少爺18 (已結業)

放工找食！發現葵芳新都會已經裝修得7788，食肆已經開放！於是貢上去𥄫下！店名叫少爺18！幾得意 食新加坡菜 即管試下！好吃環境又舒適！價錢偏貴一點但值得！不過甜點就差左d！炸香蕉太多炸粉

我一向都對新加坡美食情有獨鍾，可惜既係香港煮得好食的餐廳新不多，上網search見到少爺18既菜式好吸引，就趁著朋友生日來試吓其實一去到門口見到個餐牌，就比餐牌嘅菜式吸引了值得一讚是餐牌同餐具都是設計精美，其實色香味俱全，除咗講食物之外，餐具同埋餐廳其他配套都很重要的，少爺18係呢方面做得不錯菜式顏色鮮豔，令人未食都開胃了一半，最推薦炸蝦球，雖是油炸，但食落一點都不油膩鍾意飲燉湯的朋友，一定要試「肉骨茶」湯味濃而且唔油膩，是好好既餐前湯

新都會多了很多餐廳，今次試試「少爺18」。門前放了綠色座地櫃，餐牌的粉藍顯得更鮮明。店內牆上用假植物作裝飾，帶出點點大自然感覺。餐具都是用粉藍及粉綠為主。點了個海鮮喇沙，未食已椰香樸鼻，湯帶少少辣有椰蓉混合在湯內。第一口挾起是只見黃色麵條，再挾時才發現有米線混在一起，米線增加了嚼口感，麵又能吸取湯汁。另點了招牌海南雞飯，香飯不油膩有嚼口，海南雞有少少骨，味道一般。清湯有數粒杞子，配上香飯刪除油膩感。海南雞的豉油偏咸，蓋了雞味。整體來說不錯，下次可再來試試其他食物。

同BB返完家聚肚仔餓，去葵芳商場無嘢啱，諗住揾間湯飯，點知佢執左笠！去左新都城行哂五層無理由食麥當勞家嘛！跟住即刻開Open rice app,最近就係4樓呢間少爺18喇！入到去過環境都唔錯，有我最鐘意的 tiffany blue，menu的graphic都幾靚，有心機之作，新加坡嘢最出名肉⻣茶，佢有兩種揀，我地揀左藥材，貪佢好似有功效過齋肉，入面有好多BB鐘意食的冬菇D肉都好林。另外大蝦喇沙炒飯，其實...無咩味

4個人，本身想食個間，排左一個鐘，都無郁過，最後走人，去左呢間！環境ok, 但係明明有勁多罷好左既位，都仲要人係出面等陣再入，雖然幾分鐘，不過真心唔知等乜梳化位，有啲污糟！送菜汁乜都有正題炒豆角啲豆角好特別，好爽口，啲醬都好味大蝦柚子沙律真係得柚子同蝦蠔餅呢個炸粉好勁啊，無乜蠔仔，跟魚露同辣汁，個辣汁好正大蝦炒貴勻我覺得禁多樣，最好味係呢樣哪沙軟榖蟹又係好炸，有啲油，感覺熱氣，而且個汁唔夠味大蝦炒薯粉好足料，好多蝦，不過又係比較淡香茅薑母茶一睇有香茅，覺得怪怪地，點知老公走去叫初頭無咩香茅味，浸浸下尾個幾杯就開始有，不過都好飲既，唔怪！雪梨茶聞落甜甜地，飲落清清地，正*兩壺茶，廿幾蚊壺，好抵飲，又好飲芒果班cake ＆ 班蘭班cake賣相好靚，又醬又雪糕禁！如果唔沾醬食，就會覺得乾！整體都ok既椰皇燉海燕我無食，朋友叫既，不過見到超足料，而且好香

呢一日同啲姊妹黎到新都會廣場慶祝我既生日，呢個地方係我揀既(笑)。我係第一個到，黎到就比個環境吸引住：有好多隻碗掛係牆上做裝飾，好colourful。另一邊仲有一幅舖上假葉既牆，覺得幾靚幾有心思。就連用食具同餐牌都有花花既pattern，啱曬鍾意fancy既女仔。我地叫左個黃梨酸菜燒肋骨。牛肋骨好入味，又煮得好稔，同美式既牛肋骨感覺唔太一樣，但都好食。另外其實黃梨即係菠蘿，加上酸瓜做伴菜，其實無咩特別。又叫左個撈起沙津，貪佢夠特別，其實就係一啲薄脆、炸芋絲、青瓜、金柚、甘荀、子姜同埋香蒽，加入以冰梅醬、魚露、麻油同青檸制成既醬去調味，配味稍為乾，但加上個醬襯得好好味，令人想一嚐再嚐。唯一不足係個醬既份量唔係好夠，到餘下四分一時得返啲餸就變得好淡口。叫左個乾炒牛河，比茶餐廳食到既稍甜，但同樣惹味。肉骨茶係食新加坡菜時必點既，不過我都覺得一般般，沒有好特別。仲有個炒雜菜，係想平衡下食左咁多肉，菜夠新鮮，但個醬既味道就麻麻，所以我地食剩左。最後飲左杯美碌，佢其實有兩款，一款有加雪糕而另一款無，我飲呢隻就無既；都幾香甜好味。整體感覺不錯，環境好唔趕人，但食物質素可以再進步！

放假訓到自然醒係最開心😆 知道新都會廣場裝修完之後開左好多食肆，所以就走落去食早午茶餐🍽新裝修係特別乾淨企理✨，好舒服👍🏻下午茶時間都唔係好多人，唔需等位。餐用圓碟好繽紛，望到都好開心💗入黎既時候已經知道要食乜，所以9秒9就落單🌪最愛既海南雞飯🐔真係好鐘意食海南雞飯.....個油飯，所以成日都會週圍搵黎食。油飯🍚好香但唔會油立立，飯粒分明唔會痴埋一舊舊，飯面有少少炸蒜，好香口。不過飯唔夠熱同埋硬左少少，如果唔係會更好味。.正宗海南雞飯跟既湯係雞湯黎既，我諗呢度都應該係，個湯好清唔會好油，飲完都唔會有口渴既感覺。特別叫左雞胸，因為一向都好鐘意😌。呢份雞胸一d都唔鞋，仲好滑，雞肉整到好入味，同埋佢應該唔算係只肥雞，所以雞皮唔會痴住好多肥糕，good 👍🏻👍🏻👍🏻.三色醬裡面既黑醬油調教得幾好味，平時唔太喜歡點呢個汁，因為好多時都會食到有陣怪味。另外兩個醬汁就無乜特別。.另外仲點左個馬來西亞肉骨茶，呢款係葯材味。一送上黎就已經聞到好香既葯材味，真心鐘意呢個味😋。除左味香之外，飲落去仲好濃，排骨都算幾滑唔太鞋，仲有冬菇索晒d湯，正呀。個湯跟左幾舊仔油炸鬼，如果跟個飯或者米粉就一流喇😋😋😋如果唔

又來到葵芳覓食，由於本人住在附近的關係，所以留低的腳毛多到令這附近的商場的每間店舖都可以免費領取一條咁劑(價值$10，多買多送)。唯獨是這間少爺18除外，因為我很少走上三樓這個偏僻的角落，基本上，如果你不是刻意上來的話，都很難發現到這間餐廳，情況就有如你不刻意去搭的士，你都不會搭到的士一樣的道理。凡事一體兩面，正正是因為少爺18處於一個偏僻角落，反而能夠剛好製造出安靜的周遭環境，讓你很舒服地享受美食。觀乎少爺18的餐廳設計，就很巧妙地將缺點變成優點，成為一間環境清幽的餐廳，加上落地玻璃，大大增強室內空間感，望出去有令人豁然開朗的感覺。近來，全港感染了一種叫做“雞，雞，雞，全部都係雞”A型自動突發傳播症候禽的影響，其殺傷力對比於H5N1有過之而無不及，連我們都不能倖免，因為我們點了一個燒黃薑雞飯($68)及一個招牌海南雞($88)，另加一個參巴蜜糖雞翼(3隻) ($32)，天呀，雞…雞…雞...全部都係雞...殺到黎啦，走呀…首先走上枱面的是招牌海南雞($88)，正所謂：一出到招牌，連口水都流埋，半隻雞被斬件而上，加上一碗油雞飯，伴隨著例牌老抽一碟、薑末一碟、蒜蓉辣椒醬一碟，就這樣成為了

今日約左男友去新都會睇早場，睇完之後就當然搵嘢食啦。間間都要排隊，因為唔想等嘅關係就去咗呢間餐廳啦。地方都幾大，有空間感，感覺舒服我地點左兩個海南雞餐。個餐牌好似幾靚咁喎，有藝術感。望落好似好靚咁，影相就好但食落真係好差。湯好鹹雞胸冷冰冰的紅米飯就加左啲類似薏米一粒粒好硬，無諗過食碗飯都要咬到好碎，費事食咗胃痛其實我哋諗住食星馬菜海南雞飯應該冇撞板啦，點知真係好差所以完全唔會想試吓其他菜式除左雞同埋湯唔得之外，佢啲醬都好差，綠色味好怪，豉油喊到呀媽都唔認得😔橙色最正常呢個餐係碗油飯正常。仲有佢跟餐果杯嘢飲係柚子桔蜜，甜到我都飲唔到總結: 我好少比劣評，但呢間真係要改善下食物質素。唯一正面嘅地方係服務態度and 上菜算快。咁嘅價錢，仲要咁樣嘅食物質素唔會有下次囉

今日又出動同我的最愛去覓食，今次黎到食新加坡菜，我去過新加坡一個幾月飲飲食食，食均全新加坡出名唔出名的食肆，所以對海南雞飯同喇沙係有一定要求。今次食左喇沙，話我誇張又好點都好，點碗的喇沙係我暫時係香港食過最好食的喇沙，好接近新加坡味道，湯底味道好濃厚，但唔會好膩，好香的椰香味，而且辣辣地，不過唔及新加坡咁辣，豆卜吸左濃湯味，食落好好食，蝦亦好新鮮，亦有3隻蝦，份量好足，面質好彈牙，好食，配埋湯底食，一流，食多碗都仲得，坊間好多地方會用米粉取代，呢個我好唔鐘意的。呢碗麵真心好有新加坡地道整的喇沙一樣，真係好好食，令我好懷念以前在新加坡難忘的日子。另外，串燒就正常啦！佢唔會燒得好乾，好重香茅味。其實我一向對串燒冇咩好感，因為感覺上好多地方整的串燒都係得香茅味再加唔同肉質的口感，其實就係雞肉口感加香茅味同豬肉口感加香茅味，所以我冇特別鐘意。整體來說好滿意，間野的顧問好似本身就係新加坡名廚，雖然價錢偏貴，但值得一試，等我下次黎食埋其他菜先。

午飯時間去咗葵芳搵嘢食，既然聽日放復活節假，梗係想搵啲好嘢食迎接我嘅Long weekend.又一次比餐廳嘅靚門面吸引左入去開飯。叫咗一個波餅同朋友share食，呢個上得都算快，又熱辣辣好味。之後我哋就坐咗係為成15分鐘都冇嘢食。嬲豬野唔講。之後終於都有野上枱食啦。賣相認真麻麻地。另外我想講嘅係我叫喇沙湯唔係喇沙醬。點解我覺得我好似食緊沾麵多過食湯麵。配料亦都真係麻麻哋。需要改善下和廚房！另外呢個就係馬來西亞肉骨茶，個湯都可以接受嘅。有藥材味甜甜地甘甘地，不過就真係爭小小馬來西亞先食到嘅風味。佢呢兩塊肉其實真係入唔到肉骨茶嘅味，只有肉味。所以好明顯係烹調嘅時間唔夠。油炸鬼已經開始唔太脆。又一個失望。跟餐嘅奶茶。對不起只能說一句淡而無味。唉，飲左一口之後就冇再飲過呢杯奶茶。＄100 個午餐, 出品方面認真要改善下！

之前食過散叫既dinner時段，尋日lunch 同同事去新都會食少爺十八，大家都係衝著佢既海南雞飯而黎，因為出名嘛🙈一行十人 好彩我地早到，唔洗等位😙大家都係揀咗$88既海南雞飯，大概10分鐘餐點都齊哂，要開動啦👅個雞真係好正，雞肉好嫩好滑，唔加任何調味食得出有鮮味，咁我之後梗係加埋佢有既汁，海南雞飯既汁係我既至愛，呢個配搭簡直係絕配😎另外佢既配菜，酸蘿蔔好開胃，個油飯亦都好好味，好香💗Lunch 就會送杯野飲，咁我揀咗金橘檸檬，真係唔係幾好飲，因為佢全部都係濃縮果汁沖出嚟😵😵呢個lunch 埋單真係會貴咗少少🙈88+1 不過一次半次就算啦🤣🤣

回港第3日, 好想食曬所有亞洲口味既餐廳!去搵朋友去葵芳行街, 行到咁上下有D攰就搵間餐廳坐底傾計食個Tea,見到有新加坡野好吸引!好中意食喇沙, 記得以前係香港都唔影搵到專食星馬美食既餐廳,加上人不多, 不用等候就入去坐底食個TEA。朋友叫左一個炒粉, 因為太餓無影相就食左...到我叫既係喇沙!我覺得無正宗我係星馬旅行時食咁濃味,不過咁剛好乎合到香港人口味!再叫左2杯野飲, 一個係美錄哥師拉, 一個係美錄恐龍,其實個底一樣, 就係一個有Cream一個無Cream咁解,不過好少見有美錄飲, 加上飲品仲有D燕麥片係上面,味道不錯!最後就係甜品啦, 少貴,一碟得幾粒香蕉就要成三十幾,不過食落真係好好食, 好脆! 配埋雪糕好正!整體黎講好好坐, 人小小, 野食味道又好, 直得回頭, 下次可以試埋晚餐!

Full of expectations when walking in, thought the environment is nice and cozy, with comfy sofa for my parents. After sitting here for a while I started to doubt if this is a mistake by choosing this resto, the food options is less and the food portion is surprisingly small! It's actually my very first time that I asked for an OpenRice account holder to make such complaint. Not even a lunch set portion! My parents don't even want to make a complain but try to eat less and leave for food for the

一個月前光顧此店，食物的味道不錯，份量亦足夠，黑蘿蔔糕的份量裝滿了一碟。但今天再次光顧，心情跌至谷底。食物的價錢不變，但份量少了很多，碟黑蘿蔔糕只得幾件。看見此情此景，心有不快便向職員了解一下，職員回答就是店子更換了廚房，大廚堅持要減份量......所以我再不光顧，感覺店子不誠實。