屏山老地方

营业中

休息中

前排見電視台又再一次介紹呢間肉餅飯，突然之間挑起條癮又想食喇！上次食唔到個榴槤肉餅飯，今次諗住再過嚟睇下有冇得食，結果都係食唔到！一場嚟度無理由唔食，所以照入去坐。佢個肉餅餐牌真係好長，攪到我花多眼亂唔知叫咩好！最終我叫左個芒果肉餅飯，個飯仲有菜心喺底。菜嘅份量都算多！芒果係夾左喺肉餅中間嘅，肉餅嘅兩邊煎香左，肉餅又夠厚，啖啖肉岩晒我d食肉獸！另外叫左個傳統野，叫左個鱆魚雞粒煎肉餅飯！個肉餅望落好似無芒果肉餅咁厚！佢個鱆魚雞粒係混左入去個肉餅裡面嘅，入面嘅料都好多㗎！食完個肉餅都飽左一大半，想試下其他小食都食唔落喇！肉餅嘅總類好多，所以要嚟多幾次先得喇！