小魚兒 (金馬大廈)

营业中

休息中

烤魚是我最近愛上必吃的菜式，因為烤魚惹味又不會發胖，吃魚始終比吃雞、牛、羊或豬肉健康。朋友帶路第一次幫襯小魚兒，這裏的烤魚比深圳更合我口味，麻香但不會死辣，最重要的是吃完之後不會感覺口喝。我們坐下後，侍應介紹我們怎樣下單，首先我們選了老壇酸菜豆花，有: 小、中、大和不辣挑選，我們要了小辣, 香港人始終不太吃辣；然後選魚，有: 海鱸魚、江團魚、比目魚柳和沙巴龍躉四種魚選擇，我們要了江團魚，貪它肉多刺少夠滑嫩,  費事一路吃一路聊, 好容易吭骨。至於配菜方面，因為只有兩個人，所以要了每黃金組合，這個組合有：金針菇、土豆、蓮藕片和海帶。烤魚連盤帶火一起上桌, 確保 一路吃都一會凍, 老壇湯底香辣帶酸, 比較開胃, 熱騰騰一口接一口地吃, 真是吃貨一族．這個份量剛剛好夠兩個人，但吃完辣就想吃甜點，希望餐廳遲些可以有甜品供應😁

新一年，和新婚的好友飯局，因他倆婚前要減磅Keep Fit，故一段時間沒好東西吃。現婚後一個月，可輕鬆的吃東西，當然要吃餐飽的。唯希望他們不會很快打回原形吧，大家有說有笑愉快地渡過一晚。選吃 酸菜魚，因我們也是嗜辣的人。海鱸魚~老壇酸菜豆花有四款不同味道選擇，當然就選了最平宜的【海爐魚】。餐牌寫上：魚約重一公斤，看上去也的確頗大條，肉實柔軟。中辣與中麻，起初辣度剛好，隨時間流逝，辣味慢慢的跑了出來，加上芽菜酸菜與豆腐配料，啖啖肉之餘，也吃到出汗，真的過癮。 雪花肥牛有牛味，油脂不會太多，放湯十數秒，一轉色就吃，灼的時間準確，又嫩又腍。午餐肉端上枱時已煎好，熱燙燙，可即吃，也可加在鍋中加熱加麻辣。蓮藕，萵筍，金菇，竹笙，圓薯粉，全都是$28/碟的配菜，價錢與新鮮度好ok。重慶雞煲 半隻食得興起，再來一個雞煲。這個味道與辣度頗合心，又是中辣中麻，煮得嫩滑的雞件黐上濃濃的汁液，好味，用它來灼配菜更！燒白鱔侍應說白鱔是每天新鮮到店的，限量；燒得皮脆肉香，嫩中帶甜，沒有泥味，很不錯。紅芭樂荔枝梳打番石榴加荔枝味嘅梳打汁。石榴頗香，少甜微酸。咸檸七，飲了一罐，再後多一罐七喜，味道還是ok。

尖沙咀金馬倫道開左一間主打川菜烤魚嘅餐廳，見網上評價唔錯，就一於同朋友放工後黎試下啦。「小魚兒」位於一樓，無升降機，要行樓梯，同老人家黎可能會有d唔方便，不過對於做開運動嘅我地當然無問題啦。餐廳不論佈置或者餐具都係以「小魚兒」做主題，非常特別呀。既然呢度咁出名食烤魚，我地黎到又點可以唔試下呢？怕骨嘅我地揀左要比目魚柳，貪佢係全魚肉，雖然價錢比其他魚貴，但係都係值得嘅。烤魚有好多款口味揀，有冬蔭功海鮮、養生花膠蟲草、鳳梨香辣豆花、老壇酸菜等等，我地揀左一向喜愛嘅「老壇酸菜豆花」，辣度揀左中辣。烤魚上檯時散發出陣陣麻香味，煲裡面有好多酸菜、豆花同魚柳，魚柳入口超滑，肉質鮮嫩，豆花入口微甜，湯底辣度剛剛好，食落幾開胃。配料方面我地揀左蟹子蟹粉丸、萵筍、土豆同埋圓薯粉，圓薯粉煙靭又彈牙，吸收晒d辣味真係食得超過癮。埋單每人唔洗＄300，食到咁豐富高質嘅烤魚，都算係性價比高。

早幾年豆花撈米線可以話盛極一時，開發左用豆花配搭其他料理，早排睇雜誌見到呢間「小魚兒」以豆花配烤魚，喜愛試新野嘅我又點可以唔試下呢？餐廳佈置以魚為主題，牆上以及餐具等等都有好多魚嘅圖案，非常可愛。一場黎到，當然係要試豆花烤魚啦，兩個人揀左老壇酸菜豆花烤比目魚柳，再加左幾樣配菜。等左一陣，烤魚好快就送到了，上檯時散發出陣陣香味，除左魚柳、豆花及酸菜外，配菜仲有芽菜、洋蔥及荽茜等等，中辣嘅湯底食落非常開胃，酸菜份量都幾多，比目魚柳食落啖啖肉，魚皮經烤過後又香又脆，無骨嘅魚柳岩晒懶得吐骨嘅我地；微甜嘅豆花配上酸酸辣辣嘅湯底，味道好有層次。配菜加左蟹子蟹粉丸、萵筍、土豆及圓薯粉，當中土豆吸收晒湯汁後非常好味；而食烤魚又點可以缺少薯粉呢？薯粉入口煙煙韌韌，夾埋酸辣湯食感覺一流。下次有機會真係要試埋佢個鳳梨豆花烤魚。

天氣又轉涼🥶吃火鍋的癮又來了🤣覺得一般港式火鍋太普通在金馬倫道走著走著被「小魚兒」的大型電視招牌吸引😍看一下菜單 有火鍋又有烤魚☺️就上樓去店員安排我們兩坐四人桌 很寬敞呢店內有好多美美的壁畫 跟霓虹燈😛點菜嚕！除了烤魚 還有雞、BBQ燒烤、炸小食喝的選擇也很多 有汽水、沙冰、特飯、還有透心涼的生啤🍺經過一番掙扎後😌因為朋友不吃辣 點了海鱸魚($298)配白魚湯黃金蒜香豆花魚好大一條 多肉而且肉嫩有蒜香味！店員為我們細心煮魚 時間到了又提醒我們可以吃了 很貼心👍🏻👍🏻👍🏻配料有豆芽、滑滑豆腐、洋蔥、芫荽另外額外點了雪花肥牛($108)、秀珍菇($28)、稻庭烏冬($28)烤魚湯頭味道很足 涮什麼都好吃🤣肥牛牛味重 秀珍菇大大一盆新鮮性價比高烏冬很配湯底 質素好夾起不會易碎小吃試了慢煮鵪鶉髀($68)燒得很香 外皮很脆🤪但肉質又不會乾 滿不錯☺️大家不妨試試「小魚兒」特式烤魚及小食😊

從樓梯行上就見到小魚兒，坐下就看到其他枱都食魚，所以就點了烏江魚鳳梨麻辣豆花+黃金組合，喜歡吃辣的我當然選中辣小麻喇，好快魚就已經上枱了買相已經不錯和老公兩人食份量十足本來是想多點其他串燒的，但是真的吃不下，就等下次帶多幾位朋友黎食過

今日響尖沙咀做野晏左，想搵aa收得晏啲既餐廳食野，見到呢到收零晨12:00，就入黎食野。呢到既設計同店名好配合，周圍都見到小魚兒既裝飾，同埋呢到有個corner 係放酒，仲有手工啤，岩哂黎食宵夜。一入到去見到好多人都食緊烤魚，餐牌都有好多唔同既魚選擇，不過見啲魚都幾大份。同埋時間不早也留下次才試吧。最後叫左重慶雞煲半隻 $148 雞煲可以選擇麻辣的程度，我揀左小辣小麻，不過建議好似我咁唔係好食得辣既朋友，叫小辣就已經好夠了，不用再作挑戰。雞肉難得好滑，醬汁好濃好正，店員還很貼心地話如果太辣可以加點湯作中和。雞煲食完可以加湯打邊爐，所以揀左宵夜邪惡之選出前一丁$28，丁麵吸哂啲汁好正，食完都飽飽地lo。除咗雞煲同烤魚之外，呢度都有好多串燒同埋小食，啱晒黎飲酒傾計嘅人，我就揀咗兩款黎試吓，炸魚手指$48同埋炸一口芝士$48，份量都幾多，如果想來傾吓計，飲下酒食小小野嘅朋友都不妨黎試吓。

平時番大陸食烤魚都只係貪佢夠平，如果在香港都搵到價錢差唔多既，仲使咩番去食！今日經過見到呢間新開，一睇menu真係咩都有，最後搵左幾個朋友一行5人去試下。黎到當然要食下招牌既烤魚！有好多味選擇，最重要的是，價錢好親民！！要石班都只係368（去過銅鑼灣某d烤魚，價錢好貴，有點唔值）。朋友唔食辣，最後選左黃金蒜香味，再加不同配菜，黎到時一大盆真係好吸引！擺碟好靚，有4磚豆腐在四角，湯底濃味而不油，魚真係好滑！唔好以為小食只係配菜，呢到既串燒同涼拌小食簡直係亮點：不同串燒：有羊、雞軟骨、牛利全部都好惹味，唔會落好多孜然粉蓋過肉味，好好食！涼拌土豆絲香港人都係講番薯仔會順心d，每次見到有都會叫，因為酸酸地好開胃。雞煲相比起其他菜式，我覺得雞煲就普通左少少，但份量都好多，5個人一個烤魚，一個雞煲，真係好無敵，雖然好熱氣，咪叫啤酒降降溫囉！

晚上天氣轉冷，決定去食烤魚。一進來已經令我嘩嘩叫，每一處都是影相位，環境佈置和餐具全是可愛的小魚兒🐠。所以即使有雞煲、串燒，我和朋友都堅定要了碳火風味烤魚。只要肯問，店員會很細心講解各種魚的分別。江團魚，$338。選這個因為未吃過，而且沒細碎的魚骨，魚骨只集中在脊柱和上下魚鮨部位。另外聽說比較多魚油。不過在這個青椒BB豆花（中辣）的口味下，已經不能確定是否很多魚油，不過就好肯定好惹味好正👍。魚肉鮮嫩，啖啖肉無魚骨，食得好爽。另外魚皮也很香口，感覺煎香過的，沒有魚鱗，大大塊好有嚼勁。這條江團魚勁大條，不知如何吃起。好彩店員會幫忙切開幾份，起肉都容易。青椒BB豆花裏有芽菜、青椒、豆腐。豆腐滑到似山水豆花。炸午餐肉粒，$48。可即吃，炸的香脆，不過有點咸，放入湯底裏烤烤，味道就最正。萵荀，$28。新鮮。這裏用餐時間有90 mins，在這麼舒服漂亮的環境下坐到不想走哩😆。

相信大半年仲有好多香港人一到假日就會到深圳吃喝玩樂，最熱門嘅影片總有深圳好去處，今時唔同往日。就連我地都已經7個幾月冇踏足過，變相都食少左烤魚、酸菜魚。喺香港其實都一樣有呢啲餐廳，質素都唔錯，食得安全放心，最近試左呢間位於尖沙咀嘅小魚兒小魚兒喺金馬倫道，沿住樓梯上已經見到牆上好多魚仔。店內環境乾淨企理，以霓虹燈為主嘅裝潢，枱櫈間都夠闊落，裡頭仲有大枱。溫馨提示，人多人少都記得訂位，因為有折啊！小魚兒主打川菜烤魚，自由選擇海鱸魚、江團魚、比目魚柳或沙巴龍躉魚，定價$298-388，所以，有折真係抵食好多口味都可以自選，包括有冬蔭公海鮮、花膠蟲草香辣豆花、鳳梨香辣豆花、泡椒剁椒豆花、青椒豆花、酸菜豆花同唔辣嘅魚湯蒜香豆花。除左招牌烤魚，仲有雞煲，食烤魚雞煲唔少得追加配菜，呢度都有牛肉、豬腩片、丸類、蔬菜等。此外，仲供應多款小食、串燒，人均消費約二百零蚊。川式手拍青瓜 $38店員細心詢問辣度，我地揀左中辣，不過都可以放心，唔會好辣嘅啫。青瓜入口爽脆，連同香料芝麻，開胃小菜點少得鳳梨香辣豆花烤江團魚 $338娃娃菜 $28豬紅 $48揀左江團魚，鐘意佢好肉地，冇乜細骨方便食用，而且硬係感覺正宗

前幾日搵既時候已經覺得呢間名字好可愛 😂呢晚好高興同朋友們係尖沙咀共進晚餐～大廈既入口有小小tricky 一唔小心就好易Miss 左但經過微窄樓梯後上到黎會有重別有洞天既感覺！講到烤魚當然要叫酸菜湯底！除左酸菜當然仲有其他配菜，有芽菜 豆腐 等等。酸菜底好足味 魚肉烤過後仍然夠嫩！我地都叫左其他配菜 有木耳 烏冬 仲有啲蔬菜各樣食材都幾新鮮 舖頭既衞生情況都好好。我地都叫左呢個八爪魚腳 XD一炒好就拎比我地！外脆內軟就係咁解！叫左呢啲小食當然都要啤啤佢～

新年同朋友聚下，尖沙咀比較方便，於是乎大家就約係小魚兒一起吹下水啦~金馬直上一樓，樓梯佈置都比較有心思，工業風設計加上魚🐠🐠🐠的燈飾~好似去緊海洋世界咁店內位置都比較寬敞，適合朋友聚會（不過都好多情侶拍拖來食）我同行4個人叫咗一條沙巴龍躉，因為有friend唔食辣，所以就叫老壇酸菜豆花口味，唔辣，不過我覺得應該加少少麻會好食d上菜都幾快，條🐠1kg都夠食，因為仲有配菜（推薦萵筍~年糕~黃金組合~）龍躉肉質好緊緻，豆花嫩，酸菜湯底非常好味~不過個火🔥好細，煲勁耐都唔滾，希望可以改善下囖

依家係香港越嚟越興食烤魚🐟不過質素亦都非常參差。好彩有朋友介紹呢間高質素烤魚令我今晚食得好滿意😋位於金馬倫道既小魚兒雖然係樓上舖，但都好易搵到門口，而且裝修都幾靚幾cute，一入門口都好多打卡位，唔錯💖睇menu都有好多選擇，首先揀魚 - 雖然我唔知有咩分別，但店員都幾細心說明，視乎你鍾意肉質如何、怕唔怕骨等。之後亦有好多款汁，酸甜、酸辣、麻辣⋯😍🌶可惜今日喉嚨有啲痛，唯有忍口食唔辣，就揀左白魚湯蒜香豆花味。叫左小食拍🥒青瓜，辣中帶麻、夠哂開胃同新鮮爽口😋呢個唔辣既蒜香烤魚大份得黎好香，爐魚魚質爽彈得黎又入到蒜香，但又唔會煮到好鞋！配菜加左個竹笙，大份得來佢洗得好乾淨，索晒啲蒜香豆花汁好好味😍而且佢本身湯底都有唔少芽菜同豆腐，好夠食！果然係食烤魚既好選擇🐟🥳

要食烤魚唔一定要返大陸，其實香港都越開越多，就好似位於金馬倫道一座大廈2樓嘅小魚兒。呢度都係以烤魚作招牌菜，當然仲有雞煲，燒烤同涼拌小菜等等，烤魚有四種魚選擇，有鱸魚、江團魚、比目魚柳、同埋沙巴龍躉，亦有幾款唔同特色湯底，例如冬陰公、花膠蟲草同菠蘿香辣等等，辣同麻度亦可以因應自己喜好而自選我哋點左江團魚同埋菠蘿香辣豆花湯底，再加咗豬紅同娃娃菜。條魚都算幾大條，兩個人食都好夠。湯底用上香辣在加咗菠蘿酸酸甜甜，味道幾得意由於第一次食所以點左小辣小麻，試一試先，發現麻辣味道唔算太勁，幾適合香港人，自己食開辣，下次可以試吓中辣。魚肉夠多冇乜細骨，連唔係好識食魚嘅朋友都食得津津樂道，三扒兩撥已經食光光。另加入豬紅同娃娃菜，吸收左啲湯嘅精華，亦好好味。另外點左燒茄子，呢個真係冇得彈，好友國內風味，面上嘅蒜蓉火炙之後香香脆脆，好好食。拍青瓜亦爽口有少少辣，越食越爽。總括來講呢度食物水準唔錯坐得都幾舒服應該會叫埋朋友回訪。

返深圳最鍾意食烤魚，喺香港又有冇得食呢？今晚朋友就帶咗我去尖沙咀小魚兒，主打各式烤魚，唔使返大陸都有得食啦！海鱸魚（約$1kg）$298口味：活火山泡椒剁椒豆花（大辣+大麻）食得辣嘅朋友一定要揀呢個口味，因為係店來辣度最高的！見到啲配料都知重口味，真材實料，絕無欺場！海鱸魚也很足磅，魚肉肉質嫩滑，一點都不會鞋，而且魚骨都係大支的，容易食，真心好評！配菜：（每份$28）娃娃菜竹笙魚皮米線圓薯粉川式口水雞（$68）份量也不少，啖啖肉，口味夠正宗。玫瑰西柚梳打（$38）Facebook like & share 送指定串燒一款（晚市）燒風味豬肉串（2串）（$48）今晚只係平日晚上，但店內竟然座無虛席，客似雲來，證明有麝自然香，想食嘅朋友記得訂座。