小魚兒 (金馬大廈)

营业中

休息中

魚黎講由以前食開任何水煮魚烤魚🐟就一直叫開江團魚！肉質唔會太散太碎，又無咩骨😍所以都推薦大家叫快工團魚🐟-黎左兩次有兩個不同口味推薦比大家😍-江團魚- 鮮九葉花椒BB豆花$338-分別在於呢個魚面頭🐟會茶上厚厚一層既類似豆瓣醬，非常入味。叫左小辣大麻🌶️，辣味會越熬越辣越入味😋江團魚- 老壇酸菜豆花$338-叫左小辣小麻，一開頭食發現無咩味，煮多一陣就會入味啲，個酸菜痴lup lup偏酸都好好味🌿！酸菜淡口味者推薦呢個口味💋烤魚配菜🐟-就咁叫條魚都已經有以下配菜少量寬粉🍜、 4️⃣大舊滑溜溜豆腐記得要最後食先入味🤍、芫荽🌿、洋蔥🧅。條魚絕對大份😆-椒鹽金菇🍄$68-⭕️推薦必點必點⭕️金菇係逐條逐條炸到脆卜卜！條條分明，椒鹽味香口夠曬味，再點埋佢個汁唔會怕太淋可以解膩😋寬粉$28（落左一半落鍋其實份量好多）-⭕️推薦必點必點⭕️一條條直條硬梆梆咁，浸落湯到好快索哂汁，無論煮幾耐都唔會淋到融哂！大家食既時候記得要攤凍少少💨💨就會好煙韌又入味😋炸午餐肉粒🐷$48-⭕️ 推薦必點必點⭕️好大份切到一粒粒正方形，逐粒炸到脆卜卜，份量激多無論浸落烤魚個汁入面🐟定就咁食都好惹味夠哂香口😋安格斯肥牛（二人份）$108

Cc推介，佢反兜再食叫埋yoyo食好西🙆🏼‍♀️係重慶既烤魚🤗今次我地叫左「爆醬鳳梨香辣豆花」海爐魚😋本身yoyo聽到加波蘿有d怪，估5到食落隻麻辣真係好好味😚佢辣味重過麻味但係又岩岩好有口感既刺激🤣加埋莞茜好香個波蘿好食得cc識欣賞😂yoyo表示又甜又辣好複雜個味道🤪一言難盡大家可以去試下波蘿再話比我地知😏條魚夠滑🙂而且無乜骨但略覺得條魚無乜肉🤣可能我地太大食我地3個人但叫左好多配菜🤪🤪🤪有安格斯牛（尼個高質一定要點，估5到落去打邊爐，d牛甘嫩）、蓮藕、木耳、萵順等燒粟米🌽、茄子🍆好好味燒茄子我地叫完已經隔離枱無得叫，已經賣曬😱好受歡迎So far 3個人平均$270/人，價位中間，5算平但質素ok,服務員💁🏼‍♂️都好有禮貌值得一讚疫情下大家記得保持社交距離😷拎野食要帶口罩值得推介👌🏻🤩————————————————滿分5🔆🏝環境🔆🔆 🔆🔆🛋服務🔆🔆 🔆🔆💲價錢🔆🔆 🔆 😋食物質素🔆🔆🔆 🔆💥翻兜指數🔆🔆🔆 🔆—————————————————————————————📍小魚兒#香港美食#美食#搵食團 #搵食 #搵食兵團 #foodie

我哋訂咗7:00夜晚嘅飯局、唔明點解隔離枱7:30嚟到都係兩個人但係大家張枱爭一倍 曾經嗰台客未黎之前我哋要求過話想調大啲因為張枱唔夠位擺 好可惜個侍應死都唔肯調俾我哋嘢食一般冇乜特別 最抵讚都係個牛嘢飲完全冇味 PS 附上兩張枱嘅對比圖

喜歡吃探魚或烤魚的朋友相信也會對這間小魚兒有止癮的渴望，我也不例外，去到這裡嘗試了，叫了一個正常的烤魚套餐，老實說，他們一開始已經刪減了最便宜的那一條魚，然後下面的餐的加錢項目也沒有什麼排序（免費在上面，要加錢再放下面）弄到第一感覺是一間見到這個潮流而開，單純為了賺錢的餐廳。我們簡單叫了烤魚，然後再加了一個烏冬，老實說大多數的價錢都讓人有所卻步，因此都不敢叫太多，哪怕知道是有七折，但是一塊烏冬接近三十元，等如外面一包的價錢，至於鴨血都要接近六十元，的確是與想像中有一定差距。不過沒想到居然有午市套餐，但是如果我們完全不留意其他人的食物，可能真的完全錯過這個餐牌，雖然都明白站於餐廳角度也是合理，但是怎樣說都好，這一種觀感始終讓食客覺得一點都不真誠。拋開價錢及服務，單說食物的話，午餐可能是比較普通的用料，所以問題不大，很醒胃，可以再接再厲；至於烤魚的湯汁及食材都很豐富，雖然個人覺得與國內的烤魚的味道有點不一樣，不過那種入湯汁以及沒有太多骨的體驗是相當不錯，蠻值得過來架

經openrice book咗 鮮九葉花椒BB豆花-江團魚($20)，門市會收翻原價加一。條魚好大條，配料方面有少少青瓜，豆腐，芽菜，木耳，寬粉，芫荽。呢條魚比起鱸魚少骨好多，加上肉質都好鮮嫩，係有啲彈牙，我覺得好好味。同埋員工都好細心，幫我哋切開左條魚同稍為起咗啲骨。個湯底係極之濃郁，甚至覺得其實太重味，不過食烤魚就係要夠重口味哈哈。安格斯肥牛($108)，呢個原價好似要二百幾蚊。呢間餐廳都幾體貼，whatsapp我提醒我既booking，然後同我講安格斯肥牛做緊優惠，可以預留，見平咗咁多就留咗一份，真係幾重牛味，用呢個烤魚湯底淥既話辣辣地幾好食。金菇就正常一碟，冇乜特別。呢個魚皮就炸得香口，但係相當之鹹。最後仲叫咗個出前一丁，連埋個麻辣湯底汁淥，最後飽到捧住個肚走。呢個$20訂座優惠相當之抵，同埋呢間餐廳嘅職員都相當細心，又喺Booking之前專登WhatsApp提你仲同你講定有咩優惠，去到餐廳又會主動幫你切魚，教你點食，總括嚟講值得推介。

成日係尖沙咀行街經過都已經好想試，今次生日飯朋友知道我想食所以就book左呢間。果然無拎我失望，真係好好食啊，夠辣夠重口味。岩曬我呢啲勁重口味，食得辣嘅人。平時好少係香港可以食到咁重口味嘅水煮魚。呢間小魚兒真係一食就令我愛上佢。2個女仔叫左一條魚，一個菜，燒茄子同椒鹽魷魚。食到好飽，捧住個肚走啊。8點後有88折，2個食左咁多嘢平均每個人都係200蚊鬆啲❤️。真係好低食啊。下次都會再來食❤️❤️。終於都係香港可以食到岩我口味嘅水煮魚啦。

之前去深圳食過蒜香味嘅烤魚好好味，好掛住，於是今晚就點左黃金特濃蒜香魚豆花試下。條魚等咗好耐都未滾，服務員好好人咁幫我哋拎返入廚房預熱之後先再拎返出嚟。👍🏻滾起時，先試一啖湯頭，蒜香味冇想像中咁濃，魚身都幾滑。本身的配菜包括有青瓜、芽菜、豆腐、薯粉，配搭上唔錯。雖然同深圳食嗰個兩回事，但係食落感覺冇咁多味精。聞到隔離左右食緊麻辣口味好似好正，下次要試下。

本身好鍾意食酸菜烤魚，經朋友介紹決定來試吓，上到去，明明book咗枱，仲要經多返擾攘先入得，都唔知搞咩，同客人講句唔好意思都要啦，無不特止，仲黑口黑面😤坐低舉手幾次個黑衫女侍應都當睇唔到，明明已經同佢有眼神交流都可以扮睇我唔到，擺明覺得佢玩野，好喇，終於埋到黎問多兩問又hea 答又黑口黑面又唔耐煩咁，頂，未食已經嬲嬲地，如果唔係想食個酸菜烤魚同埋串燒一早走左啦！幸好，個酸菜烤魚同串燒食物質素各方面都好好，不負所望，但好可惜咁既服務態度，好食到飛起都無用，一定無下次，完。

第一次食，魚唔錯，就係細條左d！薯粉、萵筍都係$28，都抵！牛肉男朋友食，話好好味！烤蠔$78/3隻，有一隻唔係幾新鮮！啤酒$68，個人覺得貴，男朋友話算係咁！掛住食，無影相！總體都ok，下次再食過

第一次食這間..還是不錯..用電話落單...有四款魚種𢵧..味道大概7/8種...我地點左個bb辣酸菜味俾那唔食辣既朋友..同賣青椒味..青椒味比酸菜味更為美味..配寛粉好夾..裏都已經配有豆腐..同賣少量寬粉........串燒很好食..有五種味道可以𢵧....焦糖菠蘿很好食不得不提..店員很有nice...朋友俾冷氣吹太冷..立即就幫我地調效..也會定時為客人加湯..而且每次示意找店員都會好快有回應..

🍍爆醬鳳梨香辣豆花🌶—海鱸魚 $298 （7.5/10）醬香味十足，味道濃厚，越煮越惹味加豆皮同鴨血食超正😗😗。一開始食覺得太咸，之後叫店員加返啲水先正常返💧💧。鱸魚肉厚，啖啖肉，不過食到有鱗同可以再煎得香啲✨✨。 🧄黃金特濃蒜香魚豆花✨—海鱸魚 $298 (8/10)特別特別香嘅蒜味🧄，個湯汁比較稀，味道都幾鮮甜，唔會死咸🤪，可以食到多啲魚味❤️。🐓重慶雞煲 $148/半隻 (8.5/10)醬料炒得夠香夠惹味🥰，係暫時食過調味最好嘅雞煲，加水打邊鑪都唔會稀哂冇味🥣。我地一時唔記得左睇火，意外地多左股焦香味。不過雞件就細左啲👻。。。🐃安格斯肥牛（大）$328 (8.5/10)同之前火鍋撚食到嘅一樣，厚度適中，牛味濃，盪至粉紅最佳🤤🤤。🥢寬粉$28 （10/10）一上枱眨下眼掃哂，加係烤魚又得雞煲都得，索哂所有醬汁，諗返起都正😈😈。🐖炸午餐肉粒$48 (3/10)小伏，切得有啲細粒，而且好大陣油益味🙁。

(呢個餐原本會比呢張相再靚啲， 開頭我唔記得咗影相， 食咗幾啖先至影)小魚兒嘅麻辣係好好食， 之前食佢口水雞， 或者酸辣魚片湯米線， 個湯同個汁嘅辣味都啱啱好， 就算對我呢啲唔係食好辣嘅人， 都係非常之美味。呢個肥牛湯米， 我其實食過幾次， 都覺得好好食， 首先個價錢好平29蚊， 真係諗唔到邊度有咁平， 仲要有咁好食嘅質素， 又有芫茜又有花生， 最重要係佢又可以將米線轉做薯粉。 啲薯粉好煙韌好滑， 其實都幾難咬得斷， 有陣時就咁滑捋捋咁食咗落肚， 但係啲口感真係好過癮， 食落去雪雪聲好過癮。啲肥牛都唔靭， 份量亦都唔會話少。 同埋個湯汁我永遠都飲曬。

至從無番大陸，都成一年無食過酸菜魚🐟喺香港食過幾次酸菜魚，一係唔夠酸味，一係就啲魚唔夠滑🤨失望到已經唔想再試😟今次反而係小魚兒搵到驚喜😋之前已經推介過外賣，今次就介紹堂食，繼續抗疫價，仲免左外賣個幾蚊，除左抵食都係抵食👍🏻👍🏻👍🏻酸菜魚紅薯粉 $33魚片份量都幾多，不過比較薄，同埋多細骨，呢種骨係咬多幾咬就可以吞落肚，但都係要小心啲食。魚肉滑，無腥味，過得去🐟至於湯底就好酸好惹味，配搭埋粗薯粉都有六七分似大陸食到嘅，同埋好鍾意佢嘅花生夠香脆👍🏻成碗份量都好飽肚，唔孤寒👍🏻👍🏻👍🏻算係頂到食酸菜魚嘅癮😋良心店要大大力宣傳，望住佢地由疫情開始已經做緊哩個抗疾價，行過路過真係要支持下‼️

咁平仲要竟然一個負評都冇？咁一定要試下啦～成日經過，一路見住佢愈出愈多野揀，優惠時間又延長咗！右下角有寫住*外賣加$3但到落單⋯外賣加完3蚊，又加多兩蚊外賣盒⋯😓就咁睇個餐牌好似好有誠意咁，上到去落單完全係另一回事⋯俾完錢等咗陣又話冇通菜得菜心⋯😓😓其他野OK，包裝好，奶茶好飲、菜心唔老，花生幾香、酸菜夠、有少量芫茜同雲耳，薯粉係比較圓同粗、點浸到唔淋果隻⋯但偏偏主角魚片就片片都腥，又有碎骨😓😓😓

而家食完條舌頭依然有啲麻麻地，但唔辛苦，好正。之前特登去試過嗰間餐廳唔同嘅29蚊特價午餐, 今次試下其他貴少少33蚊的菜式。 同埋呢間嘢叫小魚兒 ， 咁我諗啲魚應該都幾好食嘅 ， 所以就試下啦 。首先賣相好好，酸菜，葱，花生，魚片等分類得井然有序，望落去令人舒服。鯇魚片好鮮， 望落去都好雪白， 都有成七八片，唔錯，但有好細小的骨，儘管不會有生命危險，但建議慢慢食。 我食完都發現有一條好細嘅魚骨插咗落啲牙肉入面， 唔會痛， 但有少少唔舒服， 返屋企都要搵牙線掹返出嚟。 所以大家食要小心啲。個湯真係好正， 酸味為主， 辣味為次， 所以唔好期望話非常之辣。 但佢嗰種麻辣係好好食， 你條脷會好似落咗麻醉藥咁樣， 但係唔係一種唔舒服嘅麻痺， 係一種新奇刺激好玩嘅麻痺感。