小草十八怪石鍋米線 (已結業)

⭕️瑤柱蒜蓉海鮮荷葉飯💰$65👧🏻💬雖然望落去隻色唔係好吸引，但係其實好重嘅海鮮味同埋蒜蓉味，完全唔覺得腥，用荷葉包住仲有一種好新鮮嘅感覺。.⭕️九餸石鍋米線💰$85👧🏻💬上枱嘅時候職員會問你需唔需要佢嘅協助，如果你答需要，佢會到咗啲需要煮熟嘅餸菜落去先，之後加湯，再加其他嘅餸同埋米線。.⭕️芒果烏龍茶💰+$12👧🏻💬超級無敵大杯，不過飲之前要撈一撈個底，如果唔係飲到個底就會好甜。.👧🏻💬睇到社交平台嘅米線group人哋影嘅相非常之吸引，之前食過一間又係過橋米線類似咁嘅樣（唔開名，但係感覺好普通，貴又貴過呢一間，最後都決定俾個機會佢。今次果然無揀錯，去到係手機落單，唔使諗即刻揀咗個蒜蓉荷葉飯，之後就係呢個九餸石鍋米線，而我揀咗嘅係香辣金湯。五星滿分👌👉🏻黑毛豬梅肉片⭐️⭐️⭐️⭐️👉🏻花膠⭐️👉🏻素包片⭐️⭐️⭐️👉🏻蟲草花⭐️⭐️⭐️👉🏻五香辣豬軟骨⭐️⭐️⭐️⭐️👉🏻 小草酸辣炸醬⭐️⭐️⭐️⭐️⭐️👉🏻紅燒螺片⭐️⭐️👉🏻雞蛋⭐️⭐️👉🏻紅燒牛肚⭐️個湯底辣辣地，而且好香甜，如果你係食譚仔嘅三小辣，你應該會食到，否則會出晒汗同埋流鼻水，好過引😇。佢仲有其他湯底，下一次要試吓佢嘅酸菜魚！

今晚黎呢間係旺角新開既石鍋米線餐廳，意外地發現好味荷葉飯！.瑤柱蒜蓉海鮮荷葉飯雖然本身我唔係為荷葉蒸飯而黎，但呢個飯真係好出色！飯面既海鮮食材有蒜蓉蒸元貝、珊瑚蚌、鯛魚片、魷魚圈及蟹柳；蒸飯唔係白飯咁普通而係有蝦米、瑤柱及冬菇粒，令飯粒軟硬適中又香噴噴，好好味。.石鍋米線 $85呢個係我本身見fb有人推介而黎食。.湯底我揀左香辣金湯，係咸蛋黃味。9個配料就係花膠、豬潤、大腸、響鈴、蘿蔔、紅燒牛筋、鹵水腩肉、麻辣炸醬 同埋 鵪鶉蛋.睇枱上指示圖，就知係先落芽菜韭菜，然後落配料再加湯，焗佢一陣再落米線。個石鍋好熱，所以米線好快煮好，唔知係咪自己整，好食.餐廳仲有串燒供應，叫左幾串食，韭菜、蒜蓉燒原條茄子、同埋encore 蒜蓉燒扇貝雖然冇串燒檔咁有風味，但味道不錯

喺通菜街新開咗間主打石鍋米線 喺米線關注組都有略略名氣除咗石鍋米線仲有自選餸嘅車仔米線 各或麵飯 籠仔荷葉飯 特色小食 串燒 價錢都好合理石鍋米線$85 可以任選9款菜式 再以9宮格送上其後送上一整個石鍋及湯底店員都好友善幫手整埋個石鍋米線陸續將材料放入 等湯滾起再放米線 再等多陣就食得啦😆湯底揀咗香辣金湯 係以金華火腿瑤柱肉骨湯再加辣 湯底較稠 比較馬拉風味🙈 幾有特色 但個人鍾意普通麻辣湯多啲米線幼身滑身 軟中帶彈 加上用石鍋食好耐都仲好熱餸菜十分推薦雞肉 大件得黎十分嫩滑 蘿蔔都好淋身入味特飲+$12 特大凍檸檬茶，芒果凍頂烏龍茶超巨大嘅飲品🤣🤣🤣 兩款茶底都幾香唔澀再嗌咗幾款串燒小食串燒都好惹味又唔貴 其中我地最鍾意雞軟骨

朋友極鍾意食米線，知道旺角開左呢間食石鍋米線既餐廳之後，就帶左我去朝聖。打開餐牌，見到佢有好多選擇，包括係石鍋米線、普通米線同埋好多唔同既小食！我地一人點左一份石鍋米線。首先可以自選湯底同埋麵，跟住就可以揀9款配料咁多！啲材料係放喺九宮格既碟上面，望落好精緻！佢係上菜既時候，配料、麵同湯都會分開，跟住再自己放哂入熱辣辣既石鍋上，感覺好有風味，值得一試啊！我地亦都點左啲小食，有燒羊肉串、皮蛋、扇貝等，好正！配埋啤酒就perfect!

食過翻尋味：又再去Encore😀❤️好食又特色的米缐，好有火鍋feel的石鍋米線，名字又是怪怪的⋯⋯點怪法、咪就係叫做小草十八怪😂😂🥳特色又夠怪的石鍋米線，食嘢可以好似玩咁，你話做人幾咁開心，所以今日又同個朋友嚟一齊感受一吓這個又特色又好食又抵食的石鍋米線🍜我哋叫咗兩個石鍋米線、一個蒸飯同埋幾串串燒😊———————-🐟酸菜魚湯米線配九款餸：酸菜魚湯好香又多酸菜。熱辣辣好好味😋牛肉、豬肉、豬腩、花膠、墨魚、羊肚菌、豬大腸、魚片！由頭食到尾都係一個熱辣辣的石鍋米線🍜有得玩有得食真係幾開心！————————🐷肉骨茶薯粉配九款餸：肉骨茶味亦都好香濃、好濃郁嘅藥材味好香、配有豬軟骨、豬腩肉、脆肉鯇、花膠、豬大腸、肉醬、蘿蔔、羊肚菌、雞翼😊🐷豬軟骨好入味，而且亦都好爽脆，咬落嘅軟骨卜卜脆：好好食😋🐷豬腩肉：又係我最愛嘅豬腩肉。滷得相當入味又有口感😀🐟脆肉鲩又係我嘅至愛喎😂🐟花膠當然又係唔小得😋🐷豬大腸：唔知係咪同豬有仇。咁鍾意食🐷豬😂😂😂😂🐷呢度嘅肉醬又係好好食😋所以又要食😊🍃羊肚菌其實係一個植物，而且亦都好有益，食落好爽口好甜😋🐔雞翼又係滷得入味⋯⋯😊—————————-🐷瑤柱冬菇土魷肉餅蒸飯：呢

朋友推介我去旺角食一間由石鍋米線做主打嘅餐廳，鍾意gimmick嘢嘅我就緊係要去試吓啦。原來唔止石鍋米線，仲有好多蒸飯、串燒同小食選擇。🥰〈石鍋米線〉🫕🍜喺幾款湯底裏面我揀咗火腿瑤柱湯，咬得好夠味，好似飲緊老火湯咁，幾清甜。可以揀九款配料，每款配料都有兩至三舊，啱晒鍾意食唔同配料嘅我哋。店員好細心咁為我地按次序將配料同米線擺入石鍋裏面，估唔到石鍋嘅熱力足以令到雞肉煮熟，真係好犀利。〈各式串燒〉🍢🥓🌽串燒嘅選擇非常多，我哋都揀咗唔少試吓，包括有金菇、豆卜、牛油粟米、雞腎、雞軟骨、羊肉、沙嗲牛柳、牛舌同埋牛仔骨。其中最推介嘅係雞腎，雞軟骨同牛舌，因為燒到好香，牛油粟米好大嚿而且好甜。〈椒麻蝦膠腐皮脆卷〉🫔🦐呢款小食超級推介，因為蝦膠打到非常彈牙，加埋腐皮去炸，外脆內軟，配埋秘製醬汁，食都停唔到口。〈飄香紅油皮蛋〉🥚同出面嘅紅皮蛋有少少唔同，加咗少少醋，都幾解膩。有興趣去試吓呢間餐廳嘅朋友就知到底佢嘅性價比有幾高，小食全部都係十幾二十幾蚊，都冇乜幾邊間餐廳可以咁抵食！🥳🤑

工作時成日都要去吾同地方今日途經旺角，發覺左呢間貼地平價小店以特色石鍋米線為主打仲有勁多吾同花款如籠仔荷葉飯，串燒，小食，湯飯等五花八門，實有一款岩食😂.【餐牌】.【石鍋米線 $85】呢鍋米線係可以由自己DIY而成的🤣無論係湯底，粉麵定係配料都可以選擇小編選左酸菜魚湯+米線跟住係37款配料中選9款等左一陣，預熱好嘅石鍋同9格配料就準備好如你亦係第一次食，建議比店員幫手製作😂經過一輪DIY，最後蓋上木蓋等30秒就食得石鍋嘅保暖度強勁，Keep住都係熱辣辣的湯頭鮮香辛辣，酸而開胃配上多款材料，口感更係豐富😆推薦：蟹柳，鳳尾虎蝦仁，鹵水雞翼，鵪鶉蛋.【瑤柱蒜蓉海鮮荷葉飯 $65】以木箱承載荷葉飯，造型令人眼前一亮一般海鮮飯都係蝦，魷魚居多呢到吾單止表面鋪滿蟹柳，虎蝦，魷魚特別嘅係仲有鮮魚肉，珊瑚蚌，瑤柱等真係好足料👍建議加$12配特大檸檬茶比普通檸茶大成3倍有多😂份量真係驚人.【口水雞髀 $25】雞髀已切好件，肉質嫩滑更醃入味淋上香辣醬汁，好惹味！.【翠玉瓜 $10。墨魚丸 $12。順化炭燒豬肉串 $12】翠玉瓜口感清脆墨魚丸焦香彈牙豬肉串嫩中帶點Q彈，豬肉香突出.【司華力腸 $15】只係$

米線向來都是港人最愛的美食之一，尤其是那濃郁入味的湯底，每次想起都讓人垂涎三尺。最近見好多人推介呢間「小草十八怪石鍋米線」，今晚專登嚟試下！鵝黃色招牌，好搶眼，店內放滿植物裝飾，走田園風，感覺好清新。呢度嘅石鍋米線同一般嘅米線店好唔同，可以自選湯底、麵類同 9 款餸料。點完餐後，店員會隨即送上一壺湯、石鍋及配菜等，客人可根據米線製作步驟，自己 DIY。我哋揀咗火腿瑤柱肉骨湯，湯底清甜夠味，不過鹹，應該無落味精，喝完也不口渴。米線爽滑又煙韌，食到最後都無發脹。配料味道亦不俗，鯛魚片滑溜味鮮、花膠滑嘟嘟、牛柏葉爽口彈牙，每一啖都吃到不同餸菜，豐盛大滿足！其實除咗米線，餐廳仲有籠仔荷葉飯、小食同串燒等供應。揀咗款瑤柱蒜蓉海鮮荷葉飯 ($65)，睇下幾足料，頂頭鋪滿了扇貝、鯛魚片、魷魚圈、蝦、蟹柳、珊瑚蚌等，飯底入面仲有冬菇、瑤柱同蝦米，食落好香口，量夠又美味。+$6 可以叫杯凍咖啡，而青檸薄荷梳打亦都只係 +$12，勁大杯，小清新得嚟仲夠晒怡人醒胃。另外再點咗啲小食同串燒，南乳炸雞翼 ($20) 鹹香酥脆，入口帶微微酒香。五香香辣豬軟骨 ($25) 腍滑入味、椒麻蝦膠腐皮脆卷 ($26) 脆

香港人真係好鍾意食米線，包括我在內一個禮拜都食兩至三次😁， 今次就哩到旺角呢一間小草十八怪石鍋米線，位於女人街街頭（先達嗰邊） 門口裝修型格餐廳座位寬敞。哩到又點會唔試下石鍋米線呢， 因為見到隔離枱食緊好吸引，有九個碟仔裝住配料， 配料嘅選擇有成三四十款咁多，然之後再揀返自己鍾意嘅湯底， 我同朋友分別揀咗馬來肉骨茶同埋酸辣魚湯， 米線上枱嘅時候，侍應會教我哋先將蔬菜同肉類放入石鍋，加入湯底焗一焗，之後再加埋咪線同埋其他比較快熟嘅配料，好快就食得啦。 之前去雲南旅行試過食過一次石鍋米線，喺香港就真係第一次先食好回味呀。除咗米線之外呢度仲有串燒、小食、荷葉飯可以選擇， 我哋叫咗蒜蓉燒扇貝好新鮮，夠曬鮮甜，扇貝肉又彈牙，另外仲叫咗燒牛仔骨啖啖肉唔會燒到過火，串燒嘅價錢都唔算貴，另外見到啲套飯都係30零蚊左右，都抵食呀。飲品勁力杯，夏天岩哂

同朋友見到呢間石鍋米線好似好好玩咁，仲要有串燒食，即卡約埋一齊黎試。中午黎到都幾多人食 lunch , 不過店鋪夠大，係樓上鋪。座位都好闊落。石鍋米線可以揀一款湯底先，再揀麵底同九樣唔同既餸。揀左馬拉肉骨茶湯米線，配豆卜，響鈴，蘿白，封門牛柳，黑牛柏葉，美國肥牛，黑毛豬梅肉片。擺左個九宮格，賣相十分之吸引，然後會有職員指導你煮左 d 菜先再落肉，再加湯，亦都有 menu 教學，好好玩，米線十分大碗，一個人食一份真係未必食得哂。肉骨茶湯底又幾好味，忍唔住係咁飲另外仲叫左唔少串燒，金菇串燒，韭菜串燒，燒得好香，翠玉瓜串燒。我最愛既牛油粟米，甜甜地好入口。原條茄子串燒，真係好大條，同埋中間加左蒜蓉令到佢好香，燒得岩岩好，值得一試。司華力腸，雞腎串燒，牛舌串燒，牛仔骨串燒特別推薦雞軟骨串燒同孜然羊肉串燒，雞軟骨好有咬口，外脆內軟。羊肉味夠香騷，配埋孜然粉一流。蒜蓉燒扇貝，好滑，一啖食落去好正叫多左個口水雞脾，好抵食，真係成隻雞脾，少少辣更加開胃，雞肉好嫩滑揀左特飲，黎到嘩左一聲，因為真係好大杯，完全唔驚唔夠飲，食哂 d 野都只係飲左半杯，仲有大半杯剩慢慢飲，朋友揀左青檸薄荷梳打，佢都大讚好飲。

之前行經通菜街已經留意到有間新開嘅米線舖，名稱好特別叫「小草十八怪石鍋米線」。其後再喺社交平台米線群組見到大家瘋狂討論，令到我想食嘅決心更加大🤣，自己食一次先參究到好食與否。我同朋友星期日下午兩點半鐘去到都要等位，餐廳人氣超高👏，而且留意返樓層面積好大，座位數量都多！即使晏啲嘅時間散咗食午餐嘅人，但客人仍然源源不絕。呢度環境乾淨企理，冷氣充足，加上有大玻璃窗透光，感覺舒服。此外，餐廳嘅裝修令人印象深刻，黃加綠嘅組合色調好矚目💚💛，並以植物同裝飾花作點綴，整個格調有別於一般米線店。想簡單食碗米線的話，最平$35有交易。不過如果有時間同埋想食得繽紛啲，就可以揀石鍋米線！米線以外，佢亦有賣籠仔荷葉飯以及串燒同小食，選擇非常之多，樣樣都好吸引😍。石鍋米線🍜($85)，任選九款配料，不可重複，同時麵底同湯底亦有得揀。食呢個石鍋米線絕對需要有足夠空間，因為湯底、麵條、餸料同石鍋器皿全部分開上。客人其後就可以按照教學，逐一將食材加至石鍋煮熟。可供選擇嘅配料超過三十款，由左上順序講到右下🍖，佢哋分別係牛丸、紅燒牛肚、紅燒牛筋、鹵水腩肉、黑牛柏葉、五香辣豬軟骨、鳳尾虎蝦仁、封門牛柳以及香辣蕃茄牛肋條。基

這間名字特別，石鍋米線也相當有特色的「小草十八怪石鍋米線」，位置就在旺角亞皆老街與通菜街（女人街）的交界位，前身是一間台菜餐廳，之前的餐廳結業後，就換上了這主打石鍋米線的店子。新店沿用了不少舊店的設計，以大量綠色植物做裝飾，一片綠意盎然的樣子，感覺舒服。初次上來，兩夫妻都點了這裡最有特色的「石鍋米線」（$85）做晚餐。這特別的「石鍋米線」，侍應先把石鍋送上，然後客人便可趁熱把另上的熱湯倒到石鍋裡。這裡的湯有香辣金湯、酸菜魚湯、沙嗲湯、馬來肉骨茶和火腿瑤柱肉骨湯五款可揀，而我倆就揀了覺得酸菜魚湯。至於米線材料方面，這特色石鍋米線有差不多三十款可揀，客人可在其中揀選其中九樣（不能重複），我揀了封門牛柳、冬菇、鹵水腩肉、羊肚菌、花膠、鳳尾虎蝦、黑牛柏葉、鹵水雞翼和鯛魚片，老婆仔就揀了封門牛柳、冬菇、蘿蔔、紅燒牛筋、花膠、蟹柳、響鈴、鯛魚片和雞肉。兩夫妻都不嗜辣，就只揀了微辣的湯。雖然我的鳳尾虎蝦只得一隻，但大部分材料的份量都算適中，不會太少，而且九款材料放在九宮格的盛器上，也顯得整齊吸引。豐富的材料，拍照過後，與米線一起全部放進石鍋湯中，想吃甚麼便吃甚麼，先吃甚麼便吃甚麼，便成了一頓可口飽肚

一直都好鍾意食米線，今日咁啱經過呢間好似開咗冇耐嘅小店，有石鍋米線食，仲有串燒，見到選擇幾多就決定試吓。首先一入到去好似園林咁樣，成個報紙都幾舒服。嚟到呢度當然要試佢嘅石鍋米線啦，不過米線平時食得多所以就試吓薯粉。米線$85，可以揀九款配料，配料嘅選擇都好豐富，而且唔係話好低質嗰啲食材，豬軟骨、牛肚、腩肉，呢啲都係我最鍾意食嘅，都有齊晒。首先店員會呈上石鍋，同埋一大堆配料，石鍋非常熱，然後逐樣配料倒入個鍋度，冚上蓋等佢慢慢加熱熟透，之後再加入薯粉同埋湯底，我哋揀咗香辣金湯，因為湯底入面仲有酸菜，所以有種酸辣嘅香味，整體非常豐富亦都好好味，重點係有熱鍋就可以keep住個溫度，唔會好快冷卻而影響到味道。另外我哋仲嗌咗好多款小食同埋串燒，全部都係即叫即整，炸嗰啲小食，一上枱真係好脆同埋唔會好乾，重點係全部價錢都非常親民，嗌多都唔會荷包痛😂串燒味道都唔錯，有孜然香，再加少少酒味，味道冇咁單調。飲品方面嗌左杯青檸梳打，超級大杯，又唔會好甜 酸酸地飲飲下好快就飲晒😂😂呢餐都真係幾滿足同埋抵食。

黎到旺角行完街想搵個地方食下野，見到有間開嘅米線舖好似幾特別咁就去試下佢有九宮格石鍋米線，可以比你揀自己鍾意嘅配料，仲有好多小食可以叫我地見個九宮格石鍋米線咁得意可以自己DIY，即刻一人一個叫黎試下香辣金湯（紅燒牛筋，牛柏葉，腩肉，肥牛，蘿蔔響鈴，炸醬，紅燒牛肚，雞肉）店員見我哋未食過就幫我哋整咗一次，等我哋睇完先再自己試另外一個。香辣金湯入面有香濃嘅鹹蛋黃味仲有南瓜嘅味道，辣度適中。呢個湯底都係第一次見，絕對值得encore酸菜魚湯米線（蘿蔔，腐皮，雞肉，豬軟骨，十八怪炸醬，冬菇，封門牛柳，墨丸，紅燒牛肚）酸菜魚湯酸酸地又有啲微辣，每樣配料都好好味，牛柳同雞肉用石鍋煮完都好滑，而蘿蔔已經炆淋左，牛肚同豬軟骨都好肉味，一次過可以食到咁多餸真係好滿足手拍紅油青瓜青瓜好新鮮，食落清甜又爽脆，配埋辣油好開胃口手雞髀滷水雞髀嘅份量好大，而且好貼心咁切開左，雞髀啖啖肉而且呢相當入味串燒雞翼雞翼上面放滿左孜然粉，燒得好香脆凍頂烏龍茶食辣野一定要配返杯凍飲，我哋見咗兩杯凍定烏龍茶，黎到俾佢嘅份量嚇親，呢個份量兩個人share都得，認真抵飲