少爺18 (已結業)

海南少爺嘅一直保持水準，呢間地方大，枱與枱心間寬敞，餐具都靚過人嘅。星期六食個午餐唔算太平，但無限時，有無限添飲柑吉蜜，消磨一個下午，扺到爛。炒貴刃乾身唔會油膩，似係新加坡炒粿條，呢碟貴刃用料足，有蝦和臘腸，我順便叫侍應攞一小碟辣醬增加辣味，真係令人回味無窮👍🏻，加上份量足，食完飽飽。印尼炒飯賣相幾好，兩條串燒幾靚，沾上附上嘅醬汁，哇！好惹味👍🏻，如果多兩串就好，不過蝦片就冧晒，要扣分，飯炒得好香，不過稍嫌油膩，再乾身啲就好。海南少爺整體環境和味道值得再嚟幫襯。

下午茶叫左碟福建炒面。。。圖片賣相好吸引(雖然我都知圖片只供參考), 但碟野黎到真係O晒咀。。。似人地食淨左嘅米線碎(心諗乜福建炒面係米線黎架咩?恕我孤陋寡聞)。。。又淡。。。又細碟。。。真係唔會有下次!

目前香港食過最好食星加坡菜: 喇沙湯低好香椰味，湯料亦好足，特別蝦好新鮮，而豆卜吸晒湯超好食。海南雞中上，雞油飯不油膩，值讚一下個三色醬（蒜/辣/豉油）。肉骨茶偏藥材味，有北芪黨參，雖然無肉無骨有少少失望，但好味。午餐有菠蘿特飲無限refill。另外裝修陳設好特別，有娘惹風味，店員招呼周到。

午餐有多款選擇包無限添飲柑桔檸檬都係幾十蚊，如果唔夠飽仲可加前菜、小食或甜品。可能今日得11度嘅關係，12:30只得我哋兩個客，好在坐坐吓都慢慢有客人入座😅餐廳頗大，裝修時尚帶有星洲品味。枱與枱之間不會太接近，環境十分舒適。檳城炒貴刁惹味十足，配上蝦及臘腸同炒。 可惜蝦只可說是彈牙，完全欠缺蝦肉應有的質感，味道亦欠奉。這點比較遜色。由於這餐廳沒有辣椒粉或辣椒油之類的調味料，店員主動提出可選参巴醬，香香辣辣好味道。跟餐飲品有柑桔檸檬(熱或凍)，氣温得11度當然選熱飲，入口頗酸，但習慣後覺得還是不錯而且十分暖胃。印度炒飯配串燒沙爹賣相與一般印尼餐廳不一樣，顏色比較深而飯嘅質地靱一點及帶少許甜味。沙爹串燒反而有驚喜，肉質軟淋不會乾柴，味道很好。要扣分是蝦肉同樣是完全無味。見到好多其他客人食海南雞飯，下次有機會試試。

我第一次光顧這間餐廳，餐廳的環境又夠寧靜，朋友聚會這地方很不錯，侍應的服務都很好，雖然說是星加坡菜，但沒有什麼特色菜可分享而味道亦算一般，價錢尚算合理，最失望是肉骨茶，又細碟又鹹

推介雞翅膀……這兒食品水準可以，改了近香港人口味，食物不是想像中那麼spicy。肉骨茶比想像中失色，其他食物跟餐單顯示的圖片没差。炒粉跟炒飯算是有火喉，而飲品偏太甜了，如不愛甜的朋友，叫他們盡量小甜。

咁啱今日喺葵芳放工，又係元宵節，就想同男朋友食餐好d。見呢間的環境和食物評價不錯，又想搵返之前去新加坡旅行的味道，於是中午的時候就打電話book左7點半的位。當晚，我地早左15分鐘到，侍應都好有禮貌招呼我地坐低。由於實在太肚餓，我地都無考慮太多，都係點左d基基本本的菜式：半隻海南雞、馬來西亞藥材肉骨茶、咖啡骨（男朋友膽粗粗話想試😓）、美碌恐龍和榴槤斑斕瑞士卷。真係期望愈大失望愈大，個海南雞賣相唔錯，但食落口真係比想像中差：凍冰冰，d皮又多肥膏，仲有d血水... 因為我同男朋友都唔鍾意食生嘅嘢，真係食慾大減個肉骨茶味道有點兒奇怪，只能說中藥味好重，個味真係好複雜：咸得黎甜，甜得黎又有d甘，甘得黎又苦苦地... 而且飲完之後發覺好口渴，唔排除有落味精。跟住個咖啡骨都幾伏... 只可以講咖啡味好濃，而且食落好d苦，相信鍾意咖啡的朋友應該幾鍾意😂d主菜麻麻地，唯有寄望甜品。榴槤斑斕瑞士卷的榴槤味好濃，但cream的份量太多，有d膩，而蛋糕就好甜，整體不過不失。而飲品算是整餐最正常的，但上得好慢，食左一大半先上。美碌味好香濃，可惜份量偏少。整體來說，食物質素與價錢不成正比，唯環境擺設和服務態度係

朋友介紹食呢間，咁岩我又想食肉骨茶，就入左去試啦環境唔錯，好中意呢種style，同埋間野好大間，坐得好舒服。連餐牌都係花花，好靚呀佢D碟全部都係同一style架我地女仔食飯唔少得菜，叫左呢個參巴馬拉盞炒芥蘭，D菜好嫩，份量都幾ok，同埋上得好快。呢個係馬來西亞肉骨茶(藥材)，藥材味好重，正呀!!!份量夠一人碗半左右，D骨又唔少肉，好抵食!檳城炒貴刁，menu話辣ge，但食落完全唔辣，同埋少少油，不過都好香幾好食。朋友推薦食呢個，但我失望左，個球乾左D，唔係好爆汁，但個醬幾得意ge。都算好滿足，個環境加分唔少~可以再食過，D菜都唔細碟，我地食唔曬仲可以打包添~

因為好多時都見到多人在門口等位，所以午餐同家人一齊去試下，我地點咗個海南雞飯、咖哩豬脾、撈起及榴槤班蘭蛋糕海南雞飯的飯稍為油咗少少，雞就不過不失，肉質唔算散，不過冇咩味道，奄蘿蔔就味道適中咖哩豬脾味道大眾化，冇咩驚喜，漿汁係比較杰身的，不過杰得來唔係濃味，而肉質都嫩的唔會太鞋撈起呢碟非常普通 , 凍凍地 , 唔吸引的味道榴槤班蘭蛋糕唔錯的，榴槤香淡淡咁冇蓋咗斑蓮的味道 , 蛋糕都算軟熟整體味道、份量嚟講只係不過不失 , 不過以每天排隊人數咁多及收費嚟講 , 有少少唔係太值

［新派新加坡菜］上年年尾去完新加坡好掛住當地嘅特色菜，見到少爺18主打新派新加坡菜，決定一試。入到餐廳，咁啱過左飯市，依然有唔少一家大細仲食緊飯。鋪頭裝飾得幾特別，二人台、四人台同多人大台好明確咁分左區域。台同台之間唔會好逼，可以好舒服咁傾計！啲餐具同menu都好吸引！新加坡一定要飲嘅肉骨茶同海南雞飯係必點的！可惜，呢間新派新加坡菜只係做到個似肉骨茶嘅樣，肉骨茶味道係唔錯，但應有嘅藥材味欠奉，只係好勁胡椒味，有啲失望。海南雞嘅肉都尚算鮮嫩，點少少豉油帶出個雞味，送油飯一流！新年要撈起！點多個撈起沙律，成個沙律有幾種口感，最鐘意啲脆脆！加麻一齊食又夾又fresh又有咬口! 正！食完飽飽就要衝番落去睇戲喇！

友人是夜想吃麥皮蝦，因而尋到這新加坡餐廳。而且晚上8點半後入座更有8折優惠 (優惠期不明，提議先向店員查詢)撈起沙律 (7/10)蔬菜薄脆西柚配柚子醬，感覺清新。不過柚子醬落太多的話會帶酸。麥皮蝦 (8/10)炸得夠脆夠乾身，麥皮份量充足又帶點甜，很滿足。雜菜炒粉絲 (6/10)普通雜菜，沒太大期望，味道不錯，可惜是帶點油。Singapore Sling (4/10)來一杯Cocktail ，味道淡，失望。美祿恐龍 (7/10)夠濃，好味！不過已吃太飽，飲剩了半杯 。不過$38一杯是有點貴。備:美祿恐龍沒忌廉美祿哥斯拉有忌廉

最鍾意食雞既我，見附近有間食雞幾出名，lunch就去左試下!鋪頭裝修簡簡單單比人感覺好舒服好自在，座位都寬敞闊落坐得都幾舒服，枱上整整齊齊備用既餐具及menu色彩繽紛好靚，侍應都幾好禮貌!點左個lunch set，招牌海南雞飯拼新加坡肉骨茶(胡椒蒜頭)，一黎賣相已經覺得好吸引，成set一齊上整整齊齊，飯既口感唔錯，一陣陣鹹鹹地雞油既香味好好味，碟雞肉質好嫩滑一d都唔肥膩又唔鞋口，食落好似新鮮雞咁，一d雪藏味都冇，味道仲要好好味好惹味跟餐仲有醒神開胃既青瓜蘿蔔小食，酸酸甜甜好開胃! 肉骨茶飲得出好足料，好夠味師傅一d都唔馬虎，湯中仲有一粒蒜頭跟埋，好搞笑，湯帶有少少蒜頭味，味道幾特別原來都幾好飲!基評分: **味道(基基基基)**外貌*(基基基基基)*抵食(基基)**服務(基基基基)**最後基言:味道不錯，不是想像中那麼好食，真的很貴，不過呢到d雞真係唔錯

鍾意食娘惹菜，因為佢多款式，又會用多種唔同香料配搭而成，口味濃烈但獨特既香味會令人好開胃。位於葵芳新都會廣場既少爺18就係一間集合左傳統同創新既星馬餐廳。分店環境夠大，想一大班朋友相聚又得，坐吧台飲野傾計又得，而且台與台之間有一定既空間，方便大家暢所欲言。一入到去就見到色彩繽紛既環境，一大個綠色草牆，令人覺得好舒適。餐廳既碗碟都係自家款式，容易留下印象。通常我試未食過既餐廳都會試該國/該餐廳招牌菜，因為連招牌菜都唔掂仲點有下次呢？所以今次當然有叫肉骨茶、海南雞飯同喇沙，另外仲叫左黑蘿蔔糕同蜜糖雞翼好啱女性飲既藥膳肉骨茶肉質都算滑，飯面有少少脆米，口感不錯喇沙食到一半先記得影相，不過椰香都好足夠雞翼原來都幾辣，但D蜜糖太惹味，停唔到口呢個就略鹹

今日同家人一同黎到少爺18，地方都幾大，擺到bb車，坐得都舒服我地要左全隻海南雞，肉骨茶同抄通菜份量都算多，海南雞唔夠味，要點醬先好食，不過係幾滑，無骨肉骨茶都幾好味，不過個湯底太咸，飲左幾啖就算肉都幾淋，基本上一咬就甩到d骨入面仲有兩舊冬菇，幾舊油炸鬼伴碟比你擺落去食另外有油飯或者白飯選擇油飯太咸，都係白飯岩我店內提供既水唔知點解有陣味，有少少似荔枝味又有少少似洗潔精味，唔知係咪杯洗唔乾淨，希望改善不過服務態度幾好，大致上都滿意

去左試想試好耐既少爺18，雖然價錢黎講唔算平，但朋友話好食，所以去試下啦鋪頭裝修簡簡單單，牆上掛滿不同款式既碟都幾靚，地方舒適座位寬敞，周圍都好乾淨企理！order左呢度既招牌海南飯，全個餐既食物都充滿濃濃既雞味首先係鹹鹹地既雞飯，飯身粒粒分明，不過我鍾意食再軟身既飯再黎係清清地既雞湯，湯中仲帶有杞子既香味，清一清味幾唔錯好大碟既海南雞，鹹鹹地肉質好嫩滑，林林地一d都唔鞋口，皮仲好薄好爽，一d都唔肥伴碟仲有2、3條菜芯同凍食既瓜蘿蔔，清甜健康跟餐一共有3款醬料選擇，但個人比較like傳統既薑蓉多d初初覺得海南雞飯餐$88都唔平，但食落原來同圖一樣，都係咁多野同份量都幾多，味道又唔差，咁又算抵食！