小魚兒 (金馬大廈)

营业中

休息中

某天在尖沙咀食完班㦸後，行多陣街，已到晚上，三人一致決定食辣野，繼續吹水，最後誤打誤撞搵到間烤魚店，就上左去🤣因為食得太多甜品，頂住個胃😂最後只點了一條烤魚。魚有4種選擇和大中小辣度，除了烤魚，還有雞煲、小食和燒烤都很吸引，但我地已食唔到咁多野喇🤦🏻‍♂不過最後發現如果讚好及分享餐廳Facebook 專頁會免費贈送1串燒物，我地一行三人免費食多3串燒雞串, YA!1. 青椒BB豆花烤海鱸魚 $278依款餐廳必食推介可以說是最classical的一款，滿滿的青椒粒已令人流口水，越煮得耐就越辣，正🤪鱸魚會預先煎香，再放入湯汁中煮，魚的肉質嫩滑，吸收湯汁後更入味和好食👍🏻2. 炭燒風味雞串 (正價$18)雞肉燒得很好，唔韌，配上牧然粉來燒，非常香口😋

到深圳吃烤魚彷佛已是香港人十分愛做的事了吧，某一間烤魚專門店真是十分好吃，在深圳可說是無人不曉的。北上的距離雖然不算是很近，但要專程上去也實在有點麻煩了，香港近年也開始流行開烤魚店，不過能否弄得像深圳那間就是另一回事。裡面的霓虹燈都很「潮」，個人很喜歡～為烤魚店多添一份色彩。首先選擇烤魚種類，然後選擇烤魚風味，烤魚的風味大多都是辣的，畢竟配辣會比較好吃的。說真的以這個價錢來說都不便宜，味道要好吃才是呢。跟一般的烤魚店一樣，有不少小食的種類，包括bbq燒烤、惹味小食和酥炸小食等等。首先來的竟然是飲品，點了一杯荔枝乳酸梳打，粉紅色的環境或是飲品總能吸引到女生。荔枝味甜甜的又不會over，清新，適合比較炎熱的天氣喝吧。我和朋友其實都不太能吃辣😛不過還是想點一款辣的試試，結果點了鳳梨香辣豆花口味，份量比起想像中的少，旁邊還真的有很多鳳梨🤣很難想像鳳梨和香辣的味道能夠搭配。點的是江團魚，魚肉也挺嫩滑的，魚皮比我想像中的脆身，鳳梨也清甜。烤風味雞肉串 $24/串雖然烤魚是主角，別忘了串燒在烤魚店也是很必點的，於是分別點了一串牛肉和雞肉。串燒可選擇蒜蓉、孜然、芝士、香辣或黑松露口味，雞肉那串我們選擇

喺尖沙咀開左呢間主打四川豆花烤魚店 今日終於去左試😚 呢度除咗烤魚 仲有雞煲 串燒同小食 食物種類選擇都幾多㗎🤩我哋一場黎到當然要試吓烤魚啦 我地揀左老壇酸菜豆花海鱸魚 揀左少麻少辣😋 另外再加左萵筍同薯粉做配菜 上菜後店員會為你將魚切開煮熟 等一陣就食得啦😚 條魚有成1kg重 好厚好多肉 魚味重 配上濃味嘅酸菜麻辣鍋真係好夾好入味👍🏻 雖然偏辣 不過好惹味 酸菜都好好食 好彩有豆花和芽菜 豆花口感好滑👅 萵筍同薯粉都係我好鍾意食嘅麻辣鍋配菜 酸辣薯粉真係超級正 特別係佢地唔係用寬粉 更入味口感更好🤩記得like and share佢哋Facebook 仲有2串豬肉串燒送😍 好大串 香濃既孜然味配上嫩滑既豬肉串超出色😛 最後仲送左一客焦糖燒菠蘿比我地食 面頭香脆既焦糖包裹着香甜嘅菠蘿 真係一個好正既甜品 呢到價錢親民抵食 服務態度極佳 性價比好高🌟

中午放飯諗緊邊到食好西，同事起勢介紹去小魚兒啦，底食夾大件，包我一定滿意，咁把炮，一於就試試佢！間野係一樓，咁岩壞左電梯要行樓梯，都闊落既，上到去坐低我揀咗個蔥油雞扒飯加鹹檸七，冇影餐牌飯好似42，加特飲10蚊total 52仲要免加一！尖沙咀黎講真係超值！碟飯都好大碟下，雞扒有5大舊，加隻煎蛋，仲有碟蔥油。先講飯，唔會多水軟林林，粒粒分明，靚飯！雞扒係主角，煎得十分出色，外脆內軟，十分嫩滑多汁，配上蔥油，好香口！送飯一流，加埋煎蛋簡直畫龍點睛，錦上添花。鹹檸七大路野不過不失啦。Cp值咁高，一定有下次！

尖沙咀金馬倫道開了一家主打川菜烤魚嘅餐廳，烤魚有多款口味選擇，如老壇酸菜、蒜香、泡椒、花膠蟲草等，配上新鮮烤魚，各位嗜辣愛好者不要錯過！烤魚種類有沙巴龍躉（$388）、比目魚柳（$368）、江團魚（$338）和海鱸魚（$298）。作為平食，就點了海鱸魚黃金蒜香豆花烤魚由於唔係太想食辣，所以就變咗蒜香味。來到嘅時候非常之香；先把香濃湯汁淋上魚身，再分魚，一口魚肉配一粒蒜頭，口感極強烈。不過要注意⚠️魚煮得太久，魚肉會黏底。配料方面因為係兩個人食，所以只係加了寬粉。桌上有宣傳，Like & Share 就可以得到串燒一份😻 好juicy！餐廳嘅服務態度非常之好，最後老闆仲送咗我哋一份燒菠蘿！一粒粒切好晒，而且仲非常之香甜☺️餐廳有好多打卡位！啱晒一班朋友嚟食飯😌食飽飽之餘價錢亦都唔係好貴！大概$180位都好合理 🤣—————————— 食物質素：8/10 環境衛生：7.5/10 舒適度：8/10 服務：8/10 性價比：7.5/10 總評分：7.8/10 ——————————#foodblogger #foodlover #foodie #hkfoodie #相機食先 #尖沙嘴

跟好友吃飯，她好麻辣，上網搜搜，新開的小魚兒評價不錯，抱著試一試去吃。小魚兒於樓上餐廳，要走一層樓梯，雖然有點不方便，但香港地舖租金實在驚人，要吃合理價格的東西，唯有更上一層樓😅餐廳頗為寬敞，除了有烤魚外，也有各種BBQ串燒，雞煲、小食和手工啤，由於我們只得2個人，不想浪費，叫了烤魚和配菜後，其他的東西只能下次來幫襯時才試。老壇酸菜豆花魚，我們要了個小辣上桌時魚面也鋪上一堆辣椒和酸菜，魚湯是火紅火紅的，看見有點擔心怕太辣吃不了，但吃在嘴巴裏，麻辣味又恰當好吃，配上老壇酸菜的酸更是癮。 為了健康點，我們還叫了薯粉、秀珍菇、鮮腐竹和萵荀。烤魚吃得差不多時候，加上配菜，飽肚、好味又有益。

行到邊食到邊～尖沙咀-難得與老友一聚，當然要吃他最喜歡的川菜烤魚。上網給我我找到一間位置方便的新開的烤魚🙂便與他一起試試。-HK$298白魚湯黃金蒜香豆花海鱸魚～海鱸魚足足有一公斤重，好大條哦😯 肉質較滑溜，魚味濃郁，不會有太多魚骨，差不多啖啖肉而沒有腥味。蒜頭炸至金黃，喜愛吃蒜頭朋友👍🏻。豆花好像嬰兒肌膚一樣嬌嫩。-HK$108雪花肥牛～ 肥瘦相間， 一鍋輕刷數下便可以吃了口感特別鬆😋-HK$28圓薯粉～配雪花肥牛一起吃特別好味道。-HK$28娃娃菜～娃娃菜最後放咗入鍋裏，吸收了魚湯的精華。-HK$78蒜蓉燒生蠔（3隻）～蒜蓉完全覆蓋着生蠔， 先吃蒜蓉再吃一口鮮甜的生蠔，簡直完美配搭。-HK$68手工啤酒豬朋狗友～吃烤魚一定要喝啤酒🍺朋友選擇手工啤酒味道清爽配烤魚不錯。-HK$38竹蔗芧根～自家煲，足材料，不會過甜。-餐廳環境以霓虹為主的裝修風格，配上吃烤魚，再不是古色古香的感覺而是走到潮流尖端了。與老友兩個人可坐四人枱所以感覺非常舒服枱與枱之間有距離感不會打擾其他食客。-價格每人平均三百多，可以吃到質素好的烤魚，真是。

之前成日都會返大陸食烤魚，近期香港愈開愈多，呢日同朋友係尖沙咀行完街經過見到佢，所以就膽粗粗入去試下。因為6點令鐘入去食，店舖無乜人，反而咁樣靜靜地食野幾舒服。我地叫左呢個泡椒剁椒豆花味江團魚，魚質好滑好鮮甜，同埋都幾大條，我同朋友兩個人食都覺得一條魚都夠食。另外佢配菜都有豆卜，豆腐同埋大量芽菜係裡面。另外再加左碟薯粉同埋安格斯肥牛，碟肥牛真心正👍🏻好有牛肉味同埋好林身，我呢碟係小份量，價錢唔貴之餘份量都足夠。

好意外咁係屋企人帶翻我去食好野次次有d咩新餐廳都係我介紹屋企人去食，點知呢間小魚兒竟然係媽媽開口話要去試🤣話要趕上潮流。我地book咗星期六夜晚去試，個日都幾多人等位，好彩一早book 咗，唔係可能要等好耐🤯。服務員嘅態度都好好，仲有笑容，可能個日係頭一轉食，所以仲有心情笑掛🤣終於坐底咗，入面嘅裝修都好有中國嘅味道，係靚個隻中國特色~佢d枱、櫈都濶，坐得好舒服，因為有d餐廳會好逼，逼到無心情食飯🥺，呢到就好舒服啦😍仲想慢慢坐慢慢食👍🏻。呢到仲有free wifi，對於我呢d成日爆data嘅人真係恩物黎🤣，我地食晚市仲送多一個串燒，媽咪就好鐘意佢個串燒😂因爲免費野係最好食喎~就係呢支串燒，係幾好食嘅，燒得好香脆嘅雞軟骨，調味都唔錯。到今日嘅主角啦~蟲草花膠雞煲聽落好養生咁，所以二個女人就決定咗嗌。佢d花膠又大又好食，食得岀品質唔錯。個雞煲都好正，加埋其他嘅配菜真係食到好滿足~~結果2個人食咗千幾蚊，大家都飽到捧住個肚走🤣再有下一次帶多幾個人黎可以再嗌多d野食😍

小魚兒烤魚迅速竄紅，料多實在，辣度迷人，累積不少愛吃烤魚的粉絲，尤其是年輕人，每到晚餐時間，人流水洩不通，足證小魚兒的美味，不少人吃過小魚兒後都讚不絕口。在烤魚未火熱起來前，我們先吃燒茄子。燒茄子經蒜蓉烤焗，上桌時蒜香十足，茄子皮脆肉細嫩，味道層次多變不油膩，瞬間被我們秒殺了。全港首創的鳳梨香辣豆花海鱸魚有別於平日紅通通的烤魚，小辣的湯底微微刺激，加入酸甜的菠蘿，滑溜的豆腐，辣度溫和。海鱸魚骨刺不多，迷人香氣的魚肉軟嫩，絕對是烤魚控的首選。除了品嚐碳火風味烤魚，我們還加配豆卜，娃娃菜，蓮藕片和圓薯粉，光吃肉是不行的，也要營養均衡吃些蔬菜粉麵。現在的娃娃菜超甜，浸泡湯底後的娃娃菜甜中帶辣，而蓮藕片口感爽脆，別有一番風味。圓薯粉素來是烤魚的最佳拍檔，所以深受食客歡迎，圓薯粉吸飽香噴噴的熱湯，滑彈爽口，一口烤魚，一口薯粉，真的很讚。豆卜吸收湯汁夠香夠辣，味道濃郁，香氣四溢，不錯的吃。面對熱辣辣的烤魚，我們忍不住喝杯沙冰。益力多爆珠沙冰我挺推介，在喝益力多沙冰的同時，亦可享受爆珠的爆汁，在嘴中嚼嚼嚼，愈嚼愈喜歡，益力多爆珠沙冰酸酸甜甜頗解飽膩，深得我心。如果喜歡蜜桃香橙沙冰的朋友，那就不要錯過

早前在新假期見到有賣廣告，好似好吸引，就約好姊妹陪我去食，順便慶祝佢生日。餐廳佈置都幾特別，用霓虹燈做裝飾。餐具都印有魚仔，水杯又有不同顏色，呃like一流。同朋友2個人去食烤魚火鍋，主要係傾計，食野都係其次。由於人數唔多，我地點左青椒BB豆花海鱸魚；海鱸魚都算係肉厚，少骨。啱晒我鍾意食魚，但唔鍾意多骨既人食。豆腐好滑，芽菜好入味。另外。我地點了串燒，外表睇落燒到好乾，但食落去又唔會覺得好柴，幾嫩。

終於試左期待已久既「小魚兒」烤魚，環境舒服、乾淨，店員都有禮貌。點了推介既「豆豉香辣豆花味」石班+中辣+中麻，辣度適中，但豆豉唔多亦冇豆豉既香，中規中矩，整體感覺唔夠香口同惹味！魚係主角，但有點失望，加 $90揀左石班總會有 D期望，煎得不夠香，另一樣比較在意既，就係冇處理乾淨 D魚鱗，所以食既時候感覺就麻麻地，成日係度「吐魚鱗」。既然係餐廳主打烤魚，呢D細節真係好重要，餐廳需要係呢方面再落多 D力！另外點左配菜，都係以蔬菜為主，無咩要特別挑剔，唯一係娃娃菜唔夠新鮮。

烤魚可選辣度，由不辣到大辣都有烤魚：鳳梨香辣豆花烤魚、豆豉香辣豆花烤魚、黃金蒜香豆花烤魚、老壇酸菜豆花烤魚依幾款都想試...今次試左老壇酸菜豆花烤魚先條魚好大條🐟🐟🐟海鱸魚$278 依個價錢係好抵食配菜點左d吸汁力高的金針菇、萵荀、薯粉份量好多，我地兩個人食都食唔哂而d湯都好好味佢地除左有魚食仲有串燒和炸物同重慶雞煲推介-炭燒風味雞串（$18/串）炭燒好香,同埋肉燒係成串咁長唔係得幾粒貨仔旁邊有電視播一d店內食物既介紹鳳梨香辣豆花烤魚都好吸引同特別下次黎再試電視內介紹的鳳梨香辣豆花烤魚依度仲有本地手工啤酒可以選擇

尖沙咀新開左間烤魚專門店叫小魚兒位置好方便尖沙咀地鐵站B2直行就到樓梯同門口都有架卡位可以影相行樓梯上去會見到一條條手繪魚牆上到去會有魚兒造型霓虹燈點餐方面,佢依度有好多種口味既烤魚辣度方面由唔辣到大辣都有「有辣有唔辣，任君選擇」烤魚種類有:沙巴龍躉（$368）江團魚（$318）和海鱸魚（$278）我地點左老壇酸菜豆花烤魚 (海鱸魚)餐單上有寫每條魚大概有1公斤實物上到黎條魚都大，應該係有足1公斤d酸菜好好味...豆腐都好入味...加點左薯粉...20蚊一份..都大份食完一份,好食都再點多次份另外點左個孜然羊扒有驚喜,孜然粉燒食落非常香口羊扒仲要有濃郁的肉咸檸7 $26

今晚去咗一間好多人好受歡迎嘅烤魚店但除咗烤魚之外，朋友話佢哋嘅串燒都好好食今晚我哋得兩個人，咁大盤烤魚真係食唔晒所以我哋今晚主攻串燒，下次約多幾個朋友再試吓佢哋嘅魚！🐠🐟食串燒首選梗係牛舌，佢哋嘅調味好濃味而且顏色牛舌一串有5塊，抵食又好味呀！另外炸魷魚鬚同燒鮑魚都係好正嘅！燒鮑魚嘅醬汁好特別，一定係自家製出面未食過。鮑魚唔會得太乾，夠彈牙燒海鮮有時會唔夠juicy 但呢份勁正見其他人食魚都好正，好期待下一次😍😍