小辣椒 (已改名) 查看

一次偶然令我品嚐此店的招牌菜，一試便知何謂正宗四川風味﹗獨門「蟹相麵」屬推介之作，辣汁不掩肉蟹鮮味，麵條索了汁的香味更是一絕，劉師傅的四代家傳川菜功力果然厲害﹗山椒爆鴨胸辣味十足，椒麻雞清香可口，實在一試難忘，只是後者比較油膩一點，稍微扣分。劉師傅訴說了何謂川菜七味，並非麻辣「獨沽一味」﹗想食正宗川菜非到「小辣椒」不可。

一排無嚟，今日抽起條筋想食辣野；於是嚟呢到食晏。叫了：干撈炸醬麵（＄２５送涷飲）：只係將一Ｄ肉碎獻淋上麵上面。個獻咸咸地，無乜特別，可以話失望。下次一定唔叫。口水雞（＄３５）：水準保持到，雖然雞肉多碎骨，但個汁夠辣夠香，食到最尾、頭皮開始發麻個種感覺，真係十分正。不枉我專程嚟呢到食晏。總括嚟講水準比起舊店好似差左少少，所以見到食晏時比以前少了Ｄ人。希望佢可以重拾水準，畢竟都幫襯左好幾年，而且係北角區食四川野嘅地方都唔算太多。

d o野味道好奇怪...甜多過辣..咩都甜..我同gf去食..order左一個魚香肉絲一個油爆蝦一個賽螃蟹. 魚香肉絲同蝦就好甜..賽螃蟹就食完先來..總之一句...無下次咯..

25/11 5pm公司一連7日系City Gdn Hotel開班,OT黑暗既日子又黎料!set好晒d野一丁友出黎食d野.見呢間d下午茶幾經濟,d野又幾啱食,所以一試.要左個素冷麵$10---麵既份量頗多,白而扁身既幼麵,口感一般,拌冷麵汁食味道一般啦!,另要左3隻津白餃及3隻韭菜餃,$1隻.餃子味道亦一般,餃皮偏粉,煮得太耐!餡料算新鮮.加埋$16無加一,無要求啦!試過就算.若吾系價錢平會比喊樣.

食物質素唔好, 有時啲肉乾乾的, 味道差強人意, 唔多鍾意! 午餐晚餐食過三四次後, 無次啱食, 北角咁多好嘢食, 都無法再幫襯.

約左朋友仔放工後食下飯原本吾是去這間ka不過我又吾想再亂行找"津味居"既然見到米走入去try try一如舖名, 全是spicy food我們試左1. 水煮魚片(好油, but 好香口, 有d滑粉做底, 好味)2. 螞蟻上樹(以為是炒蛋白tim, 原來炒粉絲, 都好味, 一路都好熱ka, 可惜為食的小蒼蠅同我爭食)3. 雲吞(普通)

暫時呢段時間都會響北角搵食啦, 因為我最近響北角番工, haha第一日番工同事帶我黎呢度食lunch,佢地平時都幾鍾意黎呢度食飯我地叫左羊肉鍋麵,紅燒大腸同回鍋肉, 紅燒大腸煮得好腍好入味, 回鍋肉應該係用左豬肉,但個樣好似肥牛,半肥瘦,切得薄薄一片,幾特別幾好食, 羊肉鍋麵就普通左d,味道夠不過好少羊肉埋單每人$24, o岩o岩飽, 好過食大家樂o個d,所以下次應該會再黎食, 幾有興趣食佢既麻辣野

昨晚同朋友第一次去食, 算係比想像中好, 味道都幾好, 價錢亦算合理, 每樣餸買相都唔差, 所以都值得一試.(5分滿分)小辣椒炒飯- 4水煮魚- 3(都係東莞好食D)夫妻肺片- 3麻婆豆付- 3

不用多說了, 喜歡食辣的人士, 不去是你的損失。最近劉老闆仲話開24小時, 如果屬實, 真係幾時都有辣野食喇!多謝劉老闆去年請過我飲15年陳二鍋頭, 特別寫了首詩敬贈:十五年陳二鍋頭, 酒味清醇易入喉。若然世間沒老劉, 幾曾嘗得此美酒?

上個星期日，即係母親節，我老豆介紹，於是去咗呢間食野，慶祝母親節。印象幾好，唔差。其實裝修幾地道，可以話係簡單，好平民化。服務都OK。1. 口水雞: 真係好好味，皮滑肉彈牙，辣汁好香好味2. 水煮魚片: 魚片好似係雪藏魚柳，但又幾好食喎，有魚味，有肉無骨，加埋粉皮喺底幾特別，而這個水煮都幾麻辣。3. 夫妻肺片: 似乎係牛展多過似肺片，麻麻地。4. 麻辣羊肉煲: 麻辣夠哂麻辣，但羊肉唔夠軟熟。5. 火腿津白雜菇湯: 幾好飲，用來降火幾好。

今日去試左個$168二人套餐\, 有辣椒炒蟹, 拍黃瓜, 火腿津白同南瓜餅, 火腿津白份量勁少, 基本上本人得三條, 拍黃瓜不過不失, 辣椒炒蟹又係勁細隻, 不過味道都ok, 最好食就係個南瓜餅.2個人食完等完無食, 終於要走去其他鋪頭再食小食...

昨晚心思思又去左食, 兩個人只係點左三樣野干煸辣雞($68) - 以雞類中呢款菜價錢係最貴, 要了中辣, 乾身無汁, 籃中有大量辣椒乾, 胡椒, 黑椒, 蒜頭, 味道咸香, 辣辣地送酒唔錯紅油炒手($16) - 有六粒雲吞, 普通饅頭($10) - 朋友話質地好粗, 麻麻地好食青島純生($6) - 四支改了新餐牌, 價錢亦加了, 無咩服務可言, 食到半路中途仲有隻小強出來, 但應該會繼續幫襯, 因喜歡佢地既食物味道夠濃

星期六晚上8點去到坐滿晒人, o岩o岩有張四人就坐底低, 三個人叫了...水煮牛肉- 用木桶裝住, 牛肉份量都幾多, 大大舊幾滑, 配料還有筍, 但切得太薄無口感, 沉底還有粉皮泡椒雞- 雞很少, 但味道唔錯, 同炒既椒好似細番茄咁, 食落咸咸地辣辣地幾好味, 朋友話呢間野整雞係最好味螞蟻上樹- 普通皮蛋豆腐- 皮蛋份量很少, 豆腐亦硬, 麻麻地荳沙鍋餅- 熱辣辣, 又唔太甜, 唔錯仲有幾支啤酒, 埋單$210, 差唔多啦

之前都係北角“小辣椒”食過幾次，覺得某D 小菜好唔掂！(如:“魚香茄子”竟然有豆辦醬，而且仲要係酸酸地0既！)至於其他就有D都可以0既！講返今次令我谷氣0既事先，事緣今日(15/04/2005)，同事提議去“小辣椒”食晏，一睇餐牌就知係加0左價，特價午餐無0左，而有D小菜仲一加加成五蚊添！我地決定好食乜之後，同事A就開始叫0野，佢叫0左0野之後，到同事B諗住叫，但寫單個阿叔〈老闆0黎0既〉又掛住嗌入廚房同入面0既人講0野，到同事B講0左3次佢先聽到！咁都仲未算，到我落單0既時候，我講第一次，佢聽唔到，到第二次，佢又掛住應第二D客〈註：佢一直都係企0係我隔離寫單0既)，跟住我忍唔住就話“搞錯呀！同你講0野你又掛住應其他人，有冇禮貌架？！”佢話“我應埋人地咪應你囉！等一陣姐！”我跟住話“喂！你識唔識做生意架？同你講0野你又唔應‧”點知佢話“呢度唔係好巴閉架咋！0黎食0野姐使乜咁勞氣？”我還擊“我夠你呢度唔巴閉啦！”佢竟然仲話“巴閉你就去酒店啦！”嘩！你地話呢D叫做乜0野態度呀？！XYZXYZXYZ??!?!?!?!由於我唔想其他同事尷尬，所以我就無再理佢‧跟住到D餐湯0黎喇！有冇搞錯呀！邊

星期日9點去到仲係好多人, 所以就叫了外賣麻椒雞($35) - 大量蔥粒, 椒粒浸著雞, 很入味, 但完全唔辣, 好好味麻辣雞絲冷麵($18) - 比堂食更好味, 可能今次沒有叫小辣關係, 食完之後條脷 帶點麻