小王牛肉麵 (已結業)

牛肉真係好難咬，湯好淡， 鹽酥雞粒面粉多過肉。價錢唔貴，但我覺是但走入一間茶記應該都好過小王，唔信？自己入去叫個牛肉麵，平時唔講粗口都應該詩意大發。應該係我人生中最差既餐店

星期三，七點幾，冇乜客，入去坐低待應俾咗兩杯水，其中一隻杯上面成條酸菜喺度，算，兩個人飲一杯免得煩叫咗鹽酥雞排飯，雞排好多粉，未算太差，珍珠米，好乾，冇飯味；牛肉粗麵，其中一舊咬落去好硬，咬到啲筋啪啪聲斷開戲玉黎喇，埋單$119，呢間野唔知要食幾多錢先可以碌卡，我食過幾次怕咗佢，俾$120現金，找一蚊等咗陣都唔攞黎，見到人地遲過我埋單都找埋錢走人，後來有待應問我有咩幫手，我話等找錢，諗住佢問我俾咗幾多就話俾咗$200，然後佢迅速攞番一蚊過黎，即係特登唔找錢啦！點解咁唔妥呢間野，老套用現金都算喇，上次埋單找$10，佢厚面皮到五蚊兩蚊三個一蚊咁找，博攞貼士，咁既服務仲好意思要貼士？？宜家寫緊食評仲嬲，收加一嘅食肆，多多限制唔俾人碌卡？茶記呀？有時間我寫埋信去港鐵同台灣小王反映一下，做壞個商場同招牌！

尋日下午一点五十分，特登去小王吃我喜愛的牛肉面，已經係第三次去啦。午餐时间快完想坐卡位，但待應叫我坐圓枱，雖不是最合心意但都無乜所謂。叫了碗半筋半肉面午餐，面到了，女侍應一手飛碗面過黎，但不給我筷子！究竟叫我如何食？叫另一女侍應給我筷子，佢竟然話等等，然後去執枱！我碗面凍唒喇，成六十蚊碗㗎！你話我以後仲去唔去呀嗱btw條幼面煮太耐淋唒：(

服務態度～真係差到難以至信！起初，店內人客唔多，雖然有好多空位坐，但我覺得禮貌上客人係企係門口等你派位安排，點知企咗一陣都無人理，門口水吧有服務員見到我都唔會叫樓面同事帶我入去，算數，我最後自己入去坐底，朋友黎到後我地一齊諗食咩，忽然有個服務員好無禮貌咁話有人要答枱，叫我地坐埋一邊，我明白繁忙時間讓位俾其他人係應該，但作為服務員用命令既態度叫客人坐埋一邊，唔該/唔好意思都無講一句！餐牌上有嘢飲價錢方面想詢問，服務員好似當我地殺父仇人咁。之後落單叫n 年都無人黎，不停話轉頭轉頭，之後有人經過就一手搶咗張落單紙就走人，嘢食黎到無講咩黎，放底就走。未食嘢已經同朋友肚火💢嘢食方面～鹽酥雞扒麵： 雞扒的確好大塊，可惜食落去好似食緊炸粉咁，完全食唔到有肉係入面！炸粉上面有調味粉，所以味道一定唔差，但真係唔覺自己食咗肉。麵就只係奶白色清湯浸麵，嚴格啲係講係水浸麵。肉燥滷蛋飯： 肉燥可接受（個人認為茶木啲肉醋好味過佢）滷蛋無味得個硬字，好難食！配菜竟然係三舊生青瓜！離晒譜，我寧願你俾幾條白菜我好過。飲品方面～蜂蜜愛玉（額外配珍珠）：無咩特別，唔見有啫喱，好甜珍珠奶茶：好難飲，未飲過咁差既珍珠奶茶！應該

第一次寫食評，估唔到要寫人生食過最難食嘅台灣牛肉麵。本人其實都鍾意食台灣嘢，但呢間真係有屎以來最難食嘅 。星期五晚嘅德福真係好難揾食，見未食過呢間，又見咁多人排隊，心諗應該唔錯。我叫左個肉燥鹽酥雞扒飯，朋友叫左碗半筋半肉麵，再叫一杯水蜜桃鮮草莓綠茶及一杯青苹果冰茶。碗麵中規中矩，但碟雞飯真係攞命! 第一眼見到好驚喜，因為塊雞扒有兩隻手掌咁大 。再睇真啲，原來炸粉成吋厚，雞肉得返一半 。最後兩半嘢飲無咩特別，得個甜字。

一行五人黎到德福，原本想去飲茶，但實在太多人了。於是轉移陣地黎到試下這間餐廳。鹽蘇雞飯好好味，雞塊超大，炸得香口半筋半肉面都好好食，牛肉湯濃郁仲有叫咗好多小食，如魷魚蘇，雞翼炸蠔仔等，不過太肚餓冇影到相總括這餐廳食物ok.不過服務一般，點菜叫好多次都冇人理，仲連bb櫈都唔識擺，要我自己擺，實在要改善。

一直想試小王，終於上星期吃過了整體來說頗抵食，份量足，味道好，價錢相宜，會再去雞蛋布甸－比較差, 味道幾假鹵肉鹽酥雞排飯－塊雞大過手掌，好驚喜，味道亦很好，只係要熱氣下了麻醫A菜－原來係沙律，開胃之選牛筋牛肉面－正常野柚子玫瑰花茶－ok 好飯，但睇漏左原來可以$6加配無柚子版本．．牛肉酥餅－十分香口，推介之作

之前同老公食過一次覺得幾好食,專登去德福再食,但今次真係感覺唔良好之餘重要覺得佢地處理食物好有問題,真係應該影底碗麵先比店員收走!叫左牛筋麵同牛肉麵,老公比左兩舊牛筋比我食,放入口之前見到d黑色一條條野,再望真d原來成舊都係毛,好噁心咩胃口都冇,叫店員問,點知位小姐同我講供應商d貨係甘唔係佢地問題,好多客都問過真係呆左,明知有問題就停左佢啦！都唔緊要,換其他食物算,好客氣甘問位小姐甘我轉其他麵可以嗎？佢答我唔得,只可以拎走上面d牛筋換牛肉,因為個麵底本身冇問題!真係好不知所謂食物出現問題唔比換,真係第一次聽,老公話唔緊要照要牛肉!!!兩碗麵食落口好林,好似煮左好耐甘!得三杯雞係ok服務態度同食物質素真係要檢討下,牛筋出問題,唔應該關個客人事!!!唔會再幫襯呢間,要去都去其他分店!!!!

星期日和台灣的小純一起剪頭髮，我們都十分滿意，原來女為悦己者容，一個新的髮型也可以令我們樂上半天了，當然我們肚子又咕咕声，小純說她想回顧那些年，所以我們打算吃台灣美食!真幸運，被我們找到台南的小王牛肉麵，看起來不錯，我們都選了半筋半肉麵，要加酸菜的!當牛肉麵送上，看起來蠻不錯，我對台灣很有情意結，每年總要到一次遊玩!去年去了日月潭，今年呀彬帶我去了一個浪漫之旅，我們去了天長地久橋，所以台南真的很有意思! 這個麵的肉汁很濃，有点藥材味，但牛肉很入味，加上半牛筋很爽很滑，口感不錯! 酸菜味道也很好味，我們也叫了一個小吃，就是豬腸酸菜，做得入味! 難怪台湾美女也大讚不錯，地方有少少迫，但食物質素不俗，我的冬瓜茶也很甜! 下次要帶呀彬來試我們香港的冬瓜茶了!

今日同朋友去食小王牛肉麵，排隊五分鐘度就有得食，入到坐位，我地兩個女仔嗌左牛根幼面同牛根腩闊面，小食就咋左鹽酥雞排！同兩杯飲品！食物不久就陸續送上，先講我碗牛根面，好林好軟身嘅牛根好好食，亦有些較爽口嘅牛根，湯底好香牛肉味，我加了少少辣，更是惹味，坐得算舒服嘅環境，比起平時茶記食牛根面，真係環境衛生都好好多！另外，小食鹽酥雞排，好大塊，份量可以兩至三人，即嗌即炸，很香口，外皮好脆，味道吾錯，但略厭咸左少少。至於朋友嘅闊面，我就冇試啦，但她都話湯底好食，牛肉很嫩口，吾錯！整體嚟講，環境，食物，服務都可以的，不錯！

今日Mega Box睇完戲，決定去德福食飯，經過小王，見唔駛等，就決定去小王食~~辣金錢肚粉皮 - 呢個粉皮，麻辣味重，除咗麻都係麻，咩都都食唔到卥蛋肉燥飯 - 呢個卥肉唔錯，不過如果可以再多啲汁會開心啲，個卥蛋都好入味，飯入面加幾𡁫青瓜真係清新好多，感覺無咁鹹炸大排飯 - 本身大少係想要另一個肉燥大排飯，點知我幫佢叫錯咗，但係錯有錯著，呢個大排飯點知又唔錯，個大豬扒好鬆軟，唔會炸過龍，食得出個豬扒係有醃過，唔會就咁就炸三杯中卷 - 起初唔知咩叫卷，嚟到先發覺原來係魷魚筒，嚟到之後，發覺好香，可惜，汁唔夠多，同埋中卷唔阿多，蒜頭多過餸

兩個人去食，我自己叫咗個「半筋半肉粗麵」$58同埋一杯「水蜜桃草莓綠茶」$18。首先係個麵：個人覺得粗麵比幼麵比較有口感、硬身啲，而幼麵煮得太腍。 牛肉超韌！食完會攝牙～ 牛筋又太腍，無起膠嘅感覺、無口感，仲腍過腸粉。只係個湯底、香味取勝。唔覺得值$58。之後係杯野飲：味道唔錯，好香甜。適合鍾意飲甜嘢嘅人。我自己本身好食得甜嘢，但呢杯嘢真係太甜，搞到我飲飲下要加少少水！好似飲緊濃縮利賓立但未溝水嘅感覺。服務態度：一般，無特別印象，無好無壞如果下次再去，唔會食翻呢個麵，會想試下其他嘢！

是日午餐叫咗：半筋半肉粗麵&牛腩幼麵（三碗肉都又硬又冇味超難食，湯底和麵還可）肉躁飯（正常）排骨湯麵（排骨厚身的還可，但白色湯底冇味）一齊落單，食物來齊 飲品還未到要摧六十幾蚊碗嘢又貴又唔好食，一定唔會再去😤

行過幾次，都覺得好香牛肉麵味，終於忍唔住要試下。坐地諗咗陣，牛肉麵味咁香唔係唔叫個半筋半肉牛肉麵試下啊，另外再加咗杯餐飲綠茶多多。牛肉牛筋都夠"林"，但未試過個麵有咁多毛，有d嚇親，應該可以衛生d，湯唔夠濃，加辣椒油就好食好多。杯綠茶多多，無綠茶味，似飲緊藥水多d。朋友嗰個仲慘，肉豬手飯個豬手無味又鞋，應該無醃製過，完全食唔落剩返兩嚿，另外杯桂花茶太甜，最後大家係極失望咁食唔晒飲唔晒，要去隔離再食過。

最怕weekend在德福找吃的，一係太貴所以有位，一係就等到天荒天暗，這次正正就是tea time而魚子醬一家三口都未食Lunch，懷住「有位就入」的心態來了小王牛肉麵，其實進來之時還對Reception Desk的「蝦叔叔」台灣爆熱食品心心眼啊!! 魚子媽從不好台灣食品，去到台灣都無乜衝動係夜市掃呢樣個樣，上月的台中之旅也沒有吃過牛肉麵，竟然未有衝動到程班長之前，就撞入了這家小王，心知食友圈中評價麻麻，但這次只管「有位，有野食」。牛肉有點韌，但麵條不錯，彈牙而且粗幼厚薄都適中，至於湯底就彷佛是豉油湯 店內卡位夠多，環境幾舒服的，而且二期這邊的人流比較疏落，所以不會人山人海在門口 另外點的肉燥飯和椒鹽豆腐，前者偏乾身，變了重口味肉碎飯，不能跟台灣本土的魯肉飯相提並輪。如果這天要飯麵中選一個，個人較愛牛肉麵了 唯一可取的是豆腐的骰小巧，外脆內軟帶微微椒鹽調味，而且新鮮熱辣已加分。忽然想喝杯珍珠奶茶，質素可接受，珍珠也夠煙韌，合格也。 有時用餐就著重環境多於食物，這裡坐得舒適，人流少，食物不過不失，若然再一次遇著「好餓，有位就入」的情況，應該會再來。