小辣椒 (已改名) 查看

今晚去了食, 8時多去到都好多人, 之後叫了...麻辣豆腐干麵($?) - 賣相麻麻, 但食落都過得去生煎餃子($10) - 依然不錯口水雞($35) - 同行朋友不吃得辣所以只叫小辣, 但我覺得如可再辣些會好味d青島純生($5) - 4支

主打四川辣椒菜色，家鄉風味濃，今次叫左回鍋肉，麻多辣少，不太肥，食得好過引，夜晚跟一腕白反，35蚊都幾低！

昨日落一落新都城地庫睇下有乜正既台灣食品及吉之島十蚊場後，五點幾有點餓，便過去此食辣既店舖，看過menu後，鐵定都係點了兩款有麻辣既：麻辣雞絲冷麵及麻辣羊肉餃。雞絲冇乜鮮味，好明顯係雪藏，的冷麵比一般既硬一些，的侍應話比較in un，可是我不同意，辣椒交足貨，但欠缺麻感；羊肉餃諗住仲係包埋辣椒，只不過再湯內放的辣椒油，湯還加了少少羊肉粒及白菜，至於餃子裡還吃到些少酥味，皆因非開飯時間內，都係即場包，即場煮。這裡夜晚都有唔少食客，除了標明係食辣外，周不時還有有線直播球賽，以咁既價錢，已經交足貨有餘啦！

快餐都要人等咁耐,之後問返話唔記得落單,人地大大個人企o係度等,仲要係你落單o既,咁都可以唔記得???d野食一凍就勁咸,食完勁口渴,都唔知落幾多味精.....外賣仲要熱到d發泡膠溶左,成陣膠味...唉.....我知佢地大把生意唔憂做,但係再咁對d客o既話真係搵鬼幫襯啦!堂食果陣都好d,但係次次叫外賣都叫到一肚氣,外賣果d唔係人咩?外賣唔駛俾錢咩家陣?係咁堂食一日未賣單都係客,外賣一早俾晒錢就唔係客,慢慢等又漏單都唔所謂?

因為o係北角返工,所以本身一路都有幫開o既,但係通常都係叫外賣.之前7-8月買果陣都冇問題o既,但係之後就一路開始差啦, 有一次我去買外賣,例牌要等都冇問題啦,咁咪企o係門口等囉, 但係一等就成半個鐘,(食飯得一個鐘乍)之後入去同個男人講話等左半個鐘都未有,佢第一句就問我俾左錢未,未俾錢就一定冇,真係玩野囉,我未俾錢你都唔會同我落order啦,仲要係佢自己親自收o既,竟然可以咁問我!!!之後原來漏單, 但係道歉都冇句囉!第二次我就同成班同事一齊叫外賣,又係等好耐,平時我次次都係叫麻婆豆腐架啦,但係今次o既麻婆豆腐連一粒肉碎都冇,係咪快餐就要咁先?平時叫開客飯,份量咪又係一樣,咁就收多幾蚊啦,之前叫o既快餐都唔係咁啦,雖然唔係多肉,但係點都有少少啦,另外叫左個小雲吞,完全好似冇涵咁,得d 皮,或者有少少肉o既,但係就係好似輕輕"high"左一達仔咁,2mm x2mm咁大粒肉囉,家陣d肉好貴咩?

睇之前既食評都有心理準備服務可能麻麻, 跟住入到去真係無人招呼要自己搵坐, 但到坐落到倒茶或點菜侍應都很有禮貌, 問佢\地野都會答, 之後侍應仲會再問食物味道如何? 辣不辣等? 服務都算唔錯麻辣雞絲冷麵($18) - 無想像中咁辣, 同埋碟底好多油生煎鍋貼($10) - 皮煎得剛好, 咬開還有肉汁, 不錯螞蟻上樹($35) - 餐\牌上標明有一隻辣椒, 而粉絲亦夾雜著幾多紅椒, 但食落口卻不辣, 味道方面都唔錯生力($15), 青島純生($10)不用加一, 服務唔錯, 味道又ok, 食得過

我都知道中午很忙,要體諒, 但可能佢地見自己有口碑,招呼不太在意我己經等35 分鐘,請她催一催,她說廚房未拿出來,沒有可能追, (如果廚房拿出來了,要你追嗎?)把鬼火, 連在counter付錢都沒冇人理你, 要親自送錢到她們手中如果真的很想去,提議不要在下午一至二點我見到他們的食物真的很油

一排沒有到這裡。今晚試了雞絲冷麵、口水雞和香莖豆乾。各樣東西仍然有水準。尤其是口水雞的汁，少少酸帶麻辣，很有風味!可惜只得一人，試不到更多菜式。

試過幾次，其實都幾好。水煮菜色夠味夠辣，但好油，只是也是預期中。麵類有口感，夠彈性。但炒麵很油。飽點類夠熱，應是即叫即整。以北角來說，也是吃很過。每也有紙巾，又可抺汗又可抺咀，感覺細心。

咩辣地鍋幾多幾多級咁巴閉！又話點點點咁，超！連最基本的野都搞錯晒，呢個係鑊啊！WOK！WOK 又唔同PAN，PAN 係平的…鑊又話係鍋，鍋又話辣到飛起，成兜野油淋淋，最衰果個咩食環署，又話有味又乜又物，搞到而家無左最勁果下讚油。成個鑊扣20分啊，色香味好緊要咖嘛，而家無左個香，點算？而家個羊肉鑊硬係爭緊D咁，加左個鱔球睇下啦。魚+羊=鮮！好彩補番小小飛啦…不過就要留意份量，2個人食的話都係好勉強，鱔係球，唔係片。應該要加多小小先夠喉。

上次食已經係舊舖時代，今次番黎叫番原裝辣味，水準依然。水煮魚片雖然唔係靚魚，但依然好味好滑，最緊要夠香花椒味。虎皮尖椒好鬼香，仲好似玩俄羅斯輪盤，唔知邊隻辣!加埋麻辣粉皮，雖然我地覺得唔夠醬，但都非常美味。最後叫埋麻辣冷麵打包拎走，但d麵質的確麻麻要改善下。可能我地食慣辣，我一d都唔覺其他人話『香港人食唔慣咁辣所以唔好味』相反，我覺得仲未夠辣!講真明知食辣野就有自知之明啦，明明唔食慣辣既，咪小辣小辣咁入手，得先食辣d!都係唔得咪唔好食囉，無人用槍指住你去食嫁。我欣賞既除左係味道之外，更有老闆對四川風味既執著。如果無依種執著，食黎食去都係果d標準味，咪重悶重無癮。

我之前都係小辣椒做過廚房,,,兩間我都有做過,,我都覺得佢地d野麻麻,,個老世係四川人..不過係好pk,,d,,d菜真係好辣,,好少hk 人會真係食到五級以上ge辣不過果度d回鍋肉係幾好味..

尋日去個老死間舖頭配眼鏡，難得山長水遠o黎北角，要搵d特別野食，一直都好想去小辣椒，老尖個間執左，今次有機會o黎北角試下。因為唔肚餓的關係，兩個人叫了好少野，擔擔面、燻魚、酸辣白菜梗同羊肉扁食湯(唔係好記得個名)。先o黎個酸辣白菜，係黃芽白雖然味道唔錯又幾爽口，不過唔夠辣又冇酸味。燻魚唔太掂，又唔似燻過又唔似炸過，係一舊普通鯇魚加了d燻魚汁。個擔擔面(如圖)初時俾個買相扼左，原來d精華係底，係撈麵有特於平時d湯麵，雖然麻就唔係太勁，但幾夠辣味如果再辣d仲正，麵身有口感幾彈牙。可能d伙計d廣東話唔係好正又唔係好識聽廣東話，個羊肉扁食湯就佢誤導左，我問佢係咪羊肉，佢又話係，原來係普通雲吞不過係羊肉做湯底，我話要加大辣最後o黎了個唔辣，之後要扲番入廚房加辣。其實我見其他野好吸引，可惜得兩個人食唔到，唯有下次叫多d人陪我食。

我和朋友一起去.我食雞絲掠面,朋友食担担面.但面太硬,很難食啦!!!

前幾日lunch 去過... 電視機真係有d too loud. anyway, ordered set lunch 口水雞+白飯有例湯, 幾好味, 咁ge價錢都算係咁. 服務一般, 衛生環境ok.