小魚兒 (金馬大廈)

营业中

休息中

服務態度差到爆，上錯食物叫人來換，一個個當聽不到一樣，看到都當看不到，叫了很多次都只會說一句等一下，之後就沒有下文，真的非常令人生氣！！而且斜眼望你，整個靠在牆邊，一動不動，不知道這麼差服務態度有沒有人管？不知道哪裡有這麼強的優越感，趾高氣揚的，個客需要幫助，還在一邊站著不動，返工就是這樣的樣子嗎？基本的工作態度都沒有，光是用餐體驗都已經扣晒分啦！極力不推薦來這間餐廳用餐！同樣寫給餐廳看，如果想要提升整體餐廳品質，用人千萬不可馬虎，非常有可能幾粒老鼠屎壞了一鍋粥！

有一日，好想食辣於是搵下有咩推介啦～ 比我搵到呢間「小魚兒」，我地就係度慶祝生日！ 到步後，填番基本資料量體溫就可以安排入座了。地方唔係大，但可容納好多台客人。我地就坐近水吧位置。餐牌有太多選擇了，樣樣都想食，最後又係叫到成台都係食物啦首先叫左鴨血、響鈴、安格斯牛肉（小）、黑毛豬腩肉。重點黎啦～ 就係老壇酸菜豆花海鱸魚（小辣）個湯底有粉皮、芽菜、豆腐，樣樣加埋唔錯！ 如果食得辣既，可以選擇大辣。食下食下又叫多左其他燒物啦～ 值得推介係燒鱔同炸榴櫣

朋友住W酒店，佢哋又話想食烤魚，所以我提前一日做好功課，上網睇咗好多間，最終報著試試心態係OpenRice訂咗枱，我訂左5:30有7折優惠因為係第一次係香港食烤魚，我哋3個又可以食辣，咁就驚啲辣會冇我哋想像中咁辣，點知🤣🤣🤣我哋低估左🤣🤣🤣一煮滾就可以食，但係唔係好入咪，我哋煮多幾分鐘之後再食，哇 好正，仨個都係覺得正，酸菜係好好味配一碗白飯一流咁辣一定要飲一杯西柚乳酸爆珠梳打，第一次寫食評，唔係好識寫請見諒🤣🤣🤣

- 今朝工作很忙碌，於是諗住放工獎勵一下自己。夜晚經過金馬倫道時留意到一間叫小魚兒既中菜館，主打川菜烤魚同香鍋，心諗都吾錯喎，於是就上左樓啦。- 環境方面尚算寬敞且乾淨衛生，侍應態度有禮，仲好窩心提供埋口罩袋添。- 因為我吾想咁heavy,所以點左個重慶雞煲，香蒜茄子同安格斯肥牛。- 先講個雞煲，大家都見到好足料，所選雞隻少少肥但又吾覺膩，煲入面既配料能夠好好將雞既鮮味恰到好處地表現出來，又能散發出配料既味道。呢點值得一讚。- 茄子方面，原來蒜蓉同茄子系可以咁夾味的，令我食到停吾到口。- 肥牛亦不錯，不單賣相靚，而且口感奇佳，食落口仲有淡淡牛香散發出來，一試難忘。- 總括來講，以三百幾元既價格比到呢個質素，我認為值得一試。

🐟尖沙咀超抵食3x落樓午餐🐠小魚兒小魚兒午市有多款選擇，每款連埋飲品都唔過40蚊，呢個價錢係尖沙咀黎講真係好難見到，餐廳開12點已經見到一條小人龍，果然係平靚正之選，點餐都係用QR code，如果有特別要求記住註明💁🏻‍♀️- - - - - - - - - - - - - - - - - - - - - - - - - - - - - - -- 酸菜魚薯粉🐠賣相好靚，大大碗一d都唔馬虎，薯粉好煙韌，花生香口，湯底唔似出面酸菜魚好辣，反而著重酸同帶小麻，配埋酸菜食落好好味，魚片方面有幼骨食既時候要小心d，呢個價錢黎講真係超出預期👍🏻👍🏻 ✨個人覺得配薯粉好好食記住要備註- - - - - - - - - - - - - - - - - - - - - - - - - - - - - - - - 環境舒適度 7/10食物好味度 7/10影相打卡度 8/10🐟小魚兒📍 尖沙咀金馬倫道16號金馬大廈1樓#hkfoodmemories_tst

今晚同男朋友係尖沙咀行街 所以順便就係尖沙咀到食個晚飯 男朋友個晚想食烤魚 所以就揀左呢間食。但因為個胃唔食得太辣 所以最後男朋友就我食左雞煲👅 重慶雞煲 $238（一隻） BB辣雞既份量都足夠 而且啲雞都切得大舊 所以啖啖都係肉 好有滿足感啊～🥰 本來有唸過叫芫茜 但發現係配送既都比出面既多 所以我地最後無單點芫荽鮮腐竹 $28單點既份量我覺得都偏小 個碟係平時食打邊爐放題放牛個啲兜 原過質量係幾好既 腐竹好滑亦都吸曬雞煲既精華🤤寬粉 $28煙煙韌韌又吸味 食雞煲打邊爐同烤魚都必叫！

今日同朋友出尖沙咀行街同食飯，平時食開都係日本菜同埋西餐，所以我哋今次專登揀咗烤魚黎試下。聽過哩間餐廳個名好多次，今次先係第一次黎食，餐廳四周用上不同既霓虹光管佈置，幾有特色。而且餐廳通風做得唔錯👍🏻即使好多檯同時烤魚都唔會焗促同大味。🎈海鱸魚配爆醬鳳梨香辣豆花$298烤魚種類、口味同辣度都可以自選，有好多唔同既選擇，我地今次揀左爆醬鳳梨香辣豆花，要左BB麻同BB辣。烤魚配料非常多，有芫荽、芽菜、洋蔥、青瓜、鳳梨同豆花等。海鱸魚都幾大條，魚肉新鮮嫩滑，口感結實，魚身已經切半，去左主骨，所以食落啖啖肉，魚肉味道唔會被搶，仍然保持鮮味。豆花非常滑溜，鳳梨軟熟多汁，恰好可以用黎解辣。🎈加配寛粉 $28寛粉本來烤魚已經有啲，但我地好鍾意食，所以再另外加配。寬粉口感煙韌，而且比出面其他餐廳既寬粉更厚更闊。整體黎講，平時食得日本菜同埋西餐多，試下烤魚都係一個唔錯既選擇。

差唔多兩年冇食過烤魚喇經過尖沙咀見到呢間餐廳嘅招牌又諗起烤魚陣味就一於去重温下啦店內都有好多呢類霓虹燈牌可以打下卡爆漿鳳梨香辣豆花江團魚花多眼亂嘅情況下 我係跟隔離枱叫見到左右兩邊都係叫呢款 應該幾唔錯江團魚幾嫩滑 魚油比較重所以就算叫左小辣都依然食到魚嘅鮮味估唔到菠蘿用辣湯煮都幾好味咸辣甜酸 幾隻味都有齊晒另外湯入面都有唔少配料豆花 洋蔥 青瓜 雲耳 寬粉等等唔大食嘅話 兩個人都夠飽但我地三個大食友 仲叫左好多野😂小食幾出色椒鹽豆腐外層粉漿又薄又脆 豆腐勁嫩滑加上椒鹽粉 食到停唔到口冰火魷魚即係冷盤小食辣魷魚水魷魚夠爽 本身味道比較淡但加上辣醬食到流晒汗打卡送嘅小食 涼拌木耳按打卡人頭送嘅份量好大盤 麻油味好香 食落清爽飲品都各有特色最鍾意中間嗰杯西柚爆珠叫左幾樣配料打下邊爐啦食完煲入面嘅豆花同寬粉唔夠喉要加點竹笙好索汁 叫左黃花魚春但我地發覺呢個應該要一早叫 同條魚一齊煮應該會好食好多加左湯打邊爐 醬汁淡左搞到魚春食落幾腥整體嚟講幾唔錯以後掛住烤魚都可以喺尖沙咀食到喇

之前聽朋友介紹小魚兒的烤魚不錯 所以今天跟朋友相約在尖沙咀就順便晚飯試一試 位置很方便 就在金馬倫道 一開門進入店內 就聞到濃濃麻辣煱味道原來有四款烤魚種類海鱸魚、江團魚、三刀魚及沙巴龍躉 價錢由$298至$388 由於第一次試 沒有心水所以點選了$298的海鱸魚而口味則選了活火山泡椒剁椒豆花 等了大約15分鐘 大大鍋的烤魚就到了由於點了中辣大麻 湯底色澤紅潤充滿着紅椒泡椒剁椒 想不到海鱸魚🐟也非常滑溜也比平時買到的大條湯底內還有芽菜、寬粉、雲耳等原來份量真的頗大我另外再點了萵荀及寬粉 加到湯底當火鍋配料 味道一流😋加上點了茄子🍆燒 茄子上放上了蒜蓉 非常香口飲品則點了飲品西柚乳酸爆珠梳打及草莓乳酸爆珠梳打 入口解辣 而且爆珠也相當Q彈 🤤另外只要like&Share社交平台就可以免費加送一客涼伴小食我點選了手拍青瓜大大碟 非常着數😬😬😬

最近同個好朋友食飯，因為太耐無見好多野想傾，想食啲可以慢慢食又唔會比人吹你走既餐廳，滾滾下既餐廳當然係首選，但又唔想打邊爐，因為打邊爐真係好肥，特然間就諗起食烤魚，今日朋友特登嚟尖沙咀等我收工，真係好窩心。餐廳環境都幾乾淨企理。對上一次食都唔知係幾時了，不過餐牌都好似無咩大變動。食之前黎幅大合照先 📸 叫咗老壇酸菜豆花海鱸魚，雖然唔知呢條海鱸魚係淡水鱸定海水鱸，不過都幾多肉，食嚟食去都重有 😋 而且肉質鮮美甘甜。一路滾一路傾，不知不覺已經過了二小時 😝 雖然未傾完，不過聽日要返工，只好下次再嚟過一路滾一路傾，呢餐好滿足。🥰

平時成日黎食午餐，今次第2次食小魚兒晚市烤魚，上次試左活火山泡椒剁椒口味，今次同朋友試爆醬鳳梨香辣豆花味 👍🏻👍🏻====—====—====—====—❄️冷盤🐥川式口水雞（$68）口水雞幾大碟，一碟都有成十件，蓋滿了麻香口水汁醬，花生香味頗重和香，肉質嫩滑，好好食😋🥒手拍青瓜（like social media免費送🤩）青瓜切成小粒，份量都幾多，味道清新，帶有少少酸味同辣味，開胃前菜。🔥BBQ🐟醬燒白鱔（$68）朋友想試BBQ, 叫左串白鱔大家share白鱔肉質好厚肉同juicy, 用鰻魚汁調味，啖啖魚香散發出來，超正！🐟海鱸魚（$298）主角來了 ，今次同樣揀左海鱸魚 ，肉質細嫩、厚和實，啖啖肉，又嫩又滑，而且魚骨唔會好多🍍🌶今次揀左爆醬鳳梨香辣豆花味，揀左小麻小辣口味有勁多菠蘿係中間，勁吸睛👀菠蘿酸酸甜甜，食幾啖肉再食舊菠蘿好正😜鍋內仲有嫩滑豆花、芽菜、洋蔥、雲耳、青瓜、芫荽等配料，相當豐富。海鱸魚好大條，吸收左香辣味道又香又惹味，魚肉嫩滑，超級好食👍🏻另外點了2款☘️加選配菜🍠寬粉（$28）寬粉條煙煙韌韌，索曬辣汁味道好正😝🥗黃金組合🥔土豆、🍄金針菇、🌱海帶片、🍂蓮藕片一款有齊4

開工日子，偶爾會過來吃午餐。 飯、意粉類由$29-36不等，加熱飲凍飲才加$2-$3， 沒加一。經歷超過一年的抗疫日子， 小市民生活難捱，此小店又會同我地共渡時艱！ 尖沙咀黃金地段，飲埋杯野先30幾數落樓，簡直係時光倒流🌊最欣賞，佢地無將貨就價，足料過好多收你五六十蚊午餐既茶記，試過呢度既卡邦尼煙肉焗飯、豬扒焗飯、同埋幾次口水雞飯等等！ 座位幾舒服唔迫，自己出Bar檯拎有蓋的水樽返座位，自助加水，坐耐少少都無侍應炸你型架 🤩

好耐都冇食烤魚，所以今日就約咗個朋友仔過嚟小魚兒撐枱腳。餐牌轉左新既，而且依家轉埋用手機落單，十分方便快捷。個 App 整得好好，圖文並茂，食物種類又清晰，起碼感覺到佢唔係 hea 整，最後叫咗以上既食物。海鱸魚 ($298) : 叫咗老壇酸菜豆花 BB 辣同 BB 麻，除咗海鱸魚，仲有豆腐、木耳、青瓜、酸菜等配菜，落埋叫咗既食物，睇到都想食 🤤 起初食都唔覺得辣，食食下個人都開始㷫烚烚，最後要食到除咗件外套 😝 好彩無叫中辣。土豆、蓮藕片 (各 $28) : 土豆煮既時間要拿捏得好好，因為煮得唔夠耐入口會好硬同有點生，如果煮得太耐又會好易爛，等湯汁慢慢滲入土豆同蓮藕片內，嗰時食就最完美。安格斯肥牛 ($128/小) : 睇到啲雪花紋就知係靚嘢，肥牛厚薄適中，而且肉味濃郁，細 Size 既份量都有好多片，兩個人食岩岩好。

要去尖沙咀食嘢真係好多選擇，但如果講到去食烤魚店我就會揀呢間小魚兒，因為呢間好多朋友都去食過同埋介紹過但我當然今次第一次去食啦😂去到舖頭我覺得裝修好特別燈飾都係一條條魚👍今次選擇左鳳梨香辣豆花烤魚，烤魚來度買相非常之靚仔唔單止烤魚底全部豆腐烤魚上面仲鋪滿菠蘿非常之吸引😋條烤魚食落去非常之滑魚骨唔算多非常之合我心意☺️之後再加左啲安格斯肥牛雪花好靚每一片都夠厚所以食落去口感特別好味🤭最後叫咗我鍾意食嘅魚皮卜卜脆同埋我老婆鍾意食嘅萵筍簡直完美👍👍👍飲品我哋叫咗一杯青檸梳打

鳳梨香辣豆花海鱸魚 ($298)超級大條厚肉，雖然知道係開邊，但係啲肉厚到好似食咗兩條魚咁。 鱸魚肉質嫩滑幾鮮甜，滾下滾下啲辣味就出晒嚟，越食越入味。 鱸魚表面煎過，口感似蒸魚多啲，個人比較重口味就覺得如果成條炸到骨都脆應該更加正，不過夠新鮮都好滿足。白牛柏葉 ($88)鍾意牛柏葉切得夠大塊有口感，以此價錢來講份量都幾多，唔會碎濕濕咁幾過癮。雪花肥牛片 ($108)有牛味不過比想像中肥，下次黎可能會揀返安格斯牛。其他配料推介土豆 ($28)同圓薯粉 ($28)，超級吸味，麻辣就係要揀呢啲料吸晒啲精華先正。 薯仔仲夠甜，圓薯粉煙煙韌韌。川式口水雞 ($68)上枱同我幻想中嘅口水雞唔同樣，但係調味原來好好味。 麻醬入邊滲出我期待嘅麻辣香味，雞肉亦都好嫩滑、有齊髀位，好有水準。椒鹽魷魚鬚 ($88)好少地方食到好食嘅椒鹽魷魚鬚，一係太鹹，一係粉太厚或者放太耐，呢度就做得岩岩好。 脆皮厚度適中，調味好惹味，仲有喼汁吊下味，最重要嘅係魷魚鬚夠晒彈牙鮮甜，朋友話係細個食到嘅味道。燒茄子 ($48)燒得夠透，面頭有大量蒜蓉好香口，重點係茄子皮都唔會燒燶可以連皮食。