小魚兒 (金馬大廈)

营业中

休息中

繼續團年聚餐~今次同喜歡食辣既朋友係魚呀~我覺得自己食辣既能力高左, 所以就佢地, 叫左中辣+中麻好辣, 但又未去到流哂鼻水既地步, 只係唔敢浸太多汁黎食幾惹味的, 條魚好多肉, 唔鞋口D豆腐好滑好正再加左小食炸午餐肉就當然正啦但我最愛既係炸芝士粒呀外層好脆口! 入面流心有芝士香, 好正另外哥哥仔推介既白鱔都唔錯的, 不過我覺得可以再濃味D牛肉串揀左孜然味, 不過孜然味唔夠飲品方面D味道都係正正常常, 冇乜特別的主要係靠佢黎解辣啦~下次有機會再食啦~ 要叫番小辣先得個人覺得有D貴, 特別係小食一串白鱔都要68蚊...我地都唔敢ENCORE多一串了

Little Fish🐟 not only fish🐥🍢🍚🥟🥢..小魚兒🐟 Little Fish ✨麻辣大師👨🏻‍🍳。一間以霓虹為主要裝修風格既餐廳，主打川菜：烤魚、麻辣香鍋、串燒小食，亦有客飯套餐呢。一場黎到，當然要試試川菜🌶大盤烤魚🐟吧。魚肉質厚實，數款魚類可供選擇，而且烤魚口味款式多，仲可任意配搭配菜配料，做到烤魚既麻辣鮮香之餘，亦能營造出一款最岩心水既大盤魚🐟呢。食烤魚～揀選口味都有步驟架：步驟1. 碳火風味烤魚ll $298主角當然要先揀選烤魚🐟吧，4款魚類可提挑選：海鱸魚、江團魚、比目魚柳、沙巴龍躉。初次到訪，就試試基本款式。原條海鱸魚🐟 開邊，肉質厚實 很多肉呢。步驟2. 選烤魚口味ll +$38(小辣 + 小麻)大大一盤烤魚，選擇較養生既口味：花膠蟲草呢。盤內花膠份量也不算少，橙黃既蟲草花🌾配搭著都不錯。盤內還有各種不同配菜：豆花、豆芽、洋蔥、紅辣椒、芫茜，材料很豐富，估唔到豆花口感好好呢，吃得過癮。步驟3. 加選配菜可因應自己口味 喜好，隨意添加不同配料。如：肥牛、丸類、蔬菜、菇菌類、粉麵主食等等，感覺亦像吃火鍋呢。ll $48除左食烤魚，餐廳仲有其他炭燒風味✨BB

在烤魚店食串燒食完中午，tea time又餓了，要食d肉先夠飽肚。呢間烤魚店之前食過，除左烤魚仲有串燒食，所以上左去食幾串，填填個肚仔。tea time餐廳吾多人，叫左既串燒都快上。我鐘意佢個杯，可愛。我叫左6串串燒，牛舌，豬肉同牛肉串。全部都係孜然粉調味。燒牛舌牛舌厚身，4大塊，咬落有彈性，有牛汁，加上燒既，有碳香，好食。豬肉串每串都有5粒肉，都ok，豬肉面燒得小小蕉，但入面都有汁，幾好。牛肉串牛肉串燒仲有牛肥膏一齊燒，所以好香牛香，調味做得好，惹味。呢度嘅串燒係用鐵支插住後燒，d吉住既肉都溫熱到，吾會痴住，有晒重慶風味。

烤魚一大條同男朋友去食近先出名既烤魚，呢間尖沙咀小魚新開無耐，網上睇到好似幾正，所以就去食下。餐廳裝修光猛乾淨，坐位都不會太迫，夜晚6點幾都坐到一半人。想食烤魚但男友又魚骨，所以店員推介我地食鱸魚，只係一條大骨過，吾會有細骨。價錢都抵d，其他3百幾，鱸魚2百幾。加上不太食辣，湯底就要左白魚湯黃金蒜香豆花。餐牌上講魚大概都有1公斤，真的很大條，抵食嘅！上台蒜香非常香，乳白色，仲有d芽菜，洋蔥等，加埋魚，個湯幾正。條魚係先烤再放落個兜，所以面頭仲小小脆，入面吸到湯，加埋大條魚，個魚肉嫩滑，不鞋口，魚骨中間一大條的，容易食，又好食。最後加左個雪花牛肉碌，牛肉碌魚湯，令到個肉味仲帶出，好味。

工作實在太繁忙，星期日都要工作，放工一定要對自己好一點。最近香港流行烤魚，於是就在公司附近找一間。這間叫小魚兒，地點便利，都是在尖沙咀中心地段。魚的選擇有海鱸，江團，比目及沙巴躉。我今次試的是海鱸魚配上老壇酸菜豆花口味，因為第一次，所以只點了小辣小麻。魚來到了，一大條魚大約1kg重，整本有一隻手臂大條。正當我擔心如何處理時，店員就上來幫忙，他耐心的替我分好魚肉，我只需要坐好等食就可以。小辣其實都有點辣，但仍接受到，湯底不錯很甜，亦有酸度。魚肉很嫩滑，一口魚配一口酸菜，真是美味

老友無辣不歡，碰巧他公司附近開了間新的烤魚店。今晚的聚會就順理成章試試佢小魚兒位於尖沙咀的中心地帶 “金馬大廈”一樓位置非常便利。一坐下就看見餐牌，而下單是可以自行用QR code下的只要在facebook like & share就可以免費獲得串燒一串，還要是每位計的，大家記得like不要錯過老壇酸菜豆花海鱸魚 $298烤魚本身已有酸菜、豆腐和芽菜，加上香料和辣椒等等，味道香濃撲鼻還未吃已經急不及待想立即品嘗！辣度我們點了小辣，一上枱當然是相機先吃📸份量的話兩個人一定夠飽魚肉晶凝通透，魚骨都是大大條的,秀珍菇 $28 年糕 $28配料我們選了秀珍菇與年糕與辣湯底味道很夾Like & share炭燒豬串不得不提的免費炭燈豬串，雖然說是免費，但味道絕不敷衍豬串在燒烤過程中加入少許調味料和香草，呷下非常惹味！兩個人埋單四百多，扺食！

間位於尖沙咀烤魚專門店除左有唔同款式的烤魚之外，仲有雞煲及串燒，見咁多選擇於是就入左去試試🌌竹蔗茅根 $38🌌竹蔗茅根一樽，都幾解渴，可以飲足成餐，清清甜甜沒有糖水味👍🏻🌠炸一口芝士 $48🌠一口芝士的芝士味道很濃，一咬流心芝士爆出來，滋味十足😁🎇海鱸魚 $298 配泰皇冬陰公海鮮湯底+$68🎇海鱸魚只有一條大骨，然後基本上沒有細骨，整條魚多肉足1KG，經炸熟再放在湯底上，海鱸魚經調好味，而湯底會越食越濃味，個人認為 略咸，酸酸辣辣的泰皇湯底幾重口味，配料有鮮蝦及蜆以及豆腐、豆芽。原條海鱸魚肉質結實，鍾意啖啖肉的朋友絕對不二之選🎇豆卜/金針菇/ 稻庭烏冬/竹笙 +$28 每款🎇配菜只需加$28就有一款，都幾大份，又飽肚又抵食總括而言，鍾意食烤魚的朋友可以試下呢間專食烤魚的專門店，服務及環境都過得去

香港好似不太多這種食魚的地方；對上一次食是在大陸了。*白魚湯黃金蒜香豆花白鱸魚（$298）白鱸魚很鮮，肉質比較實；湯底很清，味道剛好。除了魚之外，亦有其他配料食，如豆腐。*雪花肥牛（$108）雖然是最平的一碟肥牛，但一點都不差；肉味很濃，又不會太肥。*秀珍菇（$28）大大碟的秀珍菇，和魚湯很配。*稻庭烏冬（$28）稻庭烏冬吸收了湯汁，很入味。*燒慢煮鵪鶉脾（$68）鵪鶉蛋就吃得多了，鵪鶉的肉真的第一次食；味道和雞肉有點似；燒過的皮很香很脆，調味比較濃。

麻辣餐廳小魚兒主打川菜烤魚同重慶雞煲適合一大班人聚餐💃🏻💃🏻雞煲可選辣度由不辣到大辣都有 不怕因吃不了辣而卻步.✨重慶雞煲 半隻$148重慶秘方雞煲用上花椒、辣椒、大蒜、丁香、豆寇、肉薑及洋葱等十多種由重慶直送的香料再配以大廚的秘製醬汁🤪🤪麻辣十足雞煲用走地雞生煮至熟 😋肉汁豐盈且質感嫩滑 而且非常入味✨另外仲有炭燒BBQ串燒 叫咗一串牛舌牛舌燒到好香 調味剛剛好😋唔會太咸油脂分布平均👍🏻食落爽口

喺尖沙咀地區見到呢間餐廳，我哋向來都好鍾意食麻辣 ，而且見到呢間嘅價錢唔錯，食物種類嘅選擇亦都好多，所以決定嚟試下。餐廳環境好好，座位好闊落，服務都非常好，我哋今晚食咗一個好愉快嘅晚餐 。當然我地叫咗個鱸魚， 個湯底係菠蘿香辣豆花， 叫咗小辣同埋小麻，食得好滋味。喺冬天嘅天氣裏麵食真係暖笠笠，亦都好開胃呀。佢條魚都整得好滑， 仲要好大條好肥美添。 側邊嘅菠蘿同豆腐都可以索曬啲味 ，真係食到大滿足 ！我哋仲叫咗雞軟骨串，燒得好香，上面灑咗啲鹽上去調味， 而且仲有少少辣味喺度，好惹味好香口 。如果即場like咗個facebook page同share咗之後仲可以 每人送一串豬肉串燒。價錢方面每人百幾蚊仲可以食到咁多嘢, 食到好飽好滿足, 一定會下次再嚟幫襯。

話說之前去深圳，最鍾意食就係佢哋嘅烤魚。一嚟辣得非常過癮，二嚟啲魚非常之滑，三來魚皮好鬆脆。可惜最近都冇乜機會去深圳，為咗遏止我嘅烤魚情懷，馬上在網上搵到間專門食烤魚嘅鋪頭，叫小魚兒。似乎而家食烤魚嘅鋪頭都追得上時尚，呢度嘅裝修都非常摩登，仲有唔少嘅霓虹管，似乎都想向探魚等等鋪頭致敬。一如平時的烤魚店舖，可以畀大家揀唔同種類嘅魚，跟住要揀特定嘅烤魚嘅味道，最後就係揀烤魚嘅配菜。由於之前都係食開鱸魚，噉今次都係揀返一樣啦。呢度嘅職員推介青椒BB味，噉所以我哋就叫呢個試下啦。另外我哋再加這個黃金組合嘅配菜。上菜嘅時候依舊霸氣，份量非常大，基本上係將全條魚分開兩邊，四隻角仲有啲豆腐。魚嘅中間鋪滿紅紅綠綠嘅辣椒。某啲鋪頭會因應香港人嘅口味會將啲辣嘅菜式減辣，但喺呢度冇噉做，完全呈現返村菜嘅風味。所以我建議如果你唔係好食得辣嘅，可以係一上菜嘅時候先將啲辣椒減走，然後再因應自己嘅適應程度加返啲辣椒落去。先講一下個魚肉，係非常香滑嘅， 而且佢嘅外皮有烤過，所以感覺好外脆內軟， 同時間四隻角嘅豆腐嘅都係好滑， 整體嚟講滿足感十足另外就係黃金拼盤， 佢今次就分開上嘅 ，就變咗好似打邊爐咁樣， 個人就都好

上次嚟過小魚兒食串燒今次同幾個朋友一齊，終於可以試吓烤魚因為咁大盆，兩個人一定食唔晒我哋揀咗海鱸魚，鳳梨香辣豆花湯底小辣程度可以接受，我非常推介呢個湯底菠蘿酸酸甜甜，配埋辣汁味道好特別好開胃，簡直係畫龍點睛🤤鱸魚好滑，有少少骨另外加左年糕同娃娃菜，吸收晒湯底嘅精華勁好味但就真係有少少辣😂另外都叫咗串燒，上次食過牛舌，超好味今次要encore🤤🤤🤤朋友都話正🍢🍢🍢另外呢份燒鮑魚都爽口彈牙，好食👍🏻👍🏻

唔上大陸既我其實從來冇食過烤魚，但而家留係香港都大把選擇一，朋友推介我去既小魚兒就係其中一間。佢係川菜，除左有烤魚，仲有串燒同雞煲，選擇算幾多。因為我唔多好食魚既原因，我今次冇食烤魚，等下次多d人食先試下。講下野食先。。。極品鮑魚雞煲（半隻，鮑魚4隻）(＄248) – 我叫左小麻小辣，味道已經好夠，一上枱已經聞到好香既花椒八角味，雞件多肉有雞味，仲有4隻大鮑魚，好彈牙同有微微鮮味，估唔到雞煲唔係主打都做得咁好食。我地唔洗加湯就即接落左紅薯粉落去煮，個汁用黎煮薯粉係一絕，辣得好過癮，不停叫辣又不停食。我地仲叫左串燒，一串牛舌同兩串豬串，豬串係fb like & share送。串燒好香，但比較乾身，我諗重慶燒烤係咁。總結我地唔係試左好多野，但雞煲真係推介，而且都坐得幾舒服，餐廳冷氣夠大，咁多個爐烘住都唔會覺得焗，會考慮下次再黎。

天氣又涼番少少， 又有藉口去食吓辣嘢，火鍋。今天出了尖沙咀加連威老道， 諗住食四川烤魚鍋 出名嘅《小魚兒》。餐廳裝修時尚， 一邊仲有bar 檯，飲嘢火鍋自得其樂。 抽風系統唔錯， 人多空氣都唔會混濁。同行友人唔食得大辣， 我哋叫咗《鳳梨豆花海鱸魚》(小辣。 鳳梨片很香甜。 海鱸魚经煎封後肉質亦非常結實， 嫩滑得嚟又唔會好鬆散， 用明爐慶著熱辣辣食別有一番風味。 再添加嘅係魚湯， 依然濃郁清甜。鍋裏面四隻角也放有切开三角形嘅豆腐， 好嫩滑。小木耳$28： 覺得份量蠻多的。豬紅$28：味道稍嫌略淡。稻庭烏冬$28： 非常索湯， 滑溜煙靭， 最佳嘅火鍋 麵食配料。豬腩片： 切得薄薄的，肥瘦適中，甘香帶甜仲加了一份米線，這時魚鍋材料極豐富， 湯底帶少少川辣 又不失魚湯嘅鮮甜， 味道豐富有層次。此外， 燒烤串燒也不俗。 用不銹鋼籤穿著嘅烤肉， 仲可以選擇唔同味道：蒜香， 孜然，芝士。。這份串燒牛肉， 表面有適中嘅孜然調味， 夠份量， 燒得唔乾亦唔韌， 難得係啖啖肉嘅串燒， 極美味！😋😋串燒牛舌， 厚切牛舌，醃得入味又唔會燒得乾。❤️👍餐廳仲送咗一份 燒菠蘿， 又甜又多汁， 再配合表面燒得焦脆的焦糖

陰陰天最好就是食熱辣辣的麻辣啦，這晚找在公司附近找到了一間較新開的餐廳小魚兒，還自稱是麻辣大師，當然要嚐一嚐啦。因為男朋友不太吃到辣而且對魚不是太有興趣，既然他都肯陪我來吃辣，那我都要照顧他的感受，最終選擇了小麻小辣的雞煲。打開雞煲真的很香，花椒八角的香料令人食慾大開。小雞煲的件數都不少，而且肉質有彈性，整體上都不錯。這裏最特別是除了烤魚雞煲，還有串燒。我們叫了這裡的招牌，燒白鱔。這個真得不得了，挑剔的男朋友簡直由頭讚到尾，臨走還不停說著。首先，外皮燒的香脆，燒到白鱔的魚油香被全部逼出來，而且非常有彈性，新鮮到不得了，骨應該被處理了所以食得很放心。成為下次再來的必點！燒雞中翼選了香辣味，雞中翼骨肉分離很容易食，又是惹味之選，調味做得不錯。燒一口甜薯，灑了點鹽去燒，令甜薯甜味更突出，而且小小的一口不會太飽肚。焦糖燒菠蘿，這個又是必點，本身已經排得很美觀，又燒到外面有層焦糖，甜甜酸酸的真是太美妙，可作為最後解膩的甜品無誤~~~~我決定下次再努力再說服男朋友試烤魚，因為覺得烤魚一定也值得試。