，又係村屋做食肆，眼見都有兩個舖位，應該生意都唔錯；佢哋主打唔同味道嘅煎肉餅，只係睇餐牌都有55款，我相信佢哋陸續有新款式出現，有D聽落都幾古怪，例如芝士榴槤肉餅飯、榴槤肉餅飯、松露芝士牛肝菌肉餅飯、夏威夷脆果仁煎肉餅飯、薑蔥蠔豉煎肉餅飯、芒果煎肉餅飯。。。第一次嚟就等元朗友發牌，佢叫左蘿蔔冬菇肉碎銀針粉少辣，銀針粉好耐冇食，呢間嘅味道都幾懷舊，銀針粉口感啱啱好，唔會太硬太淋，湯底清甜食完唔口渴，我相信正常辣度會更嘢味；六重芝士煎肉餅飯，雖然數唔到六重，但係好重芝士味，好香有啲似食漢堡，配埋白飯我覺得比起食芝士漢堡包更好味；口水雞醬磨菇雞粒煎肉餅飯，朋友冇介紹錯惹味；菠菜蝦堡牛角包，牛角包好鬆化，用料好足，食時記得擘大啲個口食哂每一層啊。

呢幾年香港好多新食店專做肉餅，但早喺四五年前就已經聽個間肉餅店用生果一齊做肉餅，仲要做到大受好評，出晒位。事隔幾年慕名而來，不過就無試佢招牌既生果肉餅，叫左個薑蔥蠔豉煎肉餅。份量絕對夠食，豉油任你自己落，仲要都多菜，唔會話齋食肉餅咁油膩。佢飲品方面跟飯都係加幾蚊，另類d好似飲咸檸七就加$15，都非常合理。最重要塊肉餅方面，煎得岩岩好，夠香口又唔會過份油膩，肉唔會剁得太爛而無咬口，仲有入面都好多蠔豉，唯一建議改善既係d蠔豉肉硬左少少。好在係閒日下午茶時間，朋友話星期六日假期果d好多人排隊。

肉餅 - 老地方的名物用上不同芝士製作而成的六重芝士肉餅飯, 是我在這裡點過幾次的餅飯。這肉餅時而拉絲得過份, 時而卻只見上層那堆芝士因被火槍辣過而燒溶, 但中間那塊芝士卻沒來得及溶掉而影響口感, 但整體來說還是芝味滿滿, 肉餅厚而不乾身, 煎至微焦的餅面有鎖上了一點的肉汁, 至於飯粒來說一般都偏硬, 這就看個人喜好了, 我是OK的在這個老地方, 除了肉餅飯, 我也很愛這裡的蝦堡。聲聲作響的酥脆牛角包夾著有厚度的蝦滑, 包身鬆化香口, 蝦膠亦算彈牙再配上蕃茄片沙津菜和汁醬, 味道清新不油膩

我承認我是個肉餅的熱衷粉絲, 自小已對母親的冬菜蒸肉餅有著一份迷戀, 一小份的肉餅已夠我送掉整碗白飯.一直知道元朗有這麼一間以肉餅馳名的館子, 只是之前未有時間(其實是覺得地點不太方便)與它一會, 趁假期賦閒於家, 就把午飯的地點選在這老地方.由輕鐵坑尾村往屏山方向走10分鐘便到了這個於我而言是新地方的「老地方」,那裡是兩間相連的店, 我在其中一家店子坐下, 裡面的面積不算太大, 大概可容納10桌左右.  抬頭望向餐牌, 盡是不同種類的肉餅,  有芒果肉餅, 榴槤肉餅,  口水雞醬肉等, 林林總總.  正當猶豫挑選哪款時, 老闆娘向我遞上了是日推介, 嗜辣的我被辣蝦碎煙肉肉餅吸引著.  好, 就這道吧!聽到店員說, 這裡的肉餅是即叫即煎, 所以由下單到上菜大概等了10分鐘左右.   上碟的是兩大塊煎得香脆的肉餅,  裡面夾雜了煙肉碎, 另有一撮菜心伴碟加上白飯, 整體份量也不少.   吃下肉餅的第一口, 感覺很特別, 雖然看不到裡面的辣蝦碎, 但辣的味覺還是很突出, 惹味之餘不會太嗆喉; 亦可咬到當中煙肉碎的香脆.  肉餅表面煎得香口, 但又不會令肉餅的水份全部跑掉, 仍為吃到豬肉的柔