小王牛肉麵 (已結業)

鹽酥雞扒肉燥飯$58-小王牛肉麵比招牌牛肉麵還要出色! 鹽酥雞炸得香脆可口, 炸粉並無過厚, 肉質嫩滑, 上面曬上調味粉, 配以肉燥佐飯一流! rating:7/10

係德福周圍行下邊到有野食啦，就經過呢間牛肉麵店，加上好似好耐有食中餐就行左入去啦。自己就想補充多啲骨膠原所以就叫個牛筋面試下😊上餐速度都唔差嘅。面黎到就梗係要飲啖湯底先啦，都好香牛肉味喎，又唔會太濃，亦唔會太咸，味道恰到好處。👍🏽牛筋又炆到軟綿綿，咬入口充滿膠質，真係食完都覺得好開心呀。另外仲叫左個炸雞排，個炸粉唔會好厚，因為我好怕食炸粉，咬入口仲有啲雞汁，好juicy 😋

本身想食牛肉麵，見到呢間好似好吸引咁,所以入左去食.下午茶時段好少人,吾洗等就可以坐低,一坐低即刻黎左幾杯水,講真d水好難飲,吾知加左d咩,所以強力建議吾好飲佢d水!之後點左個五香牛肉拌麵,d牛肉幾好食,有牛味,都算吾錯,但係d麵好少,飲幾啖就食哂,完全吾配個價,如果想食多d麵可以揀台式炸醬麵.

昨晚第一次到這店醫肚，幾個人選不同麵款，點知全部中伏，無一款煮得好食！主打嘅牛腩完全無味唔到位！蓮藕片沒有調味，衹放有辣椒油，非常失望！我們席間閒聊，一邊吃一邊傾，好明顯未食完，D待應大概每隔六至八分鐘便問你還吃嗎，收走嗎，朋友立刻上海火不勝其煩，寫下字條放在枱上，內容是不好再打擾等，果然不夠一分鐘，又來問，今次我已放下筷子，沒有回答，她就自行將碟子碗筷收走 。我們也不再久留，亦不會再光顧這間劣店！

做嘢過咗嚟九龍灣，諗住求其食，就入左小王牛肉麵。 不過入嚟無食牛肉麵 ，反而叫左酥炸雞扒飯，有驚喜喎！ 比想像中大碟（雖然都唔平），雞扒新鮮炸起，炸粉不多，熱辣辣幾好食！ 不過大份左啲，我就食唔晒，男仔嚟食應該夠晒飽肚啦！

食物一般，環境不好我今日湊完呀女放學就去左呢間食lunch, 兩個人唔俾卡位，咁就坐兩個sofa位。呀女未夠3歲就同佢share左個滷肉飯，差唔多食完時，呀姐同我講一陣有人坐埋黎，我無理佢，諗住都係安排兩人黎者，點知係3個人。（呀女唔夠高食，我唯有俾佢坐大脾食，另一個位放手袋同書包。）食客入到黎都覺唔對路，都無3個位俾佢，呀姐就叫我攞開手袋坐逼d。仲話我兩個人只叫一個飯，好似意思我只能坐一個位咁。服務態度真係太差喇！（唔通我要叫個飯俾一個3歲小朋友？！）我湊完放學上到去都已經12:20左右，我埋單時都係12:50。半個鐘食餐飯好正常者，小朋友食得慢！但唔洗咁催我走呀？一入到去d呀姐都大大聲聲咁好似趕住去死咁落單，上菜！總之，唔會再去！食完飯後，一肚氣

有時想食台式野就會黎呢度食！覺得呢度既食物質素一向都不俗先來一個酸辣湯味道都幾辣嫁！而且尚算足料，木耳絲，素雞等等仲叫左個油炸大排飯即炸豬排飯個size無炸雞排咁大份不過都一樣好味！炸得香脆而飯量都足夠，其實上面既肉躁夠我食哂成個飯😋😋😋叫左杯抹茶latte 加仙草抹茶味道可以再濃一點店內環境，因為早到無咩人

我點得 炸大排飯，當然會把期望放在炸大排上，可惜是它的肉已被鬆至無纖維，無論是怎樣加重調味，我總是吃得出它的蘇打味！ 肉燥飯的味道是沒怎麼樣，它的肉碎是很細碎而且瘦削，撈不起太多飯！綠茶多多，額外加錢加珍珠，味道頗重，需要等冰塊溶化後才能喝得安心！

某日和太座出席完某 "政黨" 的活動後, 太座提議到在附近的 小王牛肉麵 吃晚餐 ~半筋半腩麵 (要粗麵要酸菜) $58份量足, 先呷一口湯, 湯底味濃鮮甜也有幾分清香, 完全不覺油膩, 而且嚐不出有味精 ~ 牛筋烹調得 "勉強" 腍滑香嫩, 富膠質, 叫人吃得不夠過癮, 大有改進的空間 ~牛腩烹調得有點硬, 而且咬落黐牙 .... 其他分店也未試過有這種情況 粗麵亦是比較一般, 略嫌軟了些許 ~ 水準比其他分店是略遜一籌, 但感覺依然很台式 , 以這個價位來說, 算是一般, 仍然值得支持 ~本篇完 ~

今日早收工，經過呢間小王牛肉麵，突然好掛著台灣夜市小食，打算來試下小食，飲下珍珠奶茶同埋hea 下…杯珍珠奶茶一般，無咩特別，直白d講句，飲貢茶好過！個鹽酥豆腐…好多都碎濕濕，5知係特色定係咩原因，味道就…一言難盡！26蚊一小碟(其實我食左3小舊)真係“超值”個鹽酥花枝丸…32蚊得果4粒都算，一粒花枝丸入面食到有好多肥豬肉，我知係想個花枝丸更有口感，更好味先加肥豬肉，但係d肥豬肉真係有d多，仲多過花枝丸入面既花枝！最後就係碟廚師推介既酸菜豬腸，我預左豬腸係肥，不過古5到係肥到你5信，腸入面既肥膏連群結隊，我未開始食，放左一陣，d肥膏已由透明變左做奶白色，簡直令人望而生畏！當然食豬腸中意食大秋大秋肥膏既人，不妨來試下！

搞完活動，耗盡體力，梗係要祭吓個五臓廟，一行4人決定食個台式lunch.是日我食左個午市set lunch另外加小食、野飲：豬手肉躁飯：個飯係普通白飯，但米粒較「淋」身，點解唔用口感QQ(煙「刃」)的台灣米（扁咀），個飯唔夠熱噃，只係略帶微溫；套餐3件豬手份量ok，豬手「魯」味道ok算入味，豬皮唔彈彈牙亦略「刃」，也唔太易咬，再淋身返少少會Better d，好在豬手d毛都去得幾清；伴碟蒜蓉青瓜爽脆；肉躁味帶咸，肉碎分明又具口感，但個汁較多油，肥膩少少。炸蚵仔：炸蚵仔略帶金黃，鹽酥味咸咗少少，炸槳算脆身，蚵仔size算ok大，咬落外脆內軟，也感受到蚵仔在口內爆開噴汁果個震撼，唔腥值得一讚，但咸左所以都係要打個折。熱薏米水：好清淡，好少少少甜味，幾濃薏米味。個set lunch其實係唔包野飲同小食，不過可以平d加野飲小食甘囉......

來自高雄既小王牛肉麵都唔係第一次幫襯，不過令我印深刻既，反而係佢地既鹽酥雞扒…是日叫左碟雞排飯，先嚐一口雞，嘩！好香脆喎！雞皮炸到脆卜卜，好似食緊薯片咁，無誇張，鷄肉又保持嫩滑，我認為比近年開到成行成市既連鎖店X木更高一班。而且雞扒貫徹台灣既大塊頭，好滿足好夠食。是日仲叫左杯凍抹茶拿鐵，相對咁高水準既雞排就比下去，抹茶味不濃不甘不苦，質地稀簿，拌埋忌廉，飲落只覺得個甜字，失唔少分！ 總評：3.8分

一陣子沒有光顧了, 今次沒有選擇以往食開的牛肉麵, 選擇了雞排飯及需時準備的蛋黃豬肉餅(30分鐘, menu已經寫了, 但又想試試. 決定 ... 等). 雞排都算可以, 炸起出來熱辣辣, 幾脆口, 比之前食的一次較好. 肉餅等了30分鐘 ... 肉質食落比較鬆散, 味道亦一般, 有點失望 . 

放假接男友收工，諗唔到食咩，見里間就快係屋企附近開新店，禁當然一早試左先。六點半無咩人，一去到就可以入去，重要坐卡位👍🏻👍🏻我食半筋半肉麵，男友食牛肉麵，我地兩個都要粗麵，鐘意個種像刀割麵的口感。麵的硬度適中，湯底帶少少藥材味👍🏻牛筋好淋，有好多塊肉囉，食唔晒😅男友喜歡手抓餅，叫黎試下，我覺得薄左少少，味道有啲淡，同埋個種油酥味我唔太喜歡一口鹽酥雞，粉醬薄，唔會咬落去成口粉，好入味。不過個人喜歡胡椒粉味再重啲，所以另外加😜個蠔煎同我係台灣食的感覺完全唔一樣，厚實好多，好足料，而且加多左好多蔥👍🏻👍🏻👍🏻唔會一夾就散里個價錢有禁的質素會再去的👍🏻👍🏻

此店地點環境算一流，但味道又不算好好味, 總結食物可以接受。我們一行四人，叫了滷牛三寶，半筋半肉麵，原汁牛肉麵，士林鹽酥雞扒，蚵仔煎，鳳梨黑醋骨，台南肉醬茄子，總類上，各樣試下。滷牛三寶， 可惜滷水未夠入味，但質料亦算好OK半筋半肉麵， 牛展及牛筋煮得夠，不會硬，整體味道中上原汁牛肉麵， 又是麵，煮定，上檯前又不用熱水，重新整理分散開，麵條結成一塊士林鹽酥雞扒， 粉太厚及雞肉又薄了點蚵仔煎， 和想像完全不同，有些失望，蠔仔好細，我話似韮菜餅多些鳳梨黑醋骨， 似生炒骨，但碟頭細了些台南肉醬茄子， 入味，上檯好吸引，唯一是油多了些，總結是不錯的，大家試試。