小魚兒 (金馬大廈)

营业中

休息中

今日去尖沙咀行街，行到金馬倫道見到有間 叫小魚兒(麻辣大師)，係出面都幾難發現這間餐廳，好在佢放左個牌出黎，價錢都比較抵食，不過選擇不算多，但見到有酸菜魚就入左去幫親。點左酸菜魚米線及薯粉，好酸但完全唔辣，又唔麻，仲叫自己做麻辣大師，有點那個。不過個湯都算好飲既，咁就問下服務員可唔可以加辣(其實係想試下，佢會唔會出番啲真功夫)。個手機落單無得簡辣度。問完後，係有點失望既，女服務員A 就叫我自己出去攞辣椒油，跟住就出去，出到去一直找不到，跟住女服務員B 就話放係廚房入面， 轉頭攞比我。但等左 10幾分鐘都未攞到黎，有點過份。跟住再出去搵，今次女服務員C 都係同一翻說話，不過過多3分鐘就送左辣椒油黎。其他方面魚肉都算厚肉，但都不少細骨(可接受)，薯粉好食，米線都ok。

小魚兒去過數次，一直都覺得出品不錯的，烤魚不是最乾身，但是辣度和風味都非常接近大陸口味，配菜方面也有很多選擇。但是由於今次最想食的江團魚已經售罄，所以選擇了另外一款魚但是忘記了名字。今次的處理不太好，主要原因是很多魚鱗還沒有去掉，所以本來可以啖啖肉的時候變成滿口魚鱗，非常減分。 值得一提是因為疫情期間他的套餐還是繼續非常受歡迎，很多零售業放飯時都過來這邊開餐。 雖然這次有點兒失望，但是下次也會再來encore，因為它做的江團魚出品也真的滿不錯的。

今日係尖沙咀食晏，本身都覺得係尖沙咀食晏好奢侈，去邊到食都要$80以上，但比我搵到一間午市係有好多選擇，而且價錢超值，$33就有米線，如果想食飯嘅都有唔少選擇，有芝士麻辣肉碎焗飯、口水雞飯，或者平少少，$29都有蕃茄焗豬扒飯、咖哩焗雞扒飯等等，我就試左個酸菜魚米線，叫埋杯熱奶茶，都先係$33，個湯底夠酸又有少少辣，好暖胃，冬天食就最啱，不過條魚就有少少腥味，係連啲酸菜都癖唔到果陣味，我就有少少介意嘅，遲啲再黎試下其他野先。酸菜魚片米線 $33

上次食完烤魚，已經覺得好回味！由於餐廳地點方便就腳！而且各方面都令人好滿意！例如係裝修好特別，餐具都有好多魚嘅圖案！同小魚兒個名好配合！而且係烤魚方面有好多唔同嘅配搭選擇，出面比較少見😁而我上次都係揀咗菠蘿豆花嘅烤魚，因為覺得呢個配搭特別又好味！所以今次再encore❤️而且佢啲肥牛非常抵食！百幾蚊食到咁嘅質素！真係每一次都要提一提！食番次！菠蘿係採用新鮮菠蘿，而且豆花係非常之滑似係百福豆腐花！最近仲推出左抗疫午餐同埋外賣烤魚都係值得一試

我剛剛調到尖沙咀工作幾天，我對尖沙咀不是太熟，所以問同事在哪裡吃午飯平靚正，同事介紹我嚟哩間小魚兒，佢哋話係佢哋嘅飯堂。這裏的下午茶餐價錢由29～36蚊，熱飲加兩蚊，抵呀～ 即管去試試。平啫，究竟好唔好食呢？講真真係唔差喎，我食三日，由29蚊食到36蚊，真係抵食，大大碗飯，加兩蚊有熱咖啡，抵！茄汁焗豬扒飯29蚊豉汁蒸鉗魚36蚊口水雞33蚊如果想加菜，都係12蚊一碟，只有唐生菜或菜心。仲有其他小食可加。以咁嘅價錢有咁嘅質素，算好好㗎喇

平時來到尖沙咀，經常行過見到小魚兒這間餐廳，今日終於到來試下。餐廳在大廈的一樓，來到梯口，見到 一群群的小魚兒向著樓梯一路游去，跟著小魚兒游上一樓，見到餐廳以霓虹小魚兒為主的裝飾，且佈置了聖誕燈飾，令餐廳更舒適雅緻又帶點浪漫氣氛。餐廳主打川菜，有烤魚、串燒及麻辣雞煲……等，令愛食川菜的我一時難以選擇。炭火風味烤海鱸魚 活火山泡椒剁椒豆花$298烤魚口味款式多而且配料豐富，最後揀了個炭火風味烤海鱸魚，烤魚口味揀了活火山泡椒剁椒豆花，鍋底配料有芫茜、蔥、洋蔥、青瓜、雲耳、干辣椒、花椒、豆花、芽菜、寛條粉…等，要了中麻辣。海鱸魚肉身厚實，都很大條，慢慢滾，慢慢食，味道越滾越惹味，烤魚麻辣带香，再配上配菜一齊食，認真麻香辣滿口！ 很美味！ 食麻辣最適宜要多個冰凍可樂，加冰 令可樂更凍，邊食麻辣邊飲冰凍的可樂，可以即時解辣非常舒服，今餐的麻辣炭火風味烤海鱸魚 ，食得滿滋味的！！😋😋

一諗起打邊爐我會諗起麻辣雞煲，今日同個friend傾開不如即興去食下雞煲，行吓行吓尖沙咀見到一間小魚兒又比個餐牌吸引住。麻辣雞煲（小辣）：黎到未開蓋已經聞到好香嘅麻辣味，滾一滾就可以進食，雞好嫩滑，好有雞味，好足份量，辣辣地，加埋洋蔥芹菜非常入味，越食越過癮。安格斯牛肉（大）：食完雞煲梗係唔少得打邊爐，肥肥的牛肉，牛味都好重，份量都好大、兩個人好夠食。萵筍：近期打邊爐係我至愛嘅菜之一，因為好爽口，有埋啲汁一齊食，正！稻庭烏冬：食烏冬我只會食稻庭烏冬，因為夠晒煙韌，唔會好似麵粉咁。如果下次再嚟我一定會叫多幾個人，因為太多嘢都想食，如果多幾個人可以試唔同嘅嘢。食

因為疫情關係，將大家都比較少出去食嘢。所以都想嘗試吓將打邊爐外賣返屋企，最近試咗呢一間嘅外賣打邊爐。佢條魚都好大條，不得不說佢有一個大嘅套餐包晒所有海鮮、牛肉、豬肉、其他配料。而且啲海鮮都好新鮮例如：沙白、白鱔、蝦等等。而牛肉同豬肉都算係中上游。加上佢有好多唔同湯底揀，今次我試嘅就係佢招牌麻辣嗰個湯底。嗰啲菠蘿都好甜好多汁好好食。而佢個套餐根本好足夠七至八個人食，平均除翻開分分鐘仲平過自己去門市去打打邊爐放題。

一條友無聊聊做完嘢見有啲餓…誤打誤撞見到勁抵價嘅午餐take away😀咪貢上去點個外賣再去朋友鋪打等😂😂估唔到尖沙咀都有咁性價比嘅餐點…叫咗豉汁蒸鉗魚配白飯$36！！！（不過唔知點解外賣盒要加三蚊雞🙈）應該即叫即蒸…等咗兩三個字…食落新鮮又入味…cp值好高…係會再翻轉頭嘅😋😋（打開盒太餓…食哂至發現唔記得影相😝😝）

今日同男朋友係尖沙咀食lunch，佢話有間野食辣既好抵，一去到，原來係小魚兒。記得以前食過烤魚dinner，係好食既，不過肺炎之後就好少食呢類野啦。坐低叫野食，俾個menu嚇親，咁平既😂，價錢大慨係$29-$33，我叫左個酸辣肥牛米線，男朋友叫口水雞飯，嘢食嚟到，再次嚇親，咁足料嘅😂😂今時今日，尖沙咀我可以用$29食一個好好好好味嘅酸辣肥牛米線，肥牛鋪滿面，多到我要俾啲男朋友，好好奇，佢哋賺咩呢😅

美容朋友仔話約我食生日飯跟住就搵咗呢間餐廳佢話想食烤魚但其實我就麻麻哋食魚不過見到有雞煲就話照去囉然後就訂咗位，跟住本身我就怕腥又怕骨所以唔食魚嘅但係見到隔離枱啲魚好似唔錯而且見到魚都有幾款揀有一款魚註明骨膠原呢個字就揀咗食烤魚竟然🙈不過話時話可能太多配料，完全一啲腥味都冇不過啲骨就多咗少少啲配料都好好食😋仲有我最鍾意食嘅芫荽啲魚亦都好滑👍🏻我哋兩條友仲嗌左鴨血同埋牛打邊爐咁打😆仲嗌左青瓜😋因為其實我都未同呢位朋友仔食生日飯所以今餐係AA制嘅😆雖然雞煲就會平啲不過魚好似健康啲同埋冇咁肥今餐都幾滿意

在餐廳吃魚，一般烹調方法也是蒸魚丶炸魚丶刺身或魚湯，較少有川菜烤魚吃。今天和朋友在尖沙嘴吃的餐廳食專門吃烤魚的。餐廳枱與枱之間，空間度足。首先選魚類然後再選口味，還有很多配菜和小食吃。我們小試牛刀，點了一條海鱸魚配老壇酸菜豆花味(小辣)。侍應很快便奉上烤盤，盛著魚，盤下則有火不斷烤著。魚浸在酸菜湯汁上，盤的四角各有一片豆花和青瓜，其他配菜包括雲耳，薯粉，香菜，洋蔥，辣椒，花椒，酸菜。魚身已切開一半，方便夾食，肉身很軟熟，湯汁味完全滲入魚肉中，微辣麻麻，又酸溜溜，十分刺激味覺。吃完整盤魚後，我們兩人都很飽了。 看著餐牌仍有很多菜式想試，下次要同多些朋友一齊來吃，多些人分享。

不明白有這麼多好評，本懷著期待的心情，雖然不期待有「探魚」的質量，但沒想過這麼難食，好xxxx腥，真的好腥，我們叫了「海鱸魚」，麻辣味，上菜魚好明顯的「沒有事前煎香過」，上台再煮10分鐘見魚熟了再食，一進口就是一個腥味，麻辣都不足掩蓋那魚腥味。我們只能勉強吃了不足半條宣布放棄，因為實難食。1.可能是死魚不是新魚。2.是廚房沒有做足功夫。我看見大家都推薦，我不明白是否只有我獨自覺得難食，僅此作參考。不要太期待！

用App優惠買了烤魚，也是第一次在香港吃烤魚了。兩款魚中點了老酸菜口味，另外，再點多了一個圓薯粉、魚腐及炸黃鱔魚。尖沙咀地段很方便，上弓層樓就到，book了位唔洗等，坐靠窗口位幾舒服，招待處職員也很細心講解細節，值得一讚! 魚是先烤過再放在明火爐上的，上面有很多酸菜同辣椒之類，伴菜有4塊冰豆腐同4片青瓜，還有芫荽、洋蔥、大豆芽及5條左右薯粉，整體感覺很吸引，因為有朋友不太吃辣，所以點了BB辣及沒加麻，大家對於呢個少少辣是滿意的，吃完也沒有口渴感! 豆腐及魚都好滑，三人分一條大魚也是剛好的，另加點的薯粉很多，口感很軟滑。職員有主動問要否加湯，我加了一次，是類似魚湯的奶白色，其實是可以再要求加辣，但我們都沒有，怕太辣啊。整體感覺份量很足料，食物水準高，環境舒服，唯獨是煙燻上來有點刺眼，只要不把面貼近就可以了。下次再食!

至從土瓜灣那魚鍋家雞煲關門大吉後這是第一次吃魚鍋一上樓梯開始就看到好多魚了接待處處也有四隻可愛的魚咕𠱸後面雪櫃放著清酒座下來等著朋友的同時讓在下慢慢好好研究一下高科技RQ Code落單唉..其實自己真的滿怯日這東西一來自己是高科技白痴二來在下是在朋友圈中被公認有高科技磁場的人在下用高科技時總是有莫名奇妙的問題和障礙出現但 隨著社會的發展怎樣也要學習一點點飲料方面在下點了一杯紅芭樂荔枝梳打$38和一瓶竹蓆茅根$38而朋友就飲啤酒Asahi $68紅芭樂的味道幾乎把荔枝味道完全覆蓋喜歡荔枝的我後悔沒有直接點荔枝梳打（有這東西嗎？）不過芭樂也是很清香有益的一款水果啦當成芭樂梳打喝也不錯的😁然後是一些小食小碗木耳$42大家可以跟自己的口味去選擇不同的辣味清炒萵荀$78清清的一道菜口感爽脆微微地帶著菜香然後來了客羊架$88這對在下而言是必須要襯熱吃的放了一陣子在下就會受不了羊的騷味熱辣辣時還真的好味～之後主菜來了我們點的江團魚 花膠蟲草湯底$486一疥休魚躺著就在我們面前被慢慢煲著 😍然後加了魚腐 鮮腐竹 竹笙三種配料㡱後一次過放進去～慢慢地吃著吃著 結果魚都沒吃到一半大家都飽飽而且就算不停加水